2Chron 29

Teljes szövegű keresés

2Chron 29
2Chron 29.1
יְחִזְקִיָּהוּ מָלַך בֶּנ־עֶשְׂרִים
וְחָמֵשׁ שָׁנָה וְעֶשְׂרִים וָתֵשַׁע
שָׁנָה מָלַך בִּירוּשָׁלִָם וְשֵׁם
אִמּוֺ אֲבִיָּה בַּת־זְכַרְיָהוּ׃
2Chron 29.2
וַיַּעַשׂ הַיָּשָׁר בְּעֵינֵי יְהוָה
כְּכֹל אֲשֶׁר־עָשָׂה דָּוִיד אָבִיו׃
2Chron 29.3
הוּא בַשָּׁנָה הָרִאשׁוֺנָה לְמָלְכוֺ
בַּחֹדֶשׁ הָרִאשׁוֺן פָּתַח אֶת־דַּלְתוֺת
בֵּית־יְהוָה וַיְחַזְּקֵם׃
2Chron 29.4
וַיָּבֵא אֶת־הַכֹּהֲנִים וְאֶת־הַלְוִיִּם
וַיַּאַסְפֵם לִרְחוֺב הַמִּזְרָח׃
2Chron 29.5
וַיֺּאמֶר לָהֶם שְׁמָעוּנִי הַלְוִיִּם
עַתָּה הִתְקַדְּשׁוּ וְקַדְּשׁוּ אֶת־בֵּית
יְהוָה אֱלֹהֵי אֲבֹתֵיכֶם וְהוֺצִיאוּ
אֶת־הַנִּדָּה מִנ־הַקֹּדֶשׁ׃
2Chron 29.6
כִּי־מָעֲלוּ אֲבֹתֵינוּ וְעָשׂוּ
הָרַע בְּעֵינֵי יְהוָה־אֱלֹהֵינוּ
וַיַּעַזְבֻהוּ וַיַּסֵּבּוּ פְנֵיהֶם מִמִּשְׁכַּן
יְהוָה וַיִּתְּנוּ־עֹרֶף׃
2Chron 29.7
גַּם סָגְרוּ דַּלְתוֺת הָאוּלָם וַיְכַבּוּ
אֶת־הַנֵּרוֺת וּקְטֹרֶת לֹא הִקְטִירוּ
וְעֹלָה לֹא־הֶעֱלוּ בַקֹּדֶשׁ לֵאלֹהֵי
יִשְׂרָאֵל׃
2Chron 29.8
וַיְהִי קֶצֶף יְהוָה עַל־יְהוּדָה
וִירוּשָׁלִָם וַיִּתְּנֵם 1 לִזְוָעָה 2 לְזַעֲוָה
לְשַׁמָּה וְלִשְׁרֵקָה כַּאֲשֶׁר אַתֶּם
רֹאִים בְּעֵינֵיכֶם׃
2Chron 29.9
וְהִנֵּה נָפְלוּ אֲבוֺתֵינוּ בֶּחָרֶב
וּבָנֵינוּ וּבְנֺותֵינוּ וְנָשֵׁינוּ
בַּשְּׁבִי עַל־זֺאת׃
2Chron 29.10
עַתָּה עִמ־לְבָבִי לִכְרוֺת בְּרִית
לַיהוָה אֱלֹהֵי יִשְׂרָאֵל וְיָשֹׁב
מִמֶּנּוּ חֲרוֺן אַפּוֺ׃
2Chron 29.11
בָּנַי עַתָּה אַל־תִּשָּׁלוּ כִּי־בָכֶם
בָּחַר יְהוָה לַעֲמֹד לְפָנָיו לְשָׁרְתוֺ
וְלִהְיֺות לוֺ מְשָׁרְתִים וּמַקְטִרִים׃
ס
2Chron 29.12
וַיָּקֻמוּ הַלְוִיִּם מַחַת בֶּנ־עֲמָשַׂי
וְיֺואֵל בֶּנ־עֲזַרְיָהוּ מִנ־בְּנֵי
הַקְּהָתִי וּמִנ־בְּנֵי מְרָרִי קִישׁ
בֶּנ־עַבְדִּי וַעֲזַרְיָהוּ בֶּנ־הַלֶּלְאֵל
וּמִנ־הַגֵּרְשֻׁנִּי יֺואָח בֶּנ־זִמָּה
וְעֵדֶן בֶּנ־יֺואָח׃
2Chron 29.13
וּמִנ־בְּנֵי אֱלִיצָפָן שִׁמְרִי 1 וִיעוּאֵל 2 וִיעִיאֵל
וּמִנ־בְּנֵי אָסָף זְכַרְיָהוּ וּמַתַּנְיָהוּ׃
ס
2Chron 29.14
וּמִנ־בְּנֵי הֵימָן 1 יְחוּאֵל 2 יְחִיאֵל
וְשִׁמְעִי ס וּמִנ־בְּנֵי יְדוּתוּן
שְׁמַעְיָה וְעֻזִּיאֵל׃
2Chron 29.15
וַיַּאַסְפוּ אֶת־אֲחֵיהֶם וַיִּתְקַדְּשׁוּ
וַיָּבֹאוּ כְמִצְוַת־הַמֶּלֶך בְּדִבְרֵי
יְהוָה לְטַהֵר בֵּית יְהוָה׃
2Chron 29.16
וַיָּבֹאוּ הַכֹּהֲנִים לִפְנִימָה בֵית־יְהוָה
לְטַהֵר וַיֺּוצִיאוּ אֵת כָּל־הַטֻּמְאָה
אֲשֶׁר מָצְאוּ בְּהֵיכַל יְהוָה לַחֲצַר
בֵּית יְהוָה וַיְקַבְּלוּ הַלְוִיִּם
לְהוֺצִיא לְנַחַל־קִדְרוֺן חוּצָה׃
2Chron 29.17
וַיָּחֵלּוּ בְּאֶחָד לַחֹדֶשׁ הָרִאשׁוֺן
לְקַדֵּשׁ וּבְיֺום שְׁמוֺנָה לַחֹדֶשׁ
בָּאוּ לְאוּלָם יְהוָה וַיְקַדְּשׁוּ
אֶת־בֵּית־יְהוָה לְיָמִים שְׁמוֺנָה
וּבְיֺום שִׁשָּׁה עָשָׂר לַחֹדֶשׁ הָרִאשׁוֺן
כִּלּוּ׃ ס
2Chron 29.18
וַיָּבוֺאוּ פְנִימָה אֶל־חִזְקִיָּהוּ
הַמֶּלֶך וַיֺּאמְרוּ טִהַרְנוּ אֶת־כָּל־בֵּית
יְהוָה אֶת־מִזְבַּח הָעוֺלָה וְאֶת־כָּל־כֵּלָיו
וְאֶת־שֻׁלְחַן הַמַּעֲרֶכֶת וְאֶת־כָּל־כֵּלָיו׃
2Chron 29.19
וְאֵת כָּל־הַכֵּלִים אֲשֶׁר הִזְנִיחַ
הַמֶּלֶך אָחָז בְּמַלְכוּתוֺ בְּמַעֲלוֺ
הֵכַנּוּ וְהִקְדָּשְׁנוּ וְהִנָּם לִפְנֵי
מִזְבַּח יְהוָה׃ ס
2Chron 29.20
וַיַּשְׁכֵּם יְחִזְקִיָּהוּ הַמֶּלֶך וַיֶּאֱסֹף
אֵת שָׂרֵי הָעִיר וַיַּעַל בֵּית
יְהוָה׃
2Chron 29.21
וַיָּבִיאוּ פָרִימ־שִׁבְעָה וְאֵילִים
שִׁבְעָה וּכְבָשִׂים שִׁבְעָה וּצְפִירֵי
עִזִּים שִׁבְעָה לְחַטָּאת עַל־הַמַּמְלָכָה
וְעַל־הַמִּקְדָּשׁ וְעַל־יְהוּדָה יֺּאמֶר
לִבְנֵי אַהֲרֹן הַכֹּהֲנִים לְהַעֲלוֺת
עַל־מִזְבַּח יְהוָה׃
2Chron 29.22
וַיִּשְׁחֲטוּ הַבָּקָר וַיְקַבְּלוּ הַכֹּהֲנִים
אֶת־הַדָּם וַיִּזְרְקוּ הַמִּזְבֵּחָה
וַיִּשְׁחֲטוּ הָאֵלִים וַיִּזְרְקוּ
הַדָּם הַמִּזְבֵּחָה יִּשְׁחֲטוּ הַכְּבָשִׂים
וַיִּזְרְקוּ הַדָּם הַמִּזְבֵּחָה׃
2Chron 29.23
וַיַּגִּישׁוּ אֶת־שְׂעִירֵי הַחַטָּאת
לִפְנֵי הַמֶּלֶך וְהַקָּהָל וַיִּסְמְכוּ
יְדֵיהֶם עֲלֵיהֶם׃
2Chron 29.24
וַיִּשְׁחָטוּם הַכֹּהֲנִים וַיְחַטְּאוּ
אֶת־דָּמָם הַמִּזְבֵּחָה לְכַפֵּר עַל־כָּל־יִשְׂרָאֵל
כִּי לְכָל־יִשְׂרָאֵל אָמַר הַמֶּלֶך
הָעוֺלָה וְהַחַטָּת׃
2Chron 29.25
וַיַּעֲמֵד אֶת־הַלְוִיִּם בֵּית יְהוָה
בִּמְצִלְתַּיִם בִּנְבָלִים וּבְכִנֺּרוֺת
בְּמִצְוַת דָּוִיד וְגָד חֹזֵה־הַמֶּלֶך
וְנָתָן הַנָּבִיא יּ בְיַד־יְהוָה
הַמִּצְוָה בְּיַד־נְבִיאָיו׃ ס
2Chron 29.26
וַיַּעַמְדוּ הַלְוִיִּם בִּכְלֵי דָוִיד
וְהַכֹּהֲנִים בַּחֲצֹצְרוֺת׃ ס
2Chron 29.27
וַיֺּאמֶר חִזְקִיָּהוּ לְהַעֲלוֺת
הָעֹלָה לְהַמִּזְבֵּחַ וּבְעֵת הֵחֵל
הָעוֺלָה הֵחֵל שִׁיר־יְהוָה וְהַחֲצֹצְרוֺת
וְעַל־יְדֵי כְּלֵי דָּוִידמֶלֶכְ־יִשְׂרָאֵל׃
2Chron 29.28
וְכָל־הַקָּהָל מִשְׁתַּחֲוִים וְהַשִּׁיר
מְשׁוֺרֵר וְהַחֲצֹצְרוֺת 1 מַחֲצֹצְרִים 2 מַחְצְרִים
הַכֹּל עַד לִכְלוֺת הָעֹלָה׃
2Chron 29.29
וּכְכַלּוֺת לְהַעֲלוֺת כָּרְעוּ הַמֶּלֶך
וְכָל־הַנִּמְצְאִים אִתּוֺ וַיִּשְׁתַּחֲווּ׃
2Chron 29.30
וַיֺּאמֶר יְחִזְקִיָּהוּ הַמֶּלֶך וְהַשָּׂרִים
לַלְוִיִּם לְהַלֵּל לַיהוָה בְּדִבְרֵי
דָוִיד וְאָסָף הַחֹזֶה וַיְהַלְלוּ
עַד־לְשִׂמְחָה וַיִּקְּדוּ וַיִּשְׁתַּחֲווּ׃
ף
2Chron 29.31
וַיַּעַן יְחִזְקִיָּהוּ וַיֺּאמֶר עַתָּה
מִלֵּאתֶם יֶדְכֶם לַיהוָה גֺּשׁוּ
וְהָבִיאוּ זְבָחִים וְתוֺדוֺת
לְבֵית יְהוָה וַיָּבִיאוּ הַקָּהָל
זְבָחִי וְתוֺדוֺת וְכָל־נְדִיב
לֵב עֹלוֺת׃
2Chron 29.32
וַיְהִי מִסְפַּר הָעֹלָה אֲשֶׁר הֵבִיאוּ
הַקָּהָל בָּקָר שִׁבְעִים אֵילִים
מֵאָה כְּבָשִׂים מָאתָיִם לְעֹלָה
לַיהוָה כָּל־אֵלֶּה׃
2Chron 29.33
וְהַקֳּדָשִׁים בָּקָר שֵׁשׁ מֵאוֺת
וְצֹאן שְׁלֹשֶׁת אֲלָפִים׃
2Chron 29.34
רַק הַכֹּהֲנִים הָיוּ לִמְעָט וְלֹא
יָכְלוּ לְהַפְשִׁיט אֶת־כָּל־הָעֹלוֺת
וַיְּחַזְּקוּם אֲחֵיהֶם הַלְוִיִּם עַד־כְּלוֺת
הַמְּלָאכָה וְעַד יִקַדְּשׁוּ הַכֹּהֲנִים
כִּי הַלְוִיִּם יִשְׁרֵי לֵבָב לְהִתְקַדֵּשׁ
מֵהַכֹּהֲנִים׃
2Chron 29.35
וְגַמ־עֹלָה לָרֹב בְּחֶלְבֵי הַשְּׁלָמִים
וּבַנְּסָכִים לָעֹלָה וַתִּכּוֺן עֲבוֺדַת
בֵּית־יְהוָה׃
2Chron 29.36
וַיִּשְׂמַח יְחִזְקִיָּהוּ וְכָל־הָעָם
עַל הַהֵכִין הָאֱלֹהִים לָעָם
כִּי בְּפִתְאֹם הָיָה הַדָּבָר׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages