2Reg 4

Teljes szövegű keresés

2Reg 4
2Reg 4.1
וְאִשָּׁה אַחַת מִנְּשֵׁי בְנֵי־הַנְּבִיאִים
צָעֲקָה אֶל־אֱלִישָׁע לֵאמֹר עַבְדְּךָ
אִישִׁי מֵת וְאַתָּה יָדַעְתָּ כִּי
עַבְדְּךָ הָיָה יָרֵא אֶת־יְהוָה
וְהַנֺּשֶׁה בָּא לָקַחַת אֶת־שְׁנֵי
יְלָדַי לוֺ לַעֲבָדִים׃
2Reg 4.2
וַיֺּאמֶר אֵלֶיהָ אֱלִישָׁע מָה
אֶעֱשֶׂה־לָּך הַגִּידִי לִי מַה־יֶּשׁ־לְכִי 2 לָך
בַּבָּיִת וַתֹּאמֶר אֵין לְשִׁפְחָתְךָ
כֹל בַּבַּיִת כִּי אִמ־אָסוּך שָׁמֶן׃
2Reg 4.3
וַיֺּאמֶר לְכִי שַׁאֲלִי־לָך כֵּלִים
מִנ־הַחוּץ מֵאֵת כָּל־שְׁכֵנֵכִי 2 שְׁכֵנָיִך
כֵּלִים רֵקִים אַל־תַּמְעִיטִי׃
2Reg 4.4
וּבָאת וְסָגַרְתְּ הַדֶּלֶת בַּעֲדֵך
וּבְעַד־בָּנַיִך וְיָצַקְתְּ עַל כָּל־הַכֵּלִים
הָאֵלֶּה וְהַמָּלֵא תַּסִּיעִי׃
2Reg 4.5
וַתֵּלֶך מֵאִתּוֺ וַתִּסְגֺּר הַדֶּלֶת
בַּעֲדָהּ וּבְעַד בָּנֶיהָ הֵם מַגִּשִׁים
אֵלֶיהָ וְהִיא 1 מֵיצָקֶת 2 מוֺצָקֶת׃
2Reg 4.6
וַיְהִי כִּמְלֹאת הַכֵּלִים וַתֹּאמֶר
אֶל־בְּנָהּ הַגִּישָׁה אֵלַי עוֺד
כֶּלִי וַיֺּאמֶר אֵלֶיהָ אֵין עוֺד
כֶּלִי וַיַּעֲמֹד הַשָּׁמֶן׃
2Reg 4.7
וַתָּבֹא וַתַּגֵּד לְאִישׁ הָאֱלֹהִים
וַיֺּאמֶר לְכִי מִכְרִי אֶת־הַשֶּׁמֶן
וְשַׁלְּמִי אֶת־נִשְׁיֵכִי 2 נִשְׁיֵך
וְאַתְּ 1 בְּנֵיכִי 2 וּבָנַיִך תִחְי בַּנֺּותָר׃
ף
2Reg 4.8
וַיְהִי הַיֺּום וַיַּעֲבֹר אֱלִישָׁע
אֶל־שׁוּנֵם וְשָׁם אִשָּׁה גְדוֺלָה
וַתַּחֲזֶק־בּוֺ לֶאֱכָל־לָחֶם וַיְהִי
מִדֵּי עָבְרוֺ יָסֻר שָׁמָּה לֶאֱכָ־לָחֶם׃
2Reg 4.9
וַתֹּאמֶר אֶל־אִישָׁהּ הִנֵּה־נָא
יָדַעְתִּי כִּי אִישׁ אֱלֹהִים קָדוֺשׁ
הוּא עֹבֵר עָלֵינוּ תָּמִיד׃
2Reg 4.10
נַעֲשֶׂה־נָּא עֲלִיַּת־קִיר קְטַנָּה
וְנָשִׂים לוֺ שָׁם מִטָּה וְשֻׁלְחָן
וְכִסֵּא וּמְנֺורָה וְהָיָה בְּבֹאוֺ
אֵלֵינוּ יָסוּר שָׁמָּה׃
2Reg 4.11
וַיְהִי הַיֺּום וַיָּבֹא שָׁמָּה וַיָּסַר
אֶל־הָעֲלִיָּה וַיִּשְׁכַּב־שָׁמָּה׃
2Reg 4.12
וַיֺּאמֶר אֶל־גֵּחֲזִי נַעֲרוֺ קְרָא
לַשּׁוּנַמִּית הַזֺּאת וַיִּקְרָא־לָהּ
וַתַּעֲמֹד לְפָנָיו׃
2Reg 4.13
וַיֺּאמֶר לוֺ אֱמָר־נָא אֵלֶיהָ
הִנֵּה חָרַדְתְּ אֵלֵינוּ אֶת־כָּל־הַחֲרָדָה
הַזֺּאת מֶה לַעֲשׂוֺת לָך הֲיֵשׁ
לְדַבֶּר־לָך אֶל־הַמֶּלֶך אֹ אֶל־שַׂר
הַצָּבָא וַתֹּאמֶר בְּתוֺך עַמִּי
אָנֺכִי יֺשָׁבֶת׃
2Reg 4.14
וַיֺּאמֶר וּמֶה לַעֲשׂוֺת לָהּ וַיֺּאמֶר
גֵּיחֲזִי אֲבָל בֵּן אֵינ־לָהּ
וְאִישָׁהּ זָקֵן׃
2Reg 4.15
וַיֺּאמֶר קְרָא־לָהּ וַיִּקְרָא־לָהּ
וַתַּעֲמֹד בַּפָּתַח׃
2Reg 4.16
וַיֺּאמֶר לַמּוֺעֵד הַזֶּה כָּעֵת חַיָּה 1 אַתִּי 2 אַתְּ
חֹבֶקֶת בֵּן וַתֹּאמֶר אַל־אֲדֹנִי
אִישׁ הָאֱלֹהִים אַל־תְּכַזֵּב בְּשִׁפְחָתֶךָ׃
2Reg 4.17
וַתַּהַר הָאִשָּׁה וַתֵּלֶד בֵּן לַמּוֺעֵד
הַזֶּה כָּעֵת חַיָּה אֲשֶׁר־דִּבֶּר אֵלֶיהָ
אֱלִישָׁע׃
2Reg 4.18
וַיִּגְדַּל הַיָּלֶד וַיְהִי הַיֺּום
וַיֵּצֵא אֶל־אָבִיו אֶל־הַקֹּצְרִים׃
2Reg 4.19
וַיֺּאמֶר אֶל־אָבִיו רֹאשִׁי רֹאשִׁי
וַיֺּאמֶר אֶל־הַנַּעַר שָׂאֵהוּ אֶל־אִמּוֺ׃
2Reg 4.20
וַיִּשָּׂאֵהוּ וַיְבִיאֵהוּ אֶל־אִמּוֺ
וַיֵּשֶׁב עַל־בִּרְכֶּיהָ עַד־הַצָּהֳרַיִם
וַיָּמֹת׃
2Reg 4.21
וַתַּעַל וַתַּשְׁכִּבֵהוּ עַל־מִטַּת
אִישׁ הָאֱלֹהִים וַתִּסְגֺּר בַּעֲדוֺ
וַתֵּצֵא׃
2Reg 4.22
וַתִּקְרָא אֶל־אִישָׁהּ וַתֹּאמֶר
שִׁלְחָה נָא לִי אֶחָד מִנ־הַנְּעָרִים
וְאַחַת הָאֲתֹנֺות וְאָרוּצָה עַד־אִישׁ
הָאֱלֹהִים וְאָשׁוּבָה׃
2Reg 4.23
וַיֺּאמֶר מַדּוּעַ 1 אַתִּי 2 אַתְּ 1 הֹלַכְתִּי 2 הֹלֶכֶת
אֵלָיו הַיֺּום לֹא־חֹדֶשׁ וְלֹא
שַׁבָּת וַתֹּאמֶר שָׁלוֺם׃
2Reg 4.24
וַתַּחֲבֹשׁ הָאָתוֺן וַתֹּאמֶר אֶל־נַעֲרָהּ
נְהַג וָלֵך אַל־תַּעֲצָר־לִי לִרְכֹּב
כִּי אִמ־אָמַרְתִּי לָך׃
2Reg 4.25
וַתֵּלֶך וַתָּבוֺא אֶל־אִישׁ הָאֱלֹהִים
אֶל־הַר הַכַּרְמֶל וַיְהִי כִּרְאוֺת
אִישׁ־הָאֱלֹהִים אֹתָהּ מִנֶּגֶד
וַיֺּאמֶר אֶל־גֵּיחֲזִי נַעֲרוֺ הִנֵּה
הַשּׁוּנַמִּית הַלָּז׃
2Reg 4.26
עַתָּה רוּצ־נָא לִקְרָאתָהּ וֶאֱמָר־לָהּ
הֲשָׁלוֺם לָך הֲשָׁלוֺם לְאִישֵׁך
הֲשָׁלוֺם לַיָּלֶד וַתֹּאמֶר שָׁלוֺם׃
2Reg 4.27
וַתָּבֹא אֶל־אִישׁ הָאֱלֹהִים אֶל־הָהָר
וַתַּחֲזֵק בְּרַגְלָיו וַיִּגַּשׁ גֵּיחֲזִי
לְהָדְפָהּ וַיֺּאמֶר אִישׁ הָאֱלֹהִים
הַרְפֵּה־לָהּ כִּינַפְשָׁהּ מָרָה־לָהּ
וַיהוָה הֶעְלִים מִמֶּנִּי וְלֹא
הִגִּיד לִי׃
2Reg 4.28
וַתֹּאמֶר הֲשָׁאַלְתִּי בֵן מֵאֵת אֲדֹנִי
הֲלֹא אָמַרְתִּי לֹא תַשְׁלֶה אֹתִי׃
2Reg 4.29
וַיֺּאמֶר לְגֵיחֲזִי חֲגֺר מָתְנֶיךָ
וְקַח מִשְׁעַנְתִּי בְיָדְךָ וָלֵך כִּי־תִמְצָא
אִישׁ לֹא תְבָרְכֶנּוּ וְכִי־יְבָרֶכְךָ
אִישׁ לֹא תַעֲנֶנּוּ וְשַׂמְתָּ מִשְׁעַנְתִּי
עַל־פְּנֵי הַנָּעַר׃
2Reg 4.30
וַתֹּאמֶר אֵם הַנַּעַר חַי־יְהוָה
וְחֵי־נַפְשְׁךָ אִמ־אֶעֶזְבֶךָּ וַיָּקָם
וַיֵּלֶך אַחֲרֶיהָ׃
2Reg 4.31
וְגֵחֲזִי עָבַר לִפְנֵיהֶם וַיָּשֶׂם
אֶת־הַמִּשְׁעֶנֶת עַל־פְּנֵי הַנַּעַר
וְאֵין קוֺל וְאֵין קָשֶׁב וַיָּשָׁב
לִקְרָאתוֺ וַיַּגֶּד־לוֺ לֵאמֹר
לֹאהֵקִיץ הַנָּעַר׃
2Reg 4.32
וַיָּבֹא אֱלִישָׁע הַבָּיְתָה וְהִנֵּה
הַנַּעַר מֵת מֻשְׁכָּב עַל־מִטָּתוֺ׃
2Reg 4.33
וַיָּבֹא וַיִּסְגֺּר הַדֶּלֶת בְּעַד שְׁנֵיהֶם
וַיִּתְפַּלֵּל אֶל־יְהוָה׃
2Reg 4.34
וַיַּעַל וַיִּשְׁכַּב עַל־הַיֶּלֶד וַיָּשֶׂם
פִּיו עַל־פִּיו וְעֵינָיו עַל־עֵינָיו
וְכַפָּיו עַל־כַּפּוֺ 2 כַּפָּיו וַיִּגְהַר
עָלָיו וַיָּחָם בְּשַׂר יָּלֶד׃
2Reg 4.35
וַיָּשָׁב וַיֵּלֶך בַּבַּיִת אַחַת הֵנָּה
וְאַחַת הֵנָּה וַיַּעַל וַיִּגְהַר עָלָיו
וַיְזֺורֵר הַנַּעַר עַד־שֶׁבַע פְּעָמִים
וַיִּפְקַח הַנַּר אֶת־עֵינָיו׃
2Reg 4.36
וַיִּקְרָא אֶל־גֵּיחֲזִי וַיֺּאמֶר
קְרָא אֶל־הַשֻּׁנַמִּית הַזֺּאת וַיִּקְרָאֶהָ
וַתָּבוֺא אֵלָיו וַיֺּאמֶר שְׂאִי
בְנֵך׃
2Reg 4.37
וַתָּבֹא וַתִּפֹּל עַל־רַגְלָיו וַתִּשְׁתַּחוּ
אָרְצָה וַתִּשָּׂא אֶת־בְּנָהּ וַתֵּצֵא׃
ף
2Reg 4.38
וֶאֱלִישָׁע שָׁב הַגִּלְגָּלָה וְהָרָעָב
בָּאָרֶץ וּבְנֵי הַנְּבִיאִים יֺשְׁבִים
לְפָנָיו וַיֺּאמֶר לְנַעֲרוֺ שְׁפֹת
הַסִּיר הַגְּדוֺלָה וּבַשֵּׁל נָזִיד
לִבְנֵי הַנְּבִיאִים׃
2Reg 4.39
וַיֵּצֵא אֶחָד אֶל־הַשָּׂדֶה לְלַקֵּט
אֹרֹת וַיִּמְצָא גֶּפֶן שָׂדֶה וַיְלַקֵּט
מִמֶּנּוּ פַּקֻּעֹת שָׂדֶה מְלֹא בִגְדוֺ
וַיָּבֹא וַיְפַלַּח אֶל־סִר הַנָּזִיד
כִּי־לֹא יָדָעוּ׃
2Reg 4.40
וַיִּצְקוּ לַאֲנָשִׁים לֶאֱכוֺל וַיְהִי
כְּאָכְלָם מֵהַנָּזִיד וְהֵמָּה צָעָקוּ
וַיֺּאמְרוּ מָוֶת בַּסִּיר אִישׁ הָאֱלֹהִים
וְלֹא יָכְלוּ לֶאֱכֹל׃
2Reg 4.41
וַיֺּאמֶר וּקְחוּ־קֶמַח וַיַּשְׁלֵך
אֶל־הַסִּיר וַיֺּאמֶר צַק לָעָם
וְיֺאכֵלוּ וְלֹא הָיָה דָּבָר רָע
בַּסִּיר׃ ס
2Reg 4.42
וְאִישׁ בָּא מִבַּעַל שָׁלִשָׁה וַיָּבֵא
לְאִישׁ הָאֱלֹהִים לֶחֶם בִּכּוּרִים
עֶשְׂרִימ־לֶחֶם שְׂעֹרִים וְכַרְמֶל
בְּצִקְלֹנֺו וַיֺּאמֶר תֵּן לָעָם יֺאכֵלוּ׃
2Reg 4.43
וַיֺּאמֶר מְשָׁרְתוֺ מָה אֶתֵּן זֶה
לִפְנֵי מֵאָה אִישׁ וַיֺּאמֶר תֵּן
לָעָם וְיֺאכֵלוּ כִּי כֹה אָמַר
יְהוָה אָכֹל וְהוֺתֵר׃
2Reg 4.44
וַיִּתֵּן לִפְנֵיהֶם וַיֺּאכְלוּ וַיֺּותִרוּ
כִּדְבַר יְהוָה׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages