2Chron 21

Teljes szövegű keresés

2Chron 21
2Chron 21.1
וַיִּשְׁכַּב יְהוֺשָׁפָט עִמ־אֲבֹתָיו
וַיִּקָּבֵר עִמ־אֲבֹתָיו בְּעִיר דָּוִיד
וַיִּמְלֹך יְהוֺרָם בְּנֺו תַּחְתָּיו׃
2Chron 21.2
וְלוֺ־אַחִים בְּנֵי יְהוֺשָׁפָט עֲזַרְיָה
וִיחִיאֵל וּזְכַרְיָהוּ וַעֲזַרְיָהוּ
וּמִיכָאֵל וּשְׁפַטְיָהוּ כָּל־אֵלֶּה
בְּנֵי יְהוֺשָׁפָט מֶלֶכְ־יִשְׂרָאֵל׃
2Chron 21.3
וַיִּתֵּן לָהֶם אֲבִיהֶם מַתָּנֺות
רַבּוֺת לְכֶסֶף וּלְזָהָב וּלְמִגְדָּנֺות
עִמ־עָרֵי מְצֻרוֺת בִּיהוּדָה וְאֶת־הַמַּמְלָכָה
נָתַן לִיהוֺרָם כִּי־הוּא הַבְּכוֺר׃
ף
2Chron 21.4
וַיָּקָם יְהוֺרָם עַל־מַמְלֶכַת אָבִיו
וַיִּתְחַזַּק וַיַּהֲרֹג אֶת־כָּל־אֶחָיו
בֶּחָרֶב וְגַם מִשָּׂרֵי יִשְׂרָאֵל׃
2Chron 21.5
בֶּנ־שְׁלֹשִׁים וּשְׁתַּיִם שָׁנָה יְהוֺרָם
בְּמָלְכוֺ וּשְׁמוֺנֶה שָׁנִים מָלַך
בִּירוּשָׁלִָם׃
2Chron 21.6
וַיֵּלֶך בְּדֶרֶך מַלְכֵי יִשְׂרָאֵל
כַּאֲשֶׁר עָשׂוּ בֵּית אַחְאָב כִּי
בַּת־אַחְאָב הָיְתָה לּוֺ אִשָּׁה
וַיַּעַשׂ הָרַע בְּעֵינֵי יְהוָה׃
2Chron 21.7
וְלֹא־אָבָה יְהוָה לְהַשְׁחִית אֶת־בֵּית
דָּוִיד לְמַעַן הַבְּרִית אֲשֶׁר
כָּרַת לְדָוִיד וְכַאֲשֶׁר אָמַר לָתֵת
לוֺ נִיר וּלְבָנָיו כָּל־הַיָּים׃
2Chron 21.8
בְּיָמָיו פָּשַׁע אֱדוֺם מִתַּחַת יַד־יְהוּדָה
וַיַּמְלִיכוּ עֲלֵיהֶם מֶלֶך׃
2Chron 21.9
וַיַּעֲבֹר יְהוֺרָם עִמ־שָׂרָיו וְכָל־הָרֶכֶב
עִמּוֺ וַיְהִי קָם לַיְלָה וַיַּך
אֶת־אֱדוֺם הַסּוֺבֵב אֵלָיו וְאֵת
שָׂרֵי הָרָכֶב׃
2Chron 21.10
וַיִּפְשַׁע אֱדוֺם מִתַּחַת יַד־יְהוּדָה
עַד הַיֺּום הַזֶּה אָז תִּפְשַׁע לִבְנָה
בָּעֵת הַהִיא מִתַּחַת יָדוֺ כִּי
עָזַב אֶת־יְהוָה אֱלֹהֵי אֲבֹתָיו׃
2Chron 21.11
גַּמ־הוּא עָשָׂה־בָמוֺת בְּהָרֵי
יְהוּדָה וַיֶּזֶן אֶת־יֺשְׁבֵי יְרוּשָׁלִַם
וַיַּדַּח אֶת־יְהוּדָה׃ ף
2Chron 21.12
וַיָּבֹא אֵלָיו מִכְתָּב מֵאֵלִיָּהוּ
הַנָּבִיא לֵאמֹר כֹּה אָמַר יְהוָה
אֱלֹהֵי דָּוִיד אָבִיךָ תַּחַת אֲשֶׁר
לֹא־הָלַכְתָּ בְּדַרְכֵי הוֺשָׁפָט אָבִיךָ
וּבְדַרְכֵי אָסָא מֶלֶכְ־יְהוּדָה׃
2Chron 21.13
וַתֵּלֶך בְּדֶרֶך מַלְכֵי יִשְׂרָאֵל
וַתַּזְנֶה אֶת־יְהוּדָה וְאֶת־יֺשְׁבֵי
יְרוּשָׁלִַם כְּהַזְנֺות בֵּית אַחְאָב
וְגַם אֶת־אַחֶיךָ בֵית־אָבִיךָ
הַטּוֺבִים מִמְּךָ הָרָגְתָּ׃
2Chron 21.14
הִנֵּה יְהוָה נֺגֵף מַגֵּפָה גְדוֺלָה
בְּעַמֶּךָ וּבְבָנֶיךָ וּבְנָשֶׁיךָ וּבְכָל־רְכוּשֶׁךָ׃
2Chron 21.15
וְאַתָּה בָּחֳלָיִים רַבִּים בְּמַחֲלֵה
מֵעֶיךָ עַד־יֵצְאוּ מֵעֶיךָ מִנ־הַחֹלִי
יָמִים עַל־יָמִים׃
2Chron 21.16
וַיָּעַר יְהוָה עַל־יְהוֺרָם אֵת
רוּחַ הַפְּלִשְׁתִּים וְהָעַרְבִים אֲשֶׁר
עַל־יַד כּוּשִׁים׃
2Chron 21.17
וַיַּעֲלוּ בִיהוּדָה וַיִּבְקָעוּהָ
וַיִּשְׁבּוּ אֵת כָּל־הָרְכוּשׁ הַנִּמְצָא
לְבֵית־הַמֶּלֶך וְגַמ־בָּנָיו וְנָשָׁיו
וְלֹא נִשְׁאַר־לוֺ בֵּן כִּי מ־יְהוֺאָחָז
קְטֹן בָּנָיו׃
2Chron 21.18
וְאַחֲרֵי כָּל־זֺאת נְגָפוֺ יְהוָה
בְּמֵעָיו לָחֳלִי לְאֵין מַרְפֵּא׃
2Chron 21.19
וַיְהִי לְיָמִים מִיָּמִים וּכְעֵת
צֵאת הַקֵּץ לְיָמִים שְׁנַיִם יָצְאוּ
מֵעָיו עִמ־חָלְיֺו וַיָּמָת בְּתַחֲלֻאִים
רָעִים וְלֹא־עָשׂוּ לוֺ עַמּוֺ שְׂרֵפָה
כִּשְׂרֵפַת אֲבֹתָיו׃
2Chron 21.20
בֶּנ־שְׁלֹשִׁים וּשְׁתַּיִם הָיָה בְמָלְכוֺ
וּשְׁמוֺנֶה שָׁנִים מָלַך בִּירוּשָׁלִָם
וַיֵּלֶך בְּלֹא חֶמְדָּה וַיִּקְבְּרֻהוּ
בְּעִיר דָּוִיד וְלֹא בְּקִבְרוֺת
הַמְּלָכִים׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages