1Par 18

Teljes szövegű keresés

1Par 18
1Par 18.1
factum est autem post haec ut percuteret David Philisthim et humiliaret eos et tolleret Geth et filias eius de manu Philisthim
1Par 18.2
percuteretque Moab
1Par 18.3
et fierent Moabitae servi David offerentes ei munera
1Par 18.4
eo tempore percussit David etiam Adadezer regem Suba regionis Emath quando perrexit ut dilataret imperium suum usque ad flumen Eufraten
1Par 18.5
cepit ergo David mille quadrigas eius et septem milia equites ac viginti milia virorum peditum subnervavitque omnes equos curruum exceptis centum quadrigis quas reservavit sibi
1Par 18.6
supervenit autem et Syrus damascenus ut auxilium praeberet Adadezer regi Suba sed et huius percussit David viginti duo milia virorum
1Par 18.7
et posuit milites in Damasco ut Syria quoque serviret sibi et offerret munera adiuvitque eum Dominus in cunctis ad quae perrexerat
1Par 18.8
tulit quoque David faretras aureas quas habuerant servi Adadezer et adtulit eas in Hierusalem
1Par 18.9
necnon de Thebath et Chun urbibus Adadezer aeris plurimum de quo fecit Salomon mare aeneum et columnas et vasa aenea
1Par 18.10
quod cum audisset Thou rex Emath percussisse videlicet David omnem exercitum Adadezer regis Suba
1Par 18.11
misit Aduram filium suum ad regem David ut postularet ab eo pacem et congratularetur ei eo quod expugnasset et percussisset Adadezer adversarius quippe Thou erat Adadezer
1Par 18.12
sed et omnia vasa aurea et argentea et aenea consecravit rex David Domino cum argento et auro quod tulerat ex universis gentibus tam de Idumea et Moab et filiis Ammon quam de Philisthim et Amalech
1Par 18.13
Abisai vero filius Sarviae percussit Edom in valle Salinarum decem et octo milia
1Par 18.14
et constituit in Edom praesidium ut serviret Idumea David salvavitque Dominus David in cunctis ad quae perrexerat
1Par 18.15
regnavit ergo David super universum Israhel et faciebat iudicium atque iustitiam cuncto populo suo
1Par 18.16
porro Ioab filius Sarviae erat super exercitum et Iosaphat filius Ahilud a commentariis
1Par 18.17
Sadoc autem filius Ahitob et Ahimelech filius Abiathar sacerdotes et Susa scriba
1Par 18.18
Banaias vero filius Ioiada super legiones Cherethi et Felethi porro filii David primi ad manum regis

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages