1Chron 14

Teljes szövegű keresés

1Chron 14
1Chron 14.1
וַיִּשְׁלַח 1 חִירָם 2 חוּרָם מֶלֶכְ־צֹר
מַלְאָכִים אֶל־דָּוִיד וַעֲצֵי אֲרָזִים
וְחָרָשֵׁי קִיר וְחָרָשֵׁי עֵצִים
לִבְנֺות לוֺ בָּיִת׃
1Chron 14.2
וַיֵּדַע דָּוִיד כִּי־הֱכִינֺו יְהוָה
לְמֶלֶך עַל־יִשְׂרָאֵל כִּי־נִשֵּׂאת
לְמַעְלָה מַלְכוּתוֺ בַּעֲבוּר עַמּוֺ
יִשְׂרָאֵל׃ ף
1Chron 14.3
וַיִּקַּח דָּוִיד עוֺד נָשִׁים בִּירוּשָׁלִָם
וַיֺּולֶד דָּוִיד עוֺד בָּנִים
וּבָנֺות׃
1Chron 14.4
וְאֵלֶּה שְׁמוֺת הַיְלוּדִים אֲשֶׁר
הָיוּ־לוֺ בִּירוּשָׁלִָם שַׁמּוּעַ
וְשׁוֺבָב נָתָן וּשְׁלֹמֹה׃
1Chron 14.5
וְיִבְחָר וֶאֱלִישׁוּעַ וְאֶלְפָּלֶט׃
1Chron 14.6
וְנֺגַהּ וְנֶפֶג וְיָפִיעַ׃
1Chron 14.7
וֶאֱלִישָׁמָע וּבְעֶלְיָדָע וֶאֱלִיפָלֶט׃
1Chron 14.8
וַיִּשְׁמְעוּ פְלִשְׁתִּים כִּי־נִמְשַׁח
דָּוִיד לְמֶלֶך עַל־כָּל־יִשְׂרָאֵל
וַיַּעֲלוּ כָל־פְּלִשְׁתִּים לְבַקֵּשׁ
אֶת־דָּוִיד וַיִּשְׁמַע דָּוִיד וַיֵּא
לִפְנֵיהֶם׃
1Chron 14.9
וּפְלִשְׁתִּים בָּאוּ וַיִּפְשְׁטוּ בְּעֵמֶק
רְפָאִים׃
1Chron 14.10
וַיִּשְׁאַל דָּוִיד בֵּאלֹהִים לֵאמֹר
הַאֶעֱלֶה עַל־פְּלִשְׁתִּיִּים 2 פְּלִשְׁתִּים
וּנְתַתָּם בְּיָדִי וַיֺּאמֶר לוֺ יְהוָה
עֲלֵה וּנְתַתִּים בְּיָדֶךָ׃
1Chron 14.11
וַיַּעֲלוּ בְּבַעַל־פְּרָצִים וַיַּכֵּם
שָׁם דָּוִיד וַיֺּאמֶר דָּוִיד פָּרַץ
הָאֱלֹהִים אֶת־אוֺיְבַי בְּיָדִי
כְּפֶרֶץ מָיִם עַל־כֵּן קָרְא שֵׁמ־הַמָּקוֺם
הַהוּא בַּעַל פְּרָצִים׃
1Chron 14.12
וַיַּעַזְבוּ־שָׁם אֶת־אֱלֹהֵיהֶם וַיֺּאמֶר
דָּוִיד וַיִּשָּׂרְפוּ בָּאֵשׁ׃ ף
1Chron 14.13
וַיֺּסִיפוּ עוֺד פְּלִשְׁתִּים וַיִּפְשְׁטוּ
בָּעֵמֶק׃
1Chron 14.14
וַיִּשְׁאַל עוֺד דָּוִיד בֵּאלֹהִים
וַיֺּאמֶר לוֺ הָאֱלֹהִים לֹא תַעֲלֶה
אַחֲרֵיהֶם הָסֵב מֵעֲלֵיהֶם וּבָאתָ
לָהֶם מִמּוּל הַבְּכָאִם׃
1Chron 14.15
וִיהִי כְּשָׁמְעֲךָ אֶת־קוֺל הַצְּעָדָה
בְּרָאשֵׁי הַבְּכָאִים אָז תֵּצֵא בַמִּלְחָמָה
כִּי־יָצָא הָאֱלֹהִים לְפָנֶיךָ
לְהַכּוֺת אֶת־מַחֲנֵה לִשְׁתִּים׃
1Chron 14.16
וַיַּעַשׂ דָּוִיד כַּאֲשֶׁר צִוָּהוּ
הָאֱלֹהִים וַיַּכּוּ אֶת־מַחֲנֵה פְלִשְׁתִּים
מִגִּבְעוֺן וְעַד־גָּזְרָה׃
1Chron 14.17
וַיֵּצֵא שֵׁמ־דָּוִיד בְּכָל־הָאֲרָצוֺת
וַיהוָה נָתַן אֶת־פַּחְדּוֺ עַל־כָּל־הַגֺּויִם׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages