1Sam 20

Teljes szövegű keresés

1Sam 20
1Sam 20.1
וַיִּבְרַח דָּוִד 1 מִנֺּוִות 2 מִנָּיֺות
בָּרָמָה וַיָּבֹא וַיֺּאמֶר לִפְנֵי
יְהוֺנָתָן מֶה עָשִׂיתִי מֶה־עֲוֺנִי
וּמֶה־חַטָּאתִי לִפְנֵי אָבִךָ כִּי
מְבַקֵּשׁ אֶת־נַפְשִׁי׃
1Sam 20.2
וַיֺּאמֶר לוֺ חָלִילָה לֹא תָמוּת
הִנֵּה 1 לוֺ 2 לֹא־עָשָׂה 2 יַעֲשֶׂה אָבִי
דָּבָר גָּדוֺל אוֺ דָּבָר קָטֹן
וְלֹא יִגְלֶה אֶת־אָזְנִי וּמַדּוּעַ
יַסְתִּיר אָבִי מִמֶּנִּי אֶת־הַדָּבָר
הַזֶּה אֵין זֺאת׃
1Sam 20.3
וַיִּשָּׁבַע עוֺד דָּוִד וַיֺּאמֶר יָדֹעַ
יָדַע אָבִיךָ כִּי־מָצָאתִי חֵן
בְּעֵינֶיךָ וַיֺּאמֶר אַל־יֵדַע־זֺאת
יְהוֺנָתָן פֶּנ־יֵעָצֵב וְאוּם חַי־יְהוָה
וְחֵי נַפְשֶׁךָ כִּי כְפֶשַׂע בֵּינִי
וּבֵין הַמָּוֶת׃
1Sam 20.4
וַיֺּאמֶר יְהוֺנָתָן אֶל־דָּוִד
מַה־תֹּאמַר נַפְשְׁךָ וְאֶעֱשֶׂה־לָּך׃
ף
1Sam 20.5
וַיֺּאמֶר דָּוִד אֶל־יְהוֺנָתָן
הִנֵּה־חֹדֶשׁ מָחָר וְאָנֺכִי יָשֹׁב־אֵשֵׁב
עִמ־הַמֶּלֶך לֶאֱכוֺל וְשִׁלַּחְתַּנִי
וְנִסְתַּרְתִּי בַשָּׂדֶה עַד הָעֶרֶב
הַשְּׁלִשִׁית׃
1Sam 20.6
אִמ־פָּקֹד יִפְקְדֵנִי אָבִיךָ וְאָמַרְתָּ
נִשְׁאֹל נִשְׁאַל מִמֶּנִּי דָוִד לָרוּץ
בֵּית־לֶחֶם עִירוֺ כִּי זֶבַח הַיָּמִים
שָׁם לְכָל־הַמִּשְׁפָּה׃
1Sam 20.7
אִמ־כֹּה יֺאמַר טוֺב שָׁלוֺם לְעַבְדֶּךָ
וְאִמ־חָרֹה יֶחֱרֶה לוֺ דַּע כִּי־כָלְתָה
הָרָעָה מֵעִמּוֺ׃
1Sam 20.8
וְעָשִׂיתָ חֶסֶד עַל־עַבְדֶּךָ כִּי
בִּבְרִית יְהוָה הֵבֵאתָ אֶת־עַבְדְּךָ
עִמָּך וְאִמ־יֶשׁ־בִּי עָוֺן הֲמִיתֵנִי
אַתָּה וְעַד־אָבִיךָ לָמָּה־זֶּה תְבִיאֵנִי׃
ף
1Sam 20.9
וַיֺּאמֶר יְהוֺנָתָן חָלִילָה לָּך
כִּי אִמ־יָדֹעַ אֵדַע כִּי־כָלְתָה
הָרָעָה מֵעִם אָבִי לָבוֺא עָלֶיךָ
וְלֹא אֹתָהּ אַגִּיד לָך׃ ס
1Sam 20.10
וַיֺּאמֶר דָּוִד אֶל־יְהוֺנָתָן מִי
יַגִּיד לִי אוֺ מַה־יַּעַנְךָ אָבִיךָ
קָשָׁה׃ ס
1Sam 20.11
וַיֺּאמֶר יְהוֺנָתָן אֶל־דָּוִד
לְכָה וְנֵצֵא הַשָּׂדֶה וַיֵּצְאוּ שְׁנֵיהֶם
הַשָּׂדֶה׃ ס
1Sam 20.12
וַיֺּאמֶר יְהוֺנָתָן אֶל־דָּוִד
יְהוָה אֱלֹהֵי יִשְׂרָאֵל כִּי־אֶחְקֹר
אֶת־אָבִי כָּעֵת מָחָר הַשְּׁלִשִׁית
וְהִנֵּה־טוֺב אֶל־דָּוִד וְלֹא־אָז
אֶשְׁלַח אֵלֶיךָ וְגָלִיתִי אֶת־אָזְנֶךָ׃
1Sam 20.13
כֹּה־יַעֲשֶׂה יְהוָה לִיהוֺנָתָן
וְכֹה יֺסִיף כִּי־יֵיטִב אֶל־אָבִי
אֶת־הָרָעָה עָלֶיךָ וְגָלִיתִי אֶת־אָזְנֶךָ
וְשִׁלַּחְתִּיךָ וְהָלַכְתָּ לְשָׁלוֺם
וִיהִי יְהוָה עִמָּך כַּאֲשֶׁר הָיָה
עִמ־אָבִי׃
1Sam 20.14
וְלֹא אִמ־עוֺדֶנִּי חָי וְלֹא־תַעֲשֶׂה
עִמָּדִי חֶסֶד יְהוָה וְלֹא אָמוּת׃
1Sam 20.15
וְלֹא־תַכְרִת אֶת־חַסְדְּךָ מֵעִם
בֵּיתִי עַד־עוֺלָם וְלֹא בְּהַכְרִת
יְהוָה אֶת־אֹיְבֵי דָוִד אִישׁ
מֵעַל פְּנֵי הָאֲדָמָה׃
1Sam 20.16
וַיִּכְרֹת יְהוֺנָתָן עִמ־בֵּית דָּוִד
וּבִקֵּשׁ יְהוָה מִיַּד אֹיְבֵי דָוִד׃
1Sam 20.17
וַיֺּוסֶף יְהוֺנָתָן לְהַשְׁבִּיעַ אֶת־דָּוִד
בְּאַהֲבָתוֺ אֹתוֺ כִּי־אַהֲבַת נַפְשׁוֺ
אֲהֵבוֺ׃ ס
1Sam 20.18
וַיֺּאמֶר־לוֺ יְהוֺנָתָן מָחָר חֹדֶשׁ
וְנִפְקַדְתָּ כִּי יִפָּקֵד מוֺשָׁבֶךָ׃
1Sam 20.19
וְשִׁלַּשְׁתָּ תֵּרֵד מְאֹד וּבָאתָ אֶל־הַמָּקוֺם
אֲשֶׁר־נִסְתַּרְתָּ שָּׁם בְּיֺום הַמַּעֲשֶׂה
וְיָשַׁבְתָּ אֵצֶל הָאֶבֶן הָאָזֶל׃
1Sam 20.20
וַאֲנִי שְׁלֹשֶׁת הַחִצִּים צִדָּה
אוֺרֶה לְשַׁלַּח־לִי לְמַטָּרָה׃
1Sam 20.21
וְהִנֵּה אֶשְׁלַח אֶת־הַנַּעַר לֵך
מְצָא אֶת־הַחִצִּים אִמ־אָמֹר אֹמַר
לַנַּעַר הִנֵּה הַחִצִּים מִמְּךָ וָהֵנָּה
קָחֶנּוּ וָבֹאָה כִּי־שָׁום לְךָ וְאֵין
דָּבָר חַי־יְהוָה׃
1Sam 20.22
וְאִמ־כֹּה אֹמַר לָעֶלֶם הִנֵּה
הַחִצִּים מִמְּךָ וָהָלְאָה לֵך כִּי
שִׁלַּחֲךָ יְהוָה׃
1Sam 20.23
וְהַדָּבָר אֲשֶׁר דִּבַּרְנוּ אֲנִי וָאָתָּה
הִנֵּה יְהוָה בֵּינִי וּבֵינְךָ עַד־עוֺלָם׃
ס
1Sam 20.24
וַיִּסָּתֵר דָּוִד בַּשָּׂדֶה וַיְהִי הַחֹדֶשׁ
וַיֵּשֶׁב הַמֶּלֶך 1 עַל 2 אֶל־הַלֶּחֶם
לֶאֱכוֺל׃
1Sam 20.25
וַיֵּשֶׁב הַמֶּלֶך עַל־מוֺשָׁבוֺ כְּפַעַם
בְּפַעַם אֶל־מוֺשַׁב הַקִּיר וַיָּקָם
יְהוֺנָתָן וַיֵּשֶׁב אַבְנֵר מִצַּד
שָׁאוּל וַיִּפָּקֵד מְקוֺם דָּוִד׃
1Sam 20.26
וְלֹא־דִבֶּר שָׁאוּל מְאוּמָה בַּיֺּום
הַהוּא כִּי אָמַר מִקְרֶה הוּא
בִּלְתִּי טָהוֺר הוּא כִּי־לֹא
טָהוֺר׃ ס
1Sam 20.27
וַיְהִי מִמָּחֳרַת הַחֹדֶשׁ הַשֵּׁנִי
וַיִּפָּקֵד מְקוֺם דָּוִד ס וַיֺּאמֶר
שָׁאוּל אֶל־יְהוֺנָתָן בְּנֺו מַדּוּעַ
לֹא־בָא בֶנ־יִשַׁי גַּמ־תְּמוֺלגַּמ־הַיֺּום
אֶל־הַלָּחֶם׃
1Sam 20.28
וַיַּעַן יְהוֺנָתָן אֶת־שָׁאוּל
נִשְׁאֹל נִשְׁאַל דָּוִד מֵעִמָּדִי עַד־בֵּית
לָחֶם׃
1Sam 20.29
וַיֺּאמֶר שַׁלְּחֵנִי נָא כִּי זֶבַח
מִשְׁפָּחָה לָנוּ בָּעִיר וְהוּא צִוָּה־לִי
אָחִי וְעַתָּה אִמ־מָצָאתִי חֵן
בְּעֵינֶיךָ אִמָּלְטָה נָּא וְאֶרְאֶה
אֶת־אֶחָי עַל־כֵּן לֹא־בָא אֶל־שֻׁלְחַן
הַמֶּלֶך׃ ס
1Sam 20.30
וַיִּחַר־אַף שָׁאוּל בִּיהוֺנָתָן
וַיֺּאמֶר לוֺ בֶּנ־נַעֲוַת הַמַּרְדּוּת
הֲלוֺא יָדַעְתִּי כִּי־בֹחֵר אַתָּה
לְבֶנ־יִשַׁי לְבָשְׁתְּךָ וּלְשֶׁת עֶרְוַת
אִמֶּךָ׃
1Sam 20.31
כִּי כָל־הַיָּמִים אֲשֶׁר בֶּנ־יִשַׁי
חַי עַל־הָאֲדָמָה לֹא תִכּוֺן
אַתָּה וּמַלְכוּתֶךָ וְעַתָּה שְׁלַח
וְקַח אֹתוֺ אֵלַי כִּי בֶנ־מָוֶת
הוּא ס
1Sam 20.32
וַיַּעַן יְהוֺנָתָן אֶת־שָׁאוּל אָבִיו
וַיֺּאמֶר אֵלָיו לָמָּה יוּמַת מֶה
עָשָׂה׃
1Sam 20.33
וַיָּטֶל שָׁאוּל אֶת־הַחֲנִית עָלָיו
לְהַכֹּתוֺ וַיֵּדַע יְהוֺנָתָן כִּי־כָלָה
הִיא מֵעִם אָבִיו לְהָמִית אֶת־דָּוִד׃
ס
1Sam 20.34
וַיָּקָם יְהוֺנָתָן מֵעִם הַשֻּׁלְחָן
בָּחֳרִי־אָף וְלֹא־אָכַל בְּיֺומ־הַחֹדֶשׁ
הַשֵּׁנִי לֶחֶם כִּי נֶעְצַב אֶל־דָּוִד
כִּי הִכְלִמוֺ אָבִיו׃ ס
1Sam 20.35
וַיְהִי בַבֹּקֶר וַיֵּצֵא יְהוֺנָתָן
הַשָּׂדֶה לְמוֺעֵד דָּוִד וְנַעַר קָטֹן
עִמּוֺ׃
1Sam 20.36
וַיֺּאמֶר לְנַעֲרוֺ רֻץ מְצָא נָא
אֶת־הַחִצִּים אֲשֶׁר אָנֺכִי מוֺרֶה
הַנַּעַר רָץ וְהוּא־יָרָה הַחֵצִי
לְהַעֲבִרוֺ׃
1Sam 20.37
וַיָּבֹא הַנַּעַר עַד־מְקוֺם הַחֵצִי
אֲשֶׁר יָרָה יְהוֺנָתָן וַיִּקְרָא
יְהוֺנָתָן אַחֲרֵי הַנַּעַר וַיֺּאמֶר
הֲלוֺא הַחֵצִי מִמְּךָ וָהָלְאָה׃
1Sam 20.38
וַיִּקְרָא יְהוֺנָתָן אַחֲרֵי הַנַּעַר
מְהֵרָה חוּשָׁה אַל־תַּעֲמֹד וַיְלַקֵּט
נַעַר יְהוֺנָתָן אֶת־הַחֵצִי 2 הַחִצִּים
וַיָּבֹא אֶל־אֲדֹנָיו
1Sam 20.39
וְהַנַּעַר לֹא־יָדַע מְאוּמָה אַך
יְהוֺנָתָן וְדָוִד יָדְעוּ אֶת־הַדָּבָר׃
1Sam 20.40
וַיִּתֵּן יְהוֺנָתָן אֶת־כֵּלָיו
אֶל־הַנַּעַר אֲשֶׁר־לוֺ וַיֺּאמֶר
לוֺ לֵך הָבֵיא הָעִיר׃
1Sam 20.41
הַנַּעַר בָּא וְדָוִד קָם מֵאֵצֶל
הַנֶּגֶב וַיִּפֹּל לְאַפָּיו אַרְצָה
וַיִּשְׁתַּחוּ שָׁלֹשׁ פְּעָמִים וַיִּשְּׁקוּ
אִישׁ אֶת־רֵעֵהוּ וַיִּבְכּוּ אִישׁ
אֶת־רֵעֵהוּ עַד־דָּוִד הִגְדִּיל׃
1Sam 20.42
וַיֺּאמֶר יְהוֺנָתָן לְדָוִד לֵך
לְשָׁלוֺם אֲשֶׁר נִשְׁבַּעְנוּ שְׁנֵינוּ
אֲנַחְנוּ בְּשֵׁם יְהוָה לֵאמֹר
יְהוָה יִהְיֶה בֵּינִי וּבֵינֶךָ
וּין זַרְעִי וּבֵין זַרְעֲךָ עַד־עוֺלָם׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages