1Reg 4

Teljes szövegű keresés

1Reg 4
1Reg 4.1
erat autem rex Salomon regnans super omnem Israhel
1Reg 4.2
et hii principes quos habebat Azarias filius Sadoc sacerdos
1Reg 4.3
Helioreph et Ahia filii Sesa scribae Iosaphat filius Ahilud a commentariis
1Reg 4.4
Banaias filius Ioiadae super exercitum Sadoc autem et Abiathar sacerdotes
1Reg 4.5
Azarias filius Nathan super eos qui adsistebant regi Zabud filius Nathan sacerdos amicus regis
1Reg 4.6
et Ahisar praepositus domus et Adoniram filius Abda super tributa
1Reg 4.7
habebat autem Salomon duodecim praefectos super omnem Israhel qui praebebant annonam regi et domui eius per singulos enim menses in anno singuli necessaria ministrabant
1Reg 4.8
et haec nomina eorum Benhur in monte Ephraim
1Reg 4.9
Bendecar in Macces et in Salebbim et in Bethsemes et Helon Bethanan
1Reg 4.10
Benesed in Araboth ipsius erat Soccho et omnis terra Epher
1Reg 4.11
Benabinadab cuius omnis Nepthad Dor Tapheth filiam Salomonis habebat uxorem
1Reg 4.12
Bana filius Ahilud regebat Thanac et Mageddo et universam Bethsan quae est iuxta Sarthana subter Hiezrahel a Bethsan usque Abelmeula e regione Iecmaan
1Reg 4.13
Bengaber in Ramoth Galaad habebat Avothiair filii Manasse in Galaad ipse praeerat in omni regione Argob quae est in Basan sexaginta civitatibus magnis atque muratis quae habebant seras aereas
1Reg 4.14
Ahinadab filius Addo praeerat in Manaim
1Reg 4.15
Ahimaas in Nepthali sed et ipse habebat Basmath filiam Salomonis in coniugio
1Reg 4.16
Baana filius Usi in Aser et in Balod
1Reg 4.17
Iosaphat filius Pharue in Isachar
1Reg 4.18
Semei filius Hela in Beniamin
1Reg 4.19
Gaber filius Uri in terra Galaad in terra Seon regis Amorrei et Og regis Basan super omnia quae erant in illa terra
1Reg 4.20
Iuda et Israhel innumerabiles sicut harena maris in multitudine comedentes et bibentes atque laetantes
1Reg 4.21
Salomon autem erat in dicione sua habens omnia regna sicut a flumine terrae Philisthim usque ad terminum Aegypti offerentium sibi munera et servientium ei cunctis diebus vitae eius
1Reg 4.22
erat autem cibus Salomonis per dies singulos triginta chori similae et sexaginta chori farinae
1Reg 4.23
decem boves pingues et viginti boves pascuales et centum arietes excepta venatione cervorum caprearum atque bubalorum et avium altilium
1Reg 4.24
ipse enim obtinebat omnem regionem quae erat trans flumen quasi a Thapsa usque Gazam et cunctos reges illarum regionum et habebat pacem ex omni parte in circuitu
1Reg 4.25
habitabatque Iudas et Israhel absque timore ullo unusquisque sub vite sua et sub ficu sua a Dan usque Bersabee cunctis diebus Salomonis
1Reg 4.26
et habebat Salomon quadraginta milia praesepia equorum currulium et duodecim milia equestrium
1Reg 4.27
nutriebantque eos supradicti regis praefecti sed et necessaria mensae regis Salomonis cum ingenti cura praebebant in tempore suo
1Reg 4.28
hordeum quoque et paleas equorum et iumentorum deferebant in locum ubi erat rex iuxta constitutum sibi
1Reg 4.29
dedit quoque Deus sapientiam Salomoni et prudentiam multam nimis et latitudinem cordis quasi harenam quae est in litore maris
1Reg 4.30
et praecedebat sapientia Salomonis sapientiam omnium Orientalium et Aegyptiorum
1Reg 4.31
et erat sapientior cunctis hominibus sapientior Aethan Ezraita et Heman et Chalcal et Dorda filiis Maol et erat nominatus in universis gentibus per circuitum
1Reg 4.32
locutus est quoque Salomon tria milia parabolas et fuerunt carmina eius quinque et mille
1Reg 4.33
et disputavit super lignis a cedro quae est in Libano usque ad hysopum quae egreditur de pariete et disseruit de iumentis et volucribus et reptilibus et piscibus
1Reg 4.34
et veniebant de cunctis populis ad audiendam sapientiam Salomonis et ab universis regibus terrae qui audiebant sapientiam eius

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages