Jes 50

Teljes szövegű keresés

Jes 50
Jes 50.1
כֹּה אָמַר יְהוָה אֵי זֶה סֵפֶר
כְּרִיתוּת אִמְּכֶם אֲשֶׁר שִׁלַּחְתִּיהָ
אוֺ מִי מִנֺּושַׁי אֲשֶׁר־מָכַרְתִּי
אֶתְכֶם לוֺ הֵן בַּעֲוֺנֺתֵיכֶם
נִמְכַּרְתֶּם וּבְפִשְׁעֵיכֶם שֻׁלְּחָה
אִמְּכֶם׃
Jes 50.2
מַדּוּעַ בָּאתִי וְאֵין אִישׁ קָרָאתִי
וְאֵין עוֺנֶה הֲקָצוֺר קָצְרָה
יָדִי מִפְּדוּת וְאִמ־אֵינ־בִּי
כֹחַ לְהַצִּיל הֵן בְּגַעֲרָתִי אַחֲרִיב
יָם אָשִׂים נְהָרוֺת מִדְבָּר תִּבְאַשׁ
דְּגָתָם מֵאֵין מַיִם וְתָמֹת בַּצָּמָא׃
Jes 50.3
אַלְבִּישׁ שָׁמַיִם קַדְרוּת וְשַׂק
אָשִׂים כְּסוּתָם׃ ס
Jes 50.4
אֲדֹנָי יְהֹוִה נָתַן לִי לְשׁוֺן
לִמּוּדִים לָדַעַת לָעוּת אֶת־יָעֵף
דָּבָר יָעִיר בַּבֹּקֶר בַּבֹּקֶר יָעִיר
לִי אֹזֶן לִשְׁמֹעַ כַּלִּמּוּדִים׃
Jes 50.5
אֲדֹנָי יְהוִה פָּתַח־לִי אֹזֶן
וְאָנֺכִי לֹא מָרִיתִי אָחוֺר לֹא
נְסוּגֺתִי׃
Jes 50.6
גֵּוִי נָתַתִּי לְמַכִּים וּלְחָיַי
לְמֹרְטִים פָּנַי לֹא הִסְתַּרְתִּי
מִכְּלִמּוֺת וָרֹק׃
Jes 50.7
וַאדֹנָי יְהוִה יַעֲזָר־לִי עַל־כֵּן
לֹא נִכְלָמְתִּי עַל־כֵּן שַׂמְתִּי
פָנַי כַּחַלָּמִישׁ וָאֵדַע כִּי־לֹא
אֵבוֺשׁ׃
Jes 50.8
קָרוֺב מַצְדִּיקִי מִי־יָרִיב אִתִּי
נַעַמְדָה יָּחַד מִי־בַעַל מִשְׁפָּטִי
יִגַּשׁ אֵלָי׃
Jes 50.9
הֵן אֲדֹנָי יְהוִה יַעֲזָר־לִי
מִי־הוּא יַרְשִׁיעֵנִי הֵן כֻּלָּם
כַּבֶּגֶד יִבְלוּ עָשׁ יֺאכְלֵם׃
Jes 50.10
מִי בָכֶם יְרֵא יְהוָה שֹׁמֵעַ בְּקוֺל
עַבְדּוֺ אֲשֶׁר הָלַך חֲשֵׁכִים וְאֵין
נֺגַהּ לוֺ יִבְטַח בְּשֵׁם יְהוָה
וְיִשָּׁעֵן בֵּאלֹהָיו׃
Jes 50.11
הֵן כֻּלְּכֶם קֹדְחֵי אֵשׁ מְאַזְּרֵי
זִיקוֺת לְכוּ בְּאוּר אֶשְׁכֶם
וּבְזִיקוֺת בִּעַרְתֶּם מִיָּדִי הָיְתָה־זֺּאת
לָכֶם לְמַעֲצֵבָה תִּשְׁכָּוּן׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages