Hos 12

Teljes szövegű keresés

Hos 12
Hos 12.1
סְבָבֻנִי בְכַחַשׁ אֶפְרַיִם וּבְמִרְמָה
בֵּית יִשְׂרָאֵל וִיהוּדָה עֹד
רָד עִמ־אֵל וְעִמ־קְדוֺשִׁים נֶאֱמָן׃
Hos 12.2
אֶפְרַיִם רֹעֶה רוּחַ וְרֹדֵף קָדִים
כָּל־הַיֺּום כָּזָב וָשֹׁד יַרְבֶּה
וּבְרִית עִמ־אַשּׁוּר יִכְרֹתוּ וְשֶׁמֶן
לְמִצְרַיִם יוּבָל׃
Hos 12.3
וְרִיב לַיהוָה עִמ־יְהוּדָה
וְלִפְקֹד עַל־יַעֲקֹב כִּדְרָכָיו
כְּמַעֲלָלָיו יָשִׁיב לוֺ׃
Hos 12.4
בַּבֶּטֶן עָקַב אֶת־אָחִיו וּבְאוֺנֺו
שָׂרָה אֶת־אֱלֹהִים׃
Hos 12.5
וָיָּשַׂר אֶל־מַלְאָך וַיֻּכָל בָּכָה
וַיִּתְחַנֶּנ־לוֺ בֵּית־אֵל יִמְצָאֶנּוּ
וְשָׁם יְדַבֵּר עִמָּנוּ׃
Hos 12.6
וַיהוָה אֱלֹהֵי הַצְּבָאוֺת יְהוָה
זִכְרוֺ׃
Hos 12.7
וְאַתָּה בֵּאלֹהֶיךָ תָשׁוּב חֶסֶד
וּמִשְׁפָּט שְׁמֹר וְקַוֵּה אֶל־אֱלֹהֶיךָ
תָּמִיד׃
Hos 12.8
כְּנַעַן בְּיָדוֺ מֹאזְנֵי מִרְמָה
לַעֲשֹׁק אָהֵב׃
Hos 12.9
וַיֺּאמֶר אֶפְרַיִם אַך עָשַׁרְתִּי
מָצָאתִי אוֺן לִי כָּל־יְגִיעַי
לֹא יִמְצְאוּ־לִי עָוֺן אֲשֶׁר־חֵטְא׃
Hos 12.10
וְאָנֺכִי יְהוָה אֱלֹהֶיךָ מֵאֶרֶץ
מִצְרָיִם עֹד אוֺשִׁיבְךָ בָאֳהָלִים
כִּימֵי מוֺעֵד׃
Hos 12.11
וְדִבַּרְתִּי עַל־הַנְּבִיאִים וְאָנֺכִי
חָזֺון הִרְבֵּיתִי וּבְיַד הַנְּבִיאִים
אֲדַמֶּה׃
Hos 12.12
אִמ־גִּלְעָד אָוֶן אַכְ־שָׁוְא הָיוּ
בַּגִּלְגָּל שְׁוָרִים זִבֵּחוּ גַּם
מִזְבְּחוֺתָם כְּגַלִּים עַל תַּלְמֵי
שָׂדָי׃
Hos 12.13
וַיִּבְרַח יַעֲקֹב שְׂדֵה אֲרָם וַיַּעֲבֹד
יִשְׂרָאֵל בְּאִשָּׁה וּבְאִשָּׁה שָׁמָר׃
Hos 12.14
וּבְנָבִיא הֶעֱלָה יְהוָה אֶת־יִשְׂרָאֵל
מִמִּצְרָיִם וּבְנָבִיא נִשְׁמָר׃
Hos 12.15
הִכְעִיס אֶפְרַיִם תַּמְרוּרִים
וְדָמָיו עָלָיו יִטּוֺשׁ וְחֶרְפָּתוֺ
יָשִׁיב לוֺ אֲדֹנָיו׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages