2Reg 11

Teljes szövegű keresés

2Reg 11
2Reg 11.1
וַעֲתַלְיָה אֵם אֲחַזְיָהוּ 1 וּרָאֲתָה 2 רָאֲתָה
כִּי מֵת בְּנָהּ וַתָּקָם וַתְּאַבֵּד
אֵת כָּל־זֶרַע הַמַּמְלָכָה׃
2Reg 11.2
וַתִּקַּח יְהוֺשֶׁבַע בַּת־הַמֶּלֶכְ־יֺורָם
אֲחוֺת אֲחַזְיָהוּ אֶת־יֺואָשׁ
בֶּנ־אֲחַזְיָה וַתִּגְנֺב אֹתוֺ מִתּוֺך
בְּנֵי־הַמֶּלֶך 1 הַמַּמוֺתְתִים 2 הַמּוּמָתִים
אֹתוֺ וְאֶת־מֵינִקְתּוֺ בַּחֲדַר הַמִּטּוֺת
וַיַּסְתִּרוּ אֹתוֺ מִפְּנֵי עֲתַלְיָהוּ
וְלֹא הוּמָת׃
2Reg 11.3
וַיְהִי אִתָּהּ בֵּית יְהוָה מִתְחַבֵּא
שֵׁשׁ שָׁנִים וַעֲתַלְיָה מֹלֶכֶת
עַל־הָאָרֶץ׃ ף
2Reg 11.4
וּבַשָּׁנָה הַשְּׁבִיעִית שָׁלַח יְהוֺיָדָע
וַיִּקַּח אֶת־שָׂרֵי 1 הַמֵּאיֺות 2 הַמֵּאוֺת
לַכָּרִי וְלָרָצִים וַיָּבֵא אֹתָם
אֵלָיו בֵּית יְהוָה וַיִּכְרֹת
לָהֶם בְּרִית וַיַּשְׁבַּע אֹתָם בְּבֵית
יְהוָה וַיַּרְא אֹתָם אֶת־בֶּנ־הַמֶּלֶך׃
2Reg 11.5
וַיְצַוֵּם לֵאמֹר זֶה הַדָּבָר אֲשֶׁר
תַּעֲשׂוּן הַשְּׁלִשִׁית מִכֶּם בָּאֵי
הַשַּׁבָּת וְשֹׁמְרֵי מִשְׁמֶרֶת בֵּית
הַמֶּלֶך׃
2Reg 11.6
וְהַשְּׁלִשִׁית בְּשַׁעַר סוּר וְהַשְּׁלִשִׁית
בַּשַּׁעַר אַחַר הָרָצִים וּשְׁמַרְתֶּם
אֶת־מִשְׁמֶרֶת הַבַּיִת מַסָּח׃
2Reg 11.7
וּשְׁתֵּי הַיָּדוֺת בָּכֶם כֹּל יֺצְאֵי
הַשַּׁבָּת וְשָׁמְרוּ אֶת־מִשְׁמֶרֶת בֵּית־יְהוָה
אֶל־הַמֶּלֶך׃
2Reg 11.8
וְהִקַּפְתֶּם עַל־הַמֶּלֶך סָבִיב אִישׁ
וְכֵלָיו בְּיָדוֺ וְהַבָּא אֶל־הַשְּׂדֵרוֺת
יוּמָת וִהְיוּ אֶת־הַמֶּלֶך בְּצֵאתוֺ
וּבְבֹאוֺ׃
2Reg 11.9
וַיַּעֲשׂוּ שָׂרֵי 1 הַמֵּאיֺות 2 הַמֵּאוֺת
כְּכֹל אֲשֶׁר־צִוָּה יְהוֺיָדָע הַכֹּהֵן
וַיִּקְחוּ אִישׁ אֶת־אֲנָשָׁיו בָּאֵי
הַשַּׁבָּת עִם יֺצְאֵי הַשַּׁבָּת וַיָּבֹאוּ
אֶל־יְהוֺיָדָע הַכֹּהֵן׃
2Reg 11.10
וַיִּתֵּן הַכֹּהֵן לְשָׂרֵי 1 הַמֵּאיֺות 2 הַמֵּאוֺת
אֶת־הַחֲנִית וְאֶת־הַשְּׁלָטִים אֲשֶׁר
לַמֶּלֶך דָּוִד אֲשֶׁר בְּבֵית יְהוָה׃
2Reg 11.11
וַיַּעַמְדוּ הָרָצִים אִישׁ וְכֵלָיו
בְּיָדוֺ מִכֶּתֶף הַבַּיִת הַיְמָנִית
עַד־כֶּתֶף הַבַּיִת הַשְּׂמָאלִית לַמִּזְבֵּחַ
וְלַבָּיִת עַל־הַמֶּלֶך סָבִיב׃
2Reg 11.12
וַיֺּוצִא אֶת־בֶּנ־הַמֶּלֶך וַיִּתֵּן
עָלָיו אֶת־הַנֵּזֶר וְאֶת־הָעֵדוּת
וַיַּמְלִכוּ אֹתוֺ וַיִּמְשָׁחֻהוּ וַיַּכּוּ־כָף
וַיֺּאמְרוּ יְחִי הַמֶּלֶ׃ ס
2Reg 11.13
וַתִּשְׁמַע עֲתַלְיָה אֶת־קוֺל הָרָצִין
הָעָם וַתָּבֹא אֶל־הָעָם בֵּית יְהוָה׃
2Reg 11.14
וַתֵּרֶא וְהִנֵּה הַמֶּלֶך עֹמֵד עַל־הָעַמּוּד
כַּמִּשְׁפָּט וְהַשָּׂרִים וְהַחֲצֹצְרוֺת
אֶל־הַמֶּלֶך וְכָל־עַם הָאָרֶץ שָׂמֵחַ
וְתֹקֵעַ בַּחֲצְרוֺת וַתִּקְרַע עֲתַלְיָה
אֶת־בְּגָדֶיהָ וַתִּקְרָא קֶשֶׁר קָשֶׁר׃
ס
2Reg 11.15
וַיְצַו יְהוֺיָדָע הַכֹּהֵן אֶת־שָׂרֵי 1 הַמֵּיאוֺת 2 הַמֵּאוֺת
פְּקֻדֵי הַחַיִל וַיֺּאמֶר אֲלֵיהֶם
הוֺצִיאוּ אֹתָהּ אֶל־מִבֵּית לַשְּׂדֵרֹת
וְהַבָּאאַחֲרֶיהָ הָמֵת בֶּחָרֶב כִּי
אָמַר הַכֹּהֵן אַל־תּוּמַת בֵּית
יְהוָה׃
2Reg 11.16
וַיָּשִׂמוּ לָהּ יָדַיִם וַתָּבוֺא דֶּרֶכְ־מְבוֺא
הַסּוּסִים בֵּית הַמֶּלֶך וַתּוּמַת
שָׁם׃ ס
2Reg 11.17
וַיִּכְרֹת יְהוֺיָדָע אֶת־הַבְּרִית
בֵּין יְהוָה וּבֵין הַמֶּלֶך וּבֵין
הָעָם לִהְיֺות לְעָם לַיהוָה וּבֵין
הַמֶּלֶך וּבֵין הָעָם׃
2Reg 11.18
וַיָּבֹאוּ כָל־עַם הָאָרֶץ בֵּית־הַבַּעַל
וַיִּתְּצֻהוּ אֶת־מִזְבְּחֹתוֺ 2 מִזְבְּחֹתָיו
וְאֶת־צְלָמָיו שִׁבְּרוּ הֵיטֵב
וְאֵת מַתָּן כֹּהֵן הַבַּעַל הָרְגוּ
לִפְנֵי הַמִּזְבְּחוֺת וַיָּשֶׂם הַכֹּהֵן
פְּקֻדּוֺת עַל־בֵּית יְהוָה׃
2Reg 11.19
וַיִּקַּח אֶת־שָׂרֵי הַמֵּאוֺת וְאֶת־הַכָּרִי
וְאֶת־הָרָצִים וְאֵת כָּל־עַם הָאָרֶץ
וַיֺּרִידוּ אֶת־הַמֶּלֶך מִבֵּית
יְהוָה וַיָּבוֺאוּ דֶּרֶכ־שַׁעַר הָרָצִים
בֵּית הַמֶּלֶך וַיֵּשֶׁב עַל־כִּסֵּא
הַמְּלָכִים׃
2Reg 11.20
וַיִּשְׂמַח כָּל־עַמ־הָאָרֶץ וְהָעִיר
שָׁקָטָה וְאֶת־עֲתַלְיָהוּ הֵמִיתוּ
בַחֶרֶב בֵּית 1 מֶלֶך 2 הַמֶּלֶך׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages