1Reg 16

Teljes szövegű keresés

1Reg 16
1Reg 16.1
וַיְהִי דְבַר־יְהוָה אֶל־יֵהוּא
בֶנ־חֲנָנִי עַל־בַּעְשָׁא לֵאמֹר׃
1Reg 16.2
יַעַן אֲשֶׁר הֲרִימֹתִיךָ מִנ־הֶעָפָר
וָאֶתֶּנְךָ נָגִיד עַל עַמִּי יִשְׂרָאֵל
וַתֵּלֶך בְּדֶרֶך יָרָבְעָם וַתַּחֲטִא
אֶת־עַמִּי יִשְׂרָל לְהַכְעִיסֵנִי
בְּחַטֹּאתָם׃
1Reg 16.3
הִנְנִי מַבְעִיר אַחֲרֵי בַעְשָׁא
וְאַחֲרֵי בֵיתוֺ וְנָתַתִּי אֶת־בֵּיתְךָ
כְּבֵית יָרָבְעָם בֶּנ־נְבָט׃
1Reg 16.4
הַמֵּת לְבַעְשָׁא בָּעִיר יֺאכְלוּ
הַכְּלָבִים וְהַמֵּת לוֺ בַּשָּׂדֶה
יֺאכְלוּ עוֺף הַשָּׁמָיִם׃
1Reg 16.5
וְיֶתֶר דִּבְרֵי בַעְשָׁא וַאֲשֶׁר עָשָׂה
וּגְבוּרָתוֺ הֲלֹא־הֵם כְּתוּבִים
עַל־סֵפֶר דִּבְרֵי הַיָּמִים לְמַלְכֵי
יִשְׂרָאֵל׃
1Reg 16.6
וַיִּשְׁכַּב בַּעְשָׁא עִמ־אֲבֹתָיו
וַיִּקָּבֵר בְּתִרְצָה וַיִּמְלֹך אֵלָה
בְנֺו תַּחְתָּיו׃
1Reg 16.7
וְגַם בְּיַד־יֵהוּא בֶנ־חֲנָנִי
הַנָּבִיא דְּבַר־יְהוָה הָיָה אֶל־בַּעְשָׁא
וְאֶל־בֵּיתוֺ וְעַל כָּל־הָרָעָה
אֲשֶׁר־עָשָׂה בְּעֵינֵי יְהוָה לְהַכְעִיסוֺ
בְּמַעֲשֵׂה יָדָיו לִהְיֺות כְּבֵית
יָרָבְעָם וְעַל אֲשֶׁר־הִכָּה אֹתוֺ׃
ף
1Reg 16.8
בִּשְׁנַת עֶשְׂרִים וָשֵׁשׁ שָׁנָה לְאָסָא
מֶלֶך יְהוּדָה מָלַך אֵלָה בֶנ־בַּעְשָׁא
עַל־יִשְׂרָאֵל בְּתִרְצָה שְׁנָתָיִם׃
1Reg 16.9
וַיִּקְשֹׁר עָלָיו עַבְדּוֺ זִמְרִי
שַׂר מַחֲצִית הָרָכֶב וְהוּא בְתִרְצָה
שֹׁתֶה שִׁכּוֺר בֵּית אַרְצָא אֲשֶׁר
עַל־הַבַּיִת בְּתִרְצָה׃
1Reg 16.10
וַיָּבֹא זִמְרִי וַיַּכֵּהוּ וַיְמִיתֵהוּ
בִּשְׁנַת עֶשְׂרִים וָשֶׁבַע לְאָסָא
מֶלֶך יְהוּדָה וַיִּמְלֹך תַּחְתָּיו׃
1Reg 16.11
וַיְהִי בְמָלְכוֺ כְּשִׁבְתּוֺ עַל־כִּסְאוֺ
הִכָּה אֶת־כָּל־בֵּית בַּעְשָׁא לֹא־הִשְׁאִיר
לוֺ מַשְׁתִּין בְּקִיר וְגֺאֲלָיו
וְרֵעֵהוּ׃
1Reg 16.12
וַיַּשְׁמֵד זִמְרִי אֵת כָּל־בֵּית
בַּעְשָׁא כִּדְבַר יְהוָה אֲשֶׁר דִּבֶּר
אֶל־בַּעְשָׁא בְּיַד יֵהוּא הַנָּבִיא׃
1Reg 16.13
אֶל כָּל־חַטֹּאות בַּעְשָׁא וְחַטֹּאות
אֵלָה בְנֺו אֲשֶׁר חָטְאוּ וַאֲשֶׁר
הֶחֱטִיאוּ אֶת־יִשְׂרָאֵל לְהַכְעִיס
אֶת־יְהוָה אֱלֹהֵי יִשְׂרָאֵל בְּבְלֵיהֶם׃
1Reg 16.14
וְיֶתֶר דִּבְרֵי אֵלָה וְכָל־אֲשֶׁר
עָשָׂה הֲלוֺא־הֵם כְּתוּבִים עַל־סֵפֶר
דִּבְרֵי הַיָּמִים לְמַלְכֵי יִשְׂרָאֵל׃
ף
1Reg 16.15
בִּשְׁנַת עֶשְׂרִים וָשֶׁבַע שָׁנָה לְאָסָא
מֶלֶך יְהוּדָה מָלַך זִמְרִי שִׁבְעַת
יָמִים בְּתִרְצָה וְהָעָם חֹנִים
עַל־גִּבְּתוֺן אֲשֶׁר לַפְּלִשְׁתִּים׃
1Reg 16.16
וַיִּשְׁמַע הָעָם הַחֹנִים לֵאמֹר
קָשַׁר זִמְרִי וְגַם הִכָּה אֶת־הַמֶּלֶך
וַיַּמְלִכוּ כָל־יִשְׂרָאֵל אֶת־עָמְרִי
שַׂר־צָבָא עַל־יִשְׂרָאֵל בַּיֺּום
הַהוּא בַּמַּחֲנֶה׃
1Reg 16.17
וַיַּעֲלֶה עָמְרִי וְכָל־יִשְׂרָאֵל
עִמּוֺ מִגִּבְּתוֺן וַיָּצֻרוּ עַל־תִּרְצָה׃
1Reg 16.18
וַיְהִי כִּרְאוֺת זִמְרִי כִּי־נִלְכְּדָה
הָעִיר וַיָּבֹא אֶל־אַרְמוֺן בֵּית־הַמֶּלֶך
וַיִּשְׂרֹף עָלָיו אֶת־בֵּית־מֶלֶך
בָּאֵשׁ וַיָּמֹת׃
1Reg 16.19
עַל־חַטָּאתוֺ 2 חַטֹּאתָיו אֲשֶׁר
חָטָא לַעֲשׂוֺת הָרַע בְּעֵינֵי יְהוָה
לָלֶכֶת בְּדֶרֶך יָרָבְעָם וּבְחַטָּאתוֺ
אֲשֶׁר עָשָׂה לְהַחֲטִיא אֶת־יִשְׂרָאֵל׃
1Reg 16.20
וְיֶתֶר דִּבְרֵי זִמְרִי וְקִשְׁרוֺ
אֲשֶׁר קָשָׁר הֲלֹא־הֵם כְּתוּבִים
עַל־סֵפֶר דִּבְרֵי הַיָּמִים לְמַלְכֵי
יִשְׂרָאֵל׃ ף
1Reg 16.21
אָז יֵחָלֵק הָעָם יִשְׂרָאֵל לַחֵצִי
חֲצִי הָעָם הָיָה אַחֲרֵי תִבְנִי
בֶנ־גִּינַת לְהַמְלִיכוֺ וְהַחֲצִי
אַחֲרֵי עָמְרִי׃
1Reg 16.22
וַיֶּחֱזַק הָעָם אֲשֶׁר אַחֲרֵי עָמְרִי
אֶת־הָעָם אֲשֶׁר אַחֲרֵי תִּבְנִי
בֶנ־גִּינַת וַיָּמָת תִּבְנִי וַיִּמְלֹך
עָמְרִי׃ ף
1Reg 16.23
בִּשְׁנַת שְׁלֹשִׁים וְאַחַת שָׁנָה לְאָסָא
מֶלֶך יְהוּדָה מָלַך עָמְרִי עַל־יִשְׂרָאֵל
שְׁתֵּים עֶשְׂרֵה שָׁנָה בְּתִרְצָה מָלַך
שֵׁשׁ־שָׁנִים׃
1Reg 16.24
וַיִּקֶן אֶת־הָהָר שֹׁמְרוֺן מֵאֶת
שֶׁמֶר בְּכִכְּרַיִם כָּסֶף וַיִּבֶן אֶת־הָהָר
וַיִּקְרָא אֶת־שֵׁם הָעִיר אֲשֶׁר
בָּנָה עַל שֶׁמ־שֶׁמֶר אֲדֹןֵ הָהָר
שֹׁמְרוֺן׃
1Reg 16.25
וַיַּעֲשֶׂה עָמְרִי הָרַע בְּעֵינֵי
יְהוָה וַיָּרַע מִכֹּל אֲשֶׁר לְפָנָיו׃
1Reg 16.26
וַיֵּלֶך בְּכָל־דֶּרֶך יָרָבְעָם בֶּנ־נְבָט 1 וּבְחַטֹּאתָיו 2 וּבְחַטָּאתוֺ
אֲשֶׁר הֶחֱטִיא אֶת־יִשְׂרָאֵל לְהַכְעִיס
אֶת־יְהוָה אֱלֹהֵי יִשְׂרָאֵל בְּהַבְלֵיהֶם
1Reg 16.27
וְיֶתֶר דִּבְרֵי עָמְרִי אֲשֶׁר עָשָׂה
וּגְבוּרָתוֺ אֲשֶׁר עָשָׂה הֲלֹא־הֵם
כְּתוּבִים עַל־סֵפֶר דִּבְרֵי הַיָּמִים
לְמַלְכֵי יִשְׂרָאֵל׃
1Reg 16.28
וַיִּשְׁכַּב עָמְרִי עִמ־אֲבֹתָיו וַיִּקָּבֵר
בְּשֹׁמְרוֺן וַיִּמְלֹך אַחְאָב בְּנֺו
תַּחְתָּיו׃ ף
1Reg 16.29
וְאַחְאָב בֶּנ־עָמְרִי מָלַך עַל־יִשְׂרָאֵל
בִּשְׁנַת שְׁלֹשִׁים וּשְׁמֹנֶה שָׁנָה
לְאָסָא מֶלֶך יְהוּדָה וַיִּמְלֹך
אַחְאָב בֶּנ־עָמְרִי עַל־יִשְׂרָאֵל
בְּשֹׁמְרוֺן עֶשְׂרִים וּשְׁתַּיִם שָׁנָה׃
1Reg 16.30
וַיַּעַשׂ אַחְאָב בֶּנ־עָמְרִי הָרַע
בְּעֵינֵי יְהוָה מִכֹּל אֲשֶׁר לְפָנָיו׃
1Reg 16.31
וַיְהִי הֲנָקֵל לֶכְתּוֺ בְּחַטֹּאות
יָרָבְעָם בֶּנ־נְבָט וַיִּקַּח אִשָּׁה
אֶת־אִיזֶבֶל בַּת־אֶתְבַּעַל מֶלֶך
צִידֹנִים וַיֵּלֶך וַיַּעֲבֹדאֶת־הַבַּעַל
וַיִּשְׁתַּחוּ לוֺ׃
1Reg 16.32
וַיָּקֶם מִזְבֵּחַ לַבָּעַל בֵּית הַבַּעַל
אֲשֶׁר בָּנָה בְּשֹׁמְרוֺן׃
1Reg 16.33
וַיַּעַשׂ אַחְאָב אֶת־הָאֲשֵׁרָה וַיֺּוסֶף
אַחְאָב לַעֲשׂוֺת לְהַכְעִיס אֶת־יְהֹוָה
אֱלֹהֵי יִשְׂרָאֵל מִכֹּל מַלְכֵי יִשְׂרָאֵל
אֲשֶׁר הָיוּ לְפָיו׃
1Reg 16.34
בְּיָמָיו בָּנָה חִיאֵל בֵּית הָאֱלִי
אֶת־יְרִיחֹה בַּאֲבִירָם בְּכֹרוֺ
יִסְּדָהּ 1 וּבִשְׂגִיב 2 וּבִשְׂגוּב צְעִירוֺ
הִצִּיב דְּלָתֶיהָ כִּדְבַר יְהוָה
אֲשֶׁר דִּבֶּר בְּיַד יְהוֺשֻׁעַ בִּנ־נוּן׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages