Job 18

Teljes szövegű keresés

Job 18
Job 18.1
וַיַּעַן בִּלְדַּד הַשֻּׁחִי וַיֺּאמַר׃
Job 18.2
עַד־אָנָה תְּשִׂימוּן קִנְצֵי לְמִלִּין
תָּבִינוּ וְאַחַר נְדַבֵּר׃
Job 18.3
מַדּוּעַ נֶחְשַׁבְנוּ כַבְּהֵמָה נִטְמִינוּ
בְּעֵינֵיכֶם׃
Job 18.4
טֹרֵף נַפְשׁוֺ בְּאַפּוֺ הַלְמַעַנְךָ
תֵּעָזַב אָרֶץ וְיֶעְתַּק־צוּר מִמְּקֹמוֺ׃
Job 18.5
גַּם אוֺר רְשָׁעִים יִדְעָך וְלֹא־יִגַּהּ
שְׁבִיב אִשּׁוֺ׃
Job 18.6
אוֺר חָשַׁך בְּאָהֳלוֺ וְנֵרוֺ עָלָיו
יִדְעָך׃
Job 18.7
יֵצְרוּ צַעֲדֵי אוֺנֺו וְתַשְׁלִיכֵהוּ
עֲצָתוֺ׃
Job 18.8
כִּי־שֻׁלַּח בְּרֶשֶׁת בְּרַגְלָיו וְעַל־שְׂבָכָה
יִתְהַלָּך׃
Job 18.9
יֺאחֵז בְּעָקֵב פָּח יַחֲזֵק עָלָיו
צַמִּים׃
Job 18.10
טָמוּן בָּאָרֶץ חַבְלוֺ וּמַלְכֻּדְתּוֺ
עֲלֵי נָתִיב׃
Job 18.11
סָבִיב בִּעֲתֻהוּ בַלָּהוֺת וֶהֱפִיצֻהוּ
לְרַגְלָיו׃
Job 18.12
יְהִי־רָעֵב אֹנֺו וְאֵיד נָכוֺן
לְצַלְעוֺ׃
Job 18.13
יֺאכַל בַּדֵּי עוֺרוֺ יֺאכַל בַּדָּיו
בְּכוֺר מָוֶת׃
Job 18.14
יִנָּתֵק מֵאָהֳלוֺ מִבְטַחוֺ וְתַצְעִדֵהוּ
לְמֶלֶך בַּלָּהוֺת׃
Job 18.15
תִּשְׁכּוֺן בְּאָהֳלוֺ מִבְּלִי־לוֺ יְזֺרֶה
עַל־נָוֵהוּ גָפְרִית׃
Job 18.16
מִתַּחַת שָׁרָשָׁיו יִבָשׁוּ וּמִמַּעַל
יִמַּל קְצִירוֺ׃
Job 18.17
זִכְרוֺ־אָבַד מִנִּי־אָרֶץ וְלֹא־שֵׁם
לוֺ עַל־פְּנֵי־חוּץ׃
Job 18.18
יֶהְדְּפֻהוּ מֵאוֺר אֶל־חֹשֶׁך וּמִתֵּבֵל
יְנִדֻּהוּ׃
Job 18.19
לֹא נִין לוֺ וְלֹא־נֶכֶד בְּעַמּוֺ
וְאֵין שָׂרִיד בִּמְגוּרָיו׃
Job 18.20
עַל־יֺומוֺ נָשַׁמּוּ אַחֲרֹנִים וְקַדְמֹנִים
אָחֲזוּ שָׂעַר׃
Job 18.21
אַכְ־אֵלֶּה מִשְׁכְּנֺות עַוָּל וְזֶה
מְקוֺם לֹא־יָדַע־אֵל׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages