Jud 18

Teljes szövegű keresés

Jud 18
Jud 18.1
בַּיָּמִים הָהֵם אֵין מֶלֶך בְּיִשְׂרָאֵל
וּבַיָּמִים הָהֵם שֵׁבֶט הַדָּנִי מְבַקֶּשׁ־לוֺ
נַחֲלָה לָשֶׁבֶת כִּי לֹא־נָפְלָה
לּוֺ עַד־הַיֺּום הַהוּא בְּתוֺכְ־שִׁבְטֵי
יִשְׂרָאֵל בְּנַחֲלָה׃ ס
Jud 18.2
וַיִּשְׁלְחוּ בְנֵי־דָן מִמִּשְׁפַּחְתָּם
חֲמִשָּׁה אֲנָשִׁים מִקְצוֺתָם אֲנָשִׁים
בְּנֵי־חַיִל מִצָּרְעָה וּמֵאֶשְׁתָּאֹל
לְרַגֵּל אֶת־הָאָרֶץ וּלְחָקְרָהּ וַיֺּאמְרוּ
אֲלֵהֶם לְכוּ חִקְרוּ אֶת־הָאָרֶץ
וַיָּבֹאוּ הַר־אֶפְרַיִם עַד־בֵּית
מִיכָה וַיָּלִינוּ שָׁם׃
Jud 18.3
הֵמָּה עִמ־בֵּית מִיכָה וְהֵמָּה
הִכִּירוּ אֶת־קוֺל הַנַּעַר הַלֵּוִי
וַיָּסוּרוּ שָׁם וַיֺּאמְרוּ לוֺ
מִי־הֱבִיאֲךָ הֲלֹם וּמָה־אַתָּה
עֹשֶׂ בָּזֶה וּמַה־לְּךָ פֹה׃
Jud 18.4
וַיֺּאמֶר אֲלֵהֶם כָּזֺה וְכָזֶה עָשָׂה
לִי מִיכָה וַיִּשְׂכְּרֵנִי וָאֱהִי־לוֺ
לְכֹהֵן׃
Jud 18.5
וַיֺּאמְרוּ לוֺ שְׁאַל־נָא בֵאלֹהִים
וְנֵדְעָה הֲתַצְלִיחַ דַּרְכֵּנוּ אֲשֶׁר
אֲנַחְנוּ הֹלְכִים עָלֶיהָ׃
Jud 18.6
וַיֺּאמֶר לָהֶם הַכֹּהֵן לְכוּ לְשָׁלוֺם
נֺכַח יְהוָה דַּרְכְּכֶם אֲשֶׁר תֵּלְכוּ־בָהּ׃
ף
Jud 18.7
וַיֵּלְכוּ חֲמֵשֶׁת הָאֲנָשִׁים וַיָּבֹאוּ
לָיְשָׁה וַיִּרְאוּ אֶת־הָעָם אֲשֶׁר־בְּקִרְבָּהּ
יֺושֶׁבֶת־לָבֶטַח כְּמִשְׁפַּט צִדֹנִים
שֹׁקֵט וּבֹטֵחַ וְאֵינ־מַכְלִים
דָּבָר בָּאָרֶץ יֺורֵשׁ עֶצֶר וּרְחֹקִים
הֵמָּה מִצִּדֹנִים וְדָבָר אֵינ־לָהֶם
עִמ־אָדָם׃
Jud 18.8
וַיָּבֹאוּ אֶל־אֲחֵיהֶם צָרְעָה וְאֶשְׁתָּאֹל
וַיֺּאמְרוּ לָהֶם אֲחֵיהֶם מָה אַתֶּם׃
Jud 18.9
וַיֺּאמְרוּ קוּמָה וְנַעֲלֶה עֲלֵיהֶם
כִּי רָאִינוּ אֶת־הָאָרֶץ וְהִנֵּה
טוֺבָה מְאֹד וְאַתֶּם מַחְשִׁים אַל־תֵּעָצְלוּ
לָלֶכֶת לָבֹא לָרֶשֶׁ אֶת־הָאָרֶץ׃
Jud 18.10
כְּבֹאֲכֶם תָּבֹאוּ אֶל־עַם בֹּטֵחַ
וְהָאָרֶץ רַחֲבַת יָדַיִם כִּי־נְתָנָהּ
אֱלֹהִים בְּיֶדְכֶם מָקוֺם אֲשֶׁר
אֵינ־שָׁם מַחְסוֺר כָּל־דָּבָר
אֲשֶׁר בָּאָרֶץ׃
Jud 18.11
וַיִּסְעוּ מִשָּׁם מִמִּשְׁפַּחַת הַדָּנִי
מִצָּרְעָה וּמֵאֶשְׁתָּאֹל שֵׁשׁ־מֵאוֺת
אִישׁ חָגוּר כְּלֵי מִלְחָמָה׃
Jud 18.12
וַיַּעֲלוּ וַיַּחֲנוּ בְּקִרְיַת יְעָרִים
בִּיהוּדָה עַל־כֵּן קָרְאוּ לַמָּקוֺם
הַהוּא מַחֲנֵה־דָן עַד הַיֺּום
הַזֶּה הִנֵּה אַחֲרֵי קִרְיַת יְעָרִים׃
Jud 18.13
וַיַּעַבְרוּ מִשָּׁם הַר־אֶפְרָיִם
וַיָּבֹאוּ עַד־בֵּית מִיכָה׃
Jud 18.14
וַיַּעֲנוּ חֲמֵשֶׁת הָאֲנָשִׁים הַהֹלְכִים
לְרַגֵּל אֶת־הָאָרֶץ לַיִשׁ וַיֺּאמְרוּ
אֶל־אֲחֵיהֶם הַיְדַעְתֶּם כִּי יֵשׁ
בַּבָּתִּים הָאֵלֶּה אֵפוֺד וּתְרָפִים
וּפֶסֶל וּמַסֵּכָה וְעַתָּה דְּעוּ מַה־תַּעֲשׂוּ׃
Jud 18.15
וַיָּסוּרוּ שָׁמָּה וַיָּבֹאוּ אֶל־בֵּית־הַנַּעַר
הַלֵּוִי בֵּית מִיכָה וַיִּשְׁאֲלוּ־לוֺ
לְשָׁלוֺם׃
Jud 18.16
וְשֵׁשׁ־מֵאוֺת אִישׁ חֲגוּרִים כְּלֵי
מִלְחַמְתָּם נִצָּבִים פֶּתַח הַשָּׁעַר
אֲשֶׁר מִבְּנֵי־דָן׃
Jud 18.17
וַיַּעֲלוּ חֲמֵשֶׁת הָאֲנָשִׁים הַהֹלְכִים
לְרַגֵּל אֶת־הָאָרֶץ בָּאוּ שָׁמָּה
לָקְחוּ אֶת־הַפֶּסֶל וְאֶת־הָאֵפוֺד
וְאֶת־הַתְּרָפִים וְאֶת־הַמַּסֵּכָה
וְהַכֹּהֵן נִצָּב פֶּתַח הַשַּׁעַר וְשֵׁשׁ־מֵאוֺת
הָאִישׁ הֶחָגוּר כְּלֵי הַמִּלְחָמָה׃
Jud 18.18
וְאֵלֶּה בָּאוּ בֵּית מִיכָה וַיִּקְחוּ
אֶת־פֶּסֶל הָאֵפוֺד וְאֶת־הַתְּרָפִים
וְאֶת־הַמַּסֵּכָה וַיֺּאמֶר אֲלֵיהֶם
הַכֹּהֵן מָה אַתֶּם עֹשִׂים׃
Jud 18.19
וַיֺּאמְרוּ לוֺ הַחֲרֵשׁ שִׂימ־יָדְךָ
עַל־פִּיךָ וְלֵך עִמָּנוּ וֶהְיֵה־לָנוּ
לְאָב וּלְכֹהֵן הֲטוֺב הֱיֺותְךָ
כֹהֵן לְבֵית אִישׁ אֶחָדאוֺ הֱיֺותְךָ
כֹהֵן לְשֵׁבֶט וּלְמִשְׁפָּחָה בְּיִשְׂרָאֵל׃
Jud 18.20
וַיִּיטַב לֵב הַכֹּהֵן וַיִּקַּח אֶת־הָאֵפוֺד
וְאֶת־הַתְּרָפִים וְאֶת־הַפָּסֶל
וַיָּבֹא בְּקֶרֶב הָעָם׃
Jud 18.21
וַיִּפְנוּ וַיֵּלֵכוּ וַיָּשִׂימוּ אֶת־הַטַּף
וְאֶת־הַמִּקְנֶה וְאֶת־הַכְּבוּדָּה
לִפְנֵיהֶם׃
Jud 18.22
הֵמָּה הִרְחִיקוּ מִבֵּית מִיכָה
וְהָאֲנָשִׁים אֲשֶׁר בַּבָּתִּים אֲשֶׁר
עִמ־בֵּית מִיכָה נִזְעֲקוּ וַיַּדְבִּיקוּ
אֶת־בְּנֵי־דָן׃
Jud 18.23
וַיִּקְרְאוּ אֶל־בְּנֵי־דָן וַיַּסֵּבּוּ
פְּנֵיהֶם וַיֺּאמְרוּ לְמִיכָה מַה־לְּךָ
כִּי נִזְעָקְתָּ׃
Jud 18.24
וַיֺּאמֶר אֶת־אֱלֹהַי אֲשֶׁר־עָשִׂיתִי
לְקַחְתֶּם וְאֶת־הַכֹּהֵן וַתֵּלְכוּ
וּמַה־לִּי עוֺד וּמַה־זֶּה תֹּאמְרוּ
אֵלַי מַה־לָּך׃
Jud 18.25
וַיֺּאמְרוּ אֵלָיו בְּנֵי־דָן אַל־תַּשְׁמַע
קוֺלְךָ עִמָּנוּ פֶּנ־יִפְגְּעוּ בָכֶם
אֲנָשִׁים מָרֵי נֶפֶשׁ וְאָסַפְתָּה
נַפְשְׁךָ וְנֶפֶשׁ בֵּיתֶךָ׃
Jud 18.26
וַיֵּלְכוּ בְנֵי־דָן לְדַרְכָּם וַיַּרְא
מִיכָה כִּי־חֲזָקִים הֵמָּה מִמֶּנּוּ
וַיִּפֶן וַיָּשָׁב אֶל־בֵּיתוֺ׃
Jud 18.27
וְהֵמָּה לָקְחוּ אֵת אֲשֶׁר־עָשָׂה
מִיכָה וְאֶת־הַכֹּהֵן אֲשֶׁר הָיָה־לוֺ
וַיָּבֹאוּ עַל־לַיִשׁ עַל־עַם שֹׁקֵט
וּבֹטֵחַ וַיַּכּוּ אוֺתָם לְפִי־חָב
וְאֶת־הָעִיר שָׂרְפוּ בָאֵשׁ׃
Jud 18.28
וְאֵין מַצִּיל כִּי רְחוֺקָה־הִיא
מִצִּידוֺן וְדָבָר אֵינ־לָהֶם עִמ־אָדָם
וְהִיא בָּעֵמֶק אֲשֶׁר לְבֵית־רְחוֺב
וַיִּבְנוּ אֶת־הָעִיר וַיֵּשְׁבוּ בָהּ׃
Jud 18.29
וַיִּקְרְאוּ שֵׁמ־הָעִיר דָּן בְּשֵׁם
דָּן אֲבִיהֶם אֲשֶׁר יוּלַּד לְיִשְׂרָאֵל
וְאוּלָם לַיִשׁ שֵׁמ־הָעִיר לָרִאשֹׁנָה׃
Jud 18.30
וַיָּקִימוּ לָהֶם בְּנֵי־דָן אֶת־הַפָּסֶל
וִיהוֺנָתָן בֶּנ־גֵּרְשֹׁם בֶּנ־מְנַשֶּׁה
הוּא וּבָנָיו הָיוּ כֹהֲנִים לְשֵׁבֶט
הַדָּנִי עַד־יֺום גְּלוֺת אָרֶץ׃
Jud 18.31
וַיָּשִׂימוּ לָהֶם אֶת־פֶּסֶל מִיכָה
אֲשֶׁר עָשָׂה כָּל־יְמֵי הֱיֺות
בֵּית־הָאֱלֹהִים בְּשִׁלֹה׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages