Jud 21

Teljes szövegű keresés

Jud 21
Jud 21.1
וְאִישׁ יִשְׂרָאֵל נִשְׁבַּע בַּמִּצְפָּה
לֵאמֹר אִישׁ מִמֶּנּוּ לֹא־יִתֵּן
בִּתּוֺ לְבִנְיָמִן לְאִשָּׁה׃
Jud 21.2
וַיָּבֹא הָעָם בֵּית־אֵל וַיֵּשְׁבוּ
שָׁם עַד־הָעֶרֶב לִפְנֵי הָאֱלֹהִים
וַיִּשְׂאוּ קוֺלָם וַיִּבְכּוּ בְּכִי
גָדוֺל׃
Jud 21.3
וַיֺּאמְרוּ לָמָה יְהוָה אֱלֹהֵי
יִשְׂרָאֵל הָיְתָה זֺאת בְּיִשְׂרָאֵל
לְהִפָּקֵד הַיֺּום מִיִּשְׂרָאֵל שֵׁבֶט
אֶחָד׃
Jud 21.4
וַיְהִי מִמָּחֳרָת וַיַּשְׁכִּימוּ הָעָם
וַיִּבְנוּ־שָׁם מִזְבֵּחַ וַיַּעֲלוּ עֹלוֺת
וּשְׁלָמִים׃ ף
Jud 21.5
וַיֺּאמְרוּ בְּנֵי יִשְׂרָאֵל מִי אֲשֶׁר
לֹא־עָלָה בַקָּהָל מִכָּל־שִׁבְטֵי
יִשְׂרָאֵל אֶל־יְהוָה כִּי הַשְּׁבוּעָה
הַגְּדוֺלָה הָיְתָה לַאֲשֶׁר לֹא־לָה
אֶל־יְהוָה הַמִּצְפָּה לֵאמֹר מוֺת
יוּמָת׃
Jud 21.6
וַיִּנָּחֲמוּ בְּנֵי יִשְׂרָאֵל אֶל־בִּנְיָמִן
אָחִיו וַיֺּאמְרוּ נִגְדַּע הַיֺּום
שֵׁבֶט אֶחָד מִיִּשְׂרָאֵל׃
Jud 21.7
מַה־נַּעֲשֶׂה לָהֶם לַנֺּותָרִים
לְנָשִׁים וַאֲנַחְנוּ נִשְׁבַּעְנוּ בַיהוָה
לְבִלְתִּי תֵּת־לָהֶם מִבְּנֺותֵינוּ
לְנָשִׁים׃
Jud 21.8
וַיֺּאמְרוּ מִי אֶחָד מִשִּׁבְטֵי יִשְׂרָאֵל
אֲשֶׁר לֹא־עָלָה אֶל־יְהוָה הַמִּצְפָּה
וְהִנֵּה לֹא בָא־אִישׁ אֶל־הַמַּחֲנֶה
מִיָּבֵישׁ גִּלְעָד אֶ־הַקָּהָל׃
Jud 21.9
וַיִּתְפָּקֵד הָעָם וְהִנֵּה אֵינ־שָׁם
אִישׁ מִיֺּושְׁבֵי יָבֵשׁ גִּלְעָד׃
Jud 21.10
וַיִּשְׁלְחוּ־שָׁם הָעֵדָה שְׁנֵימ־עָשָׂר
אֶלֶף אִישׁ מִבְּנֵי הֶחָיִל וַיְצַוּוּ
אוֺתָם לֵאמֹר לְכוּ וְהִכִּיתֶם
אֶת־יֺושְׁבֵי יָבֵשׁ גִּלְעָד לְפִי־חֶרֶב
וְהַנָּשִׁים וְהַטָּף׃
Jud 21.11
וְזֶה הַדָּבָר אֲשֶׁר תַּעֲשׂוּ כָּל־זָכָר
וְכָל־אִשָּׁה יֺדַעַת מִשְׁכַּב־זָכָר
תַּחֲרִימוּ׃
Jud 21.12
וַיִּמְצְאוּ מִיֺּושְׁבֵי יָבֵישׁ גִּלְעָד
אַרְבַּע מֵאוֺת נַעֲרָה בְתוּלָה
אֲשֶׁר לֹא־יָדְעָה אִישׁ לְמִשְׁכַּב
זָכָר וַיָּבִיאוּ אוֺתָם אֶל־מַּחֲנֶה
שִׁלֹה אֲשֶׁר בְּאֶרֶץ כְּנָעַן׃ ס
Jud 21.13
וַיִּשְׁלְחוּ כָּל־הָעֵדָה וַיְדַבְּרוּ
אֶל־בְּנֵי בִנְיָמִן אֲשֶׁר בְּסֶלַע
רִמּוֺן וַיִּקְרְאוּ לָהֶם שָׁלוֺם׃
Jud 21.14
וַיָּשָׁב בִּנְיָמִן בָּעֵת הַהִיא וַיִּתְּנוּ
לָהֶם הַנָּשִׁים אֲשֶׁר חִיּוּ מִנְּשֵׁי
יָבֵשׁ גִּלְעָד וְלֹא־מָצְאוּ לָהֶם
כֵּן׃
Jud 21.15
וְהָעָם נִחָם לְבִנְיָמִן כִּי־עָשָׂה
יְהוָה פֶּרֶץ בְּשִׁבְטֵי יִשְׂרָאֵל׃
Jud 21.16
וַיֺּאמְרוּ זִקְנֵי הָעֵדָה מַה־נַּעֲשֶׂה
לַנֺּותָרִים לְנָשִׁים כִּי־נִשְׁמְדָה
מִבִּנְיָמִן אִשָּׁה׃
Jud 21.17
וַיֺּאמְרוּ יְרֻשַּׁת פְּלֵיטָה לְבִנְיָמִן
וְלֹא־יִמָּחֶה שֵׁבֶט מִיִּשְׂרָאֵל׃
Jud 21.18
וַאֲנַחְנוּ לֹא נוּכַל לָתֵת־לָהֶם
נָשִׁים מִבְּנֺותֵינוּ כִּי־נִשְׁבְּעוּ
בְנֵי־יִשְׂרָאֵל לֵאמֹר אָרוּר
נֺתֵן אִשָּׁה לְבִנְיָמִן׃ ס
Jud 21.19
וַיֺּאמְרוּ הִנֵּה חַג־יְהוָה בְּשִׁלוֺ
מִיָּמִים יָמִימָה אֲשֶׁר מִצְּפוֺנָה
לְבֵית־אֵל מִזְרְחָה הַשֶּׁמֶשׁ לִמְסִלָּה
הָעֹלָה מִבֵּית־אֵל שְׁמָה וּמִנֶּגֶב
לִלְבוֺנָה׃
Jud 21.20
וַיְצַו 2 וַיְצַוּוּ אֶת־בְּנֵי בִנְיָמִן
לֵאמֹר לְכוּ וַאֲרַבְתֶּם בַּכְּרָמִים׃
Jud 21.21
וּרְאִיתֶם וְהִנֵּה אִמ־יֵצְאוּ
בְנֺות־שִׁילוֺ לָחוּל בַּמְּחֹלוֺת
וִיצָאתֶם מִנ־הַכְּרָמִים וַחֲטַפְתֶּם
לָכֶם אִישׁ אִשְׁתּוֺ מִבְּנֺות שִׁילוֺ
וַהֲלַכְתֶּם אֶרֶץ בִּנְיָמִן׃
Jud 21.22
וְהָיָה כִּי־יָבֹאוּ אֲבוֺתָם אוֺ
אֲחֵיהֶם 1 לָרוֺב 2 לָרִיב אֵלֵינוּ
וְאָמַרְנוּ אֲלֵיהֶם חָנּוּנוּ אוֺתָם
כִּי לֹא לָקַחְנוּ אִישׁ אִשְׁתֹּ
בַּמִּלְחָמָה כִּי לֹא אַתֶּם נְתַתֶּם
לָהֶם כָּעֵת תֶּאְשָׁמוּ׃ ס
Jud 21.23
וַיַּעֲשׂוּ־כֵן בְּנֵי בִנְיָמִן וַיִּשְׂאוּ
נָשִׁים לְמִסְפָּרָם מִנ־הַמְּחֹלְלוֺת
אֲשֶׁר גָּזָלוּ וַיֵּלְכוּ וַיָּשׁוּבוּ
אֶל־נַחֲלָתָם וַיִּבְנוּאֶת־הֶעָרִים
וַיֵּשְׁבוּ בָּהֶם׃
Jud 21.24
וַיִּתְהַלְּכוּ מִשָּׁם בְּנֵי־יִשְׂרָאֵל
בָּעֵת הַהִיא אִישׁ לְשִׁבְטוֺ וּלְמִשְׁפַּחְתּוֺ
וַיֵּצְאוּ מִשָּׁם אִישׁ לְנַחֲלָתוֺ׃
Jud 21.25
בַּיָּמִים הָהֵם אֵין מֶלֶך בְּיִשְׂרָאֵל
אִישׁ הַיָּשָׁר בְּעֵינָיו יַעֲשֶׂה׃
 

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages