Ez 32

Teljes szövegű keresés

Ez 32
Ez 32.1
וַיְהִי בִּשְׁתֵּי עֶשְׂרֵה שָׁנָה בִּשְׁנֵי־עָשָׂר
חֹדֶשׁ בְּאֶחָד לַחֹדֶשׁ הָיָה דְבַר־יְהוָה
אֵלַי לֵאמֹר׃
Ez 32.2
בֶּנ־אָדָם שָׂא קִינָה עַל־פַּרְעֹה
מֶלֶכְ־מִצְרַיִם וְאָמַרְתָּ אֵלָיו
כְּפִיר גֺּויִם נִדְמֵיתָ וְאַתָּה
כַּתַּנִּים בַּיַּמִּים וַתָּגַח בְּנַהֲרוֺתֶיךָ
וַתִּדְלַח־מַיִם בְּרַגְלֶיךָ וַתִּרְפֹּס
נַהֲרוֺתָם׃
Ez 32.3
כֹּה אָמַר אֲדֹנָי יְהוִה וּפָרַשְׂתִּי
עָלֶיךָ אֶת־רִשְׁתִּי בִּקְהַל עַמִּים
רַבִּים וְהֶעֱלוּךָ בְּחֶרְמִי׃
Ez 32.4
וּנְטַשְׁתִּיךָ בָאָרֶץ עַל־פְּנֵי הַשָּׂדֶה
אֲטִילֶךָ וְהִשְׁכַּנְתִּי עָלֶיךָ כָּל־עוֺף
הַשָּׁמַיִם וְהִשְׂבַּעְתִּי מִמְּךָ חַיַּת
כָּל־הָאָרֶץ׃
Ez 32.5
וְנָתַתִּי אֶת־בְּשָׂרְךָ עַל־הֶהָרִים
וּמִלֵּאתִי הַגֵּאָיֺות רָמוּתֶךָ׃
Ez 32.6
וְהִשְׁקֵיתִי אֶרֶץ צָפָתְךָ מִדָּמְךָ
אֶל־הֶהָרִים וַאֲפִקִים יִמָּלְאוּן
מִמֶּךָּ׃
Ez 32.7
וְכִסֵּיתִי בְכַבּוֺתְךָ שָׁמַיִם וְהִקְדַּרְתִּי
אֶת־כֹּכְבֵיהֶם שֶׁמֶשׁ בֶּעָנָן אֲכַסֶּנּוּ
וְיָרֵחַ לֹא־יָאִיר אוֺרוֺ׃
Ez 32.8
כָּל־מְאוֺרֵי אוֺר בַּשָּׁמַיִם אַקְדִּירֵם
עָלֶיךָ וְנָתַתִּי חֹשֶׁך עַל־אַרְצְךָ
נְאֻם אֲדֹנָי יְהוִה׃
Ez 32.9
וְהִכְעַסְתִּי לֵב עַמִּים רַבִּים
בַּהֲבִיאִי שִׁבְרְךָ בַּגֺּויִם עַל־אֲרָצוֺת
אֲשֶׁר לֹא־יְדַעְתָּם׃
Ez 32.10
וַהֲשִׁמּוֺתִי עָלֶיךָ עַמִּים רַבִּים
וּמַלְכֵיהֶם יִשְׂעֲרוּ עָלֶיךָ שַׂעַר
בְּעוֺפְפִי חַרְבִּי עַל־פְּנֵיהֶם
וְחָרְדוּ לִרְגָעִים אִישׁ לְנַפְשֹׁ
בְּיֺום מַפַּלְתֶּךָ׃ ס
Ez 32.11
כִּי כֹּה אָמַר אֲדֹנָי יְהוִה חֶרֶב
מֶלֶכְ־בָּבֶל תְּבוֺאֶךָ׃
Ez 32.12
בְּחַרְבוֺת גִּבּוֺרִים אַפִּיל הֲמוֺנֶךָ
עָרִיצֵי גֺויִם כֻּלָּם וְשָׁדְדוּ
אֶת־גְּאוֺן מִצְרַיִם וְנִשְׁמַד כָּל־הֲמוֺנָהּ׃
Ez 32.13
וְהַאֲבַדְתִּי אֶת־כָּל־בְּהֶמְתָּהּ מֵעַל
מַיִם רַבִּים וְלֹא תִדְלָחֵם רֶגֶל־אָדָם
עוֺד וּפַרְסוֺת בְּהֵמָה לֹא תִדְלָחֵם׃
Ez 32.14
אָז אַשְׁקִיעַ מֵימֵיהֶם וְנַהֲרוֺתָם
כַּשֶּׁמֶן אוֺלִיך נְאֻם אֲדֹנָי
יְהוִה׃
Ez 32.15
בְּתִתִּי אֶת־אֶרֶץ מִצְרַיִם שְׁמָמָה
וּנְשַׁמָּה אֶרֶץ מִמְּלֹאָהּ בְּהַכּוֺתִי
אֶת־כָּל־יֺושְׁבֵי בָהּ וְיָדְעוּ
כִּי־אֲנִי יְהוָה׃
Ez 32.16
קִינָה הִיא וְקוֺנְנוּהָ בְּנֺות
הַגֺּויִם תְּקוֺנֵנָּה אוֺתָהּ עַל־מִצְרַיִם
וְעַל־כָּל־הֲמוֺנָהּ תְּקוֺנֵנָּה
אוֺתָהּ נְאֻם אֲדֹנָי יְהוִה׃ ף
Ez 32.17
וַיְהִי בִּשְׁתֵּי עֶשְׂרֵה שָׁנָה בַּחֲמִשָּׁה
עָשָׂר לַחֹדֶשׁ הָיָה דְבַר־יְהוָה
אֵלַי לֵאמֹר׃
Ez 32.18
בֶּנ־אָדָם נְהֵה עַל־הֲמוֺן מִצְרַיִם
וְהוֺרִדֵהוּ אוֺתָהּ וּבְנֺות גֺּויִם
אַדִּרִם אֶל־אֶרֶץ תַּחְתִּיֺּות אֶת־יֺורְדֵי
בוֺר׃
Ez 32.19
מִמִּי נָעָמְתָּ רְדָה וְהָשְׁכְּבָה אֶת־עֲרֵלִים׃
Ez 32.20
בְּתוֺך חַלְלֵי־חֶרֶב יִפֹּלוּ חֶרֶב
נִתָּנָה מָשְׁכוּ אוֺתָהּ וְכָל־הֲמוֺנֶיהָ׃
Ez 32.21
יְדַבְּרוּ־לוֺ אֵלֵי גִבּוֺרִים מִתּוֺך
שְׁאוֺל אֶת־עֹזְרָיו יָרְדוּ שָׁכְבוּ
הָעֲרֵלִים חַלְלֵי־חָרֶב׃
Ez 32.22
שָׁם אַשּׁוּר וְכָל־קְהָלָהּ סְבִיבוֺתָיו
קִבְרֹתָיו כֻּלָּם חֲלָלִים הַנֺּפְלִים
בֶּחָרֶב׃
Ez 32.23
אֲשֶׁר נִתְּנוּ קִבְרֹתֶיהָ בְּיַרְכְּתֵי־בוֺר
וַיְהִי קְהָלָהּ סְבִיבוֺת קְבֻרָתָהּ
כֻּלָּם חֲלָלִים נֺפְלִים בַּחֶרֶב
אֲשֶׁר־נָתְנוּ חִתִּית אֶרֶץ חַיִּים׃
Ez 32.24
שָׁם עֵילָם וְכָל־הֲמוֺנָהּ סְבִיבוֺת
קְבֻרָתָהּ כֻּלָּם חֲלָלִים הַנֺּפְלִים
בַּחֶרֶב אֲשֶׁר־יָרְדוּ עֲרֵלִים
אֶל־אֶרֶץ תַּחְתִּיֺּות אֲשֶׁר נָתְנוּ
חִתִּיתָם בְּאֶרֶץ חַיִּים וַיִּשְׂאוּ
כְלִמָּתָם אֶת־יֺורְדֵי בוֺר׃
Ez 32.25
בְּתוֺך חֲלָלִים נָתְנוּ מִשְׁכָּב
לָהּ בְּכָל־הֲמוֺנָהּ סְבִיבוֺתָיו
קִבְרֹתֶהָ כֻּלָּם עֲרֵלִים חַלְלֵי־חֶרֶב
כִּי־נִתַּן חִתִּיתָם בְּאֶרֶ חַיִּים
וַיִּשְׂאוּ כְלִמָּתָם אֶת־יֺורְדֵי
בוֺר בְּתוֺך חֲלָלִים נִתָּן׃
Ez 32.26
שָׁם מֶשֶׁך תֻּבַל וְכָל־הֲמוֺנָהּ
סְבִיבוֺתָיו קִבְרוֺתֶיהָ כֻּלָּם
עֲרֵלִים מְחֻלְלֵי חֶרֶב כִּי־נָתְנוּ
חִתִּיתָם בְּאֶרֶץ חַיִּים׃
Ez 32.27
וְלֹא יִשְׁכְּבוּ אֶת־גִּבּוֺרִים נֺפְלִים
מֵעֲרֵלִים אֲשֶׁר יָרְדוּ־שְׁאוֺל
בִּכְלֵי־מִלְחַמְתָּם וַיִּתְּנוּ אֶת־חַרְבוֺתָם
תַּחַת רָאשֵׁיהֶם וַתְּהִי עֲוֺנֺתָם
עַל־עַצְמוֺתָם כִּי־חִתִּית גִּבּוֺרִים
בְּאֶרֶץ חַיִּים׃
Ez 32.28
וְאַתָּה בְּתוֺך עֲרֵלִים תִּשָּׁבַר
וְתִשְׁכַּב אֶת־חַלְלֵי־חָרֶב׃
Ez 32.29
שָׁמָּה אֱדוֺם מְלָכֶיהָ וְכָל־נְשִׂיאֶיהָ
אֲשֶׁר־נִתְּנוּ בִגְבוּרָתָם אֶת־חַלְלֵי־חָרֶב
הֵמָּה אֶת־עֲרֵלִים יִשְׁכָּבוּ וְאֶת־יֺרְדֵי
בוֺר׃
Ez 32.30
שָׁמָּה נְסִיכֵי צָפוֺן כֻּלָּם וְכָל־צִדֹנִי
אֲשֶׁר־יָרְדוּ אֶת־חֲלָלִים בְּחִתִּיתָם
מִגְּבוּרָתָם בּוֺשִׁים וַיִּשְׁכְּבוּ
עֲרֵלִים אֶת־חַלְלֵי־רֶב וַיִּשְׂאוּ
כְלִמָּתָם אֶת־יֺורְדֵי בוֺר׃
Ez 32.31
אוֺתָם יִרְאֶה פַרְעֹה וְנִחַם עַל־כָּל־הֲמוֺנֺה 2 הֲמוֺנֺו
חַלְלֵי־חֶרֶב פַּרְעֹה וְכָל־חֵילוֺ
נְאֻם אֲדֹנָי יְהוִה׃
Ez 32.32
כִּי־נָתַתִּי אֶת־חִתִּיתוֺ 2 חִתִּיתִי
בְּאֶרֶץ חַיִּים וְהֻשְׁכַּב בְּתוֺך
עֲרֵלִים אֶת־חַלְלֵי־חֶרֶב פַּרְעֹה
וְכָל־הֲמוֺנֺה 2 הֲמוֺנֺו נְאֻם
אֲדֹנָי יְהוִה׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages