Prov 12

Teljes szövegű keresés

Prov 12
Prov 12.1
אֹהֵב מוּסָר אֹהֵב דָּעַת וְשֹׂנֵא
תוֺכַחַת בָּעַר׃
Prov 12.2
טוֺב יָפִיק רָצוֺן מֵיְהוָה וְאִישׁ
מְזִמּוֺת יַרְשִׁיעַ׃
Prov 12.3
לֹא־יִכּוֺן אָדָם בְּרֶשַׁע וְשֹׁרֶשׁ
צַדִּיקִים בַּל־יִמּוֺט׃
Prov 12.4
אֵשֶׁת־חַיִל עֲטֶרֶת בַּעְלָהּ וּכְרָקָב
בְּעַצְמוֺתָיו מְבִישָׁה׃
Prov 12.5
מַחְשְׁבוֺת צַדִּיקִים מִשְׁפָּט תַּחְבֻּלוֺת
רְשָׁעִים מִרְמָה׃
Prov 12.6
דִּבְרֵי רְשָׁעִים אֱרָב־דָּם וּפִי
יְשָׁרִים יַצִּילֵם׃
Prov 12.7
הָפוֺך רְשָׁעִים וְאֵינָם וּבֵית
צַדִּיקִים יַעֲמֹד׃
Prov 12.8
לְפִי־שִׂכְלוֺ יְהֻלַּל־אִישׁ וְנַעֲוֵה־לֵב
יִהְיֶה לָבוּז׃
Prov 12.9
טוֺב נִקְלֶה וְעֶבֶד לוֺ מִמְּתַכַּבֵּד
וַחֲסַר־לָחֶם׃
Prov 12.10
יֺודֵעַ צַדִּיק נֶפֶשׁ בְּהֶמְתּוֺ וְרַחֲמֵי
רְשָׁעִים אַכְזָרִי׃
Prov 12.11
עֹבֵד אַדְמָתוֺ יִשְׂבַּע־לָחֶם וּמְרַדֵּף
רֵיקִים חֲסַר־לֵב׃
Prov 12.12
חָמַד רָשָׁע מְצוֺד רָעִים וְשֹׁרֶשׁ
צַדִּיקִים יִתֵּן׃
Prov 12.13
בְּפֶשַׁע שְׂפָתַיִם מוֺקֵשׁ רָע וַיֵּצֵא
מִצָּרָה צַדִּיק׃
Prov 12.14
מִפְּרִי פִי־אִישׁ יִשְׂבַּע־טוֺב
וּגְמוּל יְדֵי־אָדָם 1 יָשׁוּב 2 יָשִׁיב
לוֺ׃
Prov 12.15
דֶּרֶך אֱוִיל יָשָׁר בְּעֵינָיו וְשֹׁמֵעַ
לְעֵצָה חָכָם׃
Prov 12.16
אֱוִיל בַּיֺּום יִוָּדַע כַּעְסוֺ וְכֹסֶה
קָלוֺן עָרוּם׃
Prov 12.17
יָפִיחַ אֱמוּנָה יַגִּיד צֶדֶק וְעֵד
שְׁקָרִים מִרְמָה׃
Prov 12.18
יֵשׁ בּוֺטֶה כְּמַדְקְרוֺת חָרֶב וּלְשׁוֺן
חֲכָמִים מַרְפֵּא׃
Prov 12.19
שְׂפַת־אֱמֶת תִּכּוֺן לָעַד וְעַד־אַרְגִּיעָה
לְשׁוֺן שָׁקֶר׃
Prov 12.20
מִרְמָה בְּלֶב־חֹרְשֵׁי רָע וּלְיֺעֲצֵי
שָׁלוֺם שִׂמְחָה׃
Prov 12.21
לֹא־יְאֻנֶּה לַצַּדִּיק כָּל־אָוֶן
וּרְשָׁעִים מָלְאוּ רָע׃
Prov 12.22
תּוֺעֲבַת יְהוָה שִׂפְתֵי־שָׁקֶר וְעֹשֵׂי
אֱמוּנָה רְצוֺנֺו׃
Prov 12.23
אָדָם עָרוּם כֹּסֶה דָּעַת וְלֵב
כְּסִילִים יִקְרָא אִוֶּלֶת׃
Prov 12.24
יַד־חָרוּצִים תִּמְשׁוֺל וּרְמִיָּה
תִּהְיֶה לָמַס׃
Prov 12.25
דְּאָגָה בְלֶב־אִישׁ יַשְׁחֶנָּה וְדָבָר
טוֺב יְשַׂמְּחֶנָּה׃
Prov 12.26
יָתֵר מֵרֵעֵהוּ צַדִּיק וְדֶרֶך רְשָׁעִים
תַּתְעֵם׃
Prov 12.27
לֹא־יַחֲרֹך רְמִיָּה צֵידוֺ וְהוֺנ־אָדָם
יָקָר חָרוּץ׃
Prov 12.28
בְּאֹרַח־צְדָקָה חַיִּים וְדֶרֶך נְתִיבָה
אַל־מָוֶת׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages