1Chron 25

Teljes szövegű keresés

1Chron 25
1Chron 25.1
וַיַּבְדֵּל דָּוִיד וְשָׂרֵי הַצָּבָא
לַעֲבֹדָה לִבְנֵי אָסָף וְהֵימָן
וִידוּתוּן 1 הַנְּבִּיאִים 2 הַנִּבְּאִים
בְּכִנֺּרוֺת בִּנְבָלִים וּבִמְצִלְתָּיִם
וַיְהִי מִסְפָּרָם אַנְשֵׁי מְלָאכָה
לַעֲבֹדָתָם׃
1Chron 25.2
לִבְנֵי אָסָף זַכּוּר וְיֺוסֵף וּנְתַנְיָה
וַאֲשַׂרְאֵלָה בְּנֵי אָסָף עַל יַד־אָסָף
הַנִּבָּא עַל־יְדֵי הַמֶּלֶך׃
1Chron 25.3
לִידוּתוּן בְּנֵי יְדוּתוּן גְּדַלְיָהוּ
וּצְרִי וִישַׁעְיָהוּ חֲשַׁבְיָהוּ וּמַתִּתְיָהוּ
שִׁשָּׁה עַל יְדֵי אֲבִיהֶם יְדוּתוּן
בַּכִּנֺּור הַנִּבָּא עַל־הֹדוֺת וְהַלֵּל
לַיהוָה׃ ס
1Chron 25.4
לְהֵימָן בְּנֵי הֵימָן בֻּקִּיָּהוּ
מַתַּנְיָהוּ עֻזִּיאֵל שְׁבוּאֵל וִירִימוֺת
חֲנַנְיָה חֲנָנִי אֱלִיאָתָה גִדַּלְתִּי
וְרֹמַמְתִּי עֶזֶר יָבְּקָשָׁה מַלּוֺתִי
הוֺתִיר מַחֲזִיאוֺת׃
1Chron 25.5
כָּל־אֵלֶּה בָנִים לְהֵימָן חֹזֵה
הַמֶּלֶך בְּדִבְרֵי הָאֱלֹהִים לְהָרִים
קָרֶן וַיִּתֵּן הָאֱלֹהִים לְהֵימָן
בָּנִים אַרְבָּעָה עָשָׂר וּבָנֺותשָׁלוֺשׁ׃
1Chron 25.6
כָּל־אֵלֶּה עַל־יְדֵי אֲבִיהֶם
בַּשִּׁיר בֵּית יְהוָה בִּמְצִלְתַּיִם
נְבָלִים וְכִנֺּרוֺת לַעֲבֹדַת בֵּית
הָאֱלֹהִים עַל יְדֵי הַמֶּלֶך ס
אָסָף וִידוּתוּן וְהֵימָן׃
1Chron 25.7
וַיְהִי מִסְפָּרָם עִמ־אֲחֵיהֶם
מְלֻמְּדֵי־שִׁיר לַיהוָה כָּל־הַמֵּבִין
מָאתַיִם שְׁמוֺנִים וּשְׁמוֺנָה׃
1Chron 25.8
וַיַּפִּילוּ גֺּורָלוֺת מִשְׁמֶרֶת לְעֻמַּת
כַּקָּטֹן כַּגָּדוֺל מֵבִין עִמ־תַּלְמִיד׃
ף
1Chron 25.9
וַיֵּצֵא הַגֺּורָל הָרִאשׁוֺן לְאָסָף
לְיֺוסֵף גְּדַלְיָהוּ הַשֵּׁנִי הוּא־וְאֶחָיו
וּבָנָיו שְׁנֵים עָשָׂר׃
1Chron 25.10
הַשְּׁלִשִׁי זַכּוּר בָּנָיו וְאֶחָיו
שְׁנֵים עָשָׂר׃
1Chron 25.11
הָרְבִיעִי לַיִּצְרִי בָּנָיו וְאֶחָיו
שְׁנֵים עָשָׂר׃
1Chron 25.12
הַחֲמִישִׁי נְתַנְיָהוּ בָּנָיו וְאֶחָיו
שְׁנֵים עָשָׂר׃
1Chron 25.13
הַשִּׁשִּׁי בֻקִּיָּהוּ בָּנָיו וְאֶחָיו
שְׁנֵים עָשָׂר׃
1Chron 25.14
הַשְּׁבִעִי יְשַׂרְאֵלָה בָּנָיו וְאֶחָיו
שְׁנֵים עָשָׂר׃
1Chron 25.15
הַשְּׁמִינִי יְשַׁעְיָהוּ בָּנָיו וְאֶחָיו
שְׁנֵים עָשָׂר׃
1Chron 25.16
הַתְּשִׁיעִי מַתַּנְיָהוּ בָּנָיו וְאֶחָיו
שְׁנֵים עָשָׂר׃
1Chron 25.17
הָעֲשִׂירִי שִׁמְעִי בָּנָיו וְאֶחָיו
שְׁנֵים עָשָׂר׃
1Chron 25.18
עַשְׁתֵּי־עָשָׂר עֲזַרְאֵל בָּנָיו וְאֶחָיו
שְׁנֵים עָשָׂר׃
1Chron 25.19
הַשְּׁנֵים עָשָׂר לַחֲשַׁבְיָה בָּנָיו
וְאֶחָיו שְׁנֵים עָשָׂר׃
1Chron 25.20
לִשְׁלֹשָׁה עָשָׂר שׁוּבָאֵל בָּנָיו
וְאֶחָיו שְׁנֵים עָשָׂר׃
1Chron 25.21
לְאַרְבָּעָה עָשָׂר מַתִּתְיָהוּ בָּנָיו
וְאֶחָיו שְׁנֵים עָשָׂר׃
1Chron 25.22
לַחֲמִשָּׁה עָשָׂר לִירֵמוֺת בָּנָיו
וְאֶחָיו שְׁנֵים עָשָׂר׃
1Chron 25.23
לְשִׁשָּׁה עָשָׂר לַחֲנַנְיָהוּ בָּנָיו
וְאֶחָיו שְׁנֵים עָשָׂר׃
1Chron 25.24
לְשִׁבְעָה עָשָׂר לְיָשְׁבְּקָשָׁה בָּנָיו
וְאֶחָיו שְׁנֵים עָשָׂר׃
1Chron 25.25
לִשְׁמוֺנָה עָשָׂר לַחֲנָנִי בָּנָיו
וְאֶחָיו שְׁנֵים עָשָׂר׃
1Chron 25.26
לְתִשְׁעָה עָשָׂר לְמַלּוֺתִי בָּנָיו
וְאֶחָיו שְׁנֵים עָשָׂר׃
1Chron 25.27
לְעֶשְׂרִים לֶאֱלִיָּתָה בָּנָיו וְאֶחָיו
שְׁנֵים עָשָׂר׃
1Chron 25.28
לְאֶחָד וְעֶשְׂרִים לְהוֺתִיר בָּנָיו
וְאֶחָיו שְׁנֵים עָשָׂר׃
1Chron 25.29
לִשְׁנַיִם וְעֶשְׂרִים לְגִדַּלְתִּי בָּנָיו
וְאֶחָיו שְׁנֵים עָשָׂר׃
1Chron 25.30
לִשְׁלֹשָׁה וְעֶשְׂרִים לְמַחֲזִיאוֺת
בָּנָיו וְאֶחָיו שְׁנֵים עָשָׂר׃
1Chron 25.31
לְאַרְבָּעָה וְעֶשְׂרִים לְרוֺמַמְתִּי
עָזֶר בָּנָיו וְאֶחָיו שְׁנֵים עָשָׂר׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages