Num 36

Teljes szövegű keresés

Num 36
Num 36.1
וַיִּקְרְבוּ רָאשֵׁי הָאָבוֺת לְמִשְׁפַּחַת
בְּנֵי־גִלְעָד בֶּנ־מָכִיר בֶּנ־מְנַשֶּׁה
מִמִּשְׁפְּחֹת בְּנֵי יֺוסֵף וַיְדַבְּרוּ
לִפְנֵי מֹשֶׁה וְלִפְנֵי הַנְּשִׂאִים
רָאשֵׁי אָבוֺת לִבְנֵי יִשְׂרָאֵל׃
Num 36.2
וַיֺּאמְרוּ אֶת־אֲדֹנִי צִוָּה יְהוָה
לָתֵת אֶת־הָאָרֶץ בְּנַחֲלָה בְּגֺורָל
לִבְנֵי יִשְׂרָאֵל וַאדֹנִי צֻוָּה
בַיהוָה לָתֵת אֶת־נַחֲלַת לָפְחָד
אָחִינוּ לִבְנֺתָיו׃
Num 36.3
וְהָיוּ לְאֶחָד מִבְּנֵי שִׁבְטֵי
בְנֵי־יִשְׂרָאֵל לְנָשִׁים וְנִגְרְעָה
נַחֲלָתָן מִנַּחֲלַת אֲבֹתֵינוּ וְנֺוסַף
עַל נַחֲלַת הַמַּטֶּה אֲשֶׁר תִּהְיֶינָה
לָהֶם וּמִגֺּרַל נַחֲלָתֵנוּ יִגָּרֵעַ׃
Num 36.4
וְאִמ־יִהְיֶה הַיֺּבֵל לִבְנֵי יִשְׂרָאֵל
וְנֺוסְפָה נַחֲלָתָן עַל נַחֲלַת
הַמַּטֶּה אֲשֶׁר תִּהְיֶינָה לָהֶם
וּמִנַּחֲלַת מַטֵּה אֲבֹתֵינוּיִגָּרַע
נַחֲלָתָן׃
Num 36.5
וַיְצַו מֹשֶׁה אֶת־בְּנֵי יִשְׂרָאֵל
עַל־פִּי יְהוָה לֵאמֹר כֵּן מַטֵּה
בְנֵי־יֺוסֵף דֹּבְרִים׃
Num 36.6
זֶה הַדָּבָר אֲשֶׁר־צִוָּה יְהוָה
לִבְנֺות צְלָפְחָד לֵאמֹר לַטּוֺב
בְּעֵינֵיהֶם תִּהְיֶינָה לְנָשִׁים
אַך לְמִשְׁפַּחַת מַטֵּה אֲבִיהֶם תִּהְיֶינָה
לְנָשִׁים׃
Num 36.7
וְלֹא־תִסֹּב נַחֲלָה לִבְנֵי יִשְׂרָאֵל
מִמַּטֶּה אֶל־מַטֶּה כִּי אִישׁ בְּנַחֲלַת
מַטֵּה אֲבֹתָיו יִדְבְּקוּ בְּנֵי
יִשְׂרָאֵל׃
Num 36.8
וְכָל־בַּת יֺרֶשֶׁת נַחֲלָה מִמַּטּוֺת
בְּנֵי יִשְׂרָאֵל לְאֶחָד מִמִּשְׁפַּחַת
מַטֵּה אָבִיהָ תִּהְיֶה לְאִשָּׁה לְמַעַן
יִירְשׁוּ בְּנֵי יִשְׂרָאֵל אִישׁ נַחֲלַת
אֲבֹתָיו׃
Num 36.9
וְלֹא־תִסֹּב נַחֲלָה מִמַּטֶּה לְמַטֶּה
אַחֵר כִּי־אִישׁ בְּנַחֲלָתוֺ יִדְבְּקוּ
מַטּוֺת בְּנֵי יִשְׂרָאֵל׃
Num 36.10
כַּאֲשֶׁר צִוָּה יְהוָה אֶת־מֹשֶׁה
כֵּן עָשׂוּ בְּנֺות צְלָפְחָד׃
Num 36.11
וַתִּהְיֶינָה מַחְלָה תִרְצָה וְחָגְלָה
וּמִלְכָּה וְנֺעָה בְּנֺות צְלָפְחָד
לִבְנֵי דֹדֵיהֶן לְנָשִׁים׃
Num 36.12
מִמִּשְׁפְּחֹת בְּנֵי־מְנַשֶּׁה בֶנ־יֺוסֵף
הָיוּ לְנָשִׁים וַתְּהִי נַחֲלָתָן
עַל־מַטֵּה מִשְׁפַּחַת אֲבִיהֶן׃
Num 36.13
אֵלֶּה הַמִּצְוֺת וְהַמִּשְׁפָּטִים אֲשֶׁר
צִוָּה יְהוָה בְּיַד־מֹשֶׁה אֶל־בְּנֵי
יִשְׂרָאֵל בְּעַרְבֹת מוֺאָב עַל יַרְדֵּן
יְרֵחוֺ׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages