Jes 23

Teljes szövegű keresés

Jes 23
Jes 23.1
מַשָּׂא צֹר הֵילִילוּ אֳנִיֺּות
תַּרְשִׁישׁ כִּי־שֻׁדַּד מִבַּיִת מִבּוֺא
מֵאֶרֶץ כִּתִּים נִגְלָה־לָמוֺ׃
Jes 23.2
דֹּמּוּ יֺשְׁבֵי אִי סֹחֵר צִידוֺן
עֹבֵר יָם מִלְאוּך׃
Jes 23.3
וּבְמַיִם רַבִּים זֶרַע שִׁחֹר קְצִיר
יְאוֺר תְּבוּאָתָהּ וַתְּהִי סְחַר
גֺּויִם׃
Jes 23.4
בּוֺשִׁי צִידוֺן כִּי־אָמַר יָם
מָעוֺז הַיָּם לֵאמֹר לֹא־חַלְתִּי
וְלֹא־יָלַדְתִּי וְלֹא גִדַּלְתִּי
בַּחוּרִים רוֺמַמְתִּי בְתוּלוֺת׃
Jes 23.5
כַּאֲשֶׁר־שֵׁמַע לְמִצְרָיִם יָחִילוּ
כְּשֵׁמַע צֹר׃
Jes 23.6
עִבְרוּ תַּרְשִׁישָׁה הֵילִילוּ יֺשְׁבֵי
אִי׃
Jes 23.7
הֲזֺאת לָכֶם עַלִּיזָה מִימֵי־קֶדֶם
קַדְמָתָהּ יֺבִלוּהָ רַגְלֶיהָ מֵרָחוֺק
לָגוּר׃
Jes 23.8
מִי יָעַץ זֺאת עַל־צֹר הַמַּעֲטִירָה
אֲשֶׁר סֹחֲרֶיה שָׂרִים כִּנְעָנֶיהָ
נִכְבַּדֵּי־אָרֶץ׃
Jes 23.9
יְהוָה צְבָאוֺת יְעָצָהּ לְחַלֵּל
גְּאוֺן כָּל־צְבִי לְהָקֵל כָּל־נִכְבַּדֵּי־אָרֶץ׃
Jes 23.10
עִבְרִי אַרְצֵך כַּיְאֹר בַּת־תַּרְשִׁישׁ
אֵין מֵזַח עוֺד׃
Jes 23.11
יָדוֺ נָטָה עַל־הַיָּם הִרְגִּיז
מַמְלָכוֺת יְהוָה צִוָּה אֶל־כְּנַעַן
לַשְׁמִד מָעֻזְנֶיהָ׃
Jes 23.12
וַיֺּאמֶר לֹא־תוֺסִיפִי עוֺד לַעְלוֺז
הַמְעֻשָּׁקָה בְּתוּלַת בַּת־צִידוֺן 1 כִּתִּיִּים 2 כִּתִּים
קוּמִי עֲבֹרִי גַּמ־שָׁם לֹא־יָנוּחַ
לָך׃
Jes 23.13
הֵן אֶרֶץ כַּשְׂדִּים זֶה הָעָם לֹא
הָיָה אַשּׁוּר יְסָדָהּ לְצִיִּים
הֵקִימוּ 1 בְחִינָיו 2 בַחוּנָיו עֹרְרוּ
אַרְמְנֺותֶיהָ שָׂמָהּ לְמַפֵּלָה׃
Jes 23.14
הֵילִילוּ אֳנִיֺּות תַּרְשִׁישׁ כִּי
שֻׁדַּד מָעֻזְּכֶן׃ ס
Jes 23.15
וְהָיָה בַּיֺּום הַהוּא וְנִשְׁכַּחַת
צֹר שִׁבְעִים שָׁנָה כִּימֵי מֶלֶך
אֶחָד מִקֵּץ שִׁבְעִים שָׁנָה יִהְיֶה
לְצֹר כְּשִׁירַת הַזֺּונָה׃
Jes 23.16
קְחִי כִנֺּור סֹבִּי עִיר זֺונָה
נִשְׁכָּחָה הֵיטִיבִי נַגֵּן הַרְבִּי־שִׁיר
לְמַעַן תִּזָּכֵרִי׃
Jes 23.17
וְהָיָה מִקֵּץ שִׁבְעִים שָׁנָה יִפְקֹד
יְהוָה אֶת־צֹר וְשָׁבָה לְאֶתְנַנָּה
וְזָנְתָה אֶת־כָּל־מַמְלְכוֺת הָאָרֶץ
עַל־פְּנֵי הָאֲדָמָה׃
Jes 23.18
וְהָיָה סַחְרָהּ וְאֶתְנַנָּהּ קֹדֶשׁ
לַיהוָה לֹא יֵאָצֵר וְלֹא יֵחָסֵן
כִּי לַיֺּשְׁבִים לִפְנֵי יְהוָה
יִהְיֶה סַחְרָהּ לֶאֱכֹל לְשָׂבְעָה
וְלִמְכַסֶּה עָתִיק׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages