Jes 41

Teljes szövegű keresés

Jes 41
Jes 41.1
הַחֲרִישׁוּ אֵלַי אִיִּים וּלְאֻמִּים
יַחֲלִיפוּ כֹחַ יִגְּשׁוּ אָז יְדַבֵּרוּ
יַחְדָּו לַמִּשְׁפָּט נִקְרָבָה׃
Jes 41.2
מִי הֵעִיר מִמִּזְרָח צֶדֶק יִקְרָאֵהוּ
לְרַגְלוֺ יִתֵּן לְפָנָיו גֺּויִם
וּמְלָכִים יַרְדְּ יִתֵּן כֶּעָפָר חַרְבּוֺ
כְּקַשׁ נִדָּף קַשְׁתּוֺ׃
Jes 41.3
יִרְדְּפֵם יַעֲבוֺר שָׁלוֺם אֹרַח
בְּרַגְלָיו לֹא יָבוֺא׃
Jes 41.4
מִי־פָעַל וְעָשָׂה קֹרֵא הַדֹּרוֺת
מֵרֹאשׁ אֲנִי יְהוָה רִאשׁוֺן
וְאֶת־אַחֲרֹנִים אֲנִי־הוּא׃
Jes 41.5
רָאוּ אִיִּים וְיִירָאוּ קְצוֺת
הָאָרֶץ יֶחֱרָדוּ קָרְבוּ וַיֶּאֱתָיוּן׃
Jes 41.6
אִישׁ אֶת־רֵעֵהוּ יַעְזֺרוּ וּלְאָחִיו
יֺאמַר חֲזָק׃
Jes 41.7
וַיְחַזֵּק חָרָשׁ אֶת־צֹרֵף מַחֲלִיק
פַּטִּישׁ אֶת־הוֺלֶם פָּעַם אֹמֵר
לַדֶּבֶק טוֺב הוּא וַיְחַזְּקֵהוּ
בְמַסְמְרִים לֹא יִמּוֺט׃ ס
Jes 41.8
וְאַתָּה יִשְׂרָאֵל עַבְדִּי יַעֲקֹב
אֲשֶׁר בְּחַרְתִּיךָ זֶרַע אַבְרָהָם
אֹהֲבִי׃
Jes 41.9
אֲשֶׁר הֶחֱזַקְתִּיךָ מִקְצוֺת הָאָרֶץ
וּמֵאֲצִילֶיהָ קְרָאתִיךָ וָאֹמַר
לְךָ עַבְדִּי־אַתָּה בְּחַרְתִּיךָ וְלֹא
מְאַסְתִּיךָ׃
Jes 41.10
אַל־תִּירָא כִּי עִמְּכָ־אָנִי אַל־תִּשְׁתָּע
כִּי־אֲנִי אֱלֹהֶיךָ אִמַּצְתִּיךָ
אַפ־עֲזַרְתִּיךָ אַפ־תְּמַכְתִּיךָ בִּימִין
צִדְקִי׃
Jes 41.11
הֵן יֵבֹשׁוּ וְיִכָּלְמוּ כֹּל הַנֶּחֱרִים
בָּך יִהְיוּ כְאַיִן וְיֺאבְדוּ
אַנְשֵׁי רִיבֶךָ׃
Jes 41.12
תְּבַקְשֵׁם וְלֹא תִמְצָאֵם אַנְשֵׁי
מַצֻּתֶךָ יִהְיוּ כְאַיִן וּכְאֶפֶס
אַנְשֵׁי מִלְחַמְתֶּךָ׃
Jes 41.13
כִּי אֲנִי יְהוָה אֱלֹהֶיךָ מַחֲזִיק
יְמִינֶךָ הָאֹמֵר לְךָ אַל־תִּירָא
אֲנִי עֲזַרְתִּיךָ׃ ס
Jes 41.14
אַל־תִּירְאִי תּוֺלַעַת יַעֲקֹב מְתֵי
יִשְׂרָאֵל אֲנִי עֲזַרְתִּיך נְאֻמ־יְהוָה
וְגֺאֲלֵך קְדוֺשׁ יִשְׂרָאֵל׃
Jes 41.15
הִנֵּה שַׂמְתִּיך לְמוֺרַג חָרוּץ
חָדָשׁ בַּעַל פִּיפִיֺּות תָּדוּשׁ
הָרִים וְתָדֹק וּגְבָעוֺת כַּמֹּץ
תָּשִׂים׃
Jes 41.16
תִּזְרֵם וְרוּחַ תִּשָּׂאֵם וּסְעָרָה
תָּפִיץ אוֺתָם וְאַתָּה תָּגִיל
בַּיהוָה בִּקְדוֺשׁ יִשְׂרָאֵל תִּתְהַלָּל׃
ף
Jes 41.17
הָעֲנִיִּים וְהָאֶבְיֺונִים מְבַקְשִׁים
מַיִם וָאַיִן לְשׁוֺנָם בַּצָּמָא נָשָׁתָּה
אֲנִי יְהוָה אֶעֱנֵם אֱלֹהֵי יִשְׂרָאֵל
לֹא אֶעֶזְבֵם׃
Jes 41.18
אֶפְתַּח עַל־שְׁפָיִים נְהָרוֺת וּבְתוֺך
בְּקָעוֺת מַעְיָנֺות אָשִׂים מִדְבָּר
לַאֲגַמ־מַיִם וְאֶרֶץ צִיָּה לְמוֺצָאֵי
מָיִם׃
Jes 41.19
אֶתֵּן בַּמִּדְבָּר אֶרֶז שִׁטָּה וַהֲדַס
וְעֵץ שָׁמֶן אָשִׂים בָּעֲרָבָה בְּרוֺשׁ
תִּדְהָר וּתְאַשּׁוּר יַחְדָּו׃
Jes 41.20
לְמַעַן יִרְאוּ וְיֵדְעוּ וְיָשִׂימוּ
וְיַשְׂכִּילוּ יַחְדָּו כִּי יַד־יְהוָה
עָשְׂתָה זֺּאת וּקְדוֺשׁ יִשְׂרָאֵל
בְּרָאָהּ׃ ף
Jes 41.21
קָרְבוּ רִיבְכֶם יֺאמַר יְהוָה
הַגִּישׁוּ עֲצֻמוֺתֵיכֶם יֺאמַר
מֶלֶך יַעֲקֹב׃
Jes 41.22
יַגִּישׁוּ וְיַגִּידוּ לָנוּ אֵת אֲשֶׁר
תִּקְרֶינָה הָרִאשֹׁנֺות מָה הֵנָּה
הַגִּידוּ וְנָשִׂימָה לִבֵּנוּ וְנֵדְעָה
אַחֲרִיתָן אוֺ הַבָּאוֺתהַשְׁמִיעֻנוּ׃
Jes 41.23
הַגִּידוּ הָאֹתִיֺּות לְאָחוֺר וְנֵדְעָה
כִּי אֱלֹהִים אַתֶּם אַפ־תֵּיטִיבוּ
וְתָרֵעוּ וְנִשְׁתָּעָה 1 וְנִרָא 2 וְנִרְאֶה
יַחְדָּו׃
Jes 41.24
הֵנ־אַתֶּם מֵאַיִן וּפָעָלְכֶם מֵאָפַע
תּוֺעֵבָה יִבְחַר בָּכֶם׃
Jes 41.25
הַעִירוֺתִי מִצָּפוֺן וַיַּאת מִמִּזְרַח־שֶׁמֶשׁ
יִקְרָא בִשְׁמִי וְיָבֹא סְגָנִים
כְּמוֺ־חֹמֶר וּכְמוֺ יֺוצֵר יִרְמָס־טִיט׃
Jes 41.26
מִי־הִגִּיד מֵרֹאשׁ וְנֵדָעָה וּמִלְּפָנִים
וְנֺאמַר צַדִּיק אַף אֵינ־מַגִּיד
אַף אֵין מַשְׁמִיעַ אַף אֵינ־שֹׁמֵעַ
אִמְרֵיכֶם׃
Jes 41.27
רִאשׁוֺן לְצִיֺּון הִנֵּה הִנָּם וְלִירוּשָׁלִַם
מְבַשֵּׂר אֶתֵּן׃
Jes 41.28
וְאֵרֶא וְאֵין אִישׁ וּמֵאֵלֶּה וְאֵין
יֺועֵץ וְאֶשְׁאָלֵם וְיָשִׁיבוּ דָבָר׃
Jes 41.29
הֵן כֻּלָּם אָוֶן אֶפֶס מַעֲשֵׂיהֶם
רוּחַ וָתֹהוּ נִסְכֵּיהֶם׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages