2Reg 17

Teljes szövegű keresés

2Reg 17
2Reg 17.1
בִּשְׁנַת שְׁתֵּים עֶשְׂרֵה לְאָחָז מֶלֶך
יְהוּדָה מָלַך הוֺשֵׁעַ בֶּנ־אֵלָה
בְשֹׁמְרוֺן עַל־יִשְׂרָאֵל תֵּשַׁע שָׁנִים׃
2Reg 17.2
וַיַּעַשׂ הָרַע בְּעֵינֵי יְהוָה רַק
לֹא כְּמַלְכֵי יִשְׂרָאֵל אֲשֶׁר הָיוּ
לְפָנָיו׃
2Reg 17.3
עָלָיו עָלָה שַׁלְמַנְאֶסֶר מֶלֶך
אַשּׁוּר וַיְהִי־לוֺ הוֺשֵׁעַ עֶבֶד
וַיָּשֶׁב לוֺ מִנְחָה׃
2Reg 17.4
וַיִּמְצָא מֶלֶכְ־אַשּׁוּר בְּהוֺשֵׁעַ
קֶשֶׁר אֲשֶׁר שָׁלַח מַלְאָכִים אֶל־סוֺא
מֶלֶכְ־מִצְרַיִם וְלֹא־הֶעֱלָה מִנְחָה
לְמֶלֶך אַשּׁוּר כְּשָׁנָה בְנָה וַיַּעַצְרֵהוּ
מֶלֶך אַשּׁוּר וַיַּאַסְרֵהוּ בֵּית
כֶּלֶא׃
2Reg 17.5
וַיַּעַל מֶלֶכְ־אַשּׁוּר בְּכָל־הָאָרֶץ
וַיַּעַל שֹׁמְרוֺן וַיָּצַר עָלֶיהָ
שָׁלֹשׁ שָׁנִים׃
2Reg 17.6
בִּשְׁנַת הַתּשִׁיעִית לְהוֺשֵׁעַ לָכַד
מֶלֶכְ־אַשּׁוּר אֶת־שֹׁמְרוֺן וַיֶּגֶל
אֶת־יִשְׂרָאֵל אַשּׁוּרָה וַיֺּשֶׁב אֹתָם
בַּחְלַח וּבְחָבוֺר נְהַר גֺּוזָן
וְעָרֵי מָדָי׃ ף
2Reg 17.7
וַיְהִי כִּי־חָטְאוּ בְנֵי־יִשְׂרָאֵל
לַיהוָה אֱלֹהֵיהֶם הַמַּעֲלֶה אֹתָם
מֵאֶרֶץ מִצְרַיִם מִתַּחַת יַד פַּרְעֹה
מֶלֶכְ־מִצְרָיִם וַיִּירְאוּ אֱלֹהִים
אֲחֵרִים׃
2Reg 17.8
וַיֵּלְכוּ בְּחֻקּוֺת הַגֺּויִם אֲשֶׁר
הוֺרִישׁ יְהוָה מִפְּנֵי בְּנֵי יִשְׂרָאֵל
וּמַלְכֵי יִשְׂרָאֵל אֲשֶׁר עָשׂוּ׃
2Reg 17.9
וַיְחַפְּאוּ בְנֵי־יִשְׂרָאֵל דְּבָרִים
אֲשֶׁר לֹא־כֵן עַל־יְהוָה אֱלֹהֵיהֶם
וַיִּבְנוּ לָהֶם בָּמוֺת בְּכָל־עָרֵיהֶם
מִמִּגְדַּל נֺוצְרִים עַד־יר מִבְצָר׃
2Reg 17.10
וַיַּצִּבוּ לָהֶם מַצֵּבוֺת וַאֲשֵׁרִים
עַל כָּל־גִּבְעָה גְבֹהָה וְתַחַת
כָּל־עֵץ רַעֲנָן׃
2Reg 17.11
וַיְקַטְּרוּ־שָׁם בְּכָל־בָּמוֺת כַּגֺּויִם
אֲשֶׁר־הֶגְלָה יְהוָה מִפְּנֵיהֶם
וַיַּעֲשׂוּ דְּבָרִים רָעִים לְהַכְעִיס
אֶת־יְהוָה׃
2Reg 17.12
וַיַּעַבְדוּ הַגִּלֻּלִים אֲשֶׁר אָמַר
יְהוָה לָהֶם לֹא תַעֲשׂוּ אֶת־הַדָּבָר
הַזֶּה׃
2Reg 17.13
וַיָּעַד יְהוָה בְּיִשְׂרָאֵל וּבִיהוּדָה
בְּיַד כָּל־נְבִיאוֺ 2 נְבִיאֵי כָל־חֹזֶה
לֵאמֹר שֻׁבוּ מִדַּרְכֵיכֶם הָרָעִים
וְשִׁמְרוּ מִצְוֺתַי חֻקּוֺתַי כְּכָל־הַתּוֺרָה
אֲשֶׁר צִוִּיתִי אֶת־אֲבֹתֵיכֶם וַאֲשֶׁר
שָׁלַחְתִּי אֲלֵיכֶם בְּיַד עֲבָדַי
הַנְּבִיאִים׃
2Reg 17.14
וְלֹא שָׁמֵעוּ וַיַּקְשׁוּ אֶת־עָרְפָּם
כְּעֹרֶף אֲבוֺתָם אֲשֶׁר לֹא הֶאֱמִינוּ
בַּיהוָה אֱלֹהֵיהֶם׃
2Reg 17.15
וַיִּמְאֲסוּ אֶת־חֻקָּיו וְאֶת־בְּרִיתוֺ
אֲשֶׁר כָּרַת אֶת־אֲבוֺתָם וְאֵת
עֵדְוֺתָיו אֲשֶׁר הֵעִיד בָּם וַיֵּלְכוּ
אַחֲרֵי הַהֶבֶל וַיֶּהְבָּלוּ וְאַחֲרֵי
הַגֺּויִם אֲשֶׁר סְבִיבֹתָם אֲשֶׁר
צִוָּה יְהוָה אֹתָם לְבִלְתִּי עֲשׂוֺת
כָּהֶם׃
2Reg 17.16
וַיַּעַזְבוּ אֶת־כָּל־מִצְוֺת יְהוָה
אֱלֹהֵיהֶם וַיַּעֲשׂוּ לָהֶם מַסֵּכָה 1 שְׁנֵים 2 שְׁנֵי
עֲגָלִים וַיַּעֲשׂוּ אֲשֵׁירָה וַיִּשְׁתַּחֲווּ
לְכָל־צְבָא הַשָּׁמַיִם וַיַּעַבְדוּ
אֶת־הַבָּעַל׃
2Reg 17.17
וַיַּעֲבִירוּ אֶת־בְּנֵיהֶם וְאֶת־בְּנֺותֵיהֶם
בָּאֵשׁ וַיִּקְסְמוּ קְסָמִים וַיְנַחֵשׁוּ
וַיִּתְמַכְּרוּ לַעֲשׂוֺת הָרַע בְּעֵינֵי
יְהוָה לְהַכְעִיסוֺ׃
2Reg 17.18
וַיִּתְאַנַּף יְהוָה מְאֹד בְּיִשְׂרָאֵל
וַיְסִרֵם מֵעַל פָּנָיו לֹא נִשְׁאַר
רַק שֵׁבֶט יְהוּדָה לְבַדּוֺ׃
2Reg 17.19
גַּמ־יְהוּדָה לֹא שָׁמַר אֶת־מִצְוֺת
יְהוָה אֱלֹהֵיהֶם וַיֵּלְכוּ בְּחֻקּוֺת
יִשְׂרָאֵל אֲשֶׁר עָשׂוּ׃
2Reg 17.20
וַיִּמְאַס יְהוָה בְּכָל־זֶרַע יִשְׂרָאֵל
וַיְעַנֵּם וַיִּתְּנֵם בְּיַד־שֹׁסִים
עַד אֲשֶׁר הִשְׁלִיכָם מִפָּנָיו׃
2Reg 17.21
כִּי־קָרַע יִשְׂרָאֵל מֵעַל בֵּית
דָּוִד וַיַּמְלִיכוּ אֶת־יָרָבְעָם
בֶּנ־נְבָט 1 וַיַּדֵּא 2 וַיַּדַּח יָרָבְעָם
אֶת־יִשְׂרָאֵל מֵאַחֲרֵי יְהוָה
וְהֶחֱטֵיאָם חֲטָאָה גְדוֺלָה׃
2Reg 17.22
וַיֵּלְכוּ בְּנֵי יִשְׂרָאֵל בְּכָל־חַטֹּאות
יָרָבְעָם אֲשֶׁר עָשָׂה לֹא־סָרוּ
מִמֶּנָּה׃
2Reg 17.23
עַד אֲשֶׁר־הֵסִיר יְהוָה אֶת־יִשְׂרָאֵל
מֵעַל פָּנָיו כַּאֲשֶׁר דִּבֶּר בְּיַד
כָּל־עֲבָדָיו הַנְּבִיאִים וַיִּגֶל
יִשְׂרָאֵל מֵעַל אַדְמָתוֺ אַשּׁוּרָה
עַד הַיֺּום הַזֶּה׃ ף
2Reg 17.24
וַיָּבֵא מֶלֶכְ־אַשּׁוּר מִבָּבֶל וּמִכּוּתָה
וּמֵעַוָּא וּמֵחֲמָת וּסְפַרְוַיִם וַיֺּשֶׁב
בְּעָרֵי שֹׁמְרוֺן תַּחַת בְּנֵי יִשְׂרָאֵל
וַיִּרְשׁוּ אֶת־שֹׁמְרוֺן וַיֵּשְׁבוּ
בְּעָרֶיהָ׃
2Reg 17.25
וַיְהִי בִּתְחִלַּת שִׁבְתָּם שָׁם לֹא
יָרְאוּ אֶת־יְהוָה וַיְשַׁלַּח יְהוָה
בָּהֶם אֶת־הָאֲרָיֺות וַיִּהְיוּ
הֹרְגִים בָּהֶם׃
2Reg 17.26
וַיֺּאמְרוּ לְמֶלֶך אַשּׁוּר לֵאמֹר
הַגֺּויִם אֲשֶׁר הִגְלִיתָ וַתּוֺשֶׁב
בְּעָרֵי שֹׁמְרוֺן לֹא יָדְעוּ אֶת־מִשְׁפַּט
אֱלֹהֵי הָאָרֶץ וַיְשַׁלַּ־בָּם אֶת־הָאֲרָיֺות
וְהִנָּם מְמִיתִים אוֺתָם כַּאֲשֶׁר
אֵינָם יֺדְעִים אֶת־מִשְׁפַּט אֱלֹהֵי
הָאָרֶץ׃
2Reg 17.27
וַיְצַו מֶלֶכְ־אַשּׁוּר לֵאמֹר הֹלִיכוּ
שָׁמָּה אֶחָד מֵהַכֹּהֲנִים אֲשֶׁר
הִגְלִיתֶם מִשָּׁם וְיֵלְכוּ וְיֵשְׁבוּ
שָׁם וְיֺרֵם אֶת־מִשְׁפַּט אֱהֵי
הָאָרֶץ׃
2Reg 17.28
וַיָּבֹא אֶחָד מֵהַכֹּהֲנִים אֲשֶׁר
הִגְלוּ מִשֹּׁמְרוֺן וַיֵּשֶׁב בְּבֵית־אֵל
וַיְהִי מוֺרֶה אֹתָם אֵיך יִירְאוּ
אֶת־יְהוָה׃
2Reg 17.29
וַיִּהְיוּ עֹשִׂים גֺּוי גֺּוי אֱלֹהָיו
וַיַּנִּיחוּ בְּבֵית הַבָּמוֺת אֲשֶׁר
עָשׂוּ הַשֹּׁמְרֹנִים גֺּוי גֺּוי
בְּעָרֵיהֶם אֲשֶׁר הֵם יֺשְׁבִים שָׁם׃
2Reg 17.30
וְאַנְשֵׁי בָבֶל עָשׂוּ אֶת־סֻכּוֺת
בְּנֺות וְאַנְשֵׁי־כוּת עָשׂוּ אֶת־נֵרְגַל
וְאַנְשֵׁי חֲמָת עָשׂוּ אֶת־אֲשִׁימָא׃
2Reg 17.31
וְהָעַוִּים עָשׂוּ נִבְחַז וְאֶת־תַּרְתָּק
וְהַסְפַרְוִים שֹׂרְפִים אֶת־בְּנֵיהֶם
בָּאֵשׁ לְאַדְרַמֶּלֶך וַעֲנַמֶּלֶך 1 אֱלֹהַּ 2 אֱלֹהֵי 1 סְפַרִים 2 סְרְוָיִם׃
2Reg 17.32
וַיִּהְיוּ יְרֵאִים אֶת־יְהוָה
וַיַּעֲשׂוּ לָהֶם מִקְצוֺתָם כֹּהֲנֵי
בָמוֺת וַיִּהְיוּ עֹשִׂים לָהֶם בְּבֵית
הַבָּמוֺת׃
2Reg 17.33
אֶת־יְהוָה הָיוּ יְרֵאִים וְאֶת־אֱלֹהֵיהֶם
הָיוּ עֹבְדִים כְּמִשְׁפַּט הַגֺּויִם
אֲשֶׁר־הִגְלוּ אֹתָם מִשָּׁם׃
2Reg 17.34
עַד הַיֺּום הַזֶּה הֵם עֹשִׂים כַּמִּשְׁפָּטִים
הָרִאשֹׁנִים אֵינָם יְרֵאִים אֶת־יְהוָה
וְאֵינָם עֹשִׂים כְּחֻקֹּתָם וּכְמִשְׁפָּטָם
וְכַתּוֺרָה וְכַמִּצְוָה אֲשֶׁר צִוָּה
יְהוָה אֶת־בְּנֵי יַעֲקֹב אֲשֶׁר־שָׂם
שְׁמוֺ יִשְׂרָאֵל׃
2Reg 17.35
וַיִּכְרֹת יְהוָה אִתָּם בְּרִית וַיְצַוֵּם
לֵאמֹר לֹא תִירְאוּ אֱלֹהִים
אֲחֵרִים וְלֹא־תִשְׁתַּחֲווּ לָהֶם
וְלֹא תַעַבְדוּם וְלֹא תִזְבְּחוּ
לָהֶם׃
2Reg 17.36
כִּי אִמ־אֶת־יְהוָה אֲשֶׁר הֶעֱלָה
אֶתְכֶם מֵאֶרֶץ מִצְרַיִם בְּכֹחַ גָּדוֺל
וּבִזְרוֺעַ נְטוּיָה אֹתוֺ תִירָאוּ
וְלוֺ תִשְׁתַּחֲווּ וְלוֺ זְבָּחוּ׃
2Reg 17.37
וְאֶת־הַחֻקִּים וְאֶת־הַמִּשְׁפָּטִים
וְהַתּוֺרָה וְהַמִּצְוָה אֲשֶׁר כָּתַב
לָכֶם תִּשְׁמְרוּן לַעֲשׂוֺת כָּל־הַיָּמִים
וְלֹא תִירְאוּ אֱלֹהִים אֲחֵרִים׃
2Reg 17.38
וְהַבְּרִית אֲשֶׁר־כָּרַתִּי אִתְּכֶם
לֹא תִשְׁכָּחוּ וְלֹא תִירְאוּ אֱלֹהִים
אֲחֵרִים׃
2Reg 17.39
כִּי אִמ־אֶת־יְהוָה אֱלֹהֵיכֶם
תִּירָאוּ וְהוּא יַצִּיל אֶתְכֶם
מִיַּד כָּל־אֹיְבֵיכֶם׃
2Reg 17.40
וְלֹא שָׁמֵעוּ כִּי אִמ־כְּמִשְׁפָּטָם
הָרִאשׁוֺן הֵם עֹשִׂים׃
2Reg 17.41
וַיִּהְיוּ הַגֺּויִם הָאֵלֶּה יְרֵאִים
אֶת־יְהוָה וְאֶת־פְּסִילֵיהֶם הָיוּ
עֹבְדִים גַּמ־בְּנֵיהֶם וּבְנֵי בְנֵיהֶם
כַּאֲשֶׁר עָשׂוּ אֲבֹתָם הֵם עֹשִׂים
עַד הַיֺּום הַזֶּה׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages