Dan 2

Teljes szövegű keresés

Dan 2
Dan 2.1
וּבִשְׁנַת שְׁתַּיִם לְמַלְכוּת נְבֻכַדְנֶצַּר
חָלַם נְבֻכַדְנֶצַּר חֲלֹמוֺת וַתִּתְפָּעֶם
רוּחוֺ וּשְׁנָתוֺ נִהְיְתָה עָלָיו׃
Dan 2.2
וַיֺּאמֶר הַמֶּלֶך לִקְרֹא לַחַרְטֻמִּים
וְלָאַשָּׁפִים וְלַמְכַשְּׁפִים וְלַכַּשְׂדִּים
לְהַגִּיד לַמֶּלֶך חֲלֹמֹתָיו וַיָּבֹאוּ
וַיַּעַמְדוּ לִפְנֵי הַמֶּלֶך׃
Dan 2.3
וַיֺּאמֶר לָהֶם הַמֶּלֶך חֲלוֺם
חָלָמְתִּי וַתִּפָּעֶם רוּחִי לָדַעַת
אֶת־הַחֲלוֺם׃
Dan 2.4
וַיְדַבְּרוּ הַכַּשְׂדִּים לַמֶּלֶך אֲרָמִית
מַלְכָּא לְעָלְמִין חֱיִי אֱמַר חֶלְמָא 1 לְעַבְדַּיִך 2 לְעַבְדָך
וּפִשְׁרָא נְחַוֵּא׃
Dan 2.5
עָנֵה מַלְכָּא וְאָמַר 1 לְכַשְׂדָּיֵא 2 לְכַשְׂדָּאֵי
מִלְּתָא מִנִּי אַזְדָּא הֵן לָא
תְהוֺדְעוּנַּנִי חֶלְמָא וּפִשְׁרֵהּ
הַדָּמִין תִּתְעַבְדוּן בָתֵּיכוֺן
נְוָלִי יִתְּשָׂמוּן׃
Dan 2.6
וְהֵן חֶלְמָא וּפִשְׁרֵהּ תְּהַחֲוֺן
מַתְּנָן וּנְבִזְבָּה וִיקָר שַׂגִּיא
תְּקַבְּלוּן מִנ־קֳדָמָי לָהֵן חֶלְמָא
וּפִשְׁרֵהּ הַחֲוֺנִי׃
Dan 2.7
עֲנֺו תִנְיָנוּת וְאָמְרִין מַלְכָּא
חֶלְמָא יֵאמַר לְעַבְדוֺהִי וּפִשְׁרָה
נְהַחֲוֵה׃
Dan 2.8
עָנֵה מַלְכָּא וְאָמַר מִנ־יַצִּיב
יָדַע אֲנָה דִּי עִדָּנָא אַנְתּוּן
זָבְנִין כָּל־קֳבֵל דִּי חֲזֵיתוֺן
דִּי אַזְדָּא מִנִּי מִלְּתָא׃
Dan 2.9
דִּי הֵנ־חֶלְמָא לָא תְהוֺדְעֻנַּנִי
חֲדָה־הִיא דָתְכוֺן וּמִלָּה כִדְבָה
וּשְׁחִיתָה 1 הַזְמִנְתּוּן 2 הִזְדְּמִנְתּוּן
לְמֵאמַר קָדָמַי עַד דִּ עִדָּנָא
יִשְׁתַּנֵּא לָהֵן חֶלְמָא אֱמַרוּ
לִי וְאִנְדַּע דִּי פִשְׁרֵהּ תְּהַחֲוֻנַּנִי׃
Dan 2.10
עֲנֺו 1 כַשְׂדָּיֵא 2 כַשְׂדָּאֵי קֳדָמ־מַלְכָּא
וְאָמְרִין לָא־אִיתַי אֲנָשׁ עַל־יַבֶּשְׁתָּא
דִּי מִלַּת מַלְכָּא יוּכַל לְהַחֲוָיָה
כָּל־קֳבֵלדִּי כָּל־מֶלֶך רַב וְשַׁלִּיט
מִלָּה כִדְנָה לָא שְׁאֵל לְכָל־חַרְטֹּם
וְאָשַׁף וְכַשְׂדָּי׃
Dan 2.11
וּמִלְּתָא דִי־מַלְכָּה שָׁאֵל יַקִּירָה
וְאָחֳרָן לָא אִיתַי דִּי יְחַוִּנַּהּ
קֳדָם מַלְכָּא לָהֵן אֱלָהִין דִּי
מְדָרְהוֺן עִמ־בִּשְׂרָא לָא אִיתוֺהִי׃
Dan 2.12
כָּל־קֳבֵל דְּנָה מַלְכָּא בְּנַס וּקְצַף
שַׂגִּיא וַאֲמַר לְהוֺבָדָה לְכֹל
חַכִּימֵי בָבֶל׃
Dan 2.13
וְדָתָא נֶפְקַת וְחַכִּימַיָּא מִתְקַטְּלִין
וּבְעוֺ דָּנִיֵּאל וְחַבְרוֺהִי לְהִתְקְטָלָה׃
ף
Dan 2.14
בֵּאדַיִן דָּנִיֵּאל הֲתִיב עֵטָא
וּטְעֵם לְאַרְיֺוך רַב־טַבָּחַיָּא
דִּי מַלְכָּא דִּי נְפַק לְקַטָּלָה
לְחַכִּימֵי בָּבֶל׃
Dan 2.15
עָנֵה וְאָמַר לְאַרְיֺוך שַׁלִּיטָא
דִי־מַלְכָּא עַל־מָה דָתָא מְהַחְצְפָה
מִנ־קֳדָם מַלְכָּא אֱדַיִן מִלְּתָא
הוֺדַע אַרְיֺוך לְדָנִיֵּאל׃
Dan 2.16
וְדָנִיֵּאל עַל וּבְעָה מִנ־מַלְכָּא
דִּי זְמָן יִנְתֵּנ־לֵהּ וּפִשְׁרָא
לְהַחֲוָיָה לְמַלְכָּא׃ ף
Dan 2.17
אֱדַיִן דָּנִיֵּאל לְבַיְתֵהּ אֲזַל
וְלַחֲנַנְיָה מִישָׁאֵל וַעֲזַרְיָה
חַבְרוֺהִי מִלְּתָא הוֺדַע׃
Dan 2.18
וְרַחֲמִין לְמִבְעֵא מִנ־קֳדָם
אֱלָהּ שְׁמַיָּא עַל־רָזָה דְּנָה דִּי
לָא יְהֹבְדוּן דָּנִיֵּאל וְחַבְרוֺהִי
עִמ־שְׁאָר חַכִּימֵי בָבֶל׃
Dan 2.19
אֱדַיִן לְדָנִיֵּאל בְּחֶזְוָא דִי־לֵילְיָא
רָזָה גְַלִי אֱדַיִן דָּנִיֵּאל בָּרִך
לֶאֱלָהּ שְׁמַיָּא׃
Dan 2.20
עָנֵה דָנִיֵּאל וְאָמַר לֶהֱוֵא
שְׁמֵהּ דִּי־אֱלָהָא מְבָרַך מִנ־עָלְמָא
וְעַד־עָלְמָא דִּי חָכְמְתָא וּגְבוּרְתָא
דִּי לֵהּ־הִיא׃
Dan 2.21
וְהוּא מְהַשְׁנֵא עִדָּנַיָּא וְזִמְנַיָּא
מְהַעְדֵּה מַלְכִין וּמְהָקֵים מַלְכִין
יָהֵב חָכְמְתָא לְחַכִּימִין וּמַנְדְּעָא
לְיָדְעֵי בִינָה׃
Dan 2.22
הוּא גָּלֵא עַמִּיקָתָא וּמְסַתְּרָתָא
יָדַע מָה בַחֲשׁוֺכָא 1 וּנְהִירָא 2 וּנְהוֺרָא
עִמֵּהּ שְׁרֵא׃
Dan 2.23
לָך אֱלָהּ אֲבָהָתִי מְהוֺדֵא וּמְשַׁבַּח
אֲנָה דִּי חָכְמְתָא וּגְבוּרְתָא
יְהַבְתְּ לִי וּכְעַן הוֺדַעְתַּנִי
דִּי־בְעֵינָא מִנָּך דִּי־מִלַּת מַלְכָּא
הוֺדַעְתֶּנָא׃
Dan 2.24
כָּל־קֳבֵל דְּנָה דָּנִיֵּאל עַל עַל־אַרְיֺוך
דִּי מַנִּי מַלְכָּא לְהוֺבָדָה לְחַכִּימֵי
בָבֶל אֲזַל וְכֵן אֲמַר־לֵהּ לְחַכִּימֵי
בָבֶל ל־תְּהוֺבֵד הַעֵלְנִי קֳדָם
מַלְכָּא וּפִשְׁרָא לְמַלְכָּא אֲחַוֵּא׃
ס
Dan 2.25
אֱדַיִן אַרְיֺוך בְּהִתְבְּהָלָה הַנְעֵל
לְדָנִיֵּאל קֳדָם מַלְכָּא וְכֵן אֲמַר־לֵהּ
דִּי־הַשְׁכַּחַת גְּבַר מִנ־בְּנֵי
גָלוּתָא דִּי יְהוּדדִּי פִשְׁרָא
לְמַלְכָּא יְהוֺדַע׃
Dan 2.26
עָנֵה מַלְכָּא וְאָמַר לְדָנִיֵּאל
דִּי שְׁמֵהּ בֵּלְטְשַׁאצַּר 1 הַאִיתַיִך 2 הַאִיתָך
כָּהֵל לְהוֺדָעֻתַנִי חֶלְמָא דִי־חֲזֵית
וּפִשְׁרֵהּ׃
Dan 2.27
עָנֵה דָנִיֵּאל קֳדָם מַלְכָּא וְאָמַר
רָזָה דִּי־מַלְכָּא שָׁאֵל לָא חַכִּימִין
אָשְׁפִין חַרְטֻמִּין גָּזְרִין יָכְלִין
לְהַחֲוָיָה לְמַלְכָּא׃
Dan 2.28
בְּרַם אִיתַי אֱלָהּ בִּשְׁמַיָּא גָּלֵא
רָזִין וְהוֺדַע לְמַלְכָּא נְבוּכַדְנֶצַּר
מָה דִּי לֶהֱוֵא בְּאַחֲרִית יֺומַיָּא
חֶלְמָך וְחֶזְוֵי רֵאשָׁך עַל־מִשְׁכְּבָך
דְּנָה הוּא׃ ף
Dan 2.29
אַנְתָּה 2 אַנְתְּ מַלְכָּא רַעְיֺונָך
עַל־מִשְׁכְּבָך סְלִקוּ מָה דִּי
לֶהֱוֵא אַחֲרֵי דְנָה וְגָלֵא רָזַיָּא
הוֺדְעָך מָה־דִי לֶהֱוֵא׃
Dan 2.30
וַאֲנָה לָא בְחָכְמָה דִּי־אִיתַי
בִּי מִנ־כָּל־חַיַּיָּא רָזָא דְנָה
גְֶּלִי לִי לָהֵן עַל־דִּבְרַת דִּי
פִשְׁרָא לְמַלְכָּא יְהוֺדְעוּן וְרַעְיֺונֵי
לִבְבָך תִּנְדַּע׃
Dan 2.31
אַנְתָּה 2 אַנְתְּ מַלְכָּא חָזֵה הֲוַיְתָ
וַאֲלוּ צְלֵם חַד שַׂגִּיא צַלְמָא
דִּכֵּן רַב וְזִיוֵהּ יַתִּיר קָאֵם
לְקָבְלָך וְרֵוֵהּ דְּחִי׃
Dan 2.32
הוּא צַלְמָא רֵאשֵׁהּ דִּי־דְהַב
טָב חֲדוֺהִי וּדְרָעוֺהִי דִּי כְסַף
מְעוֺהִי וְיַרְכָתֵהּ דִּי נְחָשׁ׃
Dan 2.33
שָׁקוֺהִי דִּי פַרְזֶל רַגְלוֺהִי 1 מִנְּהוֺן 2 מִנְּהֵין
דִּי פַרְזֶל 1 וּמִנְּהוֺן 2 וּמִנְּהֵין
דִּי חֲסַף׃
Dan 2.34
חָזֵה הֲוַיְתָ עַד דִּי הִתְגְּזֶרֶת
אֶבֶן דִּי־לָא בִידַיִן וּמְחָת
לְצַלְמָא עַל־רַגְלוֺהִי דִּי פַרְזְלָא
וְחַסְפָּא וְהַדֵּקֶת הִמּוֺן׃
Dan 2.35
בֵּאדַיִן דָּקוּ כַחֲדָה פַּרְזְלָא
חַסְפָּא נְחָשָׁא כַּסְפָּא וְדַהֲבָא
וַהֲוֺו כְּעוּר מִנ־אִדְּרֵי־קַיִט
וּנְשָׂא הִמּוֺן רוּחָא וְכָל־אֲתַר
לָא־הִשְׁתֲּכַח לְהוֺן וְאַבְנָא דִּי־מְחָת
לְצַלְמָא הֲוָת לְטוּר רַב וּמְלָת
כָּל־אַרְעָא׃
Dan 2.36
דְּנָה חֶלְמָא וּפִשְׁרֵהּ נֵאמַר קֳדָמ־מַלְכָּא׃
Dan 2.37
אַנְתָּה 2 אַנְתְּ מַלְכָּא מֶלֶך מַלְכַיָּא
דִּי אֱלָהּ שְׁמַיָּא מַלְכוּתָא חִסְנָא
וְתָקְפָּא וִיקָרָא יְהַב־לָך׃
Dan 2.38
וּבְכָל־דִּי 1 דָאֲרִין 2 דָיְרִין בְּנֵי־אֲנָשָׁא
חֵיוַת בָּרָא וְעוֺפ־שְׁמַיָּא יְהַב
בִּידָך וְהַשְׁלְטָך בְּכָלְּהוֺן 1 אַנְתָּה 2 אַנְתְּ־הוּא
רֵאשָׁה דִּי דַהֲבָא׃
Dan 2.39
וּבָתְרָך תְּקוּם מַלְכוּ אָחֳרִי
אֲרַעא מִנָּך וּמַלְכוּ 1 תְלִיתָיָא 2 תְלִיתָאָה
אָחֳרִי דִּי נְחָשָׁא דִּי תִשְׁלַט
בְּכָל־אַרְעָא׃
Dan 2.40
וּמַלְכוּ 1 רְבִיעָיָה 2 רְבִיעָאָה תֶּהֱוֵא
תַקִּיפָה כְּפַרְזְלָא כָּל־קֳבֵל
דִּי פַרְזְלָא מְהַדֵּק וְחָשֵׁל כֹּלָּא
וּכְפַרְזְלָא דִּי־מְרָעַ כָּל־אִלֵּין
תַּדִּק וְתֵרֹעַ׃
Dan 2.41
וְדִי־חֲזַיְתָה רַגְלַיָּא וְאֶצְבְּעָתָא 1 מִנְּהוֺן 2 מִנְּהֵין
חֲסַף דִּי־פֶחָר 1 וּמִנְּהוֺן 2 וּמִנְּהֵין
פַּרְזֶל מַלְכוּ פְלִיגָה תֶּהֱוֵה
וּמִננִצְבְּתָא דִי פַרְזְלָא לֶהֱוֵא־בַהּ
כָּל־קֳבֵל דִּי חֲזַיְתָה פַּרְזְלָא
מְעָרַב בַּחֲסַף טִינָא׃
Dan 2.42
וְאֶצְבְּעָת רַגְלַיָּא 1 מִנְּהוֺן 2 מִנְּהֵין
פַּרְזֶל 1 וּמִנְּהוֺן 2 וּמִנְּהֵין חֲסַף
מִנ־קְצָת מַלְכוּתָא תֶּהֱוֵה תַקִּיפָה
וּמִנַּהּ תֶּהֱוֵה תְירָה׃
Dan 2.43
דִי 2 וְדִי חֲזַיְתָ פַּרְזְלָא מְעָרַב
בַּחֲסַף טִינָא מִתְעָרְבִין לֶהֱוֺן
בִּזְרַע אֲנָשָׁא וְלָא־לֶהֱוֺן דָּבְקִין
דְּנָה עִמ־דְּנָה הֵאכְדִי פַרְזְלָא
לָא מִתְעָרַב עִמ־חַסְפָּא׃
Dan 2.44
וּבְיֺומֵיהוֺן דִּי מַלְכַיָּא אִנּוּן
יְקִים אֱלָהּ שְׁמַיָּא מַלְכוּ דִּי
לְעָלְמִין לָא תִתְחַבַּל וּמַלְכוּתָה
לְעַם אָחֳרָן לָא תִשְׁתְּבִק תַּדִּק
וְתָסֵיף כָּל־אִלֵּין מַלְכְוָתָא
וְהִיא תְּקוּם לְעָלְמַיָּא׃
Dan 2.45
כָּל־קֳבֵל דִּי־חֲזַיְתָ דִּי מִטּוּרָא
אִתְגְּזֶרֶת אֶבֶן דִּי־לָא בִידַיִן
וְהַדֶּקֶת פַּרְזְלָא נְחָשָׁא חַסְפָּא
כַּסְפָּא וְדַהֲבָא אֱלָהּ רַב הוֺדַע
לְמַלְכָּא מָה דִּי לֶהֱוֵא אַחֲרֵי
דְנָה וְיַצִּיב חֶלְמָא וּמְהֵימַן
פִּשְׁרֵהּ׃ ף
Dan 2.46
בֵּאדַיִן מַלְכָּא נְבוּכַדְנֶצַּר
נְפַל עַל־אַנְפּוֺהִי וּלְדָנִיֵּאל
סְגִד וּמִנְחָה וְנִיחֹחִין אֲמַר
לְנַסָּכָה לֵהּ׃
Dan 2.47
עָנֵה מַלְכָּא לְדָנִיֵּאל וְאָמַר
מִנ־קְשֹׁט דִּי אֱלָהֲכוֺן הוּא
אֱלָהּ אֱלָהִין וּמָרֵא מַלְכִין
וְגָלֵה רָזִין דִּי יְכֵלְתָּ לְמִגְלֵא
רָזָה דְנָה׃
Dan 2.48
אֱדַיִן מַלְכָּא לְדָנִיֵּאל רַבִּי
וּמַתְּנָן רַבְרְבָן שַׂגִּיאָן יְהַב־לֵהּ
וְהַשְׁלְטֵהּ עַל כָּל־מְדִינַת בָּבֶל
וְרַב־סִגְנִין עַל כָּל־חַכִּימֵי
בָבֶל׃
Dan 2.49
וְדָנִיֵּאל בְּעָא מִנ־מַלְכָּא וּמַנִּי
עַל עֲבִידְתָּא דִּי מְדִינַת בָּבֶל
לְשַׁדְרַך מֵישַׁך וַעֲבֵד נְגֺו וְדָנִיֵּאל
בִּתְרַע מַלְכָּא ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages