Job 38

Teljes szövegű keresés

Job 38
Job 38.1
וַיַּעַנ־יְהוָה אֶת־אִיֺּוב 1 מִן 2 מִן 1 הַסְּעָרָה 2 הַסְּעָרָה
וַיֺּאמַר׃
Job 38.2
מִי זֶה מַחְשִׁיך עֵצָה בְמִלִין
בְּלִי־דָעַת׃
Job 38.3
אֱזָר־נָא כְגֶבֶר חֲלָצֶיךָ וְאֶשְׁאָלְךָ
וְהוֺדִיעֵנִי׃
Job 38.4
אֵיפֹה הָיִיתָ בְּיָסְדִי־אָרֶץ הַגֵּד
אִמ־יָדַעְתָּ בִינָה׃
Job 38.5
מִי־שָׂם מְמַדֶּיהָ כִּי תֵדָע אוֺ
מִי־נָטָה עָלֶיהָ קָּו׃
Job 38.6
עַל־מָה אֲדָנֶיהָ הָטְבָּעוּ אוֺ
מִי־יָרָה אֶבֶן פִּנָּתָהּ׃
Job 38.7
בְּרָנ־יַחַד כּוֺכְבֵי בֹקֶר וַיָּרִיעוּ
כָּל־בְּנֵי אֱלֹהִים׃
Job 38.8
וַיָּסֶך בִּדְלָתַיִם יָם בְּגִיחוֺ
מֵרֶחֶם יֵצֵא׃
Job 38.9
בְּשׂוּמִי עָנָן לְבֻשׁוֺ וַעֲרָפֶל
חֲתֻלָּתוֺ׃
Job 38.10
וָאֶשְׁבֹּר עָלָיו חֻקִּי וָאָשִׂים
בְּרִיחַ וּדְלָתָיִם׃
Job 38.11
וָאֹמַר עַד־פֹּה תָבוֺא וְלֹא תֹסִיף
וּפֹא־יָשִׁית בִּגְאוֺן גַּלֶּיךָ׃
Job 38.12
הְמִיָּמֶיךָ צִוִּיתָ בֹּקֶר 1 יִדַּעְתָּה 2 יִדַּעְתָּ 1 שַׁחַר 2 הַשַּׁחַר
מְקֹמוֺ׃
Job 38.13
לֶאֱחֹז בְּכַנְפוֺת הָאָרֶץ וְיִנָּעֲרוּ
רְשָׁעִים מִמֶּנָּה׃
Job 38.14
תִּתְהַפֵּך כְּחֹמֶר חוֺתָם וְיִתְיַצְּבוּ
כְּמוֺ לְבוּשׁ׃
Job 38.15
וְיִמָּנַע מֵרְשָׁעִים אוֺרָם וּזְרוֺעַ
רָמָה תִּשָּׁבֵר׃
Job 38.16
הֲבָאתָ עַד־נִבְכֵי־יָם וּבְחֵקֶר
תְּהוֺם הִתְהַלָּכְתָּ׃
Job 38.17
הֲנִגְלוּ לְךָ שַׁעֲרֵי־מָוֶת וְשַׁעֲרֵי
צַלְמָוֶת תִּרְאֶה׃
Job 38.18
הִתְבֹּנַנְתָּ עַד־רַחֲבֵי־אָרֶץ הַגֵּד
אִמ־יָדַעְתָּ כֻלָּהּ׃
Job 38.19
אֵי־זֶה הַדֶּרֶך יִשְׁכָּנ־אוֺר וְחֹשֶׁך
אֵי־זֶה מְקֹמוֺ׃
Job 38.20
כִּי תִקָּחֶנּוּ אֶל־גְּבוּלוֺ וְכִי
תָבִין נְתִיבוֺת בֵּיתוֺ׃
Job 38.21
יָדַעְתָּ כִּי־אָז תִּוָּלֵד וּמִסְפַּר
יָמֶיךָ רַבִּים׃
Job 38.22
הֲבָאתָ אֶל־אֹצְרוֺת שָׁלֶג וְאֹצְרוֺת
בָּרָד תִּרְאֶה׃
Job 38.23
אֲשֶׁר־חָשַׂכְתִּי לְעֶת־צָר לְיֺום
קְרָב וּמִלְחָמָה׃
Job 38.24
אֵי־זֶה הַדֶּרֶך יֵחָלֶק אוֺר יָפֵץ
קָדִים עֲלֵי־אָרֶץ׃
Job 38.25
מִי־פִלַּג לַשֶּׁטֶף תְּעָלָה וְדֶרֶך
לַחֲזִיז קֹלוֺת׃
Job 38.26
לְהַמְטִיר עַל־אֶרֶץ לֹא־אִישׁ
מִדְבָּר לֹא־אָדָם בּוֺ׃
Job 38.27
לְהַשְׂבִּיעַ שֹׁאָה וּמְשֹׁאָה וּלְהַצְמִיחַ
מֹצָא דֶשֶׁא׃
Job 38.28
הֲיֵשׁ־לַמָּטָר אָב אוֺ מִי־הוֺלִיד
אֶגְלֵי־טָל׃
Job 38.29
מִבֶּטֶן מִי יָצָא הַקָּרַח וּכְפֹר
שָׁמַיִם מִי יְלָדוֺ׃
Job 38.30
כָּאֶבֶן מַיִם יִתְחַבָּאוּ וּפְנֵי
תְהוֺם יִתְלַכָּדוּ׃
Job 38.31
הַתְקַשֵּׁר מַעֲדַנֺּות כִּימָה אוֺ־מֹשְׁכוֺת
כְּסִיל תְּפַתֵּחַ׃
Job 38.32
הֲתֹצִיא מַזָּרוֺת בְּעִתּוֺ וְעַיִשׁ
עַל־בָּנֶיהָ תַנְחֵם׃
Job 38.33
הֲיָדַעְתָּ חֻקּוֺת שָׁמָיִם אִמ־תָּשִׂים
מִשְׁטָרוֺ בָאָרֶץ׃
Job 38.34
הֲתָרִים לָעָב קוֺלֶךָ וְשִׁפְעַת־מַיִם
תְּכַסֶּךָּ׃
Job 38.35
הַתְשַׁלַּח בְּרָקִים וְיֵלֵכוּ וְיֺאמְרוּ
לְךָ הִנֵּנוּ׃
Job 38.36
מִי־שָׁת בַּטֻּחוֺת חָכְמָה אוֺ מִי־נָתַן
לַשֶּׂכְוִי בִינָה׃
Job 38.37
מִי־יְסַפֵּר שְׁחָקִים בְּחָכְמָה וְנִבְלֵי
שָׁמַיִם מִי יַשְׁכִּיב׃
Job 38.38
בְּצֶקֶת עָפָר לַמּוּצָק וּרְגָבִים
יְדֻבָּקוּ׃
Job 38.39
הֲתָצוּד לְלָבִיא טָרֶף וְחַיַּת
כְּפִירִים תְּמַלֵּא׃
Job 38.40
כִּי־יָשֹׁחוּ בַמְּעוֺנֺות יֵשְׁבוּ
בַסֻּכָּה לְמוֺ־אָרֶב׃
Job 38.41
מִי יָכִין לָעֹרֵב צֵידוֺ כִּי־יְלָדוֺ 2 יְלָדָיו
אֶל־אֵל יְשַׁוֵּעוּ יִתְעוּ לִבְלִי־אֹכֶל׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages