Deut 31

Teljes szövegű keresés

Deut 31
Deut 31.1
וַיֵּלֶך מֹשֶׁה וַיְדַבֵּר אֶת־הַדְּבָרִים
הָאֵלֶּה אֶל־כָּל־יִשְׂרָאֵל׃
Deut 31.2
וַיֺּאמֶר אֲלֵהֶם בֶּנ־מֵאָה וְעֶשְׂרִים
שָׁנָה אָנֺכִי הַיֺּום לֹא־אוּכַל
עוֺד לָצֵאת וְלָבוֺא וַיהוָה
אָמַר אֵלַי לֹא תַעֲבֹר אֶת־הַיַּרְדֵּ
הַזֶּה׃
Deut 31.3
יְהוָה אֱלֹהֶיךָ הוּא עֹבֵר לְפָנֶיךָ
הוּא־יַשְׁמִיד אֶת־הַגֺּויִם הָאֵלֶּה
מִלְּפָנֶיךָ וִירִשְׁתָּם יְהוֺשֻׁעַ
הוּא עֹבֵר לְפָנֶיךָ כַּאֲשֶׁרדִּבֶּר
יְהוָה׃
Deut 31.4
וְעָשָׂה יְהוָה לָהֶם כַּאֲשֶׁר עָשָׂה
לְסִיחוֺן וּלְעוֺג מַלְכֵי הָאֱמֹרִי
וּלְאַרְצָם אֲשֶׁר הִשְׁמִיד אֹתָם׃
Deut 31.5
וּנְתָנָם יְהוָה לִפְנֵיכֶם וַעֲשִׂיתֶם
לָהֶם כְּכָל־הַמִּצְוָה אֲשֶׁר צִוִּיתִי
אֶתְכֶם׃
Deut 31.6
חִזְקוּ וְאִמְצוּ אַל־תִּירְאוּ וְאַל־תַּעַרְצוּ
מִפְּנֵיהֶם כִּי יְהוָה אֱלֹהֶיךָ
הוּא הַהֹלֵך עִמָּך לֹא יַרְפְּךָ
וְלֹא יַעַזְבֶךָּ׃ ף
Deut 31.7
וַיִּקְרָא מֹשֶׁה לִיהוֺשֻׁעַ וַיֺּאמֶר
אֵלָיו לְעֵינֵי כָל־יִשְׂרָאֵלְ חֲזַק
וֶאֱמָץ כִּי אַתָּה תָּבוֺא אֶת־הָעָם
הַזֶּה אֶל־הָאָרֶץ אֲשֶׁר נִשְׁבַּע
יְהוָה לַאֲבֹתָם לָתֵת לָהֶם וְאַתָּה
תַּנְחִילֶנָּה אוֺתָם׃
Deut 31.8
וַיהוָה הוּא הַהֹלֵך לְפָנֶיךָ
הוּא יִהְיֶה עִמָּך לֹא יַרְפְּךָ
וְלֹא יַעַזְבֶךָּ לֹא תִירָא וְלֹא
תֵחָת׃
Deut 31.9
וַיִּכְתֹּב מֹשֶׁה אֶת־הַתּוֺרָה הַזֺּאת
וַיִּתְּנָהּ אֶל־הַכֹּהֲנִים בְּנֵי לֵוִי
הַנֺּשְׂאִים אֶת־אֲרוֺן בְּרִית
יְהוָה וְאֶל־כָּל־זִקְנֵי יִשְׂרָאֵל׃
Deut 31.10
וַיְצַו מֹשֶׁה אוֺתָם לֵאמֹר מִקֵּץ
שֶׁבַע שָׁנִים בְּמֹעֵד שְׁנַת הַשְּׁמִטָּה
בְּחַג הַסֻּכּוֺת׃
Deut 31.11
בְּבוֺא כָל־יִשְׂרָאֵל לֵרָאוֺת
אֶת־פְּנֵי יְהוָה אֱלֹהֶיךָ בַּמָּקוֺם
אֲשֶׁר יִבְחָר תִּקְרָא אֶת־הַתּוֺרָה
הַזֺּאת נֶגֶד כָּל־יִשְׂרָאֵל בְּאָזְנֵיהֶם׃
Deut 31.12
הַקְהֵל אֶת־הָעָם הָאֲנָשִׁים וְהַנָּשִׁים
וְהַטַּף וְגֵרְךָ אֲשֶׁר בִּשְׁעָרֶיךָ
לְמַעַן יִשְׁמְעוּ וּלְמַעַן יִלְמְדוּ
וְיָרְאוּ אֶת־יְהוָה אֱהֵיכֶם וְשָׁמְרוְּ
לַעֲשׂוֺת אֶת־כָּל־דִּבְרֵי הַתּוֺרָה
הַזֺּאת׃
Deut 31.13
וּבְנֵיהֶם אֲשֶׁר לֹא־יָדְעוּ יִשְׁמְעוּ
וְלָמְדוּ לְיִרְאָה אֶת־יְהוָה
אֱלֹהֵיכֶם כָּל־הַיָּמִים אֲשֶׁר אַתֶּם
חַיִּים עַל־הָאֲדָמָה אֲשֶׁר תֶּם
עֹבְרִים אֶת־הַיַּרְדֵּן שָׁמָּה לְרִשְׁתָּהּ׃
ף
Deut 31.14
וַיֺּאמֶר יְהוָה אֶל־מֹשֶׁה הֵן
קָרְבוּ יָמֶיךָ לָמוּת קְרָא אֶת־יְהוֺשֻׁעַ
וְהִתְיַצְּבוּ בְּאֹהֶל מוֺעֵד וַאֲצַוֶּנּוּ
וַיֵּלֶך מֹשֶׁה וִיהוֺשֻׁעַ וַיִּתְיַצְּבוּ
בְּאֹהֶל מוֺעֵד׃
Deut 31.15
וַיֵּרָא יְהוָה בָּאֹהֶל בְּעַמּוּד
עָנָן וַיַּעֲמֹד עַמּוּד הֶעָנָן עַל־פֶּתַח
הָאֹהֶל׃ ס
Deut 31.16
וַיֺּאמֶר יְהוָה אֶל־מֹשֶׁה הִנְּךָ
שֹׁכֵב עִמ־אֲבֹתֶיךָ וְקָם הָעָם
הַזֶּה וְזָנָה אַחֲרֵי אֱלֹהֵי נֵכַר־הָאָרֶץ
אֲשֶׁר הוּא בָא־שָׁמָּהבְּקִרְבּוֺ
וַעֲזָבַנִי וְהֵפֵר אֶת־בְּרִיתִי
אֲשֶׁר כָּרַתִּי אִתּוֺ׃
Deut 31.17
וְחָרָה אַפִּי בוֺ בַיֺּומ־הַהוּא
וַעֲזַבְתִּים וְהִסְתַּרְתִּי פָנַי מֵהֶם
וְהָיָה לֶאֱכֹל וּמְצָאֻהוּ רָעוֺת
רַבּוֺת וְצָרוֺת וְאָמַר בַּיֺּם הַהוּא
הֲלֹא עַל כִּי־אֵין אֱלֹהַי בְּקִרְבִּי
מְצָאוּנִי הָרָעוֺת הָאֵלֶּה׃
Deut 31.18
וְאָנֺכִי הַסְתֵּר אַסְתִּיר פָּנַי
בַּיֺּום הַהוּא עַל כָּל־הָרָעָה
אֲשֶׁר עָשָׂה כִּי פָנָה אֶל־אֱלֹהִים
אֲחֵרִים׃
Deut 31.19
וְעַתָּה כִּתְבוּ לָכֶם אֶת־הַשִּׁירָה
הַזֺּאת וְלַמְּדָהּ אֶת־בְּנֵי־יִשְׂרָאֵל
שִׂימָהּ בְּפִיהֶם לְמַעַן תִּהְיֶה־לִּי
הַשִּׁירָה הַזֺּאת לְעֵד בִּבְנֵי
יִשְׂרָאֵל׃
Deut 31.20
כִּי־אֲבִיאֶנּוּ אֶל־הָאֲדָמָה אֲשֶׁר־נִשְׁבַּעְתִּי
לַאֲבֹתָיו זָבַת חָלָב וּדְבַשׁ
וְאָכַל וְשָׂבַע וְדָשֵׁן וּפָנָה אֶל־אֱלֹהִים
אֲחֵרִים וַבָדוּם וְנִאֲצוּנִי
וְהֵפֵר אֶת־בְּרִיתִי׃
Deut 31.21
וְהָיָה כִּי־תִמְצֶאןָ אֹתוֺ רָעוֺת
רַבּוֺת וְצָרוֺת וְעָנְתָה הַשִּׁירָה
הַזֺּאת לְפָנָיו לְעֵד כִּי לֹא
תִשָּׁכַח מִפִּי זַרְעוֺ כִּי יָדַתִּי
אֶת־יִצְרוֺ אֲשֶׁר הוּא עֹשֶׂה הַיֺּום
בְּטֶרֶם אֲבִיאֶנּוּ אֶל־הָאָרֶץ
אֲשֶׁר נִשְׁבָּעְתִּי׃
Deut 31.22
וַיִּכְתֹּב מֹשֶׁה אֶת־הַשִּׁירָה הַזֺּאת
בַּיֺּום הַהוּא וַיְלַמְּדָהּ אֶת־בְּנֵי
יִשְׂרָאֵל׃
Deut 31.23
וַיְצַו אֶת־יְהוֺשֻׁעַ בִּנ־נוּן
וַיֺּאמֶר חֲזַק וֶאֱמָץ כִּי אַתָּה
תָּבִיא אֶת־בְּנֵי יִשְׂרָאֵל אֶל־הָאָרֶץ
אֲשֶׁר־נִשְׁבַּעְתִּי לָהֶם וְאָנֺי
אֶהְיֶה עִמָּך׃
Deut 31.24
וַיְהִי כְּכַלּוֺת מֹשֶׁה לִכְתֹּב אֶת־דִּבְרֵי
הַתּוֺרָה־הַזֺּאת עַל־סֵפֶר עַד
תֻּמָּם׃
Deut 31.25
וַיְצַו מֹשֶׁה אֶת־הַלְוִיִּם נֺשְׂאֵיְ
אֲרוֺן בְּרִית־יְהוָה לֵאמֹר׃
Deut 31.26
לָקֹחַ אֵת סֵפֶר הַתּוֺרָה הַזֶּה
וְשַׂמְתֶּם אֹתוֺ מִצַּד אֲרוֺן בְּרִית־יְהוָה
אֱלֹהֵיכֶם וְהָיָה־שָׁם בְּךָ לְעֵד׃
Deut 31.27
כִּי אָנֺכִי יָדַעְתִּי אֶת־מֶרְיְךָ
וְאֶת־עָרְפְּךָ הַקָּשֶׁה הֵן בְּעוֺדֶנִּי
חַי עִמָּכֶם הַיֺּום מַמְרִים הֱיִתֶם
עִמ־יְהֹוָה וְאַף כִּי־חֲרֵי מוֺתִי׃
Deut 31.28
הַקְהִילוּ אֵלַי אֶת־כָּל־זִקְנֵי
שִׁבְטֵיכֶם וְשֹׁטְרֵיכֶם וַאֲדַבְּרָה
בְאָזְנֵיהֶם אֵת הַדְּבָרִים הָאֵלֶּה
וְאָעִידָה בָּם אֶת־הַשָּׁמַיִם וְאֶת־הָאָרֶץ׃
Deut 31.29
כִּי יָדַעְתִּי אַחֲרֵי מוֺתִי כִּי־הַשְׁחֵת
תַּשְׁחִתוּן וְסַרְתֶּם מִנ־הַדֶּרֶך
אֲשֶׁר צִוִּיתִי אֶתְכֶם וְקָרָאת
אֶתְכֶם הָרָעָה בְּאַחֲרִי הַיָּמִים
כִּי־תַעֲשׂוּ אֶת־הָרַע בְּעֵינֵי
יְהוָה לְהַכְעִיסוֺ בְּמַעֲשֵׂה יְדֵיכֶם׃
Deut 31.30
וַיְדַבֵּר מֹשֶׁה בְּאָזְנֵי כָּל־קְהַל
יִשְׂרָאֵל אֶת־דִּבְרֵי הַשִּׁירָה הַזֺּאת
עַד תֻּמָּם׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages