Job 32

Teljes szövegű keresés

Job 32
Job 32.1
וַיִּשְׁבְּתוּ שְׁלֹשֶׁת הָאֲנָשִׁים הָאֵלֶּה
מֵעֲנֺות אֶת־אִיֺּוב כִּי הוּא
צַדִּיק בְּעֵינָיו׃ ף
Job 32.2
וַיִּחַר אַף אֱלִיהוּא בֶנ־בַּרַכְאֵל
הַבּוּזִי מִמִּשְׁפַּחַת רָם בְּאִיֺּוב
חָרָה אַפּוֺ עַל־צַדְּקוֺ נַפְשׁוֺ
מֵאֱלֹהִים׃
Job 32.3
וּבִשְׁלֹשֶׁת רֵעָיו חָרָה אַפּוֺ
עַל אֲשֶׁר לֹא־מָצְאוּ מַעֲנֶה וַיַּרְשִׁיעוּ
אֶת־אִיֺּוב׃
Job 32.4
וֶאֱלִיהוּ חִכָּה אֶת־אִיֺּוב בִּדְבָרִים
כִּי זְקֵנִימ־הֵמָּה מִמֶּנּוּ לְיָמִים׃
Job 32.5
וַיַּרְא אֱלִיהוּא כִּי אֵין מַעֲנֶה
בְּפִי שְׁלֹשֶׁת הָאֲנָשִׁים וַיִּחַר
אַפּוֺ׃ ף
Job 32.6
וַיַּעַן אֱלִיהוּא בֶנ־בַּרַכְאֵל
הַבּוּזִי וַיֺּאמַר צָעִיר אֲנִי
לְיָמִים וְאַתֶּם יְשִׁישִׁים עַל־כֵּן
זָחַלְתִּי וָאִירָא מֵחַוֺּת עִי אֶתְכֶם׃
Job 32.7
אָמַרְתִּי יָמִים יְדַבֵּרוּ וְרֹב
שָׁנִים יֺדִיעוּ חָכְמָה׃
Job 32.8
אָכֵן רוּחַ־הִיא בֶאֱנֺושׁ וְנִשְׁמַת
שַׁדַּי תְּבִינֵם׃
Job 32.9
לֹא־רַבִּים יֶחְכָּמוּ וּזְקֵנִים
יָבִינוּ מִשְׁפָּט׃
Job 32.10
לָכֵן אָמַרְתִּי שִׁמְעָה־לִּי אֲחַוֶּה
דֵּעִי אַפ־אָנִי׃
Job 32.11
הֵן הוֺחַלְתִּי לְדִבְרֵיכֶם אָזִין
עַד־תְּבוּנֺתֵיכֶם עַד־תַּחְקְרוּן
מִלִּין׃
Job 32.12
וְעָדֵיכֶם אֶתְבּוֺנָן וְהִנֵּה אֵין
לְאִיֺּוב מוֺכִיחַ עוֺנֶה אֲמָרָיו
מִכֶּם׃
Job 32.13
פֶּנ־תֹּאמְרוּ מָצָאנוּ חָכְמָה אֵל
יִדְּפֶנּוּ לֹא־אִישׁ׃
Job 32.14
וְלֹא־עָרַך אֵלַי מִלִּין וּבְאִמְרֵיכֶם
לֹא אֲשִׁיבֶנּוּ׃
Job 32.15
חַתּוּ לֹא־עָנוּ עוֺד הֶעְתִּיקוּ
מֵהֶם מִלִּים׃
Job 32.16
וְהוֺחַלְתִּי כִּי־לֹא יְדַבֵּרוּ
כִּי עָמְדוּ לֹא־עָנוּ עוֺד׃
Job 32.17
אַעֲנֶה אַפ־אֲנִי חֶלְקִי אֲחַוֶּה
דֵעִי אַפ־אָנִי׃
Job 32.18
כִּי מָלֵתִי מִלִּים הֱצִיקַתְנִי
רוּחַ בִּטְנִי׃
Job 32.19
הִנֵּה־בִטְנִי כְּיַיִן לֹא־יִפָּתֵחַ
כְּאֹבוֺת חֲדָשִׁים יִבָּקֵעַ׃
Job 32.20
אֲדַבְּרָה וְיִרְוַח־לִי אֶפְתַּח שְׂפָתַי
וְאֶעֱנֶה׃
Job 32.21
אַל־נָא אֶשָּׂא פְנֵי־אִישׁ וְאֶל־אָדָם
לֹא אֲכַנֶּה׃
Job 32.22
כִּי לֹא יָדַעְתִּי אֲכַנֶּה כִּמְעַט
יִשָּׂאֵנִי עֹשֵׂנִי׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages