Neh 11

Teljes szövegű keresés

Neh 11
Neh 11.1
וַיֵּשְׁבוּ שָׂרֵי־הָעָם בִּירוּשָׁלִָם
וּשְׁאָר הָעָם הִפִּילוּ גֺורָלוֺת
לְהָבִיא אֶחָד מִנ־הָעֲשָׂרָה לָשֶׁבֶת
בִּירוּשָׁלִַם עִיר הַקֹּדֶשׁ וְתֵשַׁע
הַיָּדוֺת בֶּעָרִים׃
Neh 11.2
וַיְבָרֲכוּ הָעָם לְכֹל הָאֲנָשִׁים
הַמִּתְנַדְּבִים לָשֶׁבֶת בִּירוּשָׁלִָם׃
ף
Neh 11.3
וְאֵלֶּה רָאשֵׁי הַמְּדִינָה אֲשֶׁר
יָשְׁבוּ בִּירוּשָׁלִָם וּבְעָרֵי יְהוּדָה
יָשְׁבוּ אִישׁ בַּאֲחֻזָּתוֺ בְּעָרֵיהֶם
יִשְׂרָאֵל הַכֹּהֲנִים וְהַוִיִּם וְהַנְּתִינִים
וּבְנֵי עַבְדֵי שְׁלֹמֹה׃
Neh 11.4
וּבִירוּשָׁלִַם יָשְׁבוּ מִבְּנֵי יְהוּדָה
וּמִבְּנֵי בִנְיָמִן מִבְּנֵי יְהוּדָה
עֲתָיָה בֶנ־עֻזִּיָּה בֶּנ־זְכַרְיָה
בֶנ־אֲמַרְיָה בֶּנ־שְׁפַטְיָ בֶנ־מַהֲלַלְאֵל
מִבְּנֵי־פָרֶץ׃
Neh 11.5
וּמַעֲשֵׂיָה בֶנ־בָּרוּך בֶּנ־כָּל־חֹזֶה
בֶּנ־חֲזָיָה בֶנ־עֲדָיָה בֶנ־יֺויָרִיב
בֶּנ־זְכַרְיָה בֶּנ־הַשִּׁלֹנִי׃
Neh 11.6
כָּל־בְּנֵי־פֶרֶץ הַיֺּשְׁבִים בִּירוּשָׁלִָם
אַרְבַּע מֵאוֺת שִׁשִּׁים וּשְׁמֹנָה
אַנְשֵׁי־חָיִל׃ ס
Neh 11.7
וְאֵלֶּה בְּנֵי בִנְיָמִן סַלֻּא בֶּנ־מְשֻׁלָּם
בֶּנ־יֺועֵד בֶּנ־פְּדָיָה בֶנ־קוֺלָיָה
בֶנ־מַעֲשֵׂיָה בֶּנ־אִיתִיאֵל בֶּנ־יְשַׁעְיָה׃
Neh 11.8
וְאַחֲרָיו גַּבַּי סַלָּי תְּשַׁע מֵאוֺת
עֶשְׂרִים וּשְׁמֹנָה׃
Neh 11.9
וְיֺואֵל בֶּנ־זִכְרִי פָּקִיד עֲלֵיהֶם
וִיהוּדָה בֶנ־הַסְּנוּאָה עַל־הָעִיר
מִשְׁנֶה׃ ף
Neh 11.10
מִנ־הַכֹּהֲנִים יְדַעְיָה בֶנ־יֺויָרִיב
יָכִין׃
Neh 11.11
שְׂרָיָה בֶנ־חִלְקִיָּה בֶּנ־מְשֻׁלָּם
בֶּנ־צָדוֺק בֶּנ־מְרָיֺות בֶּנ־אֲחִיטוּב
נְגִד בֵּית הָאֱלֹהִים׃
Neh 11.12
וַאֲחֵיהֶם עֹשֵׂי הַמְּלָאכָה לַבַּיִת
שְׁמֹנֶה מֵאוֺת עֶשְׂרִים וּשְׁנָיִם
וַעֲדָיָה בֶּנ־יְרֹחָם בֶּנ־פְּלַלְיָה
בֶּנ־אַמְצִי בֶנ־זְכַרְיָה בֶּנ־פַּשְׁוּר
בֶּנ־מַלְכִּיָּה׃
Neh 11.13
וְאֶחָיו רָאשִׁים לְאָבוֺת מָאתַיִם
אַרְבָּעִים וּשְׁנָיִם וַעֲמַשְׁסַי בֶּנ־עֲזַרְאֵל
בֶּנ־אַחְזַי בֶּנ־מְשִׁלֵּמוֺת בֶּנ־אִמֵּר׃
Neh 11.14
וַאֲחֵיהֶם גִּבּוֺרֵי חַיִל מֵאָה
עֶשְׂרִים וּשְׁמֹנָה וּפָקִיד עֲלֵיהֶם
זַבְדִּיאֵל בֶּנ־הַגְּדוֺלִים׃ ס
Neh 11.15
וּמִנ־הַלְוִיִּם שְׁמַעְיָה בֶנ־חַשּׁוּב
בֶּנ־עַזְרִיקָם בֶּנ־חֲשַׁבְיָה בֶּנ־בּוּנִּי׃
Neh 11.16
וְשַׁבְּתַי וְיֺוזָבָד עַל־הַמְּלָאכָה
הַחִיצֹנָה לְבֵית הָאֱלֹהִים מֵרָאשֵׁי
הַלְוִיִּם׃
Neh 11.17
וּמַתַּנְיָה בֶנ־מִיכָה בֶּנ־זַבְדִּי
בֶנ־אָסָף רֹאשׁ הַתְּחִלָּה יְהוֺדֶה
לַתְּפִלָּה וּבַקְבֻּקְיָה מִשְׁנֶה מֵאֶחָיו
וְעַבְדָּא בֶּנ־שַׁמּוּעַ בֶּנ־גָּלָל
בֶּנ־יְדִיתוּן 2 יְדוּתוּן׃
Neh 11.18
כָּל־הַלְוִיִּם בְּעִיר הַקֹּדֶשׁ מָאתַיִם
שְׁמֹנִים וְאַרְבָּעָה׃ ף
Neh 11.19
וְהַשּׁוֺעֲרִים עַקּוּב טַלְמוֺן וַאֲחֵיהֶם
הַשֹּׁמְרִים בַּשְּׁעָרִים מֵאָה שִׁבְעִים
וּשְׁנָיִם׃
Neh 11.20
וּשְׁאָר יִשְׂרָאֵל הַכֹּהֲנִים הַלְוִיִּם
בְּכָל־עָרֵי יְהוּדָה אִישׁ בְּנַחֲלָתוֺ׃
Neh 11.21
וְהַנְּתִינִים יֺשְׁבִים בָּעֹפֶל וְצִיחָא
וְגִשְׁפָּא עַל־הַנְּתִינִים׃ ף
Neh 11.22
וּפְקִיד הַלְוִיִּם בִּירוּשָׁלִַם עֻזִּי
בֶנ־בָּנִי בֶּנ־חֲשַׁבְיָה בֶּנ־מַתַּנְיָה
בֶּנ־מִיכָא מִבְּנֵי אָסָף הַמְשֹׁרְרִים
לְנֶגֶד מְלֶאכֶת בֵּית־אֱלֹהִים׃
Neh 11.23
כִּי־מִצְוַת הַמֶּלֶך עֲלֵיהֶם וַאֲמָנָה
עַל־הַמְשֹׁרְרִים דְּבַר־יֺום בְּיֺומוֺ׃
Neh 11.24
וּפְתַחְיָה בֶּנ־מְשֵׁיזַבְאֵל מִבְּנֵי־זֶרַח
בֶּנ־יְהוּדָה לְיַד הַמֶּלֶך לְכָל־דָּבָר
לָעָם׃
Neh 11.25
וְאֶל־הַחֲצֵרִים בִּשְׂדֹתָם מִבְּנֵי
יְהוּדָה יָשְׁבוּ בְּקִרְיַת הָאַרְבַּע
וּבְנֺתֶיהָ וּבְדִיבֹן וּבְנֺתֶיהָ
וּבִיקַּבְצְאֵל וַחֲצֵרֶיהָ׃
Neh 11.26
וּבְיֵשׁוּעַ וּבְמוֺלָדָה וּבְבֵית
פָּלֶט׃
Neh 11.27
וּבַחֲצַר שׁוּעָל וּבִבְאֵר שֶׁבַע
וּבְנֺתֶיהָ׃
Neh 11.28
וּבְצִקְלַג וּבִמְכֹנָה וּבִבְנֺתֶיהָ׃
Neh 11.29
וּבְעֵין רִמּוֺן וּבְצָרְעָה וּבְיַרְמוּת׃
Neh 11.30
זָנֺחַ עֲדֻלָּם וְחַצְרֵיהֶם לָכִישׁ
וּשְׂדֹתֶיהָ עֲזֵקָה וּבְנֺתֶיהָ וַיַּחֲנוּ
מִבְּאֵר־שֶׁבַע עַד־גֵּיא־הִנֺּם׃
Neh 11.31
וּבְנֵי בִנְיָמִן מִגָּבַע מִכְמָשׂ
וְעַיָּה וּבֵית־אֵל וּבְנֺתֶיהָ׃
Neh 11.32
עֲנָתוֺת נֺב עֲנָנְיָה׃
Neh 11.33
חָצוֺר רָמָה גִּתָּיִם׃
Neh 11.34
חָדִיד צְבֹעִים נְבַלָּט׃
Neh 11.35
לֹד וְאוֺנֺו גֵּי הַחֲרָשִׁים׃
Neh 11.36
וּמִנ־הַלְוִיִּם מַחְלְקוֺת יְהוּדָה
לְבִנְיָמִין׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages