Prov 25

Teljes szövegű keresés

Prov 25
Prov 25.1
גַּמ־אֵלֶּה מִשְׁלֵי שְׁלֹמֹה אֲשֶׁר
הֶעְתִּיקוּ אַנְשֵׁי חִזְקִיָּה מֶלֶכְ־יְהוּדָה׃
Prov 25.2
כְּבֹד אֱלֹהִים הַסְתֵּר דָּבָר וּכְבֹד
מְלָכִים חֲקֹר דָּבָר׃
Prov 25.3
שָׁמַיִם לָרוּם וָאָרֶץ לָעֹמֶק וְלֵב
מְלָכִים אֵין חֵקֶר׃
Prov 25.4
הָגֺו סִיגִים מִכָּסֶף וַיֵּצֵא לַצֹּרֵף
כֶּלִי׃
Prov 25.5
הָגֺו רָשָׁע לִפְנֵי־מֶלֶך וְיִכּוֺן
בַּצֶּדֶק כִּסְאוֺ׃
Prov 25.6
אַל־תִּתְהַדַּר לִפְנֵי־מֶלֶך וּבִמְקוֺם
גְּדֹלִים אַל־תַּעֲמֹד׃
Prov 25.7
כִּי טוֺב אֲמָר־לְךָ עֲלֵה הֵנָּה
מֵהַשְׁפִּילְךָ לִפְנֵי נָדִיב אֲשֶׁר
רָאוּ עֵינֶיךָ׃
Prov 25.8
אַל־תֵּצֵא לָרִב מַהֵר פֶּן מַה־תַּעֲשֶׂה
בְּאַחֲרִיתָהּ בְּהַכְלִים אֹתְךָ רֵעֶךָ׃
Prov 25.9
רִיבְךָ רִיב אֶת־רֵעֶךָ וְסוֺד
אַחֵר אַל־תְּגָל׃
Prov 25.10
פֶּנ־יְחַסֶּדְךָ שֹׁמֵעַ וְדִבָּתְךָ לֹא
תָשׁוּב׃
Prov 25.11
תַּפּוּחֵי זָהָב בְּמַשְׂכִּיֺּות כָּסֶף
דָּבָר דָּבֻר עַל־אָפְנָיו׃
Prov 25.12
נֶזֶם זָהָב וַחֲלִי־כָתֶם מוֺכִיחַ
חָכָם עַל־אֹזֶן שֹׁמָעַת׃
Prov 25.13
כְּצִנַּת־שֶׁלֶג בְּיֺום קָצִיר צִיר
נֶאֱמָן לְשֹׁלְחָיו וְנֶפֶשׁ אֲדֹנָיו
יָשִׁיב׃ ף
Prov 25.14
נְשִׂיאִים וְרוּחַ וְגֶשֶׁם אָיִן
אִישׁ מִתְהַלֵּל בְּמַתַּת־שָׁקֶר׃
Prov 25.15
בְּאֹרֶך אַפַּיִם יְפֻתֶּה קָצִין וְלָשׁוֺן
רַכָּה תִּשְׁבָּר־גָּרֶם׃
Prov 25.16
דְּבַשׁ מָצָאתָ אֱכֹל דַּיֶּךָּ פֶּנ־תִּשְׂבָּעֶנּוּ
וַהֲקֵאתוֺ׃
Prov 25.17
הֹקַר רַגְלְךָ מִבֵּית רֵעֶךָ פֶּנ־יִשְׂבָּעֲךָ
וּשְׂנֵאֶךָ׃
Prov 25.18
מֵפִיץ וְחֶרֶב וְחֵץ שָׁנוּן אִישׁ
עֹנֶה בְרֵעֵהוּ עֵד שָׁקֶר׃
Prov 25.19
שֵׁן רֹעָה וְרֶגֶל מוּעָדֶת מִבְטָח
בּוֺגֵד בְּיֺום צָרָה׃
Prov 25.20
מַעֲדֶה בֶּגֶד בְּיֺום קָרָה חֹמֶץ
עַל־נָתֶר וְשָׁר בַּשִּׁרִים עַל לֶב־רָע׃
ף
Prov 25.21
אִמ־רָעֵב שֹׂנַאֲךָ הַאֲכִלֵהוּ לָחֶם
וְאִמ־צָמֵא הַשְׁקֵהוּ מָיִם׃
Prov 25.22
כִּי גֶחָלִים אַתָּה חֹתֶה עַל־רֹאשׁוֺ
וַיהוָה יְשַׁלֶּמ־לָך׃
Prov 25.23
רוּחַ צָפוֺן תְּחוֺלֵל גָּשֶׁם וּפָנִים
נִזְעָמִים לְשׁוֺן סָתֶר׃
Prov 25.24
טוֺב שֶׁבֶת עַל־פִּנַּת־גָּג מֵאֵשֶׁת 1 מִדוֺנִים 2 מִדְיָנִים
וּבֵית חָבֶר׃
Prov 25.25
מַיִם קָרִים עַל־נֶפֶשׁ עֲיֵפָה
וּשְׁמוּעָה טוֺבָה מֵאֶרֶץ מֶרְחָק׃
Prov 25.26
מַעְיָן נִרְפָּשׂ וּמָקוֺר מָשְׁחָת
צַדִּיק מָט לִפְנֵי־רָשָׁע׃
Prov 25.27
אָכֹל דְּבַשׁ הַרְבּוֺת לֹא־טוֺב
וְחֵקֶר כְּבֹדָם כָּבוֺד׃
Prov 25.28
עִיר פְּרוּצָה אֵין חוֺמָה אִישׁ
אֲשֶׁר אֵין מַעְצָר לְרוּחוֺ׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages