2Sam 13

Teljes szövegű keresés

2Sam 13
2Sam 13.1
וַיְהִי אַחֲרֵי־כֵן וּלְאַבְשָׁלוֺם
בֶּנ־דָּוִד אָחוֺת יָפָה וּשְׁמָהּ
תָּמָר וַיֶּאֱהָבֶהָ אַמְנֺון בֶּנ־דָּוִד׃
2Sam 13.2
וַיֵּצֶר לְאַמְנֺון לְהִתְחַלּוֺת בַּעֲבוּר
תָּמָר אֲחֹתוֺ כִּי בְתוּלָה הִיא
וַיִּפָּלֵא בְּעֵינֵי אַמְנֺון לַעֲשׂוֺת
לָהּ מְאוּמָה׃
2Sam 13.3
וּלְאַמְנֺון רֵעַ וּשְׁמוֺ יֺונָדָב
בֶּנ־שִׁמְעָה אֲחִי דָוִד וְיֺונָדָב
אִישׁ חָכָם מְאֹד׃
2Sam 13.4
וַיֺּאמֶר לוֺ מַדּוּעַ אַתָּה כָּכָה
דַּל בֶּנ־הַמֶּלֶך בַּבֹּקֶר בַּבֹּקֶר
הֲלוֺא תַּגִּיד לִי וַיֺּאמֶר לוֺ
אַמְנֺון אֶת־תָּמָר אֲחוֺת אַבְשָׁלֹם
אָחִי אֲנִי אֹהֵב׃
2Sam 13.5
וַיֺּאמֶר לוֺ יְהוֺנָדָב שְׁכַב עַל־מִשְׁכָּבְךָ
וְהִתְחָל וּבָא אָבִיךָ לִרְאוֺתֶךָ
וְאָמַרְתָּ אֵלָיו תָּבֹא נָא תָמָר
אֲחוֺתִי וְתַבְרֵנִי חֶם וְעָשְׂתָה
לְעֵינַי אֶת־הַבִּרְיָה לְמַעַן אֲשֶׁר
אֶרְאֶה וְאָכַלְתִּי מִיָּדָהּ׃
2Sam 13.6
וַיִּשְׁכַּב אַמְנֺון וַיִּתְחָל וַיָּבֹא
הַמֶּלֶך לִרְאֹתוֺ וַיֺּאמֶר אַמְנֺון
אֶל־הַמֶּלֶך תָּבוֺא־נָא תָּמָר
אֲחֹתִי וּתְלַבֵּב לְעֵינַי שְׁתֵּי
לְבִבוֺת וְאֶבְרֶה מִיָּדָהּ׃
2Sam 13.7
וַיִּשְׁלַח דָּוִד אֶל־תָּמָר הַבַּיְתָה
לֵאמֹר לְכִי נָא בֵּית אַמְנֺון
אָחִיך וַעֲשִׂי־לוֺ הַבִּרְיָה׃
2Sam 13.8
וַתֵּלֶך תָּמָר בֵּית אַמְנֺון אָחִיהָ
וְהוּא שֹׁכֵב וַתִּקַּח אֶת־הַבָּצֵק 1 וַתָּלוֺשׁ 2 וַתָּלָשׁ
וַתְּלַבֵּב לְעֵינָיו וַתְּבַשֵּׁל אֶת־הַלְּבִבוֺת׃
2Sam 13.9
וַתִּקַּח אֶת־הַמַּשְׂרֵת וַתִּצֹק לְפָנָיו
וַיְמָאֵן לֶאֱכוֺל וַיֺּאמֶר אַמְנֺון
הוֺצִיאוּ כָל־אִישׁ מֵעָלַי וַיֵּצְאוּ
כָל־אִישׁ מֵעָלָיו׃
2Sam 13.10
וַיֺּאמֶר אַמְנֺון אֶל־תָּמָר הָבִיאִי
הַבִּרְיָה הַחֶדֶר וְאֶבְרֶה מִיָּדֵך
וַתִּקַּח תָּמָר אֶת־הַלְּבִבוֺת אֲשֶׁר
עָשָׂתָה וַתָּבֵא לְאַמְנֺון חִיהָ
הֶחָדְרָה׃
2Sam 13.11
וַתַּגֵּשׁ אֵלָיו לֶאֱכֹל וַיַּחֲזֶק־בָּהּ
וַיֺּאמֶר לָהּ בּוֺאִי שִׁכְבִי עִמִּי
אֲחוֺתִי׃
2Sam 13.12
וַתֹּאמֶר לוֺ אַל־אָחִי אַל־תְּעַנֵּנִי
כִּי לֹא־יֵעָשֶׂה כֵן בְּיִשְׂרָאֵל
אַל־תַּעֲשֵׂה אֶת־הַנְּבָלָה הַזֺּאת׃
2Sam 13.13
וַאֲנִי אָנָה אוֺלִיך אֶת־חֶרְפָּתִי
וְאַתָּה תִּהְיֶה כְּאַחַד הַנְּבָלִים
בְּיִשְׂרָאֵל וְעַתָּה דַּבֶּר־נָא אֶל־הַמֶּלֶך
כִּי לֹא יִמְנָעֵנִי מֶּךָּ׃
2Sam 13.14
וְלֹא אָבָה לִשְׁמֹעַ בְּקוֺלָהּ וַיֶּחֱזַק
מִמֶּנָּה וַיְעַנֶּהָ וַיִּשְׁכַּב אֹתָהּ׃
2Sam 13.15
וַיִּשְׂנָאֶהָ אַמְנֺון שִׂנְאָה גְּדוֺלָה
מְאֹד כִּי גְדוֺלָה הַשִּׂנְאָה אֲשֶׁר
שְׂנֵאָהּ מֵאַהֲבָה אֲשֶׁר אֲהֵבָהּ
וַיֺּאמֶר־לָהּ אַמְנֺון קוּמִי לֵכִי׃
2Sam 13.16
וַתֹּאמֶר לוֺ אַל־אוֺדֹת הָרָעָה
הַגְּדוֺלָה הַזֺּאת מֵאַחֶרֶת אֲשֶׁר־עָשִׂיתָ
עִמִּי לְשַׁלְּחֵנִי וְלֹא אָבָה לִשְׁמֹעַ
לָהּ׃
2Sam 13.17
וַיִּקְרָא אֶת־נַעֲרוֺ מְשָׁרְתוֺ וַיֺּאמֶר
שִׁלְחוּ־נָא אֶת־זֺאת מֵעָלַי
הַחוּצָה וּנְעֹל הַדֶּלֶת אַחֲרֶיהָ׃
2Sam 13.18
וְעָלֶיהָ כְּתֹנֶת פַּסִּים כִּי כֵן
תִּלְבַּשְׁןָ בְנֺות־הַמֶּלֶך הַבְּתוּלֹת
מְעִילִים וַיֺּצֵא אוֺתָהּ מְשָׁרְתוֺ
הַחוּץ וְנָעַל הַדֶּלֶת אַחֲרֶיהָ׃
2Sam 13.19
וַתִּקַּח תָּמָר אֵפֶר עַל־רֹאשָׁהּ
וּכְתֹנֶת הַפַּסִּים אֲשֶׁר עָלֶיהָ
קָרָעָה וַתָּשֶׂם יָדָהּ עַל־רֹאשָׁהּ
וַתֵּלֶך הָלוֺך וְזָעָקָה׃
2Sam 13.20
וַיֺּאמֶר אֵלֶיהָ אַבְשָׁלוֺם אָחִיהָ
הַאֲמִינֺון אָחִיך הָיָה עִמָּך
וְעַתָּה אֲחוֺתִי הַחֲרִישִׁי אָחִיך
הוּא אַל־תָּשִׁיתִי אֶת־לִבֵּך לַבָר
הַזֶּה וַתֵּשֶׁב תָּמָר וְשֹׁמֵמָה בֵּית
אַבְשָׁלוֺם אָחִיהָ׃
2Sam 13.21
וְהַמֶּלֶך דָּוִד שָׁמַע אֵת כָּל־הַדְּבָרִים
הָאֵלֶּה וַיִּחַר לוֺ מְאֹד׃
2Sam 13.22
וְלֹא־דִבֶּר אַבְשָׁלוֺם עִמ־אַמְנֺון
לְמֵרָע וְעַד־טוֺב כִּי־שָׂנֵא אַבְשָׁלוֺם
אֶת־אַמְנֺון עַל־דְּבַר אֲשֶׁר עִנָּה
אֵת תָּמָר אֲחֹתוֺ׃ ף
2Sam 13.23
וַיְהִי לִשְׁנָתַיִם יָמִים וַיִּהְיוּ
גֺזְזִים לְאַבְשָׁלוֺם בְּבַעַל חָצוֺר
אֲשֶׁר עִמ־אֶפְרָיִם וַיִּקְרָא אַבְשָׁלוֺם
לְכָל־בְּנֵי הַמֶּלֶך׃
2Sam 13.24
וַיָּבֹא אַבְשָׁלוֺם אֶל־הַמֶּלֶך וַיֺּאמֶר
הִנֵּה־נָא גֺזְזִים לְעַבְדֶּךָ יֵלֶכְ־נָא
הַמֶּלֶך וַעֲבָדָיו עִמ־עַבְדֶּךָ׃
2Sam 13.25
וַיֺּאמֶר הַמֶּלֶך אֶל־אַבְשָׁלוֺם
אַל־בְּנִי אַל־נָא נֵלֵך כֻּלָּנוּ
וְלֹא נִכְבַּד עָלֶיךָ וַיִּפְרָצ־בּוֺ
וְלֹא־אָבָה לָלֶכֶת וַיְבָרֲכֵהוּ׃
2Sam 13.26
וַיֺּאמֶר אַבְשָׁלוֺם וָלֹא יֵלֶכְ־נָא
אִתָּנוּ אַמְנֺון אָחִי וַיֺּאמֶר
לוֺ הַמֶּלֶך לָמָּה יֵלֵך עִמָּך׃
2Sam 13.27
וַיִּפְרָצ־בּוֺ אַבְשָׁלוֺם וַיִּשְׁלַח
אִתּוֺ אֶת־אַמְנֺון וְאֵת כָּל־בְּנֵי
הַמֶּלֶך׃ ס
2Sam 13.28
וַיְצַו אַבְשָׁלוֺם אֶת־נְעָרָיו
לֵאמֹר רְאוּ נָא כְּטוֺב לֵב־אַמְנֺון
בַּיַּיִן וְאָמַרְתִּי אֲלֵיכֶם הַכּוּ
אֶת־אַמְנֺון וַהֲמִתֶּם אֹתוֺ אַל־תִּירָאוּ
הֲלוֺא כִּי אָנֺכִי צִוִּיתִי אֶתְכֶם
חִזְקוּ וִהְיוּ לִבְנֵי־חָיִל׃
2Sam 13.29
וַיַּעֲשׂוּ נַעֲרֵי אַבְשָׁלוֺם לְאַמְנֺון
כַּאֲשֶׁר צִוָּה אַבְשָׁלוֺם וַיָּקֻמוּ
כָּל־בְּנֵי הַמֶּלֶך וַיִּרְכְּבוּ אִישׁ
עַל־פִּרְדּוֺ וַיָּנֻוּ׃
2Sam 13.30
וַיְהִי הֵמָּה בַדֶּרֶך וְהַשְּׁמֻעָה
בָאָה אֶל־דָּוִד לֵאמֹר הִכָּה אַבְשָׁלוֺם
אֶת־כָּל־בְּנֵי הַמֶּלֶך וְלֹא־נֺותַר
מֵהֶם אֶחָד׃ ס
2Sam 13.31
וַיָּקָם הַמֶּלֶך וַיִּקְרַע אֶת־בְּגָדָיו
וַיִּשְׁכַּב אָרְצָה וְכָל־עֲבָדָיו
נִצָּבִים קְרֻעֵי בְגָדִים׃ ס
2Sam 13.32
וַיַּעַן יֺונָדָב בֶּנ־שִׁמְעָה אֲחִי־דָוִד
וַיֺּאמֶר אַל־יֺאמַר אֲדֹנִי אֵת
כָּל־הַנְּעָרִים בְּנֵי־הַמֶּלֶך הֵמִיתוּ
כִּי־אַמְנֺון לְבַדֹּ מֵת כִּי־עַל־פִּי
אַבְשָׁלוֺם הָיְתָה שׂוּמָה מִיֺּום
עַנֺּתוֺ אֵת תָּמָר אֲחֹתוֺ׃
2Sam 13.33
וְעַתָּה אַל־יָשֵׂם אֲדֹנִי הַמֶּלֶך
אֶל־לִבּוֺ דָּבָר לֵאמֹר כָּל־בְּנֵי
הַמֶּלֶך מֵתוּ כִּי־אִמ־אַמְנֺון
לְבַדּוֺ מֵת׃ ף
2Sam 13.34
וַיִּבְרַח אַבְשָׁלוֺם וַיִּשָּׂא הַנַּעַר
הַצֹּפֶה אֶת־עֵינֺו 2 עֵינָיו וַיַּרְא
וְהִנֵּה עַמ־רַב הֹלְכִים מִדֶּרֶך
אַחֲרָיו מִצַּד הָהָר׃
2Sam 13.35
וַיֺּאמֶר יֺונָדָב אֶל־הַמֶּלֶך הִנֵּה
בְנֵי־הַמֶּלֶך בָּאוּ כִּדְבַר עַבְדְּךָ
כֵּן הָיָה׃
2Sam 13.36
וַיְהִי כְּכַלֹּתוֺ לְדַבֵּר וְהִנֵּה
בְנֵי־הַמֶּלֶך בָּאוּ וַיִּשְׂאוּ קוֺלָם
וַיִּבְכּוּ וְגַמ־הַמֶּלֶך וְכָל־עֲבָדָיו
בָּכוּ בְּכִי גָּדֹל מְאֹד׃
2Sam 13.37
וְאַבְשָׁלוֺם בָּרַח וַיֵּלֶך אֶל־תַּלְמַי
בֶּנ־עַמִּיחוּר 2 עַמִּיהוּד מֶלֶך
גְּשׁוּר וַיִּתְאַבֵּל עַל־בְּנֺו כָּל־הַיָּמִים׃
2Sam 13.38
וְאַבְשָׁלוֺם בָּרַח וַיֵּלֶך גְּשׁוּר
וַיְהִי־שָׁם שָׁלֹשׁ שָׁנִים׃
2Sam 13.39
וַתְּכַל דָּוִד הַמֶּלֶך לָצֵאת אֶל־אַבְשָׁלוֺם
כִּי־נִחַם עַל־אַמְנֺון כִּי־מֵת׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages