Num 15

Teljes szövegű keresés

Num 15
Num 15.1
וַיְדַבֵּר יְהוָה אֶל־מֹשֶׁה לֵּאמֹר׃
Num 15.2
דַּבֵּר אֶל־בְּנֵי יִשְׂרָאֵל וְאָמַרְתָּ
אֲלֵהֶם כִּי תָבֹאוּ אֶל־אֶרֶץ מוֺשְׁבֹתֵיכֶם
אֲשֶׁר אֲנִי נֺתֵן לָכֶם׃
Num 15.3
וַעֲשִׂיתֶם אִשֶּׁה לַיהוָה עֹלָה
אוֺ־זֶבַח לְפַלֵּא־נֶדֶר אוֺ בִנְדָבָה
אוֺ בְּמֹעֲדֵיכֶם לַעֲשׂוֺת רֵיחַ
נִיחֹחַ לַיהוָה מִנ־הַבָּקָר אֹ
מִנ־הַצֹּאן׃
Num 15.4
וְהִקְרִיב הַמַּקְרִיב קָרְבָּנֺו לַיהוָה
מִנְחָה סֹלֶת עִשָּׂרוֺן בָּלוּל
בִּרְבִעִית הַהִין שָׁמֶן׃
Num 15.5
וְיַיִן לַנֶּסֶך רְבִיעִית הַהִין
תַּעֲשֶׂה עַל־הָעֹלָה אוֺ לַזָּבַח
לַכֶּבֶשׂ הָאֶחָד׃
Num 15.6
אוֺ לָאַיִל תַּעֲשֶׂה מִנְחָה סֹלֶת
שְׁנֵי עֶשְׂרֹנִים בְּלוּלָה בַשֶּׁמֶן
שְׁלִשִׁית הַהִין׃
Num 15.7
וְיַיִן לַנֶּסֶך שְׁלִשִׁית הַהִין
תַּקְרִיב רֵיחַ־נִיחֹחַ לַיהוָה׃
Num 15.8
וְכִי־תַעֲשֶׂה בֶנ־בָּקָר עֹלָה אוֺ־זָבַח
לְפַלֵּא־נֶדֶר אוֺ־שְׁלָמִים לַיהוָה׃
Num 15.9
וְהִקְרִיב עַל־בֶּנ־הַבָּקָר מִנְחָה
סֹלֶת שְׁלֹשָׁה עֶשְׂרֹנִים בָּלוּל
בַּשֶּׁמֶן חֲצִי הַהִין׃
Num 15.10
וְיַיִן תַּקְרִיב לַנֶּסֶך חֲצִי
הַהִין אִשֵּׁה רֵיחַ־נִיחֹחַ לַיהוָה׃
Num 15.11
כָּכָה יֵעָשֶׂה לַשּׁוֺר הָאֶחָד אוֺ
לָאַיִל הָאֶחָד אוֺ־לַשֶּׂה בַכְּבָשִׂים
אוֺ בָעִזִּים׃
Num 15.12
כַּמִּסְפָּר אֲשֶׁר תַּעֲשׂוּ כָּכָה תַּעֲשׂוּ
לָאֶחָד כְּמִסְפָּרָם׃
Num 15.13
כָּל־הָאֶזְרָח יַעֲשֶׂה־כָּכָה אֶת־אֵלֶּה
לְהַקְרִיב אִשֵּׁה רֵיחַ־נִיחֹחַ לַיהוָה׃
Num 15.14
וְכִי־יָגוּר אִתְּכֶם גֵּר אוֺ אֲשֶׁר־בְּתוֺכְכֶם
לְדֹרֹתֵיכֶם וְעָשָׂה אִשֵּׁה רֵיחַ־נִיחֹחַ
לַיהוָה כַּאֲשֶׁר תַּעֲשׂוּ כֵּן יַעֲשֶׂה׃
Num 15.15
הַקָּהָל חֻקָּה אַחַת לָכֶם וְלַגֵּר
הַגָּר חֻקַּת עוֺלָם לְדֹרֹתֵיכֶם
כָּכֶם כַּגֵּר יִהְיֶה לִפְנֵי יְהוָה׃
Num 15.16
תּוֺרָה אַחַת וּמִשְׁפָּט אֶחָד יִהְיֶה
לָכֶם וְלַגֵּר הַגָּר אִתְּכֶם׃ ף
Num 15.17
וַיְדַבֵּר יְהוָה אֶל־מֹשֶׁה לֵּאמֹר׃
Num 15.18
דַּבֵּר אֶל־בְּנֵי יִשְׂרָאֵל וְאָמַרְתָּ
אֲלֵהֶם בְּבֹאֲכֶם אֶל־הָאָרֶץ אֲשֶׁר
אֲנִי מֵבִיא אֶתְכֶם שָׁמָּה׃
Num 15.19
וְהָיָה בַּאֲכָלְכֶם מִלֶּחֶם הָאָרֶץ
תָּרִימוּ תְרוּמָה לַיהוָה׃
Num 15.20
רֵאשִׁית עֲרִסֹתֵכֶם חַלָּה תָּרִימוּ
תְרוּמָה כִּתְרוּמַת גֺּרֶן כֵּן
תָּרִימוּ אֹתָהּ׃
Num 15.21
מֵרֵאשִׁית עֲרִסֹתֵיכֶם תִּתְּנוּ לַיהוָה
תְּרוּמָה לְדֹרֹתֵיכֶם׃ ס
Num 15.22
וְכִי תִשְׁגּוּ וְלֹא תַעֲשׂוּ אֵת
כָּל־הַמִּצְוֺת הָאֵלֶּה אֲשֶׁר־דִּבֶּר
יְהוָה אֶל־מֹשֶׁה׃
Num 15.23
אֵת כָּל־אֲשֶׁר צִוָּה יְהוָה אֲלֵיכֶם
בְּיַד־מֹשֶׁה מִנ־הַיֺּום אֲשֶׁר צִוָּה
יְהוָה וָהָלְאָה לְדֹרֹתֵיכֶם׃
Num 15.24
וְהָיָה אִם מֵעֵינֵי הָעֵדָה נֶעֶשְׂתָה
לִשְׁגָגָה וְעָשׂוּ כָל־הָעֵדָה פַּר
בֶּנ־בָּקָר אֶחָד לְעֹלָה לְרֵיחַ
נִיחֹחַ לַיהוָה וּמִנְחָתוֺ וְנִכּוֺ
כַּמִּשְׁפָּט וּשְׂעִיר־עִזִּים אֶחָד
לְחַטָּת׃
Num 15.25
וְכִפֶּר הַכֹּהֵן עַל־כָּל־עֲדַת בְּנֵי
יִשְׂרָאֵל וְנִסְלַח לָהֶם כִּי־שְׁגָגָה
הִוא וְהֵם הֵבִיאוּ אֶת־קָרְבָּנָם
אִשֶּׁה לַיהוָה וְחַטָּאתָמלִפְנֵי
יְהוָה עַל־שִׁגְגָתָם׃
Num 15.26
וְנִסְלַח לְכָל־עֲדַת בְּנֵי יִשְׂרָאֵל
וְלַגֵּר הַגָּר בְּתוֺכָם כִּי לְכָל־הָעָם
בִּשְׁגָגָה׃ ס
Num 15.27
וְאִמ־נֶפֶשׁ אַחַת תֶּחֱטָא בִשְׁגָגָה
וְהִקְרִיבָה עֵז בַּת־שְׁנָתָהּ לְחַטָּאת׃
Num 15.28
וְכִפֶּר הַכֹּהֵן עַל־הַנֶּפֶשׁ הַשֹּׁגֶגֶת
בְּחֶטְאָה בִשְׁגָגָה לִפְנֵי יְהוָה
לְכַפֵּר עָלָיו וְנִסְלַח לוֺ׃
Num 15.29
הָאֶזְרָח בִּבְנֵי יִשְׂרָאֵל וְלַגֵּר
הַגָּר בְּתוֺכָם תּוֺרָה אַחַת יִהְיֶה
לָכֶם לָעֹשֶׂה בִּשְׁגָגָה׃
Num 15.30
וְהַנֶּפֶשׁ אֲשֶׁר־תַּעֲשֶׂה בְּיָד רָמָה
מִנ־הָאֶזְרָח וּמִנ־הַגֵּר אֶת־יְהוָה
הוּא מְגַדֵּף וְנִכְרְתָה הַנֶּפֶשׁ
הַהִוא מִקֶּרֶב עַמָּהּ׃
Num 15.31
כִּי דְבַר־יְהוָה בָּזָה וְאֶת־מִצְוָתוֺ
הֵפַר הִכָּרֵת תִּכָּרֵת הַנֶּפֶשׁ הַהִוא
עֲוֺנָה בָהּ׃ ף
Num 15.32
וַיִּהְיוּ בְנֵי־יִשְׂרָאֵל בַּמִּדְבָּר
וַיִּמְצְאוּ אִישׁ מְקֹשֵׁשׁ עֵצִים
בְּיֺום הַשַּׁבָּת׃
Num 15.33
וַיַּקְרִיבוּ אֹתוֺ הַמֹּצְאִים אֹתוֺ
מְקֹשֵׁשׁ עֵצִים אֶל־מֹשֶׁה וְאֶל־אַהֲרֹן
וְאֶל כָּל־הָעֵדָה׃
Num 15.34
וַיַּנִּיחוּ אֹתוֺ בַּמִּשְׁמָר כִּי לֹא
פֹרַשׁ מַה־יֵּעָשֶׂה לוֺ׃ ס
Num 15.35
וַיֺּאמֶר יְהוָה אֶל־מֹשֶׁה מוֺת
יוּמַת הָאִישׁ רָגֺום אֹתוֺ בָאֲבָנִים
כָּל־הָעֵדָה מִחוּץ לַמַּחֲנֶה׃
Num 15.36
וַיֺּצִיאוּ אֹתוֺ כָּל־הָעֵדָה אֶל־מִחוּץ
לַמַּחֲנֶה וַיִּרְגְּמוּ אֹתוֺ בָּאֲבָנִים
וַיָּמֹת כַּאֲשֶׁר צִוָּה יְהוָה אֶת־מֹשֶׁה׃
ף
Num 15.37
וַיֺּאמֶר יְהוָה אֶל־מֹשֶׁה לֵּאמֹר׃
Num 15.38
דַּבֵּר אֶל־בְּנֵי יִשְׂרָאֵל וְאָמַרְתָּ
אֲלֵהֶם וְעָשׂוּ לָהֶם צִיצִת עַל־כַּנְפֵי
בִגְדֵיהֶם לְדֹרֹתָם וְנָתְנוּ עַל־צִיצִת
הַכָּנָף פְּתִיל כֵלֶת׃
Num 15.39
וְהָיָה לָכֶם לְצִיצִת וּרְאִיתֶם
אֹתוֺ וּזְכַרְתֶּם אֶת־כָּל־מִצְוֺת
יְהוָה וַעֲשִׂיתֶם אֹתָם וְלֹא־תָתֻרוּ
אַחֲרֵי לְבַבְכֶם וְאַחֲרֵי עֵינֵיכֶם
אֲשֶׁר־אַתֶּם זֺנִים אַחֲרֵיהֶם׃
Num 15.40
לְמַעַן תִּזְכְּרוּ וַעֲשִׂיתֶם אֶת־כָּל־מִצְוֺתָי
וִהְיִיתֶם קְדֹשִׁים לֵאלֹהֵיכֶם׃
Num 15.41
אֲנִי יְהוָה אֱלֹהֵיכֶם אֲשֶׁר הוֺצֵאתִי
אֶתְכֶם מֵאֶרֶץ מִצְרַיִם לִהְיֺות
לָכֶם לֵאלֹהִים אֲנִי יְהוָה אֱלֹהֵיכֶם׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages