Jes 53

Teljes szövegű keresés

Jes 53
Jes 53.1
מִי הֶאֱמִין לִשְׁמֻעָתֵנוּ וּזְרוֺעַ
יְהוָה עַל־מִי נִגְלָתָה׃
Jes 53.2
וַיַּעַל כַּיֺּונֵק לְפָנָיו וְכַשֹּׁרֶשׁ
מֵאֶרֶץ צִיָּה לֹא־תֹאַר לוֺ וְלֹא
הָדָר וְנִרְאֵהוּ וְלֹא־מַרְאֶה וְנֶחְמְדֵהוּ׃
Jes 53.3
נִבְזֶה וַחֲדַל אִישִׁים אִישׁ מַכְאֹבוֺת
וִידוּעַ חֹלִי וּכְמַסְתֵּר פָּנִים
מִמֶּנּוּ נִבְזֶה וְלֹא חֲשַׁבְנֻהוּ׃
Jes 53.4
אָכֵן חֳלָיֵנוּ הוּא נָשָׂא וּמַכְאֹבֵינוּ
סְבָלָם וַאֲנַחְנוּ חֲשַׁבְנֻהוּ נָגוּעַ
מֻכֵּה אֱלֹהִים וּמְעֻנֶּה׃
Jes 53.5
וְהוּא מְחֹלָל מִפְּשָׁעֵנוּ מְדֻכָּא
מֵעֲוֺנֺתֵינוּ מוּסַר שְׁלוֺמֵנוּ
עָלָיו וּבַחֲבֻרָתוֺ נִרְפָּא־לָנוּ׃
Jes 53.6
כֻּלָּנוּ כַּצֹּאן תָּעִינוּ אִישׁ לְדַרְכּוֺ
פָּנִינוּ וַיהוָה הִפְגִּיעַ בּוֺ
אֵת עֲוֺן כֻּלָּנוּ׃
Jes 53.7
נִגַּשׂ וְהוּא נַעֲנֶה וְלֹא יִפְתַּח־פִּיו
כַּשֶּׂה לַטֶּבַח יוּבָל וּכְרָחֵל לִפְנֵי
גֺזְזֶיהָ נֶאֱלָמָה וְלֹא יִפְתַּח
פִּיו׃
Jes 53.8
מֵעֹצֶר וּמִמִּשְׁפָּט לֻקָּח וְאֶת־דּוֺרוֺ
מִי יְשׂוֺחֵחַ כִּי נִגְזַר מֵאֶרֶץ
חַיִּים מִפֶּשַׁע עַמִּי נֶגַע לָמוֺ׃
Jes 53.9
וַיִּתֵּן אֶת־רְשָׁעִים קִבְרוֺ וְאֶת־עָשִׁיר
בְּמֹתָיו עַל לֹא־חָמָס עָשָׂה
וְלֹא מִרְמָה בְּפִיו׃
Jes 53.10
וַיהוָה חָפֵץ דַּכְּאוֺ הֶחֱלִי אִמ־תָּשִׂים
אָשָׁם נַפְשׁוֺ יִרְאֶה זֶרַע יַאֲרִיך
יָמִים וְחֵפֶץ יְהוָה בְּיָדוֺ יִצְלָח׃
Jes 53.11
מֵעֲמַל נַפְשׁוֺ יִרְאֶה יִשְׂבָּע בְּדַעְתּוֺ
יַצְדִּיק צַדִּיק עַבְדִּי לָרַבִּים
וַעֲוֺנֺתָם הוּא יִסְבֹּל׃
Jes 53.12
לָכֵן אֲחַלֶּק־לוֺ בָרַבִּים וְאֶת־עֲצוּמִים
יְחַלֵּק שָׁלָל תַּחַת אֲשֶׁר הֶעֱרָה
לַמָּוֶת נַפְשׁוֺ וְאֶת־פֹּשְׁעִים נִמְנָה
וְהוּא חֵטְא־רַבִּי נָשָׂא וְלַפֹּשְׁעִים
יַפְגִּיעַ׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages