1Sam 31

Teljes szövegű keresés

1Sam 31
1Sam 31.1
וּפְלִשְׁתִּים נִלְחָמִים בְּיִשְׂרָאֵל
וַיָּנֻסוּ אַנְשֵׁי יִשְׂרָאֵל מִפְּנֵי
פְלִשְׁתִּים וַיִּפְּלוּ חֲלָלִים בְּהַר
הַגִּלְבֹּעַ׃
1Sam 31.2
וַיַּדְבְּקוּ פְלִשְׁתִּים אֶת־שָׁאוּל
וְאֶת־בָּנָיו וַיַּכּוּ פְלִשְׁתִּים
אֶת־יְהוֺנָתָן וְאֶת־אֲבִינָדָב
וְאֶת־מַלְכִּי־שׁוּעַ בְּנֵי שָׁאוּל׃
1Sam 31.3
וַתִּכְבַּד הַמִּלְחָמָה אֶל־שָׁאוּל
וַיִּמְצָאֻהוּ הַמּוֺרִים אֲנָשִׁים
בַּקָּשֶׁת וַיָּחֶל מְאֹד מֵהַמּוֺרִים׃
1Sam 31.4
וַיֺּאמֶר שָׁאוּל לְנֺשֵׂא כֵלָיו
שְׁלֹף חַרְבְּךָ וְדָקְרֵנִי בָהּ פֶּנ־יָבוֺאוּ
הָעֲרֵלִים הָאֵלֶּה וּדְקָרֻנִי וְהִתְעַלְּלוּ־בִי
וְלֹא אָבָה נֺשֵׂא כֵלָיו כִּי יָרֵא
מְאֹד וַיִּקַּח שָׁאוּל אֶת־הַחֶרֶב
וַיִּפֹּל עָלֶיהָ׃
1Sam 31.5
וַיַּרְא נֺשֵׂא־כֵלָיו כִּי מֵת שָׁאוּל
וַיִּפֹּל גַּמ־הוּא עַל־חַרְבּוֺ
וַיָּמָת עִמּוֺ׃
1Sam 31.6
וַיָּמָת שָׁאוּל וּשְׁלֹשֶׁת בָּנָיו
וְנֺשֵׂא כֵלָיו גַּם כָּל־אֲנָשָׁיו
בַּיֺּום הַהוּא יַחְדָּו׃
1Sam 31.7
וַיִּרְאוּ אַנְשֵׁי־יִשְׂרָאֵל אֲשֶׁר־בְּעֵבֶר
הָעֵמֶק וַאֲשֶׁר בְּעֵבֶר הַיַּרְדֵּן
כִּי־נָסוּ אַנְשֵׁי יִשְׂרָאֵל וְכִי־מֵתוּ
שָׁאוּל וּבָנָיו וַיַּעַזְבוּ אֶת־הֶעָרִים
וַיָּנֻסוּ וַיָּבֹאוּ פְלִשְׁתִּים וַיֵּשְׁבוּ
בָּהֶן׃ ס
1Sam 31.8
וַיְהִי מִמָּחֳרָת וַיָּבֹאוּ פְלִשְׁתִּים
לְפַשֵּׁט אֶת־הַחֲלָלִים וַיִּמְצְאוּ
אֶת־שָׁאוּל וְאֶת־שְׁלֹשֶׁת בָּנָיו
נֺפְלִים בְּהַר הַגִּלְבֹּעַ׃
1Sam 31.9
וַיִּכְרְתוּ אֶת־רֹאשׁוֺ וַיַּפְשִׁיטוּ
אֶת־כֵּלָיו וַיְשַׁלְּחוּ בְאֶרֶצ־פְּלִשְׁתִּים
סָבִיב לְבַשֵּׂר בֵּית עֲצַבֵּיהֶם
וְאֶת־הָעָם׃
1Sam 31.10
וַיָּשִׂמוּ אֶת־כֵּלָיו בֵּית עַשְׁתָּרוֺת
וְאֶת־גְּוִיָּתוֺ תָּקְעוּ בְּחוֺמַת
בֵּית שָׁן׃
1Sam 31.11
וַיִּשְׁמְעוּ אֵלָיו יֺשְׁבֵי יָבֵישׁ
גִּלְעָד אֵת אֲשֶׁר־עָשׂוּ פְלִשְׁתִּים
לְשָׁאוּל׃
1Sam 31.12
וַיָּקוּמוּ כָּל־אִישׁ חַיִל וַיֵּלְכוּ
כָל־הַלַּיְלָה וַיִּקְחוּ אֶת־גְּוִיַּת
שָׁאוּל וְאֵת גְּוִיֺּת בָּנָיו מֵחוֺמַת
בֵּית שָׁן וַיָּבֹאוּ יָבֵה וַיִּשְׂרְפוּ
אֹתָם שָׁם׃
1Sam 31.13
וַיִּקְחוּ אֶת־עַצְמֹתֵיהֶם וַיִּקְבְּרוּ
תַחַת־הָאֶשֶׁל בְּיָבֵשָׁה וַיָּצֻמוּ
שִׁבְעַת יָמִים׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages