Deut 27

Teljes szövegű keresés

Deut 27
Deut 27.1
וַיְצַו מֹשֶׁה וְזִקְנֵי יִשְׂרָאֵל
אֶת־הָעָם לֵאמֹר שָׁמֹר אֶת־כָּל־הַמִּצְוָה
אֲשֶׁר אָנֺכִי מְצַוֶּה אֶתְכֶם הַיֺּום׃
Deut 27.2
וְהָיָה בַּיֺּום אֲשֶׁר תַּעַבְרוּ
אֶת־הַיַּרְדֵּן אֶל־הָאָרֶץ אֲשֶׁר־יְהוָה
אֱלֹהֶיךָ נֺתֵן לָך וַהֲקֵמֹתָ לְךָ
אֲבָנִים גְּדֹלוֺת וְשַׂדְתָּ תָם
בַּשִּׂיד׃
Deut 27.3
וְכָתַבְתָּ עֲלֵיהֶן אֶת־כָּל־דִּבְרֵי
הַתּוֺרָה הַזֺּאת בְּעָבְרֶךָ לְמַעַן
אֲשֶׁר תָּבֹא אֶל־הָאָרֶץ אֲשֶׁר־יְהוָה
אֱלֹהֶיךָ נֺתֵן לְךָ רֶץ זָבַת
חָלָב וּדְבַשׁ כַּאֲשֶׁר דִּבֶּר יְהוָה
אֱלֹהֵי־אֲבֹתֶיךָ לָך׃
Deut 27.4
וְהָיָה בְּעָבְרְכֶם אֶת־הַיַּרְדֵּן
תָּקִימוּ אֶת־הָאֲבָנִים הָאֵלֶּה
אֲשֶׁר אָנֺכִי מְצַוֶּה אֶתְכֶם הַיֺּום
בְּהַר עֵיבָל וְשַׂדְתָּ אוֺתָם בַּשִּׂיד׃
Deut 27.5
וּבָנִיתָ שָּׁם מִזְבֵּחַ לַיהוָה
אֱלֹהֶיךָ מִזְבַּח אֲבָנִים לֹא־תָנִיף
עֲלֵיהֶם בַּרְזֶל׃
Deut 27.6
אֲבָנִים שְׁלֵמוֺת תִּבְנֶה אֶת־מִזְבַּח
יְהוָה אֱלֹהֶיךָ וְהַעֲלִיתָ עָלָיו
עוֺלֹת לַיהוָה אֱלֹהֶיךָ׃
Deut 27.7
וְזָבַחְתָּ שְׁלָמִים וְאָכַלְתָּ שָּׁם
וְשָׂמַחְתָּ לִפְנֵי יְהוָה אֱלֹהֶיךָ׃
Deut 27.8
וְכָתַבְתָּ עַל־הָאֲבָנִים אֶת־כָּל־דִּבְרֵי
הַתּוֺרָה הַזֺּאת בַּאֵר הֵיטֵב׃
ס
Deut 27.9
וַיְדַבֵּר מֹשֶׁה וְהַכֹּהֲנִים הַלְוִיִּם
אֶל כָּל־יִשְׂרָאֵל לֵאמֹר הַסְכֵּת
וּשְׁמַע יִשְׂרָאֵל הַיֺּום הַזֶּה נִהְיֵיתָ
לְעָם לַיהוָה אֱלֹהֶךָ׃
Deut 27.10
וְשָׁמַעְתָּ בְּקוֺל יְהוָה אֱלֹהֶיךָ
וְעָשִׂיתָ אֶת־מִצְוֺתָקוְ וְאֶת־חֻקָּיו
אֲשֶׁר אָנֺכִי מְצַוְּךָ הַיֺּום׃
ס
Deut 27.11
וַיְצַו מֹשֶׁה אֶת־הָעָם בַּיֺּום
הַהוּא לֵאמֹר׃
Deut 27.12
אֵלֶּה יַעַמְדוּ לְבָרֵך אֶת־הָעָם
עַל־הַר גְּרִזִים בְּעָבְרְכֶם אֶת־הַיַּרְדֵּן
שִׁמְעוֺן וְלֵוִי וִיהוּדָה וְיִשָּׂשכָר
וְיֺוסֵף וּבִנְיָמִן׃
Deut 27.13
וְאֵלֶּה יַעַמְדוּ עַל־הַקְּלָלָה
בְּהַר עֵיבָל רְאוּבֵן גָּד וְאָשֵׁר
וּזְבוּלֻן דָּן וְנַפְתָּלִי׃
Deut 27.14
וְעָנוּ הַלְוִיִּם וְאָמְרוּ אֶל־כָּל־אִישׁ
יִשְׂרָאֵל קוֺל רָם׃ ס
Deut 27.15
אָרוּר הָאִישׁ אֲשֶׁר יַעֲשֶׂה פֶסֶל
וּמַסֵּכָה תּוֺעֲבַת יְהוָה מַעֲשֵׂה
יְדֵי חָרָשׁ וְשָׂם בַּסָּתֶר וְעָנוּ
כָל־הָעָם וְאָמְרוּ אָמֵן׃ ס
Deut 27.16
אָרוּר מַקְלֶה אָבִיו וְאִמּוֺ
וְאָמַר כָּל־הָעָם אָמֵן׃ ס
Deut 27.17
אָרוּר מַסִּיג גְּבוּל רֵעֵהוּ וְאָמַר
כָּל־הָעָם אָמֵן׃ ס
Deut 27.18
אָרוּר מַשְׁגֶּה עִוֵּר בַּדָּרֶך וְאָמַר
כָּל־הָעָם אָמֵן׃ ס
Deut 27.19
אָרוּר מַטֶּה מִשְׁפַּט גֵּר־יָתוֺם
וְאַלְמָנָה וְאָמַר כָּל־הָעָם אָמֵן׃
ס
Deut 27.20
אָרוּר שֹׁכֵב עִמ־אֵשֶׁת אָבִיו
כִּי גִלָּה כְּנַף אָבִיו וְאָמַר
כָּל־הָעָם אָמֵן׃ ס
Deut 27.21
אָרוּר שֹׁכֵב עִמ־כָּל־בְּהֵמָה וְאָמַר
כָּל־הָעָם אָמֵן׃ ס
Deut 27.22
אָרוּר שֹׁכֵב עִמ־אֲחֹתוֺ בַּת־אָבִיו
אוֺ בַת־אִמּוֺ וְאָמַר כָּל־הָעָם
אָמֵן׃ ס
Deut 27.23
אָרוּר שֹׁכֵב עִמ־חֹתַנְתּוֺ וְאָמַר
כָּל־הָעָם אָמֵן׃ ס
Deut 27.24
אָרוּר מַכֵּה רֵעֵהוּ בַּסָּתֶר וְאָמַר
כָּל־הָעָם אָמֵן׃ ס
Deut 27.25
אָרוּר לֹקֵחַ שֹׁחַד לְהַכּוֺת נֶפֶשׁ
דָּם נָקִי וְאָמַר כָּל־הָעָם אָמֵן׃
ס
Deut 27.26
אָרוּר אֲשֶׁר לֹא־יָקִים אֶת־דִּבְרֵי
הַתּוֺרָה־הַזֺּאת לַעֲשׂוֺת אוֺתָם
וְאָמַר כָּל־הָעָם אָמֵן׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages