1Chron 17

Teljes szövegű keresés

1Chron 17
1Chron 17.1
וַיְהִי כַּאֲשֶׁר יָשַׁב דָּוִיד בְּבֵיתוֺ
וַיֺּאמֶר דָּוִיד אֶל־נָתָן הַנָּבִיא
הִנֵּה אָנֺכִי יֺושֵׁב בְּבֵית הָאֲרָזִים
וַאֲרוֺן בְּרִית־יְהה תַּחַת יְרִיעוֺת׃
1Chron 17.2
וַיֺּאמֶר נָתָן אֶל־דָּוִיד כֹּל
אֲשֶׁר בִּלְבָבְךָ עֲשֵׂה כִּי הָאֱלֹהִים
עִמָּך׃ ס
1Chron 17.3
וַיְהִי בַּלַּיְלָה הַהוּא וַיְהִי
דְּבַר־אֱלֹהִים אֶל־נָתָן לֵאמֹר׃
1Chron 17.4
לֵך וְאָמַרְתָּ אֶל־דָּוִיד עַבְדִּי
כֹּה אָמַר יְהוָה לֹא אַתָּה תִּבְנֶה־לִּי
הַבַּיִת לָשָׁבֶת׃
1Chron 17.5
כִּי לֹא יָשַׁבְתִּי בְּבַיִת מִנ־הַיֺּום
אֲשֶׁר הֶעֱלֵיתִי אֶת־יִשְׂרָאֵל
עַד הַיֺּום הַזֶּה וָאֶהְיֶה מֵאֹהֶל
אֶל־אֹהֶל וּמִמִּשְׁכָּן׃
1Chron 17.6
בְּכֹל אֲשֶׁר־הִתְהַלַּכְתִּי בְּכָל־יִשְׂרָאֵל
הֲדָבָר דִּבַּרְתִּי אֶת־אַחַד שֹׁפְטֵי
יִשְׂרָאֵל אֲשֶׁר צִוִּיתִי לִרְעוֺת
אֶת־עַמִּי לֵאמֹר לָמָּהלֹא־בְנִיתֶם
לִי בֵּית אֲרָזִים׃
1Chron 17.7
וְעַתָּה כֹּה־תֹאמַר לְעַבְדִּי לְדָוִיד
ס כֹּה אָמַר יְהוָה צְבָאוֺת
אֲנִי לְקַחְתִּיךָ מִנ־הַנָּוֶה מִנ־אַחֲרֵי
הַצֹּאן לִהְיֺות נָגִיד עַל עַמִּי
יִשְׂרָאֵל׃
1Chron 17.8
וָאֶהְיֶה עִמְּךָ בְּכֹל אֲשֶׁר הָלַכְתָּ
וָאַכְרִית אֶת־כָּל־אוֺיְבֶיךָ
מִפָּנֶיךָ וְעָשִׂיתִי לְךָ שֵׁם כְּשֵׁם
הַגְּדוֺלִים אֲשֶׁר בָּאָרֶץ׃
1Chron 17.9
וְשַׂמְתִּי מָקוֺם לְעַמִּי יִשְׂרָאֵל
וּנְטַעְתִּיהוּ וְשָׁכַן תַּחְתָּיו וְלֹא
יִרְגַּז עוֺד וְלֹא־יֺוסִיפוּ
בְנֵי־עַוְלָה לְבַלֹּתוֺ כַּאֲשֶׁר בָּרִשׁוֺנָה׃
1Chron 17.10
וּלְמִיָּמִים אֲשֶׁר צִוִּיתִי שֹׁפְטִים
עַל־עַמִּי יִשְׂרָאֵל וְהִכְנַעְתִּי
אֶת־כָּל־אוֺיְבֶיךָ וָאַגִּד לָך
וּבַיִת יִבְנֶה־לְּךָ יְהוָה׃
1Chron 17.11
וְהָיָה כִּי־מָלְאוּ יָמֶיךָ לָלֶכֶת
עִמ־אֲבֹתֶיךָ וַהֲקִימוֺתִי אֶת־זַרְעֲךָ
אַחֲרֶיךָ אֲשֶׁר יִהְיֶה מִבָּנֶיךָ
וַהֲכִינֺותִי אֶת־מַלְכוּתוֺ׃
1Chron 17.12
הוּא יִבְנֶה־לִּי בָּיִת וְכֹנַנְתִּי
אֶת־כִּסְאוֺ עַד־עוֺלָם׃
1Chron 17.13
אֲנִי אֶהְיֶה־לּוֺ לְאָב וְהוּא
יִהְיֶה־לִּי לְבֵן וְחַסְדִּי לֹא־אָסִיר
מֵעִמּוֺ כַּאֲשֶׁר הֲסִירוֺתִי מֵאֲשֶׁר
הָיָה לְפָנֶיךָ׃
1Chron 17.14
וְהַעֲמַדְתִּיהוּ בְּבֵיתִי וּבְמַלְכוּתִי
עַד־הָעוֺלָם וְכִסְאוֺ יִהְיֶה נָכוֺן
עַד־עוֺלָם׃
1Chron 17.15
כְּכֹל הַדְּבָרִים הָאֵלֶּה וּכְכֹל
הֶחָזֺון הַזֶּה כֵּן דִּבֶּר נָתָן
אֶל־דָּוִיד׃ ף
1Chron 17.16
וַיָּבֹא הַמֶּלֶך דָּוִיד וַיֵּשֶׁב לִפְנֵי
יְהוָה וַיֺּאמֶר מִי־אֲנִי יְהוָה
אֱלֹהִים וּמִי בֵיתִי כִּי הֲבִיאֹתַנִי
עַד־הֲלֹם׃
1Chron 17.17
וַתִּקְטַן זֺאת בְּעֵינֶיךָ אֱלֹהִים
וַתְּדַבֵּר עַל־בֵּית־עַבְדְּךָ לְמֵרָחוֺק
וּרְאִיתַנִי כְּתוֺר הָאָדָם הַמַּעֲלָה
יְהוָה אֱלֹהִים׃
1Chron 17.18
מַה־יֺּוסִיף עוֺד דָּוִיד אֵלֶיךָ
לְכָבוֺד אֶת־עַבְדֶּךָ וְאַתָּה אֶת־עַבְדְּךָ
יָדָעְתָּ׃
1Chron 17.19
יְהוָה בַּעֲבוּר עַבְדְּךָ וּכְלִבְּךָ
עָשִׂיתָ אֵת כָּל־הַגְּדוּלָּה הַזֺּאת
לְהֹדִיעַ אֶת־כָּל־הַגְּדֻלּוֺת׃
1Chron 17.20
יְהוָה אֵין כָּמוֺךָ וְאֵין אֱלֹהִים
זוּלָתֶךָ בְּכֹל אֲשֶׁר־שָׁמַעְנוּ בְּאָזְנֵינוּ׃
1Chron 17.21
וּמִי כְּעַמְּךָ יִשְׂרָאֵל גֺּוי אֶחָד
בָּאָרֶץ אֲשֶׁר הָלַך הָאֱלֹהִים לִפְדּוֺת
לוֺ עָם לָשׂוּם לְךָ שֵׁם גְּדֻלּוֺת
וְנֺרָאוֺת לְגָרֵשׁ מִפְּנֵי עַמְּךָ
אֲשֶׁר־פָּדִיתָ מִמִּצְרַיִם גֺּויִם׃
1Chron 17.22
וַתִּתֵּן אֶת־עַמְּךָ יִשְׂרָאֵל לְךָ
לְעָם עַד־עוֺלָם וְאַתָּה יְהוָה
הָיִיתָ לָהֶם לֵאלֹהִים׃
1Chron 17.23
וְעַתָּה יְהוָה הַדָּבָר אֲשֶׁר דִּבַּרְתָּ
עַל־עַבְדְּךָ וְעַל־בֵּיתוֺ יֵאָמֵן
עַד־עוֺלָם וַעֲשֵׂה כַּאֲשֶׁר דִּבַּרְתָּ׃
1Chron 17.24
וְיֵאָמֵן וְיִגְדַּל שִׁמְךָ עַד־עוֺלָם
לֵאמֹר יְהוָה צְבָאוֺת אֱלֹהֵי
יִשְׂרָאֵל אֱלֹהִים לְיִשְׂרָאֵל וּבֵית־דָּוִיד
עַבְדְּךָ נָכוֺן לְפָנֶיךָ׃
1Chron 17.25
כִּי אַתָּה אֱלֹהַי גָּלִיתָ אֶת־אֹזֶן
עַבְדְּךָ לִבְנֺות לוֺ בָּיִת עַל־כֵּן
מָצָא עַבְדְּךָ לְהִתְפַּלֵּל לְפָנֶיךָ׃
1Chron 17.26
וְעַתָּה יְהוָה אַתָּה־הוּא הָאֱלֹהִים
וַתְּדַבֵּר עַל־עַבְדְּךָ הַטּוֺבָה
הַזֺּאת׃
1Chron 17.27
וְעַתָּה הוֺאַלְתָּ לְבָרֵך אֶת־בֵּית
עַבְדְּךָ לִהְיֺות לְעוֺלָם לְפָנֶיךָ
כִּי־אַתָּה יְהוָה בֵּרַכְתָּ וּמְבֹרָך
לְעוֺלָם׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages