Jeh 19

Teljes szövegű keresés

Jeh 19
Jeh 19.1
וַיֵּצֵא הַגֺּורָל הַשֵּׁנִי לְשִׁמְעוֺן
לְמַטֵּה בְנֵי־שִׁמְעוֺן לְמִשְׁפְּחוֺתָם
וַיְהִי נַחֲלָתָם בְּתוֺך נַחֲלַת
בְּנֵי־יְהוּדָה׃
Jeh 19.2
וַיְהִי לָהֶם בְּנַחֲלָתָם בְּאֵר־שֶׁבַע
וְשֶׁבַע וּמוֺלָדָה׃
Jeh 19.3
וַחֲצַר שׁוּעָל וּבָלָה וָעָצֶם׃
Jeh 19.4
וְאֶלְתּוֺלַד וּבְתוּל וְחָרְמָה׃
Jeh 19.5
וְצִקְלַג וּבֵית־הַמַּרְכָּבוֺת וַחֲצַר
סוּסָה׃
Jeh 19.6
וּבֵית לְבָאוֺת וְשָׁרוּחֶן עָרִים
שְׁלֹשׁ־עֶשְׂרֵה וְחַצְרֵיהֶן׃
Jeh 19.7
עַיִן רִמּוֺן וָעֶתֶר וְעָשָׁן עָרִים
אַרְבַּע וְחַצְרֵיהֶן׃
Jeh 19.8
וְכָל־הַחֲצֵרִים אֲשֶׁר סְבִיבוֺת
הֶעָרִים הָאֵלֶּה עַד־בַּעֲלַת בְּאֵר
רָאמַת נֶגֶב זֺאת נַחֲלַת מַטֵּה
בְנֵי־שִׁמְעוֺן לְמִשְׁפְּחֹתָם׃
Jeh 19.9
מֵחֶבֶל בְּנֵי יְהוּדָה נַחֲלַת בְּנֵי
שִׁמְעוֺן כִּי־הָיָה חֵלֶק בְּנֵי־יְהוּדָה
רַב מֵהֶם וַיִּנְחֲלוּ בְנֵי־שִׁמְעוֺן
בְּתוֺך נַחֲלָתָם ף
Jeh 19.10
וַיַּעַל הַגֺּורָל הַשְּׁלִישִׁי לִבְנֵי
זְבוּלֻן לְמִשְׁפְּחֹתָם וַיְהִי גְּבוּל
נַחֲלָתָם עַד־שָׂרִיד׃
Jeh 19.11
וְעָלָה גְבוּלָם לַיָּמָּה וּמַרְעֲלָה
וּפָגַע בְּדַבָּשֶׁת וּפָגַע אֶל־הַנַּחַל
אֲשֶׁר עַל־פְּנֵי יָקְנְעָם׃
Jeh 19.12
וְשָׁב מִשָּׂרִיד קֵדְמָה מִזְרַח
הַשֶּׁמֶשׁ עַל־גְּבוּל כִּסְלֹת תָּבֹר
וְיָצָא אֶל־הַדָּבְרַת וְעָלָה יָפִיעַ׃
Jeh 19.13
וּמִשָּׁם עָבַר קֵדְמָה מִזְרָחָה גִּתָּה
חֵפֶר עִתָּה קָצִין וְיָצָא רִמּוֺן
הַמְּתֹאָר הַנֵּעָה׃
Jeh 19.14
וְנָסַב אֹתוֺ הַגְּבוּל מִצְּפוֺן
חַנָּתֹן וְהָיוּ תֹּצְאֹתָיו גֵּי
יִפְתַּח־אֵל׃
Jeh 19.15
וְקַטָּת וְנַהֲלָל וְשִׁמְרוֺן וְיִדְאֲלָה
וּבֵית לָחֶם עָרִים שְׁתֵּימ־עֶשְׂרֵה
וְחַצְרֵיהֶן׃
Jeh 19.16
זֺאת נַחֲלַת בְּנֵי־זְבוּלֻן לְמִשְׁפְּחוֺתָם
הֶעָרִים הָאֵלֶּה וְחַצְרֵיהֶן׃ ף
Jeh 19.17
לְיִשָּׂשכָר יָצָא הַגֺּורָל הָרְבִיעִי
לִבְנֵי יִשָּׂשכָר לְמִשְׁפְּחוֺתָם׃
Jeh 19.18
וַיְהִי גְּבוּלָם יִזְרְעֶאלָה וְהַכְּסוּלֹת
וְשׁוּנֵם׃
Jeh 19.19
וַחֲפָרַיִם וְשִׁיאֹן וַאֲנָחֲרַת׃
Jeh 19.20
וְהָרַבִּית וְקִשְׁיֺון וָאָבֶץ׃
Jeh 19.21
וְרֶמֶת וְעֵינ־גַּנִּים וְעֵין חַדָּה
וּבֵית פַּצֵּץ׃
Jeh 19.22
וּפָגַע הַגְּבוּל בְּתָבוֺר 1 וְשַׁחֲצוּמָה 2 וְשַׁחֲצִימָה
וּבֵית שֶׁמֶשׁ וְהָיוּ תֹּצְאוֺת גְּבוּלָם
הַיַּרְדֵּן עָרִים שֵׁשׁ־עֶשְׂרֵה וְחַצְרֵיהֶן׃
Jeh 19.23
זֺאת נַחֲלַת מַטֵּה בְנֵי־יִשָּׂשכָר
לְמִשְׁפְּחֹתָם הֶעָרִים וְחַצְרֵיהֶן׃
ף
Jeh 19.24
וַיֵּצֵא הַגֺּורָל הַחֲמִישִׁי לְמַטֵּה
בְנֵי־אָשֵׁר לְמִשְׁפְּחוֺתָם׃
Jeh 19.25
וַיְהִי גְּבוּלָם חֶלְקַת וַחֲלִי
וָבֶטֶן וְאַכְשָׁף׃
Jeh 19.26
וְאַלַמֶּלֶך וְעַמְעָד וּמִשְׁאָל וּפָגַע
בְּכַרְמֶל הַיָּמָּה וּבְשִׁיחוֺר לִבְנָת׃
Jeh 19.27
וְשָׁב מִזְרַח הַשֶּׁמֶשׁ בֵּית דָּגֺן
וּפָגַע בִּזְבֻלוּן וּבְגֵי יִפְתַּח־אֵל
צָפוֺנָה בֵּית הָעֵמֶק וּנְעִיאֵל
וְיָצָא אֶל־כָּבוּל מִשְּׂמֹאל׃
Jeh 19.28
וְעֶבְרֹן וּרְחֹב וְחַמּוֺן וְקָנָה
עַד צִידוֺן רַבָּה׃
Jeh 19.29
וְשָׁב הַגְּבוּל הָרָמָה וְעַד־עִיר
מִבְצַר־צֹר וְשָׁב הַגְּבוּל חֹסָה 1 וְיִהְיוּ 2 וְהָיוּ
תֹצְאֹתָיו הַיָּמָּה מֵחֶבֶל אַכְזִיבָה׃
Jeh 19.30
וְעֻמָה וַאֲפֵק וּרְחֹב עָרִים
עֶשְׂרִים וּשְׁתַּיִם וְחַצְרֵיהֶן׃
Jeh 19.31
זֺאת נַחֲלַת מַטֵּה בְנֵי־אָשֵׁר
לְמִשְׁפְּחֹתָם הֶעָרִים הָאֵלֶּה וְחַצְרֵיהֶן׃
ף
Jeh 19.32
לִבְנֵי נַפְתָּלִי יָצָא הַגֺּורָל
הַשִּׁשִּׁי לִבְנֵי נַפְתָּלִי לְמִשְׁפְּחֹתָם׃
Jeh 19.33
וַיְהִי גְבוּלָם מֵחֵלֶף מֵאֵלוֺן
בְּצַעֲנַנִּים וַאֲדָמִי הַנֶּקֶב וְיַבְנְאֵל
עַד־לַקּוּם וַיְהִי תֹצְאֹתָיו
הַיַּרְדֵּן׃
Jeh 19.34
וְשָׁב הַגְּבוּל יָמָּה אַזְנֺות תָּבוֺר
וְיָצָא מִשָּׁם חוּקֹקָה וּפָגַע
בִּזְבֻלוּן מִנֶּגֶב וּבְאָשֵׁר פָּגַע
מִיָּם וּבִיהוּדָה הַיַּרְדֵּן זְרַח
הַשָּׁמֶשׁ׃
Jeh 19.35
וְעָרֵי מִבְצָר הַצִּדִּים צֵר וְחַמַּת
רַקַּת וְכִנָּרֶת׃
Jeh 19.36
וַאֲדָמָה וְהָרָמָה וְחָצוֺר׃
Jeh 19.37
וְקֶדֶשׁ וְאֶדְרֶעִי וְעֵין חָצוֺר׃
Jeh 19.38
וְיִרְאוֺן וּמִגְדַּל־אֵל חֳרֵם
וּבֵית־עֲנָת וּבֵית שָׁמֶשׁ עָרִים
תְּשַׁע־עֶשְׂרֵה וְחַצְרֵיהֶן׃
Jeh 19.39
זֺאת נַחֲלַת מַטֵּה בְנֵי־נַפְתָּלִי
לְמִשְׁפְּחֹתָם הֶעָרִים וְחַצְרֵיהֶן׃
ף
Jeh 19.40
לְמַטֵּה בְנֵי־דָן לְמִשְׁפְּחֹתָם
יָצָא הַגֺּורָל הַשְּׁבִיעִי׃
Jeh 19.41
וַיְהִי גְּבוּל נַחֲלָתָם צָרְעָה
וְאֶשְׁתָּאוֺל וְעִיר שָׁמֶשׁ׃
Jeh 19.42
וְשַׁעֲלַבִּין וְאַיָּלוֺן וְיִתְלָה׃
Jeh 19.43
וְאֵילוֺן וְתִמְנָתָה וְעֶקְרוֺן׃
Jeh 19.44
וְאֶלְתְּקֵה וְגִבְּתוֺן וּבַעֲלָת׃
Jeh 19.45
וִיהֻד וּבְנֵי־בְרַק וְגַת־רִמּוֺן׃
Jeh 19.46
וּמֵי הַיַּרְקוֺן וְהָרַקּוֺן עִמ־הַגְּבוּל
מוּל יָפוֺ׃
Jeh 19.47
וַיֵּצֵא גְבוּל־בְּנֵי־דָן מֵהֶם
וַיַּעֲלוּ בְנֵי־דָן וַיִּלָּחֲמוּ עִמ־לֶשֶׁם
וַיִּלְכְּדוּ אוֺתָהּ וַיַּכּוּ אוֺתָהּ
לְפִי־חֶרֶב וַיִּרְשׁוּ אֹתָהּ וַיֵּשְׁבוּ
בָהּ וַיִּקְרְאוּ לְלֶשֶׁם דָּן כְּשֵׁם
דָּן אֲבִיהֶם׃
Jeh 19.48
זֺאת נַחֲלַת מַטֵּה בְנֵי־דָן לְמִשְׁפְּחֹתָם
הֶעָרִים הָאֵלֶּה וְחַצְרֵיהֶן׃
ף
Jeh 19.49
וַיְכַלּוּ לִנְחֹל־אֶת־הָאָרֶץ לִגְבוּלֹתֶיהָ
וַיִּתְּנוּ בְנֵי־יִשְׂרָאֵל נַחֲלָה
לִיהוֺשֻׁעַ בִּנ־נוּן בְּתוֺכָם׃
Jeh 19.50
עַל־פִּי יְהוָה נָתְנוּ לוֺ אֶת־הָעִיר
אֲשֶׁר שָׁאָל אֶת־תִּמְנַת־סֶרַח בְּהַר
אֶפְרָיִם וַיִּבְנֶה אֶת־הָעִיר
וַיֵּשֶׁב בָּהּ׃
Jeh 19.51
אֵלֶּה הַנְּחָלֹת אֲשֶׁר נִחֲלוּ אֶלְעָזָר
הַכֹּהֵן וִיהוֺשֻׁעַ בִּנ־נוּן וְרָאשֵׁי
הָאָבוֺת לְמַטּוֺת בְּנֵי־יִשְׂרָאֵל
בְּגֺורָל בְּשִׁלֹה לִפְנֵי יְהוָה
פֶּתַח אֹהֶל מוֺעֵד וַיְכַלּוּ מֵחַלֵּק
אֶת־הָאָרֶץ׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages