Ps 4
Ps 4
Ps 4.1
לַמְנַצֵּחַ בִּנְגִינֺות מִזְמוֺר לְדָוִד׃
Ps 4.2
בְּקָרְאִי עֲנֵנִי אֱלֹהֵי צִדְקִי
בַּצָּר הִרְחַבְתָּ לִּי חָנֵּנִי וּשְׁמַע
תְּפִלָּתִי׃
בַּצָּר הִרְחַבְתָּ לִּי חָנֵּנִי וּשְׁמַע
תְּפִלָּתִי׃
Ps 4.3
בְּנֵי אִישׁ עַד־מֶה כְבוֺדִי לִכְלִמָּה
תֶּאֱהָבוּן רִיק תְּבַקְשׁוּ כָזָב
סֶלָה׃
תֶּאֱהָבוּן רִיק תְּבַקְשׁוּ כָזָב
סֶלָה׃
Ps 4.4
וּדְעוּ כִּי־הִפְלָה יְהוָה חָסִיד
לוֺ יְהוָה יִשְׁמַע בְּקָרְאִי אֵלָיו׃
לוֺ יְהוָה יִשְׁמַע בְּקָרְאִי אֵלָיו׃
Ps 4.5
רִגְזוּ וְאַל־תֶּחֱטָאוּ אִמְרוּ בִלְבַבְכֶם
עַל־מִשְׁכַּבְכֶם וְדֹמּוּ סֶלָה׃
עַל־מִשְׁכַּבְכֶם וְדֹמּוּ סֶלָה׃
Ps 4.6
זִבְחוּ זִבְחֵי־צֶדֶק וּבִטְחוּ אֶל־יְהוָה׃
Ps 4.7
רַבִּים אֹמְרִים מִי־יַרְאֵנוּ טוֺב
נְסָה־עָלֵינוּ אוֺר פָּנֶיךָ יְהוָה׃
נְסָה־עָלֵינוּ אוֺר פָּנֶיךָ יְהוָה׃
Ps 4.8
נָתַתָּה שִׂמְחָה בְלִבִּי מֵעֵת דְּגָנָם
וְתִירוֺשָׁם רָבּוּ׃
וְתִירוֺשָׁם רָבּוּ׃
Ps 4.9
בְּשָׁלוֺם יַחְדָּו אֶשְׁכְּבָה וְאִישָׁן
כִּי־אַתָּה יְהוָה לְבָדָד לָבֶטַח
תּוֺשִׁיבֵנִי׃
כִּי־אַתָּה יְהוָה לְבָדָד לָבֶטַח
תּוֺשִׁיבֵנִי׃