Num 10

Teljes szövegű keresés

Num 10
Num 10.1
וַיְדַבֵּר יְהוָה אֶל־מֹשֶׁה לֵּאמֹר׃
Num 10.2
עֲשֵׂה לְךָ שְׁתֵּי חֲצוֺצְרֹת כֶּסֶף
מִקְשָׁה תַּעֲשֶׂה אֹתָם וְהָיוּ לְךָ
לְמִקְרָא הָעֵדָה וּלְמַסַּע אֶת־הַמַּחֲנֺות׃
Num 10.3
וְתָקְעוּ בָּהֵן וְנֺועֲדוּ אֵלֶיךָ
כָּל־הָעֵדָה אֶל־פֶּתַח אֹהֶל מוֺעֵד׃
Num 10.4
וְאִמ־בְּאַחַת יִתְקָעוּ וְנֺועֲדוּ
אֵלֶיךָ הַנְּשִׂיאִים רָאשֵׁי אַלְפֵי
יִשְׂרָאֵל׃
Num 10.5
וּתְקַעְתֶּם תְּרוּעָה וְנָסְעוּ הַמַּחֲנֺות
הַחֹנִים קֵדְמָה׃
Num 10.6
וּתְקַעְתֶּם תְּרוּעָה שֵׁנִית וְנָסְעוּ
הַמַּחֲנֺות הַחֹנִים תֵּימָנָה תְּרוּעָה
יִתְקְעוּ לְמַסְעֵיהֶם׃
Num 10.7
וּבְהַקְהִיל אֶת־הַקָּהָל תִּתְקְעוּ
וְלֹא תָרִיעוּ׃
Num 10.8
וּבְנֵי אַהֲרֹן הַכֹּהֲנִים יִתְקְעוּ
בַּחֲצֹצְרוֺת וְהָיוּ לָכֶם לְחֻקַּת
עוֺלָם לְדֹרֹתֵיכֶם׃
Num 10.9
וְכִי־תָבֹאוּ מִלְחָמָה בְּאַרְצְכֶם
עַל־הַצַּר הַצֹּרֵר אֶתְכֶם וַהֲרֵעֹתֶם
בַּחֲצֹצְרוֺת וְַנִזְכַּרְתֶּם לִפְנֵי
יְהוָה אֱלֹהֵיכֶם וְנֺושַׁעְם מֵאֹיְבֵיכֶם׃
Num 10.10
וּבְיֺום שִׂמְחַתְכֶם וּבְמוֺעֲדֵיכֶם
וּבְרָאשֵׁי חָדְשֵׁיכֶם וּתְקַעְתֶּם
בַּחֲצֹצְרֹת עַל עֹלֹתֵיכֶם וְעַל
זִבְחֵי שַׁלְמֵיכֶם וְהָיוּ לָכֶם
לְזִכָּרוֺן לִפְנֵי אֱלֹהֵיכֶם אֲנִי
יְהוָה אֱלֹהֵיכֶם׃ ף
Num 10.11
וַיְהִי בַּשָּׁנָה הַשֵּׁנִית בַּחֹדֶשׁ
הַשֵּׁנִי בְּעֶשְׂרִים בַּחֹדֶשׁ נַעֲלָה
הֶעָנָן מֵעַל מִשְׁכַּן הָעֵדֻת׃
Num 10.12
וַיִּסְעוּ בְנֵי־יִשְׂרָאֵל לְמַסְעֵיהֶם
מִמִּדְבַּר סִינָי וַיִּשְׁכֹּן הֶעָנָן
בְּמִדְבַּר פָּארָן׃
Num 10.13
וַיִּסְעוּ בָּרִאשֹׁנָה עַל־פִּי יְהוָה
בְּיַד־מֹשֶׁה׃
Num 10.14
וַיִּסַּע דֶּגֶל מַחֲנֵה בְנֵי־יְהוּדָה
בָּרִאשֹׁנָה לְצִבְאֹתָם וְעַל־צְבָאוֺ
נַחְשׁוֺן בֶּנ־עַמִּינָדָב׃
Num 10.15
וְעַל־צְבָא מַטֵּה בְּנֵי יִשָׂשכָר
נְתַנְאֵל בֶּנ־צוּעָר׃
Num 10.16
וְעַל־צְבָא מַטֵּה בְּנֵי זְבוּלֻן
אֱלִיאָב בֶּנ־חֵלוֺן׃
Num 10.17
וְהוּרַד הַמִּשְׁכָּן וְנָסְעוּ בְנֵי־גֵרְשׁוֺן
וּבְנֵי מְרָרִי נֺשְׂאֵי הַמִּשְׁכָּן׃
ס
Num 10.18
וְנָסַע דֶּגֶל מַחֲנֵה רְאוּבֵן
לְצִבְאֹתָם וְעַל־צְבָאוֺ אֱלִיצוּר
בֶּנ־שְׁדֵיאוּר׃
Num 10.19
וְעַל־צְבָא מַטֵּה בְּנֵי שִׁמְעוֺן
שְׁלֻמִיאֵל בֶּנ־צוּרִי שַׁדָּי׃
Num 10.20
וְעַל־צְבָא מַטֵּה בְנֵי־גָד אֶלְיָסָף
בֶּנ־דְּעוּאֵל׃
Num 10.21
וְנָסְעוּ הַקְּהָתִים נֺשְׂאֵי הַמִּקְדָּשׁ
וְהֵקִימוּ אֶת־הַמִּשְׁכָּן עַד־בֹּאָם׃
ס
Num 10.22
וְנָסַע דֶּגֶל מַחֲנֵה בְנֵי־אֶפְרַיִם
לְצִבְאֹתָם וְעַל־צְבָאוֺ אֱלִישָׁמָע
בֶּנ־עַמִּיהוּד׃
Num 10.23
וְעַל־צְבָא מַטֵּה בְּנֵי מְנַשֶּׁה
גַּמְלִיאֵל בֶּנ־פְּדָה־צוּר׃
Num 10.24
וְעַל־צְבָא מַטֵּה בְּנֵי בִנְיָמִן
אֲבִידָן בֶּנ־גִּדְעוֺנִי׃ ס
Num 10.25
וְנָסַע דֶּגֶל מַחֲנֵה בְנֵי־דָן
מְאַסֵּף לְכָל־הַמַּחֲנֺת לְצִבְאֹתָם
וְעַל־צְבָאוֺ אֲחִיעֶזֶר בֶּנ־עַמִּישַׁדָּי׃
Num 10.26
וְעַל־צְבָא מַטֵּה בְּנֵי אָשֵׁר
פַּגְעִיאֵל בֶּנ־עָכְרָן׃
Num 10.27
וְעַל־צְבָא מַטֵּה בְּנֵי נַפְתָּלִי
אֲחִירַע בֶּנ־עֵינָן׃
Num 10.28
אֵלֶּה מַסְעֵי בְנֵי־יִשְׂרָאֵל לְצִבְאֹתָם
וַיִּסָּעוּ׃ ס
Num 10.29
וַיֺּאמֶר מֹשֶׁה לְחֹבָב בֶּנ־רְעוּאֵל
הַמִּדְיָנִי חֹתֵן מֹשֶׁה נֺסְעִים
אֲנַחְנוּ אֶל־הַמָּקוֺם אֲשֶׁר אָמַר
יְהוָה אֹתוֺ אֶתֵּן לָכֶם לְכָה
אִתָּנוּ וְהֵטַבְנוּ לָך כִּי־יְהוָה
דִּבֶּר־טוֺב עַל־יִשְׂרָאֵל׃
Num 10.30
וַיֺּאמֶר אֵלָיו לֹא אֵלֵך כִּי
אִמ־אֶל־אַרְצִי וְאֶל־מוֺלַדְתִּי
אֵלֵך׃
Num 10.31
וַיֺּאמֶר אַל־נָא תַּעֲזֺב אֹתָנוּ
כִּי עַל־כֵּן יָדַעְתָּ חֲנֺתֵנוּ בַּמִּדְבָּר
וְהָיִיתָ לָּנוּ לְעֵינָיִם׃
Num 10.32
וְהָיָה כִּי־תֵלֵך עִמָּנוּ וְהָיָה
הַטּוֺב הַהוּא אֲשֶׁר יֵיטִיב יְהוָה
עִמָּנוּ וְהֵטַבְנוּ לָך׃
Num 10.33
וַיִּסְעוּ מֵהַר יְהוָה דֶּרֶך שְׁלֹשֶׁת
יָמִים וַאֲרוֺן בְּרִית־יְהוָה
נֺסֵעַ לִפְנֵיהֶם דֶּרֶך שְׁלֹשֶׁת
יָמִים לָתוּר לָהֶם מְנוּחָה׃
Num 10.34
וַעֲנַן יְהוָה עֲלֵיהֶם יֺומָם
בְּנָסְעָם מִנ־הַמַּחֲנֶה׃ ן ס
Num 10.35
וַיְהִי בִּנְסֹעַ הָאָרֹן וַיֺּאמֶר
מֹשֶׁה קוּמָה יְהוָה וְיָפֻצוּ
אֹיְבֶיךָ וְיָנֻסוּ מְשַׂנְאֶיךָ מִפָּנֶיךָ׃
Num 10.36
וּבְנֻחֹה יֺאמַר שׁוּבָה יְהוָה
רִבְבוֺת אַלְפֵי יִשְׂרָאֵל׃ ן ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages