1Sam 17

Teljes szövegű keresés

1Sam 17
1Sam 17.1
וַיַּאַסְפוּ פְלִשְׁתִּים אֶת־מַחֲנֵיהֶם
לַמִּלְחָמָה וַיֵּאָסְפוּ שֹׂכֹה אֲשֶׁר
לִיהוּדָה וַיַּחֲנוּ בֵּינ־שׂוֺכֹה
וּבֵינ־עֲזֵקָה בְּאֶפֶס דַּמִּם׃
1Sam 17.2
וְשָׁאוּל וְאִישׁ־יִשְׂרָאֵל נֶאֶסְפוּ
וַיַּחֲנוּ בְּעֵמֶק הָאֵלָה וַיַּעַרְכוּ
מִלְחָמָה לִקְרַאת פְּלִשְׁתִּים׃
1Sam 17.3
וּפְלִשְׁתִּים עֹמְדִים אֶל־הָהָר
מִזֶּה וְיִשְׂרָאֵל עֹמְדִים אֶל־הָהָר
מִזֶּה וְהַגַּיְא בֵּינֵיהֶם׃
1Sam 17.4
וַיֵּצֵא אִישׁ־הַבֵּנַיִם מִמַּחֲנֺות
פְּלִשְׁתִּים גָּלְיָת שְׁמוֺ מִגַּת
גָּבְהוֺ שֵׁשׁ אַמּוֺת וָזָרֶת׃
1Sam 17.5
וְכוֺבַע נְחֹשֶׁת עַל־רֹאשׁוֺ וְשִׁרְיֺון
קַשְׂקַשִּׂים הוּא לָבוּשׁ וּמִשְׁקַל
הַשִּׁרְיֺון חֲמֵשֶׁת־אֲלָפִים שְׁקָלִים
נְחֹשֶׁת׃
1Sam 17.6
וּמִצְחַת נְחֹשֶׁת עַל־רַגְלָיו וְכִידוֺן
נְחֹשֶׁת בֵּין כְּתֵפָיו׃
1Sam 17.7
וְחָץ 2 וְעֵץ חֲנִיתוֺ כִּמְנֺור
אֹרְגִים וְלַהֶבֶת חֲנִיתוֺ שֵׁשׁ־מֵאוֺת
שְׁקָלִים בַּרְזֶל וְנֺשֵׂא הַצִּנָּה
הֹלֵך לְפָנָיו׃
1Sam 17.8
וַיַּעֲמֹד וַיִּקְרָא אֶל־מַעַרְכֹת
יִשְׂרָאֵל וַיֺּאמֶר לָהֶם לָמָּה
תֵצְאוּ לַעֲרֹך מִלְחָמָה הֲלוֺא
אָנֺכִי הַפְּלִשְׁתִּי וְאַתֶּם עֲבָדִים
לְשָׁאוּל בְּרוּ־לָכֶם אִישׁ וְיֵרֵד
אֵלָי׃
1Sam 17.9
אִמ־יוּכַל לְהִלָּחֵם אִתִּי וְהִכָּנִי
וְהָיִינוּ לָכֶם לַעֲבָדִים וְאִמ־אֲנִי
אוּכַל־לוֺ וְהִכִּיתִיו וִהְיִיתֶם
לָנוּ לַעֲבָדִים וַעֲבַדְתֶּם אֹתָנוּ׃
1Sam 17.10
וַיֺּאמֶר הַפְּלִשְׁתִּי אֲנִי חֵרַפְתִּי
אֶת־מַעַרְכוֺת יִשְׂרָאֵל הַיֺּום
הַזֶּה תְּנוּ־לִי אִישׁ וְנִלָּחֲמָה
יָחַד׃
1Sam 17.11
וַיִּשְׁמַע שָׁאוּל וְכָל־יִשְׂרָאֵל
אֶת־דִּבְרֵי הַפְּלִשְׁתִּי הָאֵלֶּה וַיֵּחַתּוּ
וַיִּרְאוּ מְאֹד׃ ף
1Sam 17.12
וְדָוִד בֶּנ־אִישׁ אֶפְרָתִי הַזֶּה
מִבֵּית לֶחֶם יְהוּדָה וּשְׁמוֺ יִשַׁי
וְלוֺ שְׁמֹנָה בָנִים וְהָאִישׁ בִּימֵי
שָׁאוּל זָקֵן בָּא בַאֲנָשִׁים׃
1Sam 17.13
וַיֵּלְכוּ שְׁלֹשֶׁת בְּנֵי־יִשַׁי הַגְּדֹלִים
הָלְכוּ אַחֲרֵי־שָׁאוּל לַמִּלְחָמָה
וְשֵׁם שְׁלֹשֶׁת בָּנָיו אֲשֶׁר הָלְכוּ
בַּמִּלְחָמָה אֱלִיאָב בְּכוֺר וּמִשְׁנֵהוּ
אֲבִינָדָב וְהַשְּׁלִשִׁי שַׁמָּה׃
1Sam 17.14
וְדָוִד הוּא הַקָּטָן וּשְׁלֹשָׁה הַגְּדֹלִים
הָלְכוּ אַחֲרֵי שָׁאוּל׃ ס
1Sam 17.15
וְדָוִד הֹלֵך וָשָׁב מֵעַל שָׁאוּל
לִרְעוֺת אֶת־צֹאן אָבִיו בֵּית־לָחֶם׃
1Sam 17.16
וַיִּגַּשׁ הַפְּלִשְׁתִּי הַשְׁכֵּם וְהַעֲרֵב
וַיִּתְיַצֵּב אַרְבָּעִים יֺום׃ ף
1Sam 17.17
וַיֺּאמֶר יִשַׁי לְדָוִד בְּנֺו קַח־נָא
לְאַחֶיךָ אֵיפַת הַקָּלִיא הַזֶּה
וַעֲשָׂרָה לֶחֶם הַזֶּה וְהָרֵץ הַמַּחֲנֶה
לְאַחֶיךָ׃
1Sam 17.18
וְאֵת עֲשֶׂרֶת חֲרִצֵי הֶחָלָב
הָאֵלֶּה תָּבִיא לְשַׂר־הָאָלֶף וְאֶת־אַחֶיךָ
תִּפְקֹד לְשָׁלוֺם וְאֶת־עֲרֻבָּתָם
תִּקָּח׃
1Sam 17.19
וְשָׁאוּל וְהֵמָּה וְכָל־אִישׁ יִשְׂרָאֵל
בְּעֵמֶק הָאֵלָה נִלְחָמִים עִמ־פְּלִשְׁתִּים׃
1Sam 17.20
וַיַּשְׁכֵּם דָּוִד בַּבֹּקֶר וַיִּטֹּשׁ אֶת־הַצֹּאן
עַל־שֹׁמֵר וַיִּשָּׂא וַיֵּלֶך כַּאֲשֶׁר
צִוָּהוּ יִשָׁי וַיָּבֹא הַמַּעְגָּלָה
וְהַחַיִל הַיֺּצֵא אֶל־הַמַּעֲרָכָה
וְהֵרֵעוּ בַּמִּלְחָמָה׃
1Sam 17.21
וַתַּעֲרֹך יִשְׂרָאֵל וּפְלִשְׁתִּים מַעֲרָכָה
לִקְרַאת מַעֲרָכָה׃
1Sam 17.22
וַיִּטֹּשׁ דָּוִד אֶת־הַכֵּלִים מֵעָלָיו
עַל־יַד שׁוֺמֵר הַכֵּלִים וַיָּרָץ
הַמַּעֲרָכָה וַיָּבֹא וַיִּשְׁאַל לְאֶחָיו
לְשָׁלוֺם׃
1Sam 17.23
וְהוּא מְדַבֵּר עִמָּם וְהִנֵּה אִישׁ
הַבֵּנַיִם עוֺלֶה גָּלְיָת הַפְּלִשְׁתִּי
שְׁמוֺ מִגַּת 1 מִמַּעֲרוֺת 2 מִמַּעַרְכוֺת
פְּלִשְׁתִּים וַיְדַבֵּר דְּבָרִים הָאֵלֶּה
וַיִּשְׁמַע דָּוִד׃
1Sam 17.24
וְכֹל אִישׁ יִשְׂרָאֵל בִּרְאוֺתָם
אֶת־הָאִישׁ וַיָּנֻסוּ מִפָּנָיו וַיִּירְאוּ
מְאֹד׃
1Sam 17.25
וַיֺּאמֶר אִישׁ יִשְׂרָאֵל הַרְּאִיתֶם
הָאִישׁ הָעֹלֶה הַזֶּה כִּי לְחָרֵף
אֶת־יִשְׂרָאֵל עֹלֶה וְהָיָה הָאִישׁ
אֲשֶׁר־יַכֶּנּוּ יַעְשְׁרֶנּוּ הַמֶּלֶך
עֹשֶׁר גָּדוֺל וְאֶת־בִּתּוֺ יִתֶּנ־לוֺ
וְאֵת בֵּית אָבִיו יַעֲשֶׂה חָפְשִׁי
בְּיִשְׂרָאֵל׃
1Sam 17.26
וַיֺּאמֶר דָּוִד אֶל־הָאֲנָשִׁים
הָעֹמְדִים עִמּוֺ לֵאמֹר מַה־יֵּעָשֶׂה
לָאִישׁ אֲשֶׁר יַכֶּה אֶת־הַפְּלִשְׁתִּי
הַלָּז וְהֵסִיר חֶרְפָּה מֵעַל יִשְׂרָאֵל
כִּי מִי הַפְּלִשְׁתִּי הֶעָרֵל הַזֶּה
כִּי חֵרֵף מַעַרְכוֺת אֱלֹהִים חַיִּים׃
1Sam 17.27
וַיֺּאמֶר לוֺ הָעָם כַּדָּבָר הַזֶּה
לֵאמֹר כֹּה יֵעָשֶׂה לָאִישׁ אֲשֶׁר
יַכֶּנּוּ׃
1Sam 17.28
וַיִּשְׁמַע אֱלִיאָב אָחִיו הַגָּדוֺל
בְּדַבְּרוֺ אֶל־הָאֲנָשִׁים וַיִּחַר־אַף
אֱלִיאָב בְּדָוִד וַיֺּאמֶר לָמָּה־זֶּה
יָרַדְתָּ וְעַל־מִי נָטַתָּ מְעַט הַצֹּאן
הָהֵנָּה בַּמִּדְבָּר אֲנִי יָדַעְתִּי
אֶת־זְדֹנְךָ וְאֵת רֹעַ לְבָבֶךָ
כִּי לְמַעַן רְאוֺת הַמִּלְחָמָה יָרָדְתָּ׃
1Sam 17.29
וַיֺּאמֶר דָּוִד מֶה עָשִׂיתִי עָתָּה
הֲלוֺא דָּבָר הוּא׃
1Sam 17.30
וַיִּסֹּב מֵאֶצְלוֺ אֶל־מוּל אַחֵר
וַיֺּאמֶר כַּדָּבָר הַזֶּה וַיְשִׁבֻהוּ
הָעָם דָּבָר כַּדָּבָר הָרִאשׁוֺן׃
1Sam 17.31
וַיְּשָּׁמְעוּ הַדְּבָרִים אֲשֶׁר דִּבֶּר
דָּוִד וַיַּגִּדוּ לִפְנֵי־שָׁאוּל וַיִּקָּחֵהוּ׃
1Sam 17.32
וַיֺּאמֶר דָּוִד אֶל־שָׁאוּל אַל־יִפֹּל
לֵב־אָדָם עָלָיו עַבְדְּךָ יֵלֵך
וְנִלְחַם עִמ־הַפְּלִשְׁתִּי הַזֶּה׃
1Sam 17.33
וַיֺּאמֶר שָׁאוּל אֶל־דָּוִד לֹא
תוּכַל לָלֶכֶת אֶל־הַפְּלִשְׁתִּי הַזֶּה
לְהִלָּחֵם עִמּוֺ כִּי־נַעַר אַתָּה
וְהוּא אִישׁ מִלְחָמָה מִנְּעֻרָיו
ס
1Sam 17.34
וַיֺּאמֶר דָּוִד אֶל־שָׁאוּל רֹעֶה
הָיָה עַבְדְּךָ לְאָבִיו בַּצֹּאן וּבָא
הָאֲרִי וְאֶת־הַדּוֺב וְנָשָׂא שֶׂה
מֵהָעֵדֶר׃
1Sam 17.35
וְיָצָאתִי אַחֲרָיו וְהִכִּתִיו וְהִצַּלְתִּי
מִפִּיו וַיָּקָם עָלַי וְהֶחֱזַקְתִּי
בִּזְקָנֺו וְהִכִּתִיו וַהֲמִיתִּיו׃
1Sam 17.36
גַּם אֶת־הָאֲרִי גַּמ־הַדּוֺב הִכָּה
עַבְדֶּךָ וְהָיָה הַפְּלִשְׁתִּי הֶעָרֵל
הַזֶּה כְּאַחַד מֵהֶם כִּי חֵרֵף
מַעַרְכֹת אֱלֹהִים חַיִּים׃ ס
1Sam 17.37
וַיֺּאמֶר דָּוִד יְהוָה אֲשֶׁר הִצִּלַנִי
מִיַּד הָאֲרִי וּמִיַּד הַדֹּב הוּא
יַצִּילֵנִי מִיַּד הַפְּלִשְׁתִּי הַזֶּה
ס וַיֺּאמֶר שָׁאוּל אֶל־דָּוִד
לֵך וַיהוָה יִהְיֶה עִמָּך׃
1Sam 17.38
וַיַּלְבֵּשׁ שָׁאוּל אֶת־דָּוִד מַדָּיו
וְנָתַן קוֺבַע נְחֹשֶׁת עַל־רֹאשׁוֺ
וַיַּלְבֵּשׁ אֹתוֺ שִׁרְיֺון׃
1Sam 17.39
וַיַּחְגֺּר דָּוִד אֶת־חַרְבּוֺ מֵעַל
לְמַדָּיו וַיֺּאֶל לָלֶכֶת כִּי לֹא־נִסָּה
וַיֺּאמֶר דָּוִד אֶל־שָׁאוּל לֹא
אוּכַל לָלֶכֶת בָּאֵלֶּה ךִּ לֹא נִסִּיתִי
וַיְסִרֵם דָּוִד מֵעָלָיו׃
1Sam 17.40
וַיִּקַּח מַקְלוֺ בְּיָדוֺ וַיִּבְחַר־לוֺ
חֲמִשָּׁה חַלֻּקֵי־אֲבָנִים מִנ־הַנַּחַל
וַיָּשֶׂם אֹתָם בִּכְלִי הָרֹעִים אֲשֶׁר־לוֺ
וּבַיַּלְקוּט וְקַעוֺ בְיָדוֺ וַיִּגַּשׁ
אֶל־הַפְּלִשְׁתִּי׃
1Sam 17.41
וַיֵּלֶך הַפְּלִשְׁתִּי הֹלֵך וְקָרֵב
אֶל־דָּוִד וְהָאִישׁ נֺשֵׂא הַצִּנָּה
לְפָנָיו׃
1Sam 17.42
וַיַּבֵּט הַפְּלִשְׁתִּי וַיִּרְאֶה אֶת־דָּוִד
וַיִּבְזֵהוּ כִּי־הָיָה נַעַר וְאַדְמֹנִי
עִמ־יְפֵה מַרְאֶה׃
1Sam 17.43
וַיֺּאמֶר הַפְּלִשְׁתִּי אֶל־דָּוִד הֲכֶלֶב
אָנֺכִי כִּי־אַתָּה בָא־אֵלַי בַּמַּקְלוֺת
וַיְקַלֵּל הַפְּלִשְׁתִּי אֶת־דָּוִד בֵּאלֹהָיו׃
1Sam 17.44
וַיֺּאמֶר הַפְּלִשְׁתִּי אֶל־דָּוִד לְכָה
אֵלַי וְאֶתְּנָה אֶת־בְּשָׂרְךָ לְעוֺף
הַשָּׁמַיִם וּלְבֶהֱמַת הַשָּׂדֶה׃ ס
1Sam 17.45
וַיֺּאמֶר דָּוִד אֶל־הַפְּלִשְׁתִּי
אַתָּה בָּא אֵלַי בְּחֶרֶב וּבַחֲנִית
וּבְכִידוֺן וְאָנֺכִי בָא־אֵלֶיךָ
בְּשֵׁם יְהוָה צְבָאוֺת אֱלֹהֵי
מַעַכוֺת יִשְׂרָאֵל אֲשֶׁר חֵרַפְתָּ׃
1Sam 17.46
הַיֺּום הַזֶּה יְסַגֶּרְךָ יְהוָה
בְּיָדִי וְהִכִּיתִךָ וַהֲסִרֹתִי אֶת־רֹאשְׁךָ
מֵעָלֶיךָ וְנָתַתִּי פֶּגֶר מַחֲנֵה
פְלִשְׁתִּים הַיֺּום הַזֶּ לְעוֺף הַשָּׁמַיִם
וּלְחַיַּת הָאָרֶץ וְיֵדְעוּ כָּל־הָאָרֶץ
כִּי יֵשׁ אֱלֹהִים לְיִשְׂרָאֵל׃
1Sam 17.47
וְיֵדְעוּ כָּל־הַקָּהָל הַזֶּה כִּי־לֹא
בְּחֶרֶב וּבַחֲנִית יְהוֺשִׁיעַ יְהוָה
כִּי לַיהוָה הַמִּלְחָמָה וְנָתַן
אֶתְכֶם בְּיָדֵנוּ׃
1Sam 17.48
וְהָיָה כִּי־קָם הַפְּלִשְׁתִּי וַיֵּלֶך
וַיִּקְרַב לִקְרַאת דָּוִד וַיְמַהֵר
דָּוִד וַיָּרָץ הַמַּעֲרָכָה לִקְרַאת
הַפְּלִשְׁתִּי׃
1Sam 17.49
וַיִּשְׁלַח דָּוִד אֶת־יָדוֺ אֶל־הַכֶּלִי
וַיִּקַּח מִשָּׁם אֶבֶן וַיְקַלַּע וַיַּך
אֶת־הַפְּלִשְׁתִּי אֶל־מִצְחוֺ וַתִּטְבַּע
הָאֶבֶן בְּמִצְחוֺ יִּפֹּל עַל־פָּנָיו
אָרְצָה׃
1Sam 17.50
וַיֶּחֱזַק דָּוִד מִנ־הַפְּלִשְׁתִּי
בַּקֶּלַע וּבָאֶבֶן וַיַּך אֶת־הַפְּלִשְׁתִּי
וַיְמִיתֵהוּ וְחֶרֶב אֵין בְּיַד־דָּוִד׃
1Sam 17.51
וַיָּרָץ דָּוִד וַיַּעֲמֹד אֶל־הַפְּלִשְׁתִּי
וַיִּקַּח אֶת־חַרְבּוֺ וַיִּשְׁלְפָהּ מִתַּעְרָהּ
וַיְמֹתְתֵהוּ וַיִּכְרָת־בָּהּ אֶת־רֹאשׁוֺ
וַיִּרְאוּ הַפְּלִשְׁתִּים כִּי־מֵת גִּבּוֺרָם
וַיָּנֻסוּ׃
1Sam 17.52
וַיָּקֻמוּ אַנְשֵׁי יִשְׂרָאֵל וִיהוּדָה
וַיָּרִעוּ וַיִּרְדְּפוּ אֶת־הַפְּלִשְׁתִּים
עַד־בּוֺאֲךָ גַיְא וְעַד שַׁעֲרֵי
עֶקְרוֺן וַיִּפְּלוּ חַלְי פְלִשְׁתִּים
בְּדֶרֶך שַׁעֲרַיִם וְעַד־גַּת וְעַד־עֶקְרוֺן׃
1Sam 17.53
וַיָּשֻׁבוּ בְּנֵי יִשְׂרָאֵל מִדְּלֹק
אַחֲרֵי פְלִשְׁתִּים וַיָּשֹׁסּוּ אֶת־מַחֲנֵיהֶם׃
1Sam 17.54
וַיִּקַּח דָּוִד אֶת־רֹאשׁ הַפְּלִשְׁתִּי
וַיְבִאֵהוּ יְרוּשָׁלִָם וְאֶת־כֵּלָיו
שָׂם בְּאָהֳלוֺ׃ ס
1Sam 17.55
וְכִרְאוֺת שָׁאוּל אֶת־דָּוִד יֺצֵא
לִקְרַאת הַפְּלִשְׁתִּי אָמַר אֶל־אַבְנֵר
שַׂר הַצָּבָא בֶּנ־מִי־זֶה הַנַּעַר
אַבְנֵר וַיֺּאמֶר אַבְנֵר חֵי־נַפְךָ
הַמֶּלֶך אִמ־יָדָעְתִּי׃
1Sam 17.56
וַיֺּאמֶר הַמֶּלֶך שְׁאַל אַתָּה בֶּנ־מִי־זֶה
הָעָלֶם׃ ס
1Sam 17.57
וּכְשׁוּב דָּוִד מֵהַכּוֺת אֶת־הַפְּלִשְׁתִּי
וַיִּקַּח אֹתוֺ אַבְנֵר וַיְבִאֵהוּ
לִפְנֵי שָׁאוּל וְרֹאשׁ הַפְּלִשְׁתִּי
בְּיָדוֺ׃
1Sam 17.58
וַיֺּאמֶר אֵלָיו שָׁאוּל בֶּנ־מִי
אַתָּה הַנָּעַר וַיֺּאמֶר דָּוִד בֶּנ־עַבְדְּךָ
יִשַׁי בֵּית הַלַּחְמִי׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages