2Chron 25

Teljes szövegű keresés

2Chron 25
2Chron 25.1
בֶּנ־עֶשְׂרִים וְחָמֵשׁ שָׁנָה מָלַך
אֲמַצְיָהוּ וְעֶשְׂרִים וָתֵשַׁע שָׁנָה
מָלַך בִּירוּשָׁלִָם וְשֵׁם אִמּוֺ יְהוֺעַדָּן
מִירוּשָׁלָיִם׃
2Chron 25.2
וַיַּעַשׂ הַיָּשָׁר בְּעֵינֵי יְהוָה
רַק לֹא בְּלֵבָב שָׁלֵם׃
2Chron 25.3
וַיְהִי כַּאֲשֶׁר חָזְקָה הַמַּמְלָכָה
עָלָיו וַיַּהֲרֹג אֶת־עֲבָדָיו
הַמַּכִּים אֶת־הַמֶּלֶך אָבִיו׃
2Chron 25.4
וְאֶת־בְּנֵיהֶם לֹא הֵמִית כִּי
כַכָּתוּב בַּתּוֺרָה בְּסֵפֶר מֹשֶׁה
אֲשֶׁר־צִוָּה יְהוָה לֵאמֹר לֹא־יָמוּתוּ
אָבוֺת עַל־בָּנִים וּבָנִים לֹא־יָמתּוּ
עַל־אָבוֺת כִּי אִישׁ בְּחֶטְאוֺ
יָמוּתוּ׃ ף
2Chron 25.5
וַיִּקְבֹּץ אֲמַצְיָהוּ אֶת־יְהוּדָה
וַיַּעֲמִידֵם לְבֵית־אָבוֺת לְשָׂרֵי
הָאֲלָפִים וּלְשָׂרֵי הַמֵּאוֺת לְכָל־יְהוּדָה
וּבִנְיָמִן וַיִּפְקְדֵם לְמִבֶּן עֶשְׂרִים
שָׁנָה וָמַעְלָה וַיִּמְצָאֵם שְׁלֹשׁ־מֵאוֺת
אֶלֶף בָּחוּר יֺוצֵא צָבָא אֹחֵז
רֹמַח וְצִנָּה׃
2Chron 25.6
וַיִּשְׂכֹּר מִיִּשְׂרָאֵל מֵאָה אֶלֶף
גִּבּוֺר חָיִל בְּמֵאָה כִכַּר־כָּסֶף׃
2Chron 25.7
וְאִישׁ הָאֱלֹהִים בָּא אֵלָיו לֵאמֹר
הַמֶּלֶך אַל־יָבֹא עִמְּךָ צְבָא
יִשְׂרָאֵל כִּי אֵין יְהוָה עִמ־יִשְׂרָאֵל
כֹּל בְּנֵי אֶפְרָיִם׃
2Chron 25.8
כִּי אִמ־בֹּא אַתָּה עֲשֵׂה חֲזַק
לַמִּלְחָמָה יַכְשִׁילְךָ הָאֱלֹהִים
לִפְנֵי אוֺיֵב כִּי יֶשׁ־כֹּחַ בֵּאלֹהִים
לַעְזֺור וּלְהַכְשִׁיל׃
2Chron 25.9
וַיֺּאמֶר אֲמַצְיָהוּ לְאִישׁ הָאֱלֹהִים
וּמַה־לַּעֲשׂוֺת לִמְאַת הַכִּכָּר אֲשֶׁר
נָתַתִּי לִגְדוּד יִשְׂרָאֵל וַיֺּאמֶר
אִישׁ הָאֱלֹהִים יֵשׁ לַיהוָה לָתֶת
לְךָ הַרְבֵּה מִזֶּה׃
2Chron 25.10
וַיַּבְדִּילֵם אֲמַצְיָהוּ לְהַגְּדוּד
אֲשֶׁר־בָּא אֵלָיו מֵאֶפְרַיִם לָלֶכֶת
לִמְקוֺמָם וַיִּחַר אַפָּם מְאֹד
בִּיהוּדָה וַיָּשׁוּבוּ לִמְקוֺמָמבָּחֳרִי־אָף׃
ף
2Chron 25.11
וַאֲמַצְיָהוּ הִתְחַזַּק וַיִּנְהַג
אֶת־עַמּוֺ וַיֵּלֶך גֵּיא הַמֶּלַח
וַיַּך אֶת־בְּנֵי־שֵׂעִיר עֲשֶׂרֶת
אֲלָפִים׃
2Chron 25.12
וַעֲשֶׂרֶת אֲלָפִים חַיִּים שָׁבוּ
בְּנֵי יְהוּדָה וַיְבִיאוּם לְרֹאשׁ
הַסָּלַע וַיַּשְׁלִיכוּם מֵרֹאשׁ־הַסֶּלַע
וְכֻלָּם נִבְקָעוּ׃ ס
2Chron 25.13
וּבְנֵי הַגְּדוּד אֲשֶׁר הֵשִׁיב
אֲמַצְיָהוּ מִלֶּכֶת עִמּוֺ לַמִּלְחָמָה
וַיִּפְשְׁטוּ בְּעָרֵי יְהוּדָה מִשֹּׁמְרוֺן
וְעַד־בֵּית חוֺרוֺן וַיַּוּ מֵהֶם
שְׁלֹשֶׁת אֲלָפִים וַיָּבֹזּוּ בִּזָּה
רַבָּה׃ ס
2Chron 25.14
וַיְהִי אַחֲרֵי בוֺא אֲמַצְיָהוּ
מֵהַכּוֺת אֶת־אֲדוֺמִים וַיָּבֵא
אֶת־אֱלֹהֵי בְּנֵי שֵׂעִיר וַיַּעֲמִידֵם
לוֺ לֵאלֹהִים וְלִפְנֵיהֶם יִשְׁתַּחֲוֶה
וְלָהֶם יְקַטֵּר׃
2Chron 25.15
וַיִּחַר־אַף יְהוָה בַּאֲמַצְיָהוּ
וַיִּשְׁלַח אֵלָיו נָבִיא וַיֺּאמֶר
לוֺ לָמָּה דָרַשְׁתָּ אֶת־אֱלֹהֵי
הָעָם אֲשֶׁר לֹא־הִצִּילוּ אֶת־עַמָּם
יָּדֶךָ׃
2Chron 25.16
וַיְהִי בְּדַבְּרוֺ אֵלָיו וַיֺּאמֶר
לוֺ הַלְיֺועֵץ לַמֶּלֶך נְתַנּוּךָ
חֲדַל־לְךָ לָמָּה יַכּוּךָ וַיֶּחְדַּל
הַנָּבִיא וַיֺּאמֶר יָדַעְתִּ כִּי־יָעַץ
אֱלֹהִים לְהַשְׁחִיתֶךָ כִּי־עָשִׂיתָ
זֺּאת וְלֹא שָׁמַעְתָּ לַעֲצָתִי׃ ף
2Chron 25.17
וַיִּוָּעַץ אֲמַצְיָהוּ מֶלֶך יְהוּדָה
וַיִּשְׁלַח אֶל־יֺואָשׁ בֶּנ־יְהוֺאָחָז
בֶּנ־יֵהוּא מֶלֶך יִשְׂרָאֵל לֵאמֹר 1 לְךָ 2 לְכָה
נִתְרָאֶה פָנִים׃
2Chron 25.18
וַיִּשְׁלַח יֺואָשׁ מֶלֶכְ־יִשְׂרָאֵל
אֶל־אֲמַצְיָהוּ מֶלֶכְ־יְהוּדָה
לֵאמֹר הַחוֺחַ אֲשֶׁר בַּלְּבָנֺון
שָׁלַח אֶל־הָאֶרֶז אֲשֶׁר בַּלְּבָנֺון
לֵאר תְּנָה־אֶת־בִּתְּךָ לִבְנִי לְאִשָּׁה
וַתַּעֲבֹר חַיַּת הַשָּׂדֶה אֲשֶׁר בַּלְּבָנֺון
וַתִּרְמֹס אֶת־הַחוֺחַ׃
2Chron 25.19
אָמַרְתָּ הִנֵּה הִכִּיתָ אֶת־אֱדוֺם
וּנְשָׂאֲךָ לִבְּךָ לְהַכְבִּיד עַתָּה
שְׁבָה בְּבֵיתֶךָ לָמָּה תִתְגָּרֶה בְּרָעָה
וְנָפַלְתָּ אַתָּה וִיוּדָה עִמָּך׃
2Chron 25.20
וְלֹא־שָׁמַע אֲמַצְיָהוּ כִּי מֵהָאֱלֹהִים
הִיא לְמַעַן תִּתָּם בְּיָד כִּי דָרְשׁוּ
אֵת אֱלֹהֵי אֱדוֺם׃
2Chron 25.21
וַיַּעַל יֺואָשׁ מֶלֶכְ־יִשְׂרָאֵל
וַיִּתְרָאוּ פָנִים הוּא וַאֲמַצְיָהוּ
מֶלֶכְ־יְהוּדָה בְּבֵית שֶׁמֶשׁ אֲשֶׁר
לִיהוּדָה׃
2Chron 25.22
וַיִּנָּגֶף יְהוּדָה לִפְנֵי יִשְׂרָאֵל
וַיָּנֻסוּ אִישׁ לְאֹהָלָיו׃
2Chron 25.23
וְאֵת אֲמַצְיָהוּ מֶלֶכְ־יְהוּדָה
בֶּנ־יֺואָשׁ בֶּנ־יְהוֺאָחָז תָּפַשׂ
יֺואָשׁ מֶלֶכְ־יִשְׂרָאֵל בְּבֵית
שָׁמֶשׁ וַיְבִיאֵהוּ יְרוּשָׁלִַם וַיִּפְרֹץ
בְּחוֺמַת יְרוּשָׁלִַם מִשַּׁעַר אֶפְרַיִם
עַד־שַׁעַר הַפּוֺנֶה אַרְבַּע מֵאוֺת
אַמָּה׃
2Chron 25.24
וְכָל־הַזָּהָב וְהַכֶּסֶף וְאֵת כָּל־הַכֵּלִים
הַנִּמְצְאִים בְּבֵית־הָאֱלֹהִים עִמ־עֹבֵד
אֱדוֺם וְאֶת־אֹצְרוֺת בֵּית הַמֶּלֶך
וְאֵת בְּנֵי הַעֲרֻבוֺת וַיָּשָׁב שֹׁמְרוֺן׃
ף
2Chron 25.25
וַיְחִי אֲמַצְיָהוּ בֶנ־יֺואָשׁ מֶלֶך
יְהוּדָה אַחֲרֵי מוֺת יֺואָשׁ בֶּנ־יְהוֺאָחָז
מֶלֶך יִשְׂרָאֵל חֲמֵשׁ עֶשְׂרֵה שָׁנָה׃
2Chron 25.26
וְיֶתֶר דִּבְרֵי אֲמַצְיָהוּ הָרִאשֹׁנִים
וְהָאַחֲרוֺנִים הֲלֹא הִנָּם כְּתוּבִים
עַל־סֵפֶר מַלְכֵי־יְהוּדָה וְיִשְׂרָאֵל׃
2Chron 25.27
וּמֵעֵת אֲשֶׁר־סָר אֲמַצְיָהוּ מֵאַחֲרֵי
יְהוָה וַיִּקְשְׁרוּ עָלָיו קֶשֶׁר
בִּירוּשָׁלִַם וַיָּנָס לָכִישָׁה וַיִּשְׁלְחוּ
אַחֲרָיו לָכִישָׁה וַיְמִיתֻהוּ שָׁם׃
2Chron 25.28
וַיִּשָּׂאֻהוּ עַל־הַסּוּסִים וַיִּקְבְּרוּ
אֹתוֺ עִמ־אֲבֹתָיו בְּעִיר יְהוּדָה׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages