Lev 22

Teljes szövegű keresés

Lev 22
Lev 22.1
וַיְדַבֵּר יְהוָה אֶל־מֹשֶׁה לֵּאמֹר׃
Lev 22.2
דַּבֵּר אֶל־אַהֲרֹן וְאֶל־בָּנָיו
וְיִנָּזְרוּ מִקָּדְשֵׁי בְנֵי־יִשְׂרָאֵל
וְלֹא יְחַלְּלוּ אֶת־שֵׁם קָדְשִׁי
אֲשֶׁר הֵם מַקְדִּשִׁים לִי אֲנִייְהוָה׃
Lev 22.3
אֱמֹר אֲלֵהֶם לְדֹרֹתֵיכֶם כָּל־אִישׁ
אֲשֶׁר־יִקְרַב מִכָּל־זַרְעֲכֶם אֶל־הַקֳּדָשִׁים
אֲשֶׁר יַקְדִּישׁוּ בְנֵי־יִשְׂרָאֵל
לַיהוָה וְטֻמְאָתוֺ לָיו וְנִכְרְתָה
הַנֶּפֶשׁ הַהִוא מִלְּפָנַי אֲנִי יְהוָה׃
Lev 22.4
אִישׁ אִישׁ מִזֶּרַע אַהֲרֹן וְהוּא
צָרוּעַ אוֺ זָב בַּקֳּדָשִׁים לֹא
יֺאכַל עַד אֲשֶׁר יִטְהָר וְהַנֺּגֵעַ
בְּכָל־טְמֵא־נֶפֶשׁ אוֺ אִישׁ שֶׁר־תֵּצֵא
מִמֶּנּוּ שִׁכְבַת־זָרַע׃
Lev 22.5
אוֺ־אִישׁ אֲשֶׁר יִגַּע בְּכָל־שֶׁרֶץ
אֲשֶׁר יִטְמָא־לוֺ אוֺ בְאָדָם אֲשֶׁר
יִטְמָא־לוֺ לְכֹל טֻמְאָתוֺ׃
Lev 22.6
נֶפֶשׁ אֲשֶׁר תִּגַּע־בּוֺ וְטָמְאָה
עַד־הָעָרֶב וְלֹא יֺאכַל מִנ־הַקֳּדָשִׁים
כִּי אִמ־רָחַץ בְּשָׂרוֺ בַּמָּיִם׃
Lev 22.7
וּבָא הַשֶּׁמֶשׁ וְטָהֵר וְאַחַר יֺאכַל
מִנ־הַקֳּדָשִׁים כִּי לַחְמוֺ הוּא׃
Lev 22.8
נְבֵלָה וּטְרֵפָה לֹא יֺאכַל לְטָמְאָה־בָהּ
אֲנִי יְהוָה׃
Lev 22.9
וְשָׁמְרוּ אֶת־מִשְׁמַרְתִּי וְלֹא־יִשְׂאוּ
עָלָיו חֵטְא וּמֵתוּ בוֺ כִּי
יְחַלְּלֻהוּ אֲנִי יְהוָה מְקַדְּשָׁם׃
Lev 22.10
וְכָל־זָר לֹא־יֺאכַל קֹדֶשׁ תּוֺשַׁב
כֹּהֵן וְשָׂכִיר לֹא־יֺאכַל קֹדֶשׁ׃
Lev 22.11
וְכֹהֵן כִּי־יִקְנֶה נֶפֶשׁ קִנְיַן
כַּסְפּוֺ הוּא יֺאכַל בּוֺ וִילִיד
בֵּיתוֺ הֵם יֺאכְלוּ בְלַחְמוֺ׃
Lev 22.12
וּבַת־כֹּהֵן כִּי תִהְיֶה לְאִישׁ
זָר הִוא בִּתְרוּמַת הַקֳּדָשִׁים
לֹא תֹאכֵל׃
Lev 22.13
וּבַת־כֹּהֵן כִּי תִהְיֶה אַלְמָנָה
וּגְרוּשָׁה וְזֶרַע אֵין לָהּ וְשָׁבָה
אֶל־בֵּית אָבִיהָ כִּנְעוּרֶיהָ
מִלֶּחֶם אָבִיהָ תֹּאכֵל וְכָל־זָר
לֹאיֺאכַל בּוֺ׃ ס
Lev 22.14
וְאִישׁ כִּי־יֺאכַל קֹדֶשׁ בִּשְׁגָגָה
וְיָסַף חֲמִשִׁיתוֺ עָלָיו וְנָתַן
לַכֹּהֵן אֶת־הַקֹּדֶשׁ׃
Lev 22.15
וְלֹא יְחַלְּלוּ אֶת־קָדְשֵׁי בְּנֵי
יִשְׂרָאֵל אֵת אֲשֶׁר־יָרִימוּ לַיהוָה׃
Lev 22.16
וְהִשִּׂיאוּ אוֺתָם עֲוֺן אַשְׁמָה
בְּאָכְלָם אֶת־קָדְשֵׁיהֶם כִּי אֲנִי
יְהוָה מְקַדְּשָׁם׃ ף
Lev 22.17
וַיְדַבֵּר יְהוָה אֶל־מֹשֶׁה לֵּאמֹר׃
Lev 22.18
דַּבֵּר אֶל־אַהֲרֹן וְאֶל־בָּנָיו
וְאֶל כָּל־בְּנֵי יִשְׂרָאֵל וְאָמַרְתָּ
אֲלֵהֶם אִישׁ אִישׁ מִבֵּית יִשְׂרָאֵל
וּמִנ־הַגֵּר בְּיִשְׂרָאֵל אֲשֶׁר יַקְרִיב
קָרְבָּנֺו לְכָל־נִדְרֵיהֶם וּלְכָל־נִדְבוֺתָם
אֲשֶׁר־יַקְרִיבוּ לַיהוָה לְעֹלָה׃
Lev 22.19
לִרְצֹנְכֶם תָּמִים זָכָר בַּבָּקָר
בַּכְּשָׂבִים וּבָעִזִּים׃
Lev 22.20
כֹּל אֲשֶׁר־בּוֺ מוּם לֹא תַקְרִיבוּ
כִּי־לֹא לְרָצוֺן יִהְיֶה לָכֶם׃
Lev 22.21
וְאִישׁ כִּי־יַקְרִיב זֶבַח־שְׁלָמִים
לַיהוָה לְפַלֵּא־נֶדֶר אוֺ לִנְדָבָה
בַּבָּקָר אוֺ בַצֹּאן תָּמִים יִהְיֶה
לְרָצוֺן כָּל־מוּם לֹא יִהְיֶ־בּוֺ׃
Lev 22.22
עַוֶּרֶת אוֺ שָׁבוּר אוֺ־חָרוּץ
אוֺ־יַבֶּלֶת אוֺ גָרָב אוֺ יַלֶּפֶת
לֹא־תַקְרִיבוּ אֵלֶּה לַיהוָה
וְאִשֶּׁה לֹא־תִתְּנוּ מֵהֶם עַל־הַמִּזְבֵּחַ
לַהוָה׃
Lev 22.23
וְשׁוֺר וָשֶׂה שָׂרוּעַ וְקָלוּט
נְדָבָה תַּעֲשֶׂה אֹתוֺ וּלְנֵדֶר לֹא
יֵרָצֶה׃
Lev 22.24
וּמָעוּך וְכָתוּת וְנָתוּק וְכָרוּת
לֹא תַקְרִיבוּ לַיהוָה וּבְאַרְצְכֶם
לֹא תַעֲשׂוּ׃
Lev 22.25
וּמִיַּד בֶּנ־נֵכָר לֹא תַקְרִיבוּ
אֶת־לֶחֶם אֱלֹהֵיכֶם מִכָּל־אֵלֶּה
כִּי מָשְׁחָתָם בָּהֶם מוּם בָּם
לֹא יֵרָצוּ לָכֶם׃ ף
Lev 22.26
וַיְדַבֵּר יְהוָה אֶל־מֹשֶׁה לֵּאמֹר׃
Lev 22.27
שׁוֺר אוֺ־כֶשֶׂב אוֺ־עֵז כִּי יִוָּלֵד
וְהָיָה שִׁבְעַת יָמִים תַּחַת אִמּוֺ
וּמִיֺּום הַשְּׁמִינִי וָהָלְאָה יֵרָצֶה
לְקָרְבַּן אִשֶּׁה לַיהוָה׃
Lev 22.28
וְשׁוֺר אוֺ־שֶׂה אֹתוֺ וְאֶת־בְּנֺו
לֹא תִשְׁחֲטוּ בְּיֺום אֶחָד׃
Lev 22.29
וְכִי־תִזְבְּחוּ זֶבַח־תּוֺדָה לַיהוָה
לִרְצֹנְכֶם תִּזְבָּחוּ׃
Lev 22.30
בַּיֺּום הַהוּא יֵאָכֵל לֹא־תוֺתִירוּ
מִמֶּנּוּ עַד־בֹּקֶר אֲנִי יְהוָה׃
Lev 22.31
וּשְׁמַרְתֶּם מִצְוֺתַי וַעֲשִׂיתֶם
אֹתָם אֲנִי יְהוָה׃
Lev 22.32
וְלֹא תְחַלְּלוּ אֶת־שֵׁם קָדְשִׁי
וְנִקְדַּשְׁתִּי בְּתוֺך בְּנֵי יִשְׂרָאֵל
אֲנִי יְהוָה מְקַדִּשְׁכֶם׃
Lev 22.33
הַמּוֺצִיא אֶתְכֶם מֵאֶרֶץ מִצְרַיִם
לִהְיֺות לָכֶם לֵאלֹהִים אֲנִי
יְהוָה׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages