Jes 44

Teljes szövegű keresés

Jes 44
Jes 44.1
וְעַתָּה שְׁמַע יַעֲקֹב עַבְדִּי וְיִשְׂרָאֵל
בָּחַרְתִּי בוֺ׃
Jes 44.2
כֹּה־אָמַר יְהוָה עֹשֶׂךָ וְיֺצֶרְךָ
מִבֶּטֶן יַעְזְרֶךָּ אַל־תִּירָא עַבְדִּי
יַעֲקֹב וִישֻׁרוּן בָּחַרְתִּי בוֺ׃
Jes 44.3
כִּי אֶצָּק־מַיִם עַל־צָמֵא וְנֺזְלִים
עַל־יַבָּשָׁה אֶצֹּק רוּחִי עַל־זַרְעֶךָ
וּבִרְכָתִי עַל־צֶאֱצָאֶיךָ׃
Jes 44.4
וְצָמְחוּ בְּבֵין חָצִיר כַּעֲרָבִים
עַל־יִבְלֵי־מָיִם׃
Jes 44.5
זֶה יֺאמַר לַיהוָה אָנִי וְזֶה
יִקְרָא בְשֵׁמ־יַעֲקֹב וְזֶה יִכְתֹּב
יָדוֺ לַיהוָה וּבְשֵׁם יִשְׂרָאֵל
יְכַנֶּה׃ ף
Jes 44.6
כֹּה־אָמַר יְהוָה מֶלֶכְ־יִשְׂרָאֵל
וְגֺאֲלוֺ יְהוָה צְבָאוֺת אֲנִי
רִאשׁוֺן וַאֲנִי אַחֲרוֺן וּמִבַּלְעָדַי
אֵין אֱלֹהִים׃
Jes 44.7
וּמִי־כָמוֺנִי יִקְרָא וְיַגִּידֶהָ
וְיַעְרְכֶהָ לִי מִשּׂוּמִי עַמ־עוֺלָם
וְאֹתִיֺּות וַאֲשֶׁר תָּבֹאנָה יַגִּידוּ
לָמוֺ׃
Jes 44.8
אַל־תִּפְחֲדוּ וְאַל־תִּרְהוּ הֲלֹא
מֵאָז הִשְׁמַעְתִּיךָ וְהִגַּדְתִּי וְאַתֶּם
עֵדָי הֲיֵשׁ אֱלוֺהַּ מִבַּלְעָדַי וְאֵין
צוּר בַּל־יָדָעְתִּי
Jes 44.9
יֺצְרֵי־פֶסֶל כֻּלָּם תֹּהוּ וַחֲמוּדֵיהֶם
בַּל־יֺועִילוּ וְעֵדֵיהֶם הֵמָּה
בַּל־יִרְאוּ וּבַל־יֵדְעוּ לְמַעַן
יֵבֹשׁוּ׃
Jes 44.10
מִי־יָצַר אֵל וּפֶסֶל נָסָך לְבִלְתִּי
הוֺעִיל׃
Jes 44.11
הֵן כָּל־חֲבֵרָיו יֵבֹשׁוּ וְחָרָשִׁים
הֵמָּה מֵאָדָם יִתְקַבְּצוּ כֻלָּם
יַעֲמֹדוּ יִפְחֲדוּ יֵבֹשׁוּ יָחַד׃
Jes 44.12
חָרַשׁ בַּרְזֶל מַעֲצָד וּפָעַל בַּפֶּחָם
וּבַמַּקָּבוֺת יִצְּרֵהוּ וַיִּפְעָלֵהוּ
בִּזְרוֺעַ כֹּחוֺ גַּמ־רָעֵב וְאֵין
כֹּחַ לֹא־שָׁתָה מַיִם וַיִּיעָף׃
Jes 44.13
חָרַשׁ עֵצִים נָטָה קָו יְתָאֲרֵהוּ
בַשֶּׂרֶד יַעֲשֵׂהוּ בַּמַּקְצֻעוֺת וּבַמְּחוּגָה
יְתָאֳרֵהוּ וַיַּעֲשֵׂהוּ כְּתַבְנִית
אִישׁ כְּתִפְאֶרֶת דָם לָשֶׁבֶת בָּיִת׃
Jes 44.14
לִכְרָת־לוֺ אֲרָזִים וַיִּקַּח תִּרְזָה
וְאַלּוֺן וַיְאַמֶּצ־לוֺ בַּעֲצֵי־יָעַר
נָטַע אֹרֶן וְגֶשֶׁם יְגַדֵּל׃
Jes 44.15
וְהָיָה לְאָדָם לְבָעֵר וַיִּקַּח מֵהֶם
וַיָּחָם אַפ־יַשִּׂיק וְאָפָה לָחֶם
אַפ־יִפְעַל־אֵל וַיִּשְׁתָּחוּ עָשָׂהוּ
פֶסֶל וַיִּסְגָּד־לָמוֺ׃
Jes 44.16
חֶצְיֺו שָׂרַף בְּמוֺ־אֵשׁ עַל־חֶצְיֺו
בָּשָׂר יֺאכֵל יִצְלֶה צָלִי וְיִשְׂבָּע
אַפ־יָחֹם וְיֺאמַר הֶאָח חַמּוֺתִי
רָאִיתִי אוּר׃
Jes 44.17
וּשְׁאֵרִיתוֺ לְאֵל עָשָׂה לְפִסְלוֺ 1 יִסְגֺּוד 2 יִסְגָּד־לוֺ
וְיִשְׁתַּחוּ וְיִתְפַּלֵּל אֵלָיו וְיֺאמַר
הַצִּילֵנִי כִּי אֵלִי אָתָּה׃
Jes 44.18
לֹא יָדְעוּ וְלֹא יָבִינוּ כִּי
טַח מֵרְאוֺת עֵינֵיהֶם מֵהַשְׂכִּיל
לִבֹּתָם׃
Jes 44.19
וְלֹא־יָשִׁיב אֶל־לִבּוֺ וְלֹא דַעַת
וְלֹא־תְבוּנָה לֵאמֹר חֶצְיֺו שָׂרַפְתִּי
בְמוֺ־אֵשׁ וְאַף אָפִיתִי עַל־גֶּחָלָיו
לֶחֶם אֶצְלֶה בָשָׂר וְאֹכֵלוְיִתְרוֺ
לְתוֺעֵבָה אֶעֱשֶׂה לְבוּל עֵץ אֶסְגֺּוד׃
Jes 44.20
רֹעֶה אֵפֶר לֵב הוּתַל הִטָּהוּ
וְלֹא־יַצִּיל אֶת־נַפְשׁוֺ וְלֹא
יֺאמַר הֲלוֺא שֶׁקֶר בִּימִינִי׃
ס
Jes 44.21
זְכָר־אֵלֶּה יַעֲקֹב וְיִשְׂרָאֵל כִּי
עַבְדִּי־אָתָּה יְצַרְתִּיךָ עֶבֶד־לִי
אַתָּה יִשְׂרָאֵל לֹא תִנָּשֵׁנִי׃
Jes 44.22
מָחִיתִי כָעָב פְּשָׁעֶיךָ וְכֶעָנָן
חַטֹּאותֶיךָ שׁוּבָה אֵלַי כִּי
גְאַלְתִּיךָ׃
Jes 44.23
רָנּוּ שָׁמַיִם כִּי־עָשָׂה יְהוָה
הָרִיעוּ תַּחְתִּיֺּות אָרֶץ פִּצְחוּ
הָרִים רִנָּה יַעַר וְכָל־עֵץ בּוֺ
כִּי־גָאַל יְהוָה יַעֲקֹב וּבְיִשְׂרָאֵל
יִתְפָּאָר׃ ף
Jes 44.24
כֹּה־אָמַר יְהוָה גֺּאֲלֶךָ וְיֺצֶרְךָ
מִבָּטֶן אָנֺכִי יְהוָה עֹשֶׂה כֹּל
נֺטֶה שָׁמַיִם לְבַדִּי רֹקַע הָאָרֶץ 1 מִי 1 אִתִּי 2 מֵאִתִּי׃
Jes 44.25
מֵפֵר אֹתוֺת בַּדִּים וְקֹסְמִים
יְהוֺלֵל מֵשִׁיב חֲכָמִים אָחוֺר
וְדַעְתָּם יְשַׂכֵּל׃
Jes 44.26
מֵקִים דְּבַר עַבְדּוֺ וַעֲצַת מַלְאָכָיו
יַשְׁלִים הָאֹמֵר לִירוּשָׁלִַם תּוּשָׁב
וּלְעָרֵי יְהוּדָה תִּבָּנֶינָה וְחָרְבוֺתֶיהָ
אֲקוֺמֵם׃
Jes 44.27
הָאֹמֵר לַצּוּלָה חֳרָבִי וְנַהֲרֹתַיִך
אוֺבִישׁ׃
Jes 44.28
הָאֹמֵר לְכוֺרֶשׁ רֹעִי וְכָל־חֶפְצִי
יַשְׁלִם וְלֵאמֹר לִירוּשָׁלִַם תִּבָּנֶה
וְהֵיכָל תִּוָּסֵד׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages