1Chron 7

Teljes szövegű keresés

1Chron 7
1Chron 7.1
וְלִבְנֵי יִשָׂשכָר תּוֺלָע וּפוּאָה 1 יָשִׁיב 2 יָשׁוּב
וְשִׁמְרוֺן אַרְבָּעָה׃ ס
1Chron 7.2
וּבְנֵי תוֺלָע עֻזִּי וּרְפָיָה וִירִיאֵל
וְיַחְמַי וְיִבְשָׂם וּשְׁמוּאֵל רָאשִׁים
לְבֵית־אֲבוֺתָם לְתוֺלָע גִּבּוֺרֵי
חַיִל לְתֹלְדוֺתָם מִסְפָּרָ בִּימֵי
דָוִיד עֶשְׂרִימ־וּשְׁנַיִם אֶלֶף
וְשֵׁשׁ מֵאוֺת׃ ס
1Chron 7.3
וּבְנֵי עֻזִּי יִזְרַחְיָה וּבְנֵי
יִזְרַחְיָה מִיכָאֵל וְעֹבַדְיָה וְיֺואֵל
יִשִּׁיָּה חֲמִשָּׁה רָאשִׁים כֻּלָּם׃
1Chron 7.4
וַעֲלֵיהֶם לְתֹלְדוֺתָם לְבֵית אֲבוֺתָם
גְּדוּדֵי צְבָא מִלְחָמָה שְׁלֹשִׁים
וְשִׁשָּׁה אָלֶף כִּי־הִרְבּוּ נָשִׁים
וּבָנִים׃
1Chron 7.5
וַאֲחֵיהֶם לְכֹל מִשְׁפְּחוֺת יִשָׂשכָר
גִּבּוֺרֵי חֲיָלִים שְׁמוֺנִים וְשִׁבְעָה
אֶלֶף הִתְיַחְשָׂם לַכֹּל׃ ף
1Chron 7.6
בִּנְיָמִן בֶּלַע וָבֶכֶר וִידִיעֲאֵל
שְׁלֹשָׁה׃
1Chron 7.7
וּבְנֵי בֶלַע אֶצְבּוֺן וְעֻזִּי
וְעֻזִּיאֵל וִירִימוֺת וְעִירִי
חֲמִשָּׁה רָאשֵׁי בֵּית אָבוֺת גִּבּוֺרֵי
חֲיָלִים וְהִתְיַחְשָׂם עֶשְׂרִים
וּשְׁנַיִם אֶלֶף וּשְׁלֹשִׁים וְאַרְבָּעָה׃
ס
1Chron 7.8
וּבְנֵי בֶכֶר זְמִירָה וְיֺועָשׁ
וֶאֱלִיעֶזֶר וְאֶלְיֺועֵינַי וְעָמְרִי
וִירֵמוֺת וַאֲבִיָּה וַעֲנָתוֺת
וְעָלָמֶת כָּל־אֵלֶּה בְּנֵי־בָכֶר׃
1Chron 7.9
וְהִתְיַחְשָׂם לְתֹלְדוֺתָם רָאשֵׁי
בֵּית אֲבוֺתָם גִּבּוֺרֵי חָיִל
עֶשְׂרִים אֶלֶף וּמָאתָיִם׃ ס
1Chron 7.10
וּבְנֵי יְדִיעֲאֵל בִּלְהָן וּבְנֵי
בִלְהָן 1 יְעִישׁ 2 יְעוּשׁ וּבִנְיָמִן
וְאֵהוּד וּכְנַעֲנָה וְזֵיתָן וְתַרְשִׁישׁ
וַאֲחִישָׁחַר׃
1Chron 7.11
כָּל־אֵלֶּה בְּנֵי יְדִיעֲאֵל לְרָאשֵׁי
הָאָבוֺת גִּבּוֺרֵי חֲיָלִים שִׁבְעָה־עָשָׂר
אֶלֶף וּמָאתַיִם יֺצְאֵי צָבָא לַמִּלְחָמָה׃
1Chron 7.12
וְשֻׁפִּם וְחֻפִּם בְּנֵי עִיר חֻשִׁם
בְּנֵי אַחֵר׃
1Chron 7.13
בְּנֵי נַפְתָּלִי יַחֲצִיאֵל וְגוּנִי
וְיֵצֶר וְשַׁלּוּם בְּנֵי בִלְהָה׃
ף
1Chron 7.14
בְּנֵי מְנַשֶּׁה אַשְׂרִיאֵל אֲשֶׁר יָלָדָה
פִּילַגְשׁוֺ הָאֲרַמִּיָּה יָלְדָה אֶת־מָכִיר
אֲבִי גִלְעָד׃
1Chron 7.15
וּמָכִיר לָקַח אִשָּׁה לְחֻפִּים וּלְשֻׁפִּים
וְשֵׁם אֲחֹתוֺ מַעֲכָה וְשֵׁם הַשֵּׁנִי
צְלָפְחָד וַתִּהְיֶנָה לִצְלָפְחָד בָּנֺות׃
1Chron 7.16
וַתֵּלֶד מַעֲכָה אֵשֶׁת־מָכִיר בֵּן
וַתִּקְרָא שְׁמוֺ פֶּרֶשׁ וְשֵׁם אָחִיו
שָׁרֶשׁ וּבָנָיו אוּלָם וָרָקֶם׃
1Chron 7.17
וּבְנֵי אוּלָם בְּדָן אֵלֶּה בְּנֵי
גִלְעָד בֶּנ־מָכִיר בֶּנ־מְנַשֶּׁה׃
1Chron 7.18
וַאֲחֹתוֺ הַמֹּלֶכֶת יָלְדָה אֶת־אִישְׁהוֺד
וְאֶת־אֲבִיעֶזֶר וְאֶת־מַחְלָה׃
1Chron 7.19
וַיִּהְיוּ בְּנֵי שְׁמִידָע אַחְיָן
וָשֶׁכֶם וְלִקְחִי וַאֲנִיעָם׃ ף
1Chron 7.20
וּבְנֵי אֶפְרַיִם שׁוּתָלַח וּבֶרֶד
בְּנֺו וְתַחַת בְּנֺו וְאֶלְעָדָה בְנֺו
וְתַחַת בְּנֺו׃
1Chron 7.21
וְזָבָד בְּנֺו וְשׁוּתֶלַח בְּנֺו וְעֵזֶר
וְאֶלְעָד וַהֲרָגוּם אַנְשֵׁי־גַת
הַנֺּולָדִים בָּאָרֶץ כִּי יָרְדוּ
לָקַחַת אֶת־מִקְנֵיהֶם׃
1Chron 7.22
וַיִּתְאַבֵּל אֶפְרַיִם אֲבִיהֶם יָמִים
רַבִּים וַיָּבֹאוּ אֶחָיו לְנַחֲמוֺ׃
1Chron 7.23
וַיָּבֹא אֶל־אִשְׁתּוֺ וַתַּהַר וַתֵּלֶד
בֵּן וַיִּקְרָא אֶת־שְׁמוֺ בְּרִיעָה
כִּי בְרָעָה הָיְתָה בְּבֵיתוֺ׃
1Chron 7.24
וּבִתּוֺ שֶׁאֱרָה וַתִּבֶן אֶת־בֵּית־חוֺרוֺן
הַתַּחְתּוֺן וְאֶת־הָעֶלְיֺון וְאֵת
אֻזֵּן שֶׁאֱרָה׃
1Chron 7.25
וְרֶפַח בְּנֺו וְרֶשֶׁף וְתֶלַח בְּנֺו
וְתַחַן בְּנֺו׃
1Chron 7.26
לַעְדָּן בְּנֺו עַמִּיהוּד בְּנֺו
אֱלִישָׁמָע בְּנֺו׃
1Chron 7.27
נֺון בְּנֺו יְהוֺשֻׁעַ בְּנֺו׃
1Chron 7.28
וַאֲחֻזָּתָם וּמֹשְׁבוֺתָם בֵּית־אֵל
וּבְנֺתֶיהָ וְלַמִּזְרָח נַעֲרָן וְלַמַּעֲרָב
גֶּזֶר וּבְנֺתֶיהָ וּשְׁכֶם וּבְנֺתֶיהָ
עַד־עַיָּה וּבְנֺתֶהָ׃
1Chron 7.29
וְעַל־יְדֵי בְנֵי־מְנַשֶּׁה בֵּית־שְׁאָן
וּבְנֺתֶיהָ תַּעְנַך וּבְנֺתֶיהָ מְגִדּוֺ
וּבְנֺותֶיהָ דּוֺר וּבְנֺותֶיהָ בְּאֵלֶּה
יָשְׁבוּ בְּנֵי יֺוסֵפבֶּנ־יִשְׂרָאֵל׃
ף
1Chron 7.30
בְּנֵי אָשֵׁר יִמְנָה וְיִשְׁוָה וְיִשְׁוִי
וּבְרִיעָה וְשֶׂרַח אֲחוֺתָם׃
1Chron 7.31
וּבְנֵי בְרִיעָה חֶבֶר וּמַלְכִּיאֵל
הוּא אֲבִי 1 בִרְזֺות 2 בִרְזָיִת׃
1Chron 7.32
וְחֶבֶר הוֺלִיד אֶת־יַפְלֵט וְאֶת־שׁוֺמֵר
וְאֶת־חוֺתָם וְאֵת שׁוּעָא אֲחוֺתָם׃
1Chron 7.33
וּבְנֵי יַפְלֵט פָּסַך וּבִמְהָל
וְעַשְׁוָת אֵלֶּה בְּנֵי יַפְלֵט׃
1Chron 7.34
וּבְנֵי שָׁמֶר אֲחִי 1 וְרוֺהֲגָה 2 וְרָהְגָּה 1 יַחְבָּה 2 וְחֻבָּה
וַאֲרָם׃
1Chron 7.35
וּבֶנ־הֵלֶם אָחִיו צוֺפַח וְיִמְנָע
וְשֵׁלֶשׁ וְעָמָל׃
1Chron 7.36
בְּנֵי צוֺפָח סוּחַ וְחַרְנֶפֶר
וְשׁוּעָל וּבֵרִי וְיִמְרָה׃
1Chron 7.37
בֶּצֶר וָהוֺד וְשַׁמָּא וְשִׁלְשָׁה
וְיִתְרָן וּבְאֵרָא׃
1Chron 7.38
וּבְנֵי יֶתֶר יְפֻנֶּה וּפִסְפָּה וַאְרָא׃
1Chron 7.39
וּבְנֵי עֻלָּא אָרַח וְחַנִּיאֵל
וְרִצְיָא׃
1Chron 7.40
כָּל־אֵלֶּה בְנֵי־אָשֵׁר רָאשֵׁי בֵית־הָאָבוֺת
בְּרוּרִים גִּבּוֺרֵי חֲיָלִים רָאשֵׁי
הַנְּשִׂיאִים וְהִתְיַחְשָׂם בַּצָּבָא
בַּמִּלְחָמָה מִסְפָּרָם אֲנָשִׁים עֶשְׂרִים
וְשִׁשָּׁה אָלֶף׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages