Jes 48

Teljes szövegű keresés

Jes 48
Jes 48.1
שִׁמְעוּ־זֺאת בֵּית־יַעֲקֹב הַנִּקְרָאִים
בְּשֵׁם יִשְׂרָאֵל וּמִמֵּי יְהוּדָה
יָצָאוּ הַנִּשְׁבָּעִים בְּשֵׁם יְהוָה
וּבֵאלֹהֵי יִשְׂרָאֵל יַזְכִּיוּ לֹא
בֶאֱמֶת וְלֹא בִצְדָקָה׃
Jes 48.2
כִּי־מֵעִיר הַקֹּדֶשׁ נִקְרָאוּ וְעַל־אֱלֹהֵי
יִשְׂרָאֵל נִסְמָכוּ יְהוָה צְבָאוֺת
שְׁמוֺ׃ ס
Jes 48.3
הָרִאשֹׁנֺות מֵאָז הִגַּדְתִּי וּמִפִּי
יָצְאוּ וְאַשְׁמִיעֵם פִּתְאֹם עָשִׂיתִי
וַתָּבֹאנָה׃
Jes 48.4
מִדַּעְתִּי כִּי קָשֶׁה אָתָּה וְגִיד
בַּרְזֶל עָרְפֶּךָ וּמִצְחֲךָ נְחוּשָׁה׃
Jes 48.5
וָאַגִּיד לְךָ מֵאָז בְּטֶרֶם תָּבוֺא
הִשְׁמַעְתִּיךָ פֶּנ־תֹּאמַר עָצְבִּי
עָשָׂם וּפִסְלִי וְנִסְכִּי צִוָּם׃
Jes 48.6
שָׁמַעְתָּ חֲזֵה כֻּלָּהּ וְאַתֶּם הֲלוֺא
תַגִּידוּ הִשְׁמַעְתִּיךָ חֲדָשׁוֺת
מֵעַתָּה וּנְצֻרוֺת וְלֹא יְדַעְתָּם׃
Jes 48.7
עַתָּה נִבְרְאוּ וְלֹא מֵאָז וְלִפְנֵי־יֺום
וְלֹא שְׁמַעְתָּם פֶּנ־תֹּאמַר הִנֵּה
יְדַעְתִּין׃
Jes 48.8
גַּם לֹא־שָׁמַעְתָּ גַּם לֹא יָדַעְתָּ
גַּם מֵאָז לֹא־פִתְּחָה אָזְנֶךָ
כִּי יָדַעְתִּי בָּגֺוד תִּבְגֺּוד וּפֹשֵׁעַ
מִבֶּטֶן קֹרָא לָך׃
Jes 48.9
לְמַעַן שְׁמִי אַאֲרִיך אַפִּי וּתְהִלָּתִי
אֶחֱטָמ־לָך לְבִלְתִּי הַכְרִיתֶךָ׃
Jes 48.10
הִנֵּה צְרַפְתִּיךָ וְלֹא בְכָסֶף בְּחַרְתִּיךָ
בְּכוּר עֹנִי׃
Jes 48.11
לְמַעֲנִי לְמַעֲנִי אֶעֱשֶׂה כִּי אֵיך
יֵחָל וּכְבוֺדִי לְאַחֵר לֹא־אֶתֵּן׃
ס
Jes 48.12
שְׁמַע אֵלַי יַעֲקֹב וְיִשְׂרָאֵל מְקֹרָאִי
אֲנִי־הוּא אֲנִי רִאשׁוֺן אַף
אֲנִי אַחֲרוֺן׃
Jes 48.13
אַפ־יָדִי יָסְדָה אֶרֶץ וִימִינִי
טִפְּחָה שָׁמָיִם קֹרֵא אֲנִי אֲלֵיהֶם
יַעַמְדוּ יַחְדָּו׃
Jes 48.14
הִקָּבְצוּ כֻלְּכֶם וּשֲׁמָעוּ מִי בָהֶם
הִגִּיד אֶת־אֵלֶּה יְהוָה אֲהֵבוֺ
יַעֲשֶׂה חֶפְצוֺ בְּבָבֶל וּזְרֹעוֺ
כַּשְׂדִּים׃
Jes 48.15
אֲנִי אֲנִי דִּבַּרְתִּי אַפ־קְרָאתִיו
הֲבִיאֹתִיו וְהִצְלִיחַ דַּרְכּוֺ׃
Jes 48.16
קִרְבוּ אֵלַי שִׁמְעוּ־זֺאת לֹא
מֵרֹאשׁ בַּסֵּתֶר דִּבַּרְתִּי מֵעֵת הֱיֺותָהּ
שָׁם אָנִי וְעַתָּה אֲדֹנָי יְהוִה
שְׁלָחַנִי וְרוּחוֺ׃ ף
Jes 48.17
כֹּה־אָמַר יְהוָה גֺּאַלְךָ קְדוֺשׁ
יִשְׂרָאֵל אֲנִי יְהוָה אֱלֹהֶיךָ
מְלַמֶּדְךָ לְהוֺעִיל מַדְרִיכֲךָ
בְּדֶרֶך תֵּלֵך׃
Jes 48.18
לוּא הִקְשַׁבְתָּ לְמִצְוֺתָי וַיְהִי
כַנָּהָר שְׁלוֺמֶךָ וְצִדְקָתְךָ כְּגַלֵּי
הַיָּם׃
Jes 48.19
וַיְהִי כַחוֺל זַרְעֶךָ וְצֶאֱצָאֵי
מֵעֶיךָ כִּמְעֹתָיו לֹא־יִכָּרֵת
וְלֹא־יִשָּׁמֵד שְׁמוֺ מִלְּפָנָי׃
Jes 48.20
צְאוּ מִבָּבֶל בִּרְחוּ מִכַּשְׂדִּים
בְּקוֺל רִנָּה הַגִּידוּ הַשְׁמִיעוּ
זֺאת הוֺצִיאוּהָ עַד־קְצֵה הָאָרֶץ
אִמְרוּ גָּאַל יְהוָה עַבְדּוֺ יַעֲקֹב׃
Jes 48.21
וְלֹא צָמְאוּ בָּחֳרָבוֺת הוֺלִיכָם
מַיִם מִצּוּר הִזִּיל לָמוֺ וַיִּבְקַע־צוּר
וַיָּזֻבוּ מָיִם׃
Jes 48.22
אֵין שָׁלוֺם אָמַר יְהוָה לָרְשָׁעִים׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages