Prov 24

Teljes szövegű keresés

Prov 24
Prov 24.1
אַל־תְּקַנֵּא בְּאַנְשֵׁי רָעָה וְאַל־תִּתְאָו 2 תִּתְאָיו
לִהְיֺות אִתָּם׃
Prov 24.2
כִּי־שֹׁד יֶהְגֶּה לִבָּם וְעָמָל שִׂפְתֵיהֶם
תְּדַבֵּרְנָה׃
Prov 24.3
בְּחָכְמָה יִבָּנֶה בָּיִת וּבִתְבוּנָה
יִתְכּוֺנָן׃
Prov 24.4
וּבְדַעַת חֲדָרִים יִמָּלְאוּ כָּל־הוֺן
יָקָר וְנָעִים׃
Prov 24.5
גֶּבֶר־חָכָם בַּעוֺז וְאִישׁ־דַּעַת
מְאַמֶּצ־כֹּחַ׃
Prov 24.6
כִּי בְתַחְבֻּלוֺת תַּעֲשֶׂה־לְּךָ מִלְחָמָה
וּתְשׁוּעָה בְּרֹב יֺועֵץ׃
Prov 24.7
רָאמוֺת לֶאֱוִיל חָכְמוֺת בַּשַּׁעַר
לֹא יִפְתַּח־פִּיהוּ׃
Prov 24.8
מְחַשֵּׁב לְהָרֵעַ לוֺ בַּעַל־מְזִמּוֺת
יִקְרָאוּ׃
Prov 24.9
זִמַּת אִוֶּלֶת חַטָּאת וְתוֺעֲבַת
לְאָדָם לֵץ׃
Prov 24.10
הִתְרַפִּיתָ בְּיֺום צָרָה צַר כֹּחֶכָה׃
Prov 24.11
הַצֵּל לְקֻחִים לַמָּוֶת וּמָטִים
לַהֶרֶג אִמ־תַּחְשׂוֺך׃
Prov 24.12
כִּי־תֹאמַר הֵן לֹא־יָדַעְנוּ זֶה
הֲלֹא־תֹכֵן לִבּוֺת הוּא־יָבִין
וְנֺצֵר נַפְשְׁךָ הוּא יֵדָע וְהֵשִׁיב
לְאָדָם כְּפָעֳלוֺ׃
Prov 24.13
אֱכָל־בְּנִי דְבַשׁ כִּי־טוֺב וְנֺפֶת
מָתוֺק עַל־חִכֶּךָ׃
Prov 24.14
כֵּן דְּעֶה חָכְמָה לְנַפְשֶׁךָ אִמ־מָצָאתָ
וְיֵשׁ אַחֲרִית וְתִקְוָתְךָ לֹא תִכָּרֵת׃
ף
Prov 24.15
אַל־תֶּאֱרֹב רָשָׁע לִנְוֵה צַדִּיק
אַל־תְּשַׁדֵּד רִבְצוֺ׃
Prov 24.16
כִּי שֶׁבַע יִפּוֺל צַדִּיק וָקָם
וּרְשָׁעִים יִכָּשְׁלוּ בְרָעָה׃
Prov 24.17
בִּנְפֹל 1 אוֺיְבֶיךָ 2 אוֺיִבְךָ אַל־תִּשְׂמָח
וּבִכָּשְׁלוֺ אַל־יָגֵל לִבֶּךָ׃
Prov 24.18
פֶּנ־יִרְאֶה יְהוָה וְרַע בְּעֵינָיו
וְהֵשִׁיב מֵעָלָיו אַפּוֺ׃
Prov 24.19
אַל־תִּתְחַר בַּמְּרֵעִים אַל־תְּקַנֵּא
בָּרְשָׁעִים׃
Prov 24.20
כִּי לֹא־תִהְיֶה אַחֲרִית לָרָע
נֵר רְשָׁעִים יִדְעָך׃
Prov 24.21
יְרָא־אֶת־יְהוָה בְּנִי וָמֶלֶך
עִמ־שׁוֺנִים אַל־תִּתְעָרָב׃
Prov 24.22
כִּי־פִתְאֹם יָקוּם אֵידָם וּפִיד
שְׁנֵיהֶם מִי יֺודֵעַ׃ ס
Prov 24.23
גַּמ־אֵלֶּה לַחֲכָמִים הַכֵּר־פָּנִים
בְּמִשְׁפָּט בַּל־טוֺב׃
Prov 24.24
אֹמֵר לְרָשָׁע צַדִּיק אָתָּה יִקְּבֻהוּ
עַמִּים יִזְעָמוּהוּ לְאֻמִּים׃
Prov 24.25
וְלַמּוֺכִיחִים יִנְעָם וַעֲלֵיהֶם
תָּבוֺא בִרְכַּת־טוֺב׃
Prov 24.26
שְׂפָתַיִם יִשָּׁק מֵשִׁיב דְּבָרִים
נְכֹחִים׃
Prov 24.27
הָכֵן בַּחוּץ מְלַאכְתֶּךָ וְעַתְּדָהּ
בַּשָּׂדֶה לָך אַחַר וּבָנִיתָ בֵיתֶךָ׃
ף
Prov 24.28
אַל־תְּהִי עֵד־חִנָּם בְּרֵעֶךָ וַהֲפִתִּיתָ
בִּשְׂפָתֶיךָ׃
Prov 24.29
אַל־תֹּאמַר כַּאֲשֶׁר עָשָׂה־לִי כֵּן
אֶעֱשֶׂה־לּוֺ אָשִׁיב לָאִישׁ כְּפָעֳלוֺ׃
Prov 24.30
עַל־שְׂדֵה אִישׁ־עָצֵל עָבַרְתִּי
וְעַל־כֶּרֶם אָדָם חֲסַר־לֵב׃
Prov 24.31
וְהִנֵּה עָלָה כֻלּוֺ קִמְּשֹׂנִים כָּסּוּ
פָנָיו חֲרֻלִּים וְגֶדֶר אֲבָנָיו
נֶהֱרָסָה׃
Prov 24.32
וָאֶחֱזֶה אָנֺכִי אָשִׁית לִבִּי רָאִיתִי
לָקַחְתִּי מוּסָר׃
Prov 24.33
מְעַט שֵׁנֺות מְעַט תְּנוּמוֺת מְעַט
חִבֻּק יָדַיִם לִשְׁכָּב׃
Prov 24.34
וּבָא־מִתְהַלֵּך רֵישֶׁךָ וּמַחְסֹרֶיךָ
כְּאִישׁ מָגֵן׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages