2Chron 14

Teljes szövegű keresés

2Chron 14
2Chron 14.1
וַיַּעַשׂ אָסָא הַטּוֺב וְהַיָּשָׁר בְּעֵינֵי
יְהוָה אֱלֹהָיו׃
2Chron 14.2
וַיָּסַר אֶת־מִזְבְּחוֺת הַנֵּכָר
וְהַבָּמוֺת וַיְשַׁבֵּר אֶת־הַמַּצֵּבוֺת
וַיְגַדַּע אֶת־הָאֲשֵׁרִים׃
2Chron 14.3
וַיֺּאמֶר לִיהוּדָה לִדְרוֺשׁ אֶת־יְהוָה
אֱלֹהֵי אֲבוֺתֵיהֶם וְלַעֲשׂוֺת הַתּוֺרָה
וְהַמִּצְוָה׃
2Chron 14.4
וַיָּסַר מִכָּל־עָרֵי יְהוּדָה אֶת־הַבָּמוֺת
וְאֶת־הַחַמָּנִים וַתִּשְׁקֹט הַמַּמְלָכָה
לְפָנָיו׃
2Chron 14.5
וַיִּבֶן עָרֵי מְצוּרָה בִּיהוּדָה
כִּי־שָׁקְטָה הָאָרֶץ וְאֵינ־עִמּוֺ
מִלְחָמָה בַּשָּׁנִים הָאֵלֶּה כִּי־הֵנִיחַ
יְהוָה לוֺ׃
2Chron 14.6
וַיֺּאמֶר לִיהוּדָה נִבְנֶה אֶת־הֶעָרִים
הָאֵלֶּה וְנָסֵב חוֺמָה וּמִגְדָּלִים
דְּלָתַיִם וּבְרִיחִים עוֺדֶנּוּ
הָאָרֶץ לְפָנֵינוּ כִּי דָרַשְׁנוּ
אֶת־יְהוָה אֱלֹהֵינוּ דָּרַשְׁנוּ
וַיָּנַח לָנוּ מִסָּבִיב וַיִּבְנוּ
וַיַּצְלִיחוּ׃ ף
2Chron 14.7
וַיְהִי לְאָסָא חַיִל נֺשֵׂא צִנָּה
וָרֹמַח מִיהוּדָה שְׁלֹשׁ מֵאוֺת
אֶלֶף ס וּמִבִּנְיָמִן נֺשְׂאֵי מָגֵן
וְדֹרְכֵי קֶשֶׁת מָאתַיִם וּשְׁמוֺנִים
אָלֶף כָּל־אֵלֶּה גִּבּוֺרֵי חָיִל׃
2Chron 14.8
וַיֵּצֵא אֲלֵיהֶם זֶרַח הַכּוּשִׁי
בְּחַיִל אֶלֶף אֲלָפִים וּמַרְכָּבוֺת
שְׁלֹשׁ מֵאוֺת וַיָּבֹא עַד־מָרֵשָׁה׃
2Chron 14.9
וַיֵּצֵא אָסָא לְפָנָיו וַיַּעַרְכוּ
מִלְחָמָה בְּגֵיא צְפַתָה לְמָרֵשָׁה׃
2Chron 14.10
וַיִּקְרָא אָסָא אֶל־יְהוָה אֱלֹהָיו
וַיֺּאמַר יְהוָה אֵינ־עִמְּךָ לַעְזֺור
בֵּין רַב לְאֵין כֹּחַ עָזְרֵנוּ
יְהוָה אֱלֹהֵינוּ כִּי־עָלֶי נִשְׁעַנּוּ
וּבְשִׁמְךָ בָאנוּ עַל־הֶהָמוֺן הַזֶּה
יְהוָה אֱלֹהֵינוּ אַתָּה אַל־יַעְצֹר
עִמְּךָ אֱנֺושׁ׃ ס
2Chron 14.11
וַיִּגֺּף יְהוָה אֶת־הַכּוּשִׁים לִפְנֵי
אָסָא וְלִפְנֵי יְהוּדָה וַיָּנֻסוּ
הַכּוּשִׁים׃
2Chron 14.12
וַיִּרְדְּפֵם אָסָא וְהָעָם אֲשֶׁר־עִמּוֺ
עַד־לִגְרָר וַיִּפֹּל מִכּוּשִׁים
לְאֵין לָהֶם מִחְיָה כִּי־נִשְׁבְּרוּ
לִפְנֵי־יְהוָה וְלִפְנֵי מַחֲנֵוּ
וַיִּשְׂאוּ שָׁלָל הַרְבֵּה מְאֹד׃
2Chron 14.13
וַיַּכּוּ אֵת כָּל־הֶעָרִים סְבִיבוֺת
גְּרָר כִּי־הָיָה פַחַד־יְהוָה
עֲלֵיהֶם וַיָּבֹזּוּ אֶת־כָּל־הֶעָרִים
כִּי־בִזָּה רַבָּה הָיְתָה בָם׃
2Chron 14.14
וְגַמ־אָהֳלֵי מִקְנֶה הִכּוּ וַיִּשְׁבּוּ
צֹאן לָרֹב וּגְמַלִּים וַיָּשֻׁבוּ
יְרוּשָׁלִָם׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages