Jud 6

Teljes szövegű keresés

Jud 6
Jud 6.1
וַיַּעֲשׂוּ בְנֵי־יִשְׂרָאֵל הָרַע בְּעֵינֵי
יְהוָה וַיִּתְּנֵם יְהוָה בְּיַד־מִדְיָן
שֶׁבַע שָׁנִים׃
Jud 6.2
וַתָּעָז יַד־מִדְיָן עַל־יִשְׂרָאֵל
מִפְּנֵי מִדְיָן עָשׂוּ לָהֶם בְּנֵי
יִשְׂרָאֵל אֶת־הַמִּנְהָרוֺת אֲשֶׁר
בֶּהָרִים וְאֶת־הַמְּעָרוֺת וְאֶת־הַמְּצָדוֺת׃
Jud 6.3
וְהָיָה אִמ־זָרַע יִשְׂרָאֵל וְעָלָה
מִדְיָן וַעֲמָלֵק וּבְנֵי־קֶדֶם וְעָלוּ
עָלָיו׃
Jud 6.4
וַיַּחֲנוּ עֲלֵיהֶם וַיַּשְׁחִיתוּ אֶת־יְבוּל
הָאָרֶץ עַד־בּוֺאֲךָ עַזָּה וְלֹא־יַשְׁאִירוּ
מִחְיָה בְּיִשְׂרָאֵל וְשֶׂה וָשׁוֺר
וַחֲמוֺר׃
Jud 6.5
כִּי הֵם וּמִקְנֵיהֶם יַעֲלוּ וְאָהֳלֵיהֶם 1 יָבֹאוּ 2 וּבָאוּ
כְדֵי־אַרְבֶּה לָרֹב וְלָהֶם וְלִגְמַלֵּיהֶם
אֵין מִסְפָּר וַיָּבֹאוּ בָאָרֶץ
לְשַׁחֲתָהּ׃
Jud 6.6
וַיִּדַּל יִשְׂרָאֵל מְאֹד מִפְּנֵי מִדְיָן
וַיִּזְעֲקוּ בְנֵי־יִשְׂרָאֵל אֶל־יְהוָה׃
ף
Jud 6.7
וַיְהִי כִּי־זָעֲקוּ בְנֵי־יִשְׂרָאֵל
אֶל־יְהוָה עַל אֹדוֺת מִדְיָן׃
Jud 6.8
וַיִּשְׁלַח יְהוָה אִישׁ נָבִיא אֶל־בְּנֵי
יִשְׂרָאֵל וַיֺּאמֶר לָהֶם כֹּה־אָמַר
יְהוָה אֱלֹהֵי יִשְׂרָאֵל אָנֺכִי
הֶעֱלֵיתִי אֶתְכֶם מִמִּצְרַיִמוָאֹצִיא
אֶתְכֶם מִבֵּית עֲבָדִים׃
Jud 6.9
וָאַצִּל אֶתְכֶם מִיַּד מִצְרַיִם וּמִיַּד
כָּל־לֹחֲצֵיכֶם וָאֲגָרֵשׁ אוֺתָם
מִפְּנֵיכֶם וָאֶתְּנָה לָכֶם אֶת־אַרְצָם׃
Jud 6.10
וָאֹמְרָה לָכֶם אֲנִי יְהוָה אֱלֹהֵיכֶם
לֹא תִירְאוּ אֶת־אֱלֹהֵי הָאֱמֹרִי
אֲשֶׁר אַתֶּם יֺושְׁבִים בְּאַרְצָם
וְלֹא שְׁמַעְתֶּם בְּקוֺלִי׃ ף
Jud 6.11
וַיָּבֹא מַלְאַך יְהוָה וַיֵּשֶׁב
תַּחַת הָאֵלָה אֲשֶׁר בְּעָפְרָה אֲשֶׁר
לְיֺואָשׁ אֲבִי הָעֶזְרִי וְגִדְעוֺן
בְּנֺו חֹבֵט חִטִּים בַּתּ לְהָנִיס
מִפְּנֵי מִדְיָן׃
Jud 6.12
וַיֵּרָא אֵלָיו מַלְאַך יְהוָה
וַיֺּאמֶר אֵלָיו יְהוָה עִמְּךָ גִּבּוֺר
הֶחָיִל׃
Jud 6.13
וַיֺּאמֶר אֵלָיו גִּדְעוֺן בִּי אֲדֹנִי
וְיֵשׁ יְהוָה עִמָּנוּ וְלָמָּה מְצָאַתְנוּ
כָּל־זֺאת וְאַיֵּה כָל־נִפְלְאֹתָיו
אֲשֶׁר סִפְּרּוּ־לָנוּ אֲבוֺתֵינוּ
לֵאמֹר הֲלֹא מִמִּצְרַיִם הֶעֱלָנוּ
יְהוָה וְעַתָּה נְטָשָׁנוּ יְהוָה
וַיִּתְּנֵנוּ בְּכַפ־מִדְיָן׃
Jud 6.14
וַיִּפֶן אֵלָיו יְהוָה וַיֺּאמֶר
לֵך בְּכֹחֲךָ זֶה וְהוֺשַׁעְתָּ אֶת־יִשְׂרָאֵל
מִכַּף מִדְיָן הֲלֹא שְׁלַחְתִּיךָ׃
Jud 6.15
וַיֺּאמֶר אֵלָיו בִּי אֲדֹנָי בַּמָּה
אוֺשִׁיעַ אֶת־יִשְׂרָאֵל הִנֵּה אַלְפִּי
הַדַּל בִּמְנַשֶּׁה וְאָנֺכִי הַצָּעִיר
בְּבֵית אָבִי׃
Jud 6.16
וַיֺּאמֶר אֵלָיו יְהוָה כִּי אֶהְיֶה
עִמָּך וְהִכִּיתָ אֶת־מִדְיָן כְּאִישׁ
אֶחָד׃
Jud 6.17
וַיֺּאמֶר אֵלָיו אִמ־נָא מָצָאתִי
חֵן בְּעֵינֶיךָ וְעָשִׂיתָ לִּי אוֺת
שָׁאַתָּה מְדַבֵּר עִמִּי׃
Jud 6.18
אַל־נָא תָמֻשׁ מִזֶּה עַד־בֹּאִי
אֵלֶיךָ וְהֹצֵאתִי אֶת־מִנְחָתִי
וְהִנַּחְתִּי לְפָנֶיךָ וַיֺּאמַר אָנֺכִי
אֵשֵׁב עַד שׁוּבֶךָ׃
Jud 6.19
וְגִדְעוֺן בָּא וַיַּעַשׂ גְּדִי־עִזִּים
וְאֵיפַת־קֶמַח מַצּוֺת הַבָּשָׂר שָׂם
בַּסַּל וְהַמָּרַק שָׂם בַּפָּרוּר וַיֺּוצֵא
אֵלָיו אֶל־תַּחַת הָאֵלָ וַיַּגַּשׁ׃
ס
Jud 6.20
וַיֺּאמֶר אֵלָיו מַלְאַך הָאֱלֹהִים
קַח אֶת־הַבָּשָׂר וְאֶת־הַמַּצּוֺת
וְהַנַּח אֶל־הַסֶּלַע הַלָּז וְאֶת־הַמָּרַק
שְׁפוֺך וַיַּעַשׂ כֵּן׃
Jud 6.21
וַיִּשְׁלַח מַלְאַך יְהוָה אֶת־קְצֵה
הַמִּשְׁעֶנֶת אֲשֶׁר בְּיָדוֺ וַיִּגַּע
בַּבָּשָׂר וּבַמַּצּוֺת וַתַּעַל הָאֵשׁ
מִנ־הַצּוּר וַתֹּאכַל אֶת־הַבָּשָׂר
וְאֶת־הַמַּצּוֺת וּמַלְאַך יְהוָה
הָלַך מֵעֵינָיו׃
Jud 6.22
וַיַּרְא גִּדְעוֺן כִּי־מַלְאַך יְהוָה
הוּא ס וַיֺּאמֶר גִּדְעוֺן אֲהָהּ
אֲדֹנָי יְהוִה כִּי־עַל־כֵּן רָאִיתִי
מַלְאַך יְהוָה פָּנִים אֶל־פָּנִים׃
Jud 6.23
וַיֺּאמֶר לוֺ יְהוָה שָׁלוֺם לְךָ
אַל־תִּירָא לֹא תָּמוּת׃
Jud 6.24
וַיִּבֶן שָׁם גִּדְעוֺן מִזְבֵּחַ לַיהוָה
וַיִּקְרָא־לוֺ יְהוָה שָׁלוֺם עַד
הַיֺּום הַזֶּה עוֺדֶנּוּ בְּעָפְרָת
אֲבִי הָעֶזְרִי׃ ף
Jud 6.25
וַיְהִי בַּלַּיְלָה הַהוּא וַיֺּאמֶר
לוֺ יְהוָה קַח אֶת־פַּר־הַשּׁוֺר
אֲשֶׁר לְאָבִיךָ וּפַר הַשֵּׁנִי שֶׁבַע
שָׁנִים וְהָרַסְתָּ אֶת־מִזְבַּח הַעַל
אֲשֶׁר לְאָבִיךָ וְאֶת־הָאֲשֵׁרָה אֲשֶׁר־עָלָיו
תִּכְרֹת׃
Jud 6.26
וּבָנִיתָ מִזְבֵּחַ לַיהוָה אֱלֹהֶיךָ
עַל רֹאשׁ הַמָּעוֺז הַזֶּה בַּמַּעֲרָכָה
וְלָקַחְתָּ אֶת־הַפָּר הַשֵּׁנִי וְהַעֲלִיתָ
עוֺלָה בַּעֲצֵי אֲשֵׁרָה אֲשֶׁר תִּכְרֹת׃
Jud 6.27
וַיִּקַּח גִּדְעוֺן עֲשָׂרָה אֲנָשִׁים
מֵעֲבָדָיו וַיַּעַשׂ כַּאֲשֶׁר דִּבֶּר
אֵלָיו יְהוָה וַיְהִי כַּאֲשֶׁר
יָרֵא אֶת־בֵּית אָבִיו וְאֶת־אַנְשֵׁי
הָעִיר מֵעֲשׂוֺת יֺומָם וַיַּעַשׂ
לָיְלָה׃
Jud 6.28
וַיַּשְׁכִּימוּ אַנְשֵׁי הָעִיר בַּבֹּקֶר
וְהִנֵּה נֻתַּץ מִזְבַּח הַבַּעַל וְהָאֲשֵׁרָה
אֲשֶׁר־עָלָיו כֹּרָתָה וְאֵת הַפָּר
הַשֵּׁנִי הֹעֲלָה עַל־מִּזְבֵּחַ הַבָּנוּי׃
Jud 6.29
וַיֺּאמְרוּ אִישׁ אֶל־רֵעֵהוּ מִי
עָשָׂה הַדָּבָר הַזֶּה וַיִּדְרְשׁוּ
וַיְבַקְשׁוּ וַיֺּאמְרוּ גִּדְעוֺן בֶּנ־יֺואָשׁ
עָשָׂה הַדָּבָר הַזֶּה׃
Jud 6.30
וַיֺּאמְרוּ אַנְשֵׁי הָעִיר אֶל־יֺואָשׁ
הוֺצֵא אֶת־בִּנְךָ וְיָמֹת כִּי נָתַץ
אֶת־מִזְבַּח הַבַּעַל וְכִי כָרַת
הָאֲשֵׁרָה אֲשֶׁר־עָלָיו׃
Jud 6.31
וַיֺּאמֶר יֺואָשׁ לְכֹל אֲשֶׁר־עָמְדוּ
עָלָיו הַאַתֶּם תְּרִיבוּן לַבַּעַל
אִמ־אַתֶּם תּוֺשִׁיעוּן אוֺתוֺ אֲשֶׁר
יָרִיב לוֺ יוּמַת עַד־הַבֹּקֶר
מ־אֱלֹהִים הוּא יָרֶב לוֺ כִּי
נָתַץ אֶת־מִזְבְּחוֺ׃
Jud 6.32
וַיִּקְרָא־לוֺ בַיֺּומ־הַהוּא יְרֻבַּעַל
לֵאמֹר יָרֶב בּוֺ הַבַּעַל כִּי נָתַץ
אֶת־מִזְבְּחוֺ׃ ף
Jud 6.33
וְכָל־מִדְיָן וַעֲמָלֵק וּבְנֵי־קֶדֶם
נֶאֶסְפוּ יַחְדָּו וַיַּעַבְרוּ וַיַּחֲנוּ
בְּעֵמֶק יִזְרְעֶאל׃
Jud 6.34
וְרוּחַ יְהוָה לָבְשָׁה אֶת־גִּדְעוֺן
וַיִּתְקַע בַּשּׁוֺפָר וַיִּזָּעֵק אֲבִיעֶזֶר
אַחֲרָיו׃
Jud 6.35
וּמַלְאָכִים שָׁלַח בְּכָל־מְנַשֶּׁה
וַיִּזָּעֵק גַּמ־הוּא אַחֲרָיו וּמַלְאָכִים
שָׁלַח בְּאָשֵׁר וּבִזְבֻלוּן וּבְנַפְתָּלִי
וַיַּעֲלוּ לִקְרָאתָם׃
Jud 6.36
וַיֺּאמֶר גִּדְעוֺן אֶל־הָאֱלֹהִים
אִמ־יֶשְׁךָ מוֺשִׁיעַ בְּיָדִי אֶת־יִשְׂרָאֵל
כַּאֲשֶׁר דִּבַּרְתָּ׃
Jud 6.37
הִנֵּה אָנֺכִי מַצִּיג אֶת־גִּזַּת
הַצֶּמֶר בַּגֺּרֶן אִם טַל יִהְיֶה
עַל־הַגִּזָּה לְבַדָּהּ וְעַל־כָּל־הָאָרֶץ
חֹרֶב וְיָדַעְתִּי כִּי־תוֺיעַ בְּיָדִי
אֶת־יִשְׂרָאֵל כַּאֲשֶׁר דִּבַּרְתָּ׃
Jud 6.38
וַיְהִי־כֵן וַיַּשְׁכֵּם מִמָּחֳרָת
וַיָּזַר אֶת־הַגִּזָּה וַיִּמֶץ טַל
מִנ־הַגִּזָּה מְלוֺא הַסֵּפֶל מָיִם׃
Jud 6.39
וַיֺּאמֶר גִּדְעוֺן אֶל־הָאֱלֹהִים
אַל־יִחַר אַפְּךָ בִּי וַאֲדַבְּרָה
אַך הַפָּעַם אֲנַסֶּה נָּא־רַק־הַפַּעַם
בַּגִּזָּה יְהִי־נָא חֹרֶב אֶל־הַגִּזָּה
לְבַדָּהּ וְעַל־כָּל־הָאָרֶץ יִהְיֶה־טָּל׃
Jud 6.40
וַיַּעַשׂ אֱלֹהִים כֵּן בַּלַּיְלָה הַהוּא
וַיְהִי־חֹרֶב אֶל־הַגִּזָּה לְבַדָּהּ
וְעַל־כָּל־הָאָרֶץ הָיָה טָל׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages