Eccl 22

Teljes szövegű keresés

Eccl 22
Eccl 22.1
in lapide luteo lapidatus est piger et omnes loquentur super aspernationem illius
Eccl 22.2
de stercore boum lapidatus est piger et omnis qui tetigerit eum excutiet manus
Eccl 22.3
confusio patris est de filio indisciplinato in filia autem in deminoratione fiet
Eccl 22.4
filia prudens hereditas viro suo nam quae confundit in contumeliam fit genitoris
Eccl 22.5
patrem et virum confundit audax et ab impiis non minorabitur ab utrisque autem inhonorabitur
Eccl 22.6
musica in luctu inportuna narratio flagella et doctrina in omni tempore sapientia
Eccl 22.7
qui docet fatuum quasi qui conglutinet testam
Eccl 22.8
qui narrat verbum non adtendenti quasi qui excitat dormientem de gravi somno
Eccl 22.9
qui enumerat stulto et in fine dicit quis est hic
Eccl 22.10
super mortuum plora defecit enim lux eius et super fatuum plora defecit enim sensus
Eccl 22.11
modicum plora supra mortuum quoniam requievit
Eccl 22.12
nequissimi enim nequissima vita super mortem fatui
Eccl 22.13
luctus mortui septem dies fatui autem et impii omnes dies vitae illorum
Eccl 22.14
cum stulto non multum loquaris et cum insensato ne abieris
Eccl 22.15
serva te ab illo ut non molestiam habeas et non coinquinaberis in inpactu illius
Eccl 22.16
deflecte ab illo et invenies requiem et non acediaberis in stultitiam illius
Eccl 22.17
super plumbum gravabitur et quod illi aliud nomen quam fatuus
Eccl 22.18
harenam et salem et massam ferri facilius est portare quam hominem inprudentem et fatuum et impium
Eccl 22.19
loramentum ligneum conligatum fundamento aedificii non dissolvetur sic et cor confirmatum in cogitatione consilii
Eccl 22.20
cogitatus sensati in omni tempore vel metu non pravabitur
Eccl 22.21
sicut pali in excelsis et cementa in inpensa posita contra faciem venti non permanebunt
Eccl 22.22
sic et cor timidum in cogitatione stulti contra impetum timoris non resistit
Eccl 22.23
sic et cor trepidum in cogitatione fatui omni tempore non metuebit sic et qui in praeceptis Dei permanet semper
Eccl 22.24
pungens oculum deducens lacrimas et qui pungit cor proferet sensum
Eccl 22.25
mittens lapidem in volatilia deiciet illa sic et qui conviciatur amico dissolvit amicitiam
Eccl 22.26
ad amicum et si produxeris gladium non desperes est enim regressus ad amicum
Eccl 22.27
si aperuerit os triste non timeas est enim concordatio excepto convicio et inproperio et superbia et mysterii revelatione et plaga dolosa in his omnibus effugiet amicus
Eccl 22.28
fidem posside cum proximo in paupertate illius ut et in bonis illius laeteris
Eccl 22.29
in tempore tribulationis illius permane illi fidelis ut et in hereditate illius coheres sis
Eccl 22.30
ante ignem camini vapor et fumus ignis inaltatur sic et ante sanguinem maledicta et contumeliae et minae
Eccl 22.31
amicum salutare non confundaris et a facie illius non me abscondam et si mala mihi evenerint per illum sustineo
Eccl 22.32
omnis qui audiet cavebit se ab eo
Eccl 22.33
quis dabit ori meo custodiam et supra labia mea signaculum certum uti ne cadam ab ipsis et lingua mea perdat me

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages