2Sam 17

Teljes szövegű keresés

2Sam 17
2Sam 17.1
וַיֺּאמֶר אֲחִיתֹפֶל אֶל־אַבְשָׁלֹם
אֶבְחֲרָה נָּא שְׁנֵימ־עָשָׂר אֶלֶף
אִישׁ וְאָקוּמָה וְאֶרְדְּפָה אַחֲרֵי־דָוִד
הַלָּיְלָה׃
2Sam 17.2
וְאָבוֺא עָלָיו וְהוּא יָגֵעַ וּרְפֵה
יָדַיִם וְהַחֲרַדְתִּי אֹתוֺ וְנָס
כָּל־הָעָם אֲשֶׁר־אִתּוֺ וְהִכֵּיתִי
אֶת־הַמֶּלֶך לְבַדּוֺ׃
2Sam 17.3
וְאָשִׁיבָה כָל־הָעָם אֵלֶיךָ כְּשׁוּב
הַכֹּל הָאִישׁ אֲשֶׁר אַתָּה מְבַקֵּשׁ
כָּל־הָעָם יִהְיֶה שָׁלוֺם׃
2Sam 17.4
וַיִּישַׁר הַדָּבָר בְּעֵינֵי אַבְשָׁלֹם
וּבְעֵינֵי כָּל־זִקְנֵי יִשְׂרָאֵל׃
ס
2Sam 17.5
וַיֺּאמֶר אַבְשָׁלוֺם קְרָא נָא גַּם
לְחוּשַׁי הָאַרְכִּי וְנִשְׁמְעָה מַה־בְּפִיו
גַּמ־הוּא׃
2Sam 17.6
וַיָּבֹא חוּשַׁי אֶל־אַבְשָׁלוֺם וַיֺּאמֶר
אַבְשָׁלוֺם אֵלָיו לֵאמֹר כַּדָּבָר
הַזֶּה דִּבֶּר אֲחִיתֹפֶל הֲנַעֲשֶׂה
אֶת־דְּבָרוֺ אִמ־אַיִן אַתָּה דַבֵּר׃
ס
2Sam 17.7
וַיֺּאמֶר חוּשַׁי אֶל־אַבְשָׁלוֺם
לֹא־טוֺבָה הָעֵצָה אֲשֶׁר־יָעַץ
אֲחִיתֹפֶל בַּפַּעַם הַזֺּאת׃
2Sam 17.8
וַיֺּאמֶר חוּשַׁי אַתָּה יָדַעְתָּ אֶת־אָבִיךָ
וְאֶת־אֲנָשָׁיו כִּי גִבֹּרִים הֵמָּה
וּמָרֵי נֶפֶשׁ הֵמָּה כְּדֹב שַׁכּוּל
בַּשָּׂדֶה וְאָבִיךָ אִישׁ מִלְחָמָה
וְלֹא יָלִין אֶת־הָעָם׃
2Sam 17.9
הִנֵּה עַתָּה הוּא־נֶחְבָּא בְּאַחַת
הַפְּחָתִים אוֺ בְּאַחַד הַמְּקוֺמֹת
וְהָיָה כִּנְפֹל בָּהֶם בַּתְּחִלָּה וְשָׁמַע
הַשֹּׁמֵעַ וְאָמַר הָיְתָה מַגֵּפָה בָּעָם
אֲשֶׁר אַחֲרֵי אַבְשָׁלֹם׃
2Sam 17.10
וְהוּא גַמ־בֶּנ־חַיִל אֲשֶׁר לִבּוֺ
כְּלֵב הָאַרְיֵה הִמֵּס יִמָּס כִּי־יֺדֵעַ
כָּל־יִשְׂרָאֵל כִּי־גִבּוֺר אָבִיךָ
וּבְנֵי־חַיִל אֲשֶׁר אִתּוֺ׃
2Sam 17.11
כִּי יָעַצְתִּי הֵאָסֹף יֵאָסֵף עָלֶיךָ
כָל־יִשְׂרָאֵל מִדָּן וְעַד־בְּאֵר
שֶׁבַע כַּחוֺל אֲשֶׁר־עַל־הַיָּם לָרֹב
וּפָנֶיךָ הֹלְכִים בַּקְרָב׃
2Sam 17.12
וּבָאנוּ אֵלָיו 1 בְּאַחַת 2 בְּאַחַד
הַמְּקוֺמֹת אֲשֶׁר נִמְצָא שָׁם וְנַחְנוּ
עָלָיו כַּאֲשֶׁר יִפֹּל הַטַּל עַל־הָאֲדָמָה
וְלֹא־נֺותַר בּוֺ וּבְכָל־הָאֲנָשִׁים
אֲשֶׁר־אִתּוֺ גַּמ־אֶחָד׃
2Sam 17.13
וְאִמ־אֶל־עִיר יֵאָסֵף וְהִשִּׂיאוּ
כָל־יִשְׂרָאֵל אֶל־הָעִיר הַהִיא
חֲבָלִים וְסָחַבְנוּ אֹתוֺ עַד־הַנַּחַל
עַד אֲשֶׁר־לֹא־נִמְצָא שָׁם גַּמ־צְור׃
ף
2Sam 17.14
וַיֺּאמֶר אַבְשָׁלוֺם וְכָל־אִישׁ
יִשְׂרָאֵל טוֺבָה עֲצַת חוּשַׁי הָאַרְכִּי
מֵעֲצַת אֲחִיתֹפֶל וַיהוָה צִוָּה
לְהָפֵר אֶת־עֲצַת אֲחִיתֹפֶל הַוּבָה
לְבַעֲבוּר הָבִיא יְהוָה אֶל־אַבְשָׁלוֺם
אֶת־הָרָעָה׃ ס
2Sam 17.15
וַיֺּאמֶר חוּשַׁי אֶל־צָדוֺק וְאֶל־אֶבְיָתָר
הַכֹּהֲנִים כָּזֺאת וְכָזֺאת יָעַץ
אֲחִיתֹפֶל אֶת־אַבְשָׁלֹם וְאֵת זִקְנֵי
יִשְׂרָאֵל וְכָזֺאת וְכָזֺאת יָעַצְתִּי
אָנִי׃
2Sam 17.16
וְעַתָּה שִׁלְחוּ מְהֵרָה וְהַגִּידוּ
לְדָוִד לֵאמֹר אַל־תָּלֶן הַלַּיְלָה
בְּעַרְבוֺת הַמִּדְבָּר וְגַם עָבוֺר
תַּעֲבוֺר פֶּן יְבֻלַּע לַמֶּך וּלְכָל־הָעָם
אֲשֶׁר אִתּוֺ׃
2Sam 17.17
וִיהוֺנָתָן וַאֲחִימַעַץ עֹמְדִים
בְּעֵינ־רֹגֵל וְהָלְכָה הַשִּׁפְחָה
וְהִגִּידָה לָהֶם וְהֵם יֵלְכוּ וְהִגִּידוּ
לַמֶּלֶך דָּוִד כִּי לֹא יוּכְלוּ
לְהֵרָאוֺת לָבוֺא הָעִירָה׃
2Sam 17.18
וַיַּרְא אֹתָם נַעַר וַיַּגֵּד לְאַבְשָׁלֹם
וַיֵּלְכוּ שְׁנֵיהֶם מְהֵרָה וַיָּבֹאוּ
אֶל־בֵּית־אִישׁ בְּבַחוּרִים וְלוֺ
בְאֵר בַּחֲצֵרוֺ וַיֵּרְד שָׁם׃
2Sam 17.19
וַתִּקַּח הָאִשָּׁה וַתִּפְרֹשׂ אֶת־הַמָּסָך
עַל־פְּנֵי הַבְּאֵר וַתִּשְׁטַח עָלָיו
הָרִפוֺת וְלֹא נֺודַע דָּבָר׃
2Sam 17.20
וַיָּבֹאוּ עַבְדֵי אַבְשָׁלוֺם אֶל־הָאִשָּׁה
הַבַּיְתָה וַיֺּאמְרוּ אַיֵּה אֲחִימַעַץ
וִיהוֺנָתָן וַתֹּאמֶר לָהֶם הָאִשָּׁה
עָבְרוּ מִיכַל הַמָּיִם וַיְבַקְשׁוּ
וְלֹא מָצָאוּ וַיָּשֻׁבוּ יְרוּשָׁלִָם׃
ס
2Sam 17.21
וַיְהִי אַחֲרֵי לֶכְתָּם וַיַּעֲלוּ
מֵהַבְּאֵר וַיֵּלְכוּ וַיַּגִּדוּ לַמֶּלֶך
דָּוִד וַיֺּאמְרוּ אֶל־דָּוִד קוּמוּ
וְעִבְרוּ מְהֵרָה אֶת־מַּיִם כִּי־כָכָה
יָעַץ עֲלֵיכֶם אֲחִיתֹפֶל׃
2Sam 17.22
וַיָּקָם דָּוִד וְכָל־הָעָם אֲשֶׁר
אִתּוֺ וַיַּעַבְרוּ אֶת־הַיַּרְדֵּן
עַד־אוֺר הַבֹּקֶר עַד־אַחַד לֹא
נֶעְדָּר אֲשֶׁר לֹא־עָבַר אֶת־הַיַּרְדֵּן׃
2Sam 17.23
וַאֲחִיתֹפֶל רָאָה כִּי לֹא נֶעֶשְׂתָה
עֲצָתוֺ וַיַּחֲבֹשׁ אֶת־הַחֲמוֺר וַיָּקָם
וַיֵּלֶך אֶל־בֵּיתוֺ אֶל־עִירוֺ
וַיְצַו אֶל־בֵּיתוֺ וַיֵּחָנַקוַיָּמָת
וַיִּקָּבֵר בְּקֶבֶר אָבִיו׃ ס
2Sam 17.24
וְדָוִד בָּא מַחֲנָיְמָה וְאַבְשָׁלֹם
עָבַר אֶת־הַיַּרְדֵּן הוּא וְכָל־אִישׁ
יִשְׂרָאֵל עִמּוֺ׃
2Sam 17.25
וְאֶת־עֲמָשָׂא שָׂם אַבְשָׁלֹם תַּחַת
יֺואָב עַל־הַצָּבָא וַעֲמָשָׂא בֶנ־אִישׁ
וּשְׁמוֺ יִתְרָא הַיִּשְׂרְאֵלִי אֲשֶׁר־בָּא
אֶל־אֲבִיגַל בַּת־נָחָשׁ אֲחוֺת
צְרוּיָה אֵם יֺואָב׃
2Sam 17.26
וַיִּחַן יִשְׂרָאֵל וְאַבְשָׁלֹם אֶרֶץ
הַגִּלְעָד׃ ס
2Sam 17.27
וַיְהִי כְּבוֺא דָוִד מַחֲנָיְמָה
וְשֹׁבִי בֶנ־נָחָשׁ מֵרַבַּת בְּנֵי־עַמּוֺן
וּמָכִיר בֶּנ־עַמִּיאֵל מִלֹּא דְבָר
וּבַרְזִלַּי הַגִּלְעָדִי מֵרֹגְלִים׃
2Sam 17.28
מִשְׁכָּב וְסַפּוֺת וּכְלִי יֺוצֵר
וְחִטִּים וּשְׂעֹרִים וְקֶמַח וְקָלִי
וּפוֺל וַעֲדָשִׁים וְקָלִי׃
2Sam 17.29
וּדְבַשׁ וְחֶמְאָה וְצֹאן וּשְׁפוֺת
בָּקָר הִגִּישׁוּ לְדָוִד וְלָעָם
אֲשֶׁר־אִתּוֺ לֶאֱכוֺל כִּי אָמְרוּ
הָעָם רָעֵב וְעָיֵף וְצָמֵא בַּמִּדְבָּ׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages