Zach 11

Teljes szövegű keresés

Zach 11
Zach 11.1
פְּתַח לְבָנֺון דְּלָתֶיךָ וְתֹאכַל
אֵשׁ בַּאֲרָזֶיךָ׃
Zach 11.2
הֵילֵל בְּרוֺשׁ כִּי־נָפַל אֶרֶז
אֲשֶׁר אַדִּרִים שֻׁדָּדוּ הֵילִילוּ
אַלּוֺנֵי בָשָׁן כִּי יָרַד יַעַר 1 הַבָּצוּר 2 הַבָּצִיר׃
Zach 11.3
קוֺל יִלְלַת הָרֹעִים כִּי שֻׁדְּדָה
אַדַּרְתָּם קוֺל שַׁאֲגַת כְּפִירִים
כִּי שֻׁדַּד גְּאוֺן הַיַּרְדֵּן׃ ס
Zach 11.4
כֹּה אָמַר יְהוָה אֱלֹהָי רְעֵה
אֶת־צֹאן הַהֲרֵגָה׃
Zach 11.5
אֲשֶׁר קֹנֵיהֶן יַהֲרְגֻן וְלֹא
יֶאְשָׁמוּ וּמֹכְרֵיהֶן יֺאמַר בָּרוּך
יְהוָה וַאעְשִׁר וְרֹעֵיהֶם לֹא
יַחְמוֺל עֲלֵיהֶן׃
Zach 11.6
כִּי לֹא אֶחְמוֺל עוֺד עַל־יֺשְׁבֵי
הָאָרֶץ נְאֻמ־יְהוָה וְהִנֵּה אָנֺכִי
מַמְצִיא אֶת־הָאָדָם אִישׁ בְּיַד־רֵעֵהוּ
וּבְיַד מַלְכּוֺ וְכִתְּתוּ ת־הָאָרֶץ
וְלֹא אַצִּיל מִיָּדָם׃
Zach 11.7
וָאֶרְעֶה אֶת־צֹאן הַהֲרֵגָה לָכֵן
עֲנִיֵּי הַצֹּאן וָאֶקַּח־לִי שְׁנֵי
מַקְלוֺת לְאַחַד קָרָאתִי נֺעַם
וּלְאַחַד קָרָאתִי חֹבְלִים וָאֶרְעֶה
אֶת־הַצֹּאן׃
Zach 11.8
וָאַכְחִד אֶת־שְׁלֹשֶׁת הָרֹעִים בְּיֶרַח
אֶחָד וַתִּקְצַר נַפְשִׁי בָּהֶם וְגַמ־נַפְשָׁם
בָּחֲלָה בִי׃
Zach 11.9
וָאֹמַר לֹא אֶרְעֶה אֶתְכֶם הַמֵּתָה
תָמוּת וְהַנִּכְחֶדֶת תִּכָּחֵד וְהַנִּשְׁאָרוֺת
תֹּאכַלְנָה אִשָּׁה אֶת־בְּשַׂר רְעוּתָהּ׃
Zach 11.10
וָאֶקַּח אֶת־מַקְלִי אֶת־נֺעַם וָאֶגְדַּע
אֹתוֺ לְהָפֵיר אֶת־בְּרִיתִי אֲשֶׁר
כָּרַתִּי אֶת־כָּל־הָעַמִּים׃
Zach 11.11
וַתֻּפַר בַּיֺּום הַהוּא וַיֵּדְעוּ
כֵן עֲנִיֵּי הַצֹּאן הַשֹּׁמְרִים אֹתִי
כִּי דְבַר־יְהוָה הוּא׃
Zach 11.12
וָאֹמַר אֲלֵיהֶם אִמ־טוֺב בְּעֵינֵיכֶם
הָבוּ שְׂכָרִי וְאִמ־לֹא חֲדָלוּ
וַיִּשְׁקְלוּ אֶת־שְׂכָרִי שְׁלֹשִׁים
כָּסֶף׃
Zach 11.13
וַיֺּאמֶר יְהוָה אֵלַי הַשְׁלִיכֵהוּ
אֶל־הַיֺּוצֵר אֶדֶר הַיְקָר אֲשֶׁר
יָקַרְתִּי מֵעֲלֵיהֶם וָאֶקְחָה שְׁלֹשִׁים
הַכֶּסֶף וָאַשְׁלִיך אֹתוֺ בֵּית
יְהוָה אֶל־הַיֺּוצֵר׃
Zach 11.14
וָאֶגְדַּע אֶת־מַקְלִי הַשֵּׁנִי אֵת
הַחֹבְלִים לְהָפֵר אֶת־הָאַחֲוָה
בֵּין יְהוּדָה וּבֵין יִשְׂרָאֵל׃
ס
Zach 11.15
וַיֺּאמֶר יְהוָה אֵלָי עוֺד קַח־לְךָ
כְּלִי רֹעֶה אֱוִלִי׃
Zach 11.16
כִּי הִנֵּה־אָנֺכִי מֵקִים רֹעֶה
בָּאָרֶץ הַנִּכְחָדוֺת לֹא־יִפְקֹד
הַנַּעַר לֹא־יְבַקֵּשׁ וְהַנִּשְׁבֶּרֶת
לֹא יְרַפֵּא הַנִּצָּבָה לֹא יְכַלְכֵּל
וּבְשַׂר הַבְּרִיאָה יֺאכַל וּפַרְסֵיהֶן
יְפָרֵק׃ ס
Zach 11.17
הוֺי רֹעִי הָאֱלִיל עֹזְבִי הַצֹּאן
חֶרֶב עַל־זְרוֺעוֺ וְעַל־עֵין
יְמִינֺו זְרֹעוֺ יָבוֺשׁ תִּיבָשׁ
וְעֵין יְמִינֺו כָּהֹה תִכְהֶה׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages