2Sam 3

Teljes szövegű keresés

2Sam 3
2Sam 3.1
וַתְּהִי הַמִּלְחָמָה אֲרֻכָּה בֵּין
בֵּית שָׁאוּל וּבֵין בֵּית דָּוִד
וְדָוִד הֹלֵך וְחָזֵק וּבֵית שָׁאוּל
הֹלְכִים וְדַלִּים׃ ס
2Sam 3.2
וַיֻּלְּדוּ 2 וַיִּוָּלְדוּ לְדָוִד בָּנִים
בְּחֶבְרוֺן וַיְהִי בְכוֺרוֺ אַמְנֺון
לַאֲחִינֺעַם הַיִּזְרְעֵאלִת׃
2Sam 3.3
וּמִשְׁנֵהוּ כִלְאָב 1 לַאֲבִיגַל 2 לַאֲבִיגַיִל
אֵשֶׁת נָבָל הַכַּרְמְלִי וְהַשְּׁלִשִׁי
אַבְשָׁלוֺם בֶּנ־מַעֲכָה בַּת־תַּלְמַי
מֶלֶך גְּשׁוּר׃
2Sam 3.4
וְהָרְבִיעִי אֲדֹנִיָּה בֶנ־חַגִּית
וְהַחֲמִישִׁי שְׁפַטְיָה בֶנ־אֲבִיטָל׃
2Sam 3.5
וְהַשִּׁשִּׁי יִתְרְעָם לְעֶגְלָה אֵשֶׁת
דָּוִד אֵלֶּה יֻלְּדוּ לְדָוִד בְּחֶבְרוֺן׃
ף
2Sam 3.6
וַיְהִי בִּהְיֺות הַמִּלְחָמָה בֵּין
בֵּית שָׁאוּל וּבֵין בֵּית דָּוִד
וְאַבְנֵר הָיָה מִתְחַזֵּק בְּבֵית
שָׁאוּל׃
2Sam 3.7
וּלְשָׁאוּל פִּלֶגֶשׁ וּשְׁמָהּ רִצְפָּה
בַת־אַיָּה וַיֺּאמֶר אֶל־אַבְנֵר
מַדּוּעַ בָּאתָה אֶל־פִּילֶגֶשׁ אָבִי׃
2Sam 3.8
וַיִּחַר לְאַבְנֵר מְאֹד עַל־דִּבְרֵי
אִישׁ־בֹּשֶׁת וַיֺּאמֶר הֲרֹאשׁ כֶּלֶב
אָנֺכִי אֲשֶׁר לִיהוּדָה הַיֺּום
אֶעֱשֶׂה־חֶסֶד עִמ־בֵּית שָׁוּל אָבִיךָ
אֶל־אֶחָיו וְאֶל־מֵרֵעֵהוּ וְלֹא
הִמְצִיתִךָ בְּיַד־דָּוִד וַתִּפְקֹד
עָלַי עֲוֺן הָאִשָּׁה הַיֺּום׃
2Sam 3.9
כֹּה־יַעֲשֶׂה אֱלֹהִים לְאַבְנֵר
וְכֹה יֺסִיף לוֺ כִּי כַּאֲשֶׁר נִשְׁבַּע
יְהוָה לְדָוִד כִּי־כֵן אֶעֱשֶׂה־לּוֺ׃
2Sam 3.10
לְהַעֲבִיר הַמַּמְלָכָה מִבֵּית שָׁאוּל
וּלְהָקִים אֶת־כִּסֵּא דָוִד עַל־יִשְׂרָאֵל
וְעַל־יְהוּדָה מִדָּן וְעַד־בְּאֵר
שָׁבַע׃
2Sam 3.11
וְלֹא־יָכֹל עוֺד לְהָשִׁיב אֶת־אַבְנֵר
דָּבָר מִיִּרְאָתוֺ אֹתוֺ׃ ס
2Sam 3.12
וַיִּשְׁלַח אַבְנֵר מַלְאָכִים אֶל־דָּוִד 1 תַּחַתוֺ 2 תַּחְתָּיו
לֵאמֹר לְמִי־אָרֶץ לֵאמֹר כָּרְתָה
בְרִיתְךָ אִתִּי וְהִנֵּה יָדִי עִמָּך
לְהָסֵב אֵלֶיךָ אֶת־כָּל־יִשְׂרָאֵל׃
2Sam 3.13
וַיֺּאמֶר טוֺב אֲנִי אֶכְרֹת אִתְּךָ
בְּרִית אַך דָּבָר אֶחָד אָנֺכִי
שֹׁאֵל מֵאִתְּךָ לֵאמֹר לֹא־תִרְאֶה
אֶת־פָּנַי כִּי אִמ־לִפְנֵי הֱבִיאֲךָ
אֵת מִיכַל בַּת־שָׁאוּל בְּבֹאֲךָ
לִרְאוֺת אֶת־פָּנָי׃ ס
2Sam 3.14
וַיִּשְׁלַח דָּוִד מַלְאָכִים אֶל־אִישׁ־בֹּשֶׁת
בֶּנ־שָׁאוּל לֵאמֹר תְּנָה אֶת־אִשְׁתִּי
אֶת־מִיכַל אֲשֶׁר אֵרַשְׂתִּי לִי
בְּמֵאָה עָרְלוֺת פְּלִשְׁתִּם׃
2Sam 3.15
וַיִּשְׁלַח אִישׁ בֹּשֶׁת וַיִּקָּחֶהָ מֵעִם
אִישׁ מֵעִם פַּלְטִיאֵל בֶּנ־לָוִשׁ 2 לָיִשׁ׃
2Sam 3.16
וַיֵּלֶך אִתָּהּ אִישָׁהּ הָלוֺך וּבָכֹה
אַחֲרֶיהָ עַד־בַּחֻרִים וַיֺּאמֶר
אֵלָיו אַבְנֵר לֵך שׁוּב וַיָּשֹׁב׃
2Sam 3.17
וּדְבַר־אַבְנֵר הָיָה עִמ־זִקְנֵי
יִשְׂרָאֵל לֵאמֹר גַּמ־תְּמוֺל גַּמ־שִׁלְשֹׁם
הֱיִיתֶם מְבַקְשִׁים אֶת־דָּוִד
לְמֶלֶך עֲלֵיכֶם׃
2Sam 3.18
וְעַתָּה עֲשׂוּ כִּי יְהוָה אָמַר
אֶל־דָּוִד לֵאמֹר בְּיַד דָּוִד עַבְדִּי
הוֺשִׁיעַ אֶת־עַמִּי יִשְׂרָאֵל מִיַּד
פְּלִשְׁתִּים וּמִיַּד כָּל־אֹיְבֵיהֶם׃
2Sam 3.19
וַיְדַבֵּר גַּמ־אַבְנֵר בְּאָזְנֵי בִנְיָמִין
וַיֵּלֶך גַּמ־אַבְנֵר לְדַבֵּר בְּאָזְנֵי
דָוִד בְּחֶבְרוֺן אֵת כָּל־אֲשֶׁר־טוֺב
בְּעֵינֵי יִשְׂרָאֵל בְעֵינֵי כָּל־בֵּית
בִּנְיָמִן׃
2Sam 3.20
וַיָּבֹא אַבְנֵר אֶל־דָּוִד חֶבְרוֺן
וְאִתּוֺ עֶשְׂרִים אֲנָשִׁים וַיַּעַשׂ
דָּוִד לְאַבְנֵר וְלַאֲנָשִׁים אֲשֶׁר־אִתּוֺ
מִשְׁתֶּה׃
2Sam 3.21
וַיֺּאמֶר אַבְנֵר אֶל־דָּוִד אָקוּמָה
וְאֵלֵכָה וְאֶקְבְּצָה אֶל־אֲדֹנִי
הַמֶּלֶך אֶת־כָּל־יִשְׂרָאֵל וְיִכְרְתוּ
אִתְּךָ בְּרִית וּמָלַכְתָּ בְּכֹל אֲשֶׁר־תְּאַוֶּה
נַפְשֶׁךָ וַיְּשַׁלַּח דָּוִד אֶת־אַבְנֵר
וַיֵּלֶך בְּשָׁלוֺם׃
2Sam 3.22
וְהִנֵּה עַבְדֵי דָוִד וְיֺואָב
בָּא מֵהַגְּדוּד וְשָׁלָל רָב עִמָּם
הֵבִיאוּ וְאַבְנֵר אֵינֶנּוּ עִמ־דָּוִד
בְּחֶבְרוֺן כִּי שִׁלְּחוֺ וַיֵּלֶך
בְּשָׁלוֺם׃
2Sam 3.23
וְיֺואָב וְכָל־הַצָּבָא אֲשֶׁר־אִתּוֺ
בָּאוּ וַיַּגִּדוּ לְיֺואָב לֵאמֹר
בָּא־אַבְנֵר בֶּנ־נֵר אֶל־הַמֶּלֶך
וַיְשַׁלְּחֵהוּ וַיֵּלֶך בְּשָׁלוֺם׃
2Sam 3.24
וַיָּבֹא יֺואָב אֶל־הַמֶּלֶך וַיֺּאמֶר
מֶה עָשִׂיתָה הִנֵּה־בָא אַבְנֵר
אֵלֶיךָ לָמָּה־זֶּה שִׁלַּחְתּוֺ וַיֵּלֶך
הָלוֺך׃
2Sam 3.25
יָדַעְתָּ אֶת־אַבְנֵר בֶּנ־נֵר כִּי
לְפַתֹּתְךָ בָּא וְלָדַעַת אֶת־מוֺצָאֲךָ
וְאֶת־מִבוֺאֶךָ 2 מוֺבָאֶךָ וְלָדַעַת
אֵת כָּל־אֲשֶׁר אַתָּה עֹה׃
2Sam 3.26
וַיֵּצֵא יֺואָב מֵעִם דָּוִד וַיִּשְׁלַח
מַלְאָכִים אַחֲרֵי אַבְנֵר וַיָּשִׁבוּ
אֹתוֺ מִבּוֺר הַסִּרָה וְדָוִד לֹא
יָדָע׃
2Sam 3.27
וַיָּשָׁב אַבְנֵר חֶבְרוֺן וַיַּטֵּהוּ
יֺואָב אֶל־תּוֺך הַשַּׁעַר לְדַּבֵּר
אִתּוֺ בַּשֶּׁלִי וַיַּכֵּהוּ שָׁם הַחֹמֶשׁ
וַיָּמָת בְּדַם עֲשָׂה־אֵל אָחִיו׃
2Sam 3.28
וַיִּשְׁמַע דָּוִד מֵאַחֲרֵי כֵן וַיֺּאמֶר
נָקִי אָנֺכִי וּמַמְלַכְתִּי מֵעִם
יְהוָה עַד־עוֺלָם מִדְּמֵי אַבְנֵר
בֶּנ־נֵר׃
2Sam 3.29
יָחֻלוּ עַל־רֹאשׁ יֺואָב וְאֶל
כָּל־בֵּית אָבִיו וְאַל־יִכָּרֵת
מִבֵּית יֺואָב זָב וּמְצֹרָע וּמַחֲזִיק
בַּפֶּלֶך וְנֺפֵל בַּחֶרֶב וַחֲסַר־לָחֶם׃
2Sam 3.30
וְיֺואָב וַאֲבִישַׁי אָחִיו הָרְגוּ
לְאַבְנֵר עַל אֲשֶׁר הֵמִית אֶת־עֲשָׂהאֵל
אֲחִיהֶם בְּגִבְעוֺן בַּמִּלְחָמָה׃
ף
2Sam 3.31
וַיֺּאמֶר דָּוִד אֶל־יֺואָב וְאֶל־כָּל־הָעָם
אֲשֶׁר־אִתּוֺ קִרְעוּ בִגְדֵיכֶם
וְחִגְרוּ שַׂקִּים וְסִפְדוּ לִפְנֵי
אַבְנֵר וְהַמֶּלֶך דָּוִד הֹלֵכְאַחֲרֵי
הַמִּטָּה׃
2Sam 3.32
וַיִּקְבְּרוּ אֶת־אַבְנֵר בְּחֶבְרוֺן
וַיִשָּׂא הַמֶּלֶך אֶת־קוֺלוֺ וַיֵּבְךְּ
אֶל־קֶבֶר אַבְנֵר וַיִּבְכּוּ כָּל־הָעָם׃
ף
2Sam 3.33
וַיְקֹנֵן הַמֶּלֶך אֶל־אַבְנֵר וַיֺּאמַר
הַכְּמוֺת נָבָל יָמוּת אַבְנֵר׃
2Sam 3.34
יָדֶךָ לֹא־אֲסֻרוֺת וְרַגְלֶיךָ לֹא־לִנְחֻשְׁתַּיִם
הֻגָּשׁוּ כִּנְפוֺל לִפְנֵי בְנֵי־עַוְלָה
נָפָלְתָּ וַיֺּסִפוּ כָל־הָעָם לִבְכּוֺת
עָלָיו׃
2Sam 3.35
וַיָּבֹא כָל־הָעָם לְהַבְרוֺת אֶת־דָּוִד
לֶחֶם בְּעוֺד הַיֺּום וַיִּשָּׁבַע דָּוִד
לֵאמֹר כֹּה יַעֲשֶׂה־לִּי אֱלֹהִים
וְכֹה יֺסִיף כִּי אִמ־לִפְנֵי
בוֺא־הַשֶּׁמֶשׁ אֶטְעַמ־לֶחֶם אוֺ
כָל־מְאוּמָה׃
2Sam 3.36
וְכָל־הָעָם הִכִּירוּ וַיִּיטַב
בְּעֵינֵיהֶם כְּכֹל אֲשֶׁר עָשָׂה הַמֶּלֶך
בְּעֵינֵי כָל־הָעָם טוֺב׃
2Sam 3.37
וַיֵּדְעוּ כָל־הָעָם וְכָל־יִשְׂרָאֵל
בַּיֺּום הַהוּא כִּי לֹא הָיְתָה
מֵהַמֶּלֶך לְהָמִית אֶת־אַבְנֵר בֶּנ־נֵר׃
ף
2Sam 3.38
וַיֺּאמֶר הַמֶּלֶך אֶל־עֲבָדָיו
הֲלוֺא תֵדְעוּ כִּי־שַׂר וְגָדוֺל
נָפַל הַיֺּום הַזֶּה בְּיִשְׂרָאֵל׃
2Sam 3.39
וְאָנֺכִי הַיֺּום רַך וּמָשׁוּחַ מֶלֶך
וְהָאֲנָשִׁים הָאֵלֶּה בְּנֵי צְרוּיָה
קָשִׁים מִמֶּנִּי יְשַׁלֵּם יְהוָה
לְעֹשֵׂה הָרָעָה כְּרָעָתוֺ׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages