Jeh 16

Teljes szövegű keresés

Jeh 16
Jeh 16.1
וַיֵּצֵא הַגֺּורָל לִבְנֵי יֺוסֵף
מִיַּרְדֵּן יְרִיחוֺ לְמֵי יְרִיחוֺ
מִזְרָחָה הַמִּדְבָּר עֹלֶה מִירִיחוֺ
בָּהָר בֵּית־אֵל׃
Jeh 16.2
וְיָצָא מִבֵּית־אֵל לוּזָה וְעָבַר
אֶל־גְּבוּל הָאַרְכִּי עֲטָרוֺת׃
Jeh 16.3
וְיָרַד־יָמָּה אֶל־גְּבוּל הַיַּפְלֵטִי
עַד גְּבוּל בֵּית־חוֺרֹן תַּחְתּוֺן
וְעַד־גָּזֶר וְהָיוּ 1 תֹצְאֹתוֺ 2 תֹצְאֹתָיו
יָמָּה׃
Jeh 16.4
וַיִּנְחֲלוּ בְנֵי־יֺוסֵף מְנַשֶּׁה
וְאֶפְרָיִם׃
Jeh 16.5
וַיְהִי גְּבוּל בְּנֵי־אֶפְרַיִם לְמִשְׁפְּחֹתָם
וַיְהִי גְּבוּל נַחֲלָתָם מִזְרָחָה
עַטְרוֺת אַדָּר עַד־בֵּית חוֺרֹן
עֶלְיֺון׃
Jeh 16.6
וְיָצָא הַגְּבוּל הַיָּמָּה הַמִּכְמְתָת
מִצָּפוֺן וְנָסַב הַגְּבוּל מִזְרָחָה
תַּאֲנַת שִׁלֹה וְעָבַר אוֺתוֺ מִמִּזְרַח
יָנֺוחָה׃
Jeh 16.7
וְיָרַד מִיָּנֺוחָה עֲטָרוֺת וְנַעֲרָתָה
וּפָגַע בִּירִיחוֺ וְיָצָא הַיַּרְדֵּן׃
Jeh 16.8
מִתַּפּוּחַ יֵלֵך הַגְּבוּל יָמָּה נַחַל
קָנָה וְהָיוּ תֹצְאֹתָיו הַיָּמָּה
זֺאת נַחֲלַת מַטֵּה בְנֵי־אֶפְרַיִם
לְמִשְׁפְּחֹתָם׃
Jeh 16.9
וְהֶעָרִים הַמִּבְדָּלוֺת לִבְנֵי
אֶפְרַיִם בְּתוֺך נַחֲלַת בְּנֵי־מְנַשֶּׁה
כָּל־הֶעָרִים וְחַצְרֵיהֶן׃
Jeh 16.10
וְלֹא הוֺרִישׁוּ אֶת־הַכְּנַעֲנִי
הַיֺּושֵׁב בְּגָזֶר וַיֵּשֶׁב הַכְּנַעֲנִי
בְּקֶרֶב אֶפְרַיִם עַד־הַיֺּום הַזֶּה
וַיְהִי לְמַס־עֹבֵד׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages